#1  
قديم 08/04/2007, 08:37 PM
موقوف
تاريخ التسجيل: 11/10/2005
مشاركات: 99
رســــآئـــــل من مـــحــب هلالــــــــــــــي



السلام عليكم ورحمة الله وبركاته



آولا انا ما الومكم على الكلام اللي تقولونه وعلى التعليقات اللي طلعت منكم

لآن هاذي مباراة مئهله على بطوله ماتحتااج كثرة اخطاء



بالنسبه لـ نـواف التميــاط

نواف لاعب كبير وصاحب اللقاب لاتنسـى ..

لكن بالمستوى اللي يقدمه للهلال الحين ايام سوري نواف الاحتياط او الاعتزال احسن لك حبيبي

وحلال عليك الـ 6.000.000 بس ريحنـا ولا تحرق اعصابنا فوق اللازم ياخوي

انا ادري ممكن يزعلون مني بعض الاعضاء لاني قسيت بكلامي على نواف

لكن انا هلالي منكم وفيكم واكيد اني ما انسى ماضي نواف لآنه من الصعب نسيانه ولكن الحق حق

ولكل مجتهدا نصيب .. صح والا لا

احنا تهمنا مصلحة الهلال قبـل كل شي وتهمنا سمعتنا بين الجماهير السعوديه او الجماهير الاسيويه عامتنا

طيب اخواني شوفوا لعب نواف امس كيف كان .. بالله عليكم هاذا لعب واحد محترف

والله العظيم لو ندخل واحد ماعنده لياقه خير شر انه يفت ويبدع اكثر من نواف


نـواف .. احنا ماننسى ماضيـك ولا ننسى الي سويته للهلال

بس لحد هنا وكافيه .. قلت اصبروا علي وصبرنا وماشفنا منك شي للان

اذا يهمك مستقبل الهلال ابدع من اجله وتالق

واذا ماتقدر وبسبب الاصابه انا انصحك تعتزل عشان ماتخسر جمهورك اللي يحبونك

لآنك الان وبالشكل هاذا قاعد تخسرهم واحد واحد وانت ماتشعر ,, والله يوفقك ان شاء الله




وبالنسبه لـ سآمي الجـابر

كلنا زعلنا على سامي وقت المباراه وشفنا منه شي ماسرنا للاسف

وكلنا ننتقده ونلومه ..

ولكن ليه توصل لدرجة انى طالبه بالاعتزال ..

حبيبي ركز شوي سامي ماقصر معنا مع كبر سنه .. نشوف فيه روح الحماس والاندفااع

حاول يبحث عن شي يقدمه ومع كبر سنه

ويحاول ايضا انه يحصل على الكوره بشكل غير طبيعي عكس حبيب البي نواف التمياط

يعني لاتظلمون سامي عشان مباراه وحده تذكرو قبل فتره وش سوى مع الفيصلي ولاتنسون ( الحزم )

والتواقيع اللي سويناها عشانه ( سامي انت نبض الهلال ) و ( على كل سياره نشوف صورة سامي )

والحين عشانه ندخل بوقت محرج او سقط لفتره بسيطه جنا نطالبه بالاعتزال

طيب خلونا نعطي سامي فرصه زي ما اعطيناها لـ خويه نواف التمياط ونشوف ممكن يقدم الافضل

وانا متاكد ان سامي مايخذل جمهوره ..



وبالنسبه لـ الشلهـوب

اااخ يالشلهوب والله مبدع وموهوب

لكن وين الابداع اللي عودتنا عليه ووين التصليحات اللي تهتز قلوبنا لهاا

محمد ماقصر يا اخوان ونشوف منه لمسات مره خطيره

ويكفي انى شفناه يقوم بدور دفاعي بالمبارة مع الاهلي

وطبعا هذا من قرارات باكيتا اللي بيدهورنا..

صدقوني محمد تحفه وسوف تعود بقوه في الايام القادمه وحرام انى نضيعهاا ..



وبالنسبه لـ ياسر القحطاني

وش اقول وش اخلي ..

لآعب فنان يابو سعيييييييييييد .. وماتقصر لـ ناديك الموج الازرق

وابدعت بالمباره والكل يشهد لك وانا متاكد لو انهم ماطلعوك

كنا راح نشوف شي يعيد المباراه لوضعها لكن خيرها بغيرها

ونشوف ان شاء الله ياسر بالمستوى اللي عودنا عليه



وبالنسبه لـ الفان

انا اقول لو يحجزون له تذكره ويعطونه اياها احسن له والله

بالله في مهااجم بقدراته يواجه المرمى ويكون مكشوف قدامه

يروح ويشوت الكوره برى ..

يآحبيبي هاذا ولا بالدوري الهندي صارت

الفان صفقه ببدايتها ابدعتنا ولكن الحين المستى نازل

لو يبعدونه عنى والله احسن بكثير لآن البدلاء واجد ياحبيبي

فيه سعود السلطاان وفيه الصويلح واتوقع هالاسمين ماهم سهلين السرعه موجوده ماشاء الله

والمروغه ايضا موجوده والبنيه الجسمانيه اللهم صلي ع النبي وش تبي بعد اكثر من كذا مهااجمين




وبالنسبه لـ آحمد خليل

شكيت وقتها انه مع الاهلي :p

وين يابو الشباب قدام مرمااك وتمر الكوره من قدامك زي السلام يا باشه

وتتركهاا تروح لـ اخطر لاعب وانت عارف هالشي

بصرآحه مع احترامي لخليل لو انهم مجلسينه على دكة الاحتياط اصرف له

ومدخلين المرشدي بداله والله كان ماشفنا اللي شفناهـ

تصدقون من بعد الهدف حسيت بقيمة المفرج مع انه نكبه ويجيب العيد احيان

بس والله مايقصر



وبالنسبه لـ الغامدي


والله احلى تحيه تقدم لك واحلى شكر يزف لك يافنان

مع وجود خلافات بينه وبين الاداره

الا انه ماقصر بالمباراه واداها بشكل رااااااااااااااااااائع

ويستاهل اللي يبه والله ;)



وبالنسبه لـ التااائب


ياااااااااااااااااااااابعد قلبي والله يالتائب

من جد انت صفقه رااااابحه جدا للهلال ومبدع كروي اي فريق يحلم فيه

اتمنى والله لو فيه عقد مئبد مع لاعب اتمنى ان الاداره تعرضه على التائب ويكون للهلال وبس

ولو بـ بليون الملاين يستاهل طارق




وبالنسبه لـ الدعيع

برآفو محمد والله ابدعت بالحراسه وتالقت

وصدقت يوم قلت ( والـــــــــلــــــــــه حــــــــــــــــــــرآم ) من جد حرام

وين الاداره ماتكرم انسان مثل محمد



وبالنسبه لـ عزيز و العنقري و تفاريس

ماقصرتوا والله ..

ولكن التركيز مطلوب بشكل اكبر ..

يعني المفروض تمسيكم ومراقبتكم لـ مالك معاذ تكون بالشكل الاكبر من كذا

او اي لاعب مهاجم بالاسلوب المراوغ

يعني بآخر الدقايق شفنا روح زعلانه تطلع جماهيرها بالشكل هذا

بس لو ان هالروح جايه من بعد خروج التائب كان ما صار اللي صار ..







وبالنسبه لـ الجماهيـــــــــر

ماقصرتوا يا لاعبينا الاساين ويا اصحاب الفنيله رقم ( 0 )

ولو انهم قالو المباراه فيها 5000 تذكره مجانيه

ويوم رحنا ولا كانهم قايلين شي ساحبين علينا وصرنا مثل الحجاج عند باب الحرم واقفين

كل واحد يناظر الثاني ..

يعني الجمهور جاء بكثافه على الخبر اللي نزل بالجريده ان فيه 5000تذكره مجانيه ويوم وصلنا

قالو ماوصلنا اي خبر عن هاذا الموضوع

ودخل اللي دبر نفسه .. وراح اللي جاء على الخبر والله يسامح من كان السبب





اما بالنسبه لـ اعضاء هاذا النادي العريق


اشكركم على حماسكم بالكلام وانا اسف على الاطاله

ولكن حبيت ابدي مافي قلبي واشاهد تعليقاتكم الرائعه وانا متقبلها بكل صدر رحب

ومع العلم ان حبي لـ نواف لا شك فيه ولكن الحق ماينزعل منه

وعلى قولة المثل ( ما يعاتبك الا اللي يحبك ) ..


والسلام خير الختاام




سبحانك اللهم وبحمد اشهد ان لا اله الا انت استغفرك واتوب اليك ..
اضافة رد مع اقتباس
  #2  
قديم 08/04/2007, 08:43 PM
موقوف
تاريخ التسجيل: 04/07/2005
مشاركات: 354
أتفق معك

لكن في عمر الغامدي والعنقري لا لا

خالد عزيز يحتفظ بالكورة بزيادة وتنقطع منه الكورة دايما
اضافة رد مع اقتباس
  #3  
قديم 08/04/2007, 08:47 PM
موقوف
تاريخ التسجيل: 11/10/2005
مشاركات: 99
إقتباس
لكن في عمر الغامدي والعنقري لا لا

خالد عزيز يحتفظ بالكورة بزيادة وتنقطع منه الكورة دايما


صحيح انه يزودها عزيز بالاحتفاظ بالكوره

بس والله ماشفنا منه شي يزعل بالمباراه الاخيرهـ

يعنى نقدر نقول انه اداء دوره بشكل جيد جدا

واما العنقري انا اتكلم عن وجهة نظري ومادري فيه كثير يخالفوني عليهاا

ومشكوره على الزيارهـ
اضافة رد مع اقتباس
  #4  
قديم 08/04/2007, 08:55 PM
زعيــم متواصــل
تاريخ التسجيل: 21/03/2007
مشاركات: 169
اقول نواف اللحين اصلا مايعرف يثبت الكورة اذا جته وشلون تبيه يرجع زي اول ( لاحظ كلامي في المباريات الجايه وشوف اذا جا يستلم الكورة وهي عاليه واحكم ) وعن عزيز وعمر والعنقري اختلف معك !!!!!!!!!!!!!!!!!!!!!!!!!!!!!!!!!!!!!!!!!!!!!!!!
اضافة رد مع اقتباس
  #5  
قديم 08/04/2007, 09:01 PM
موقوف
تاريخ التسجيل: 11/10/2005
مشاركات: 99
مايحتـآج وانا اخوك اشوف

كل شي باين بالمباره هاذي زي الشمس
اضافة رد مع اقتباس
  #6  
قديم 08/04/2007, 09:19 PM
موقوف بسبب سرقة مواضيع من مواقع اخرى
تاريخ التسجيل: 22/02/2007
المكان: في قلب الهلال
مشاركات: 1,706
الله يعطيكم .. العافية ..!!
اضافة رد مع اقتباس
  #7  
قديم 08/04/2007, 09:24 PM
موقوف
تاريخ التسجيل: 11/10/2005
مشاركات: 99
الله يسلمك ويعافيك

مشكور على مرورك
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:29 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube