03/12/2001, 12:59 AM
|
| زعيــم جديــد | | تاريخ التسجيل: 30/11/2001
مشاركات: 29
| |
|
قصتي ............ مع الفلبـــــــــنية (الحقوني بالحل)
مـــــــــــرحبا للجميــــــــــــــع
عندي لكم اليوم سالفة بس ولا كل السوالف وهي بشكل مختصر عشان ما اكون ثقيل دم.
قبل (4) سنوات اللة طيحني بحب غريب عجيب.
وهو اني طحت بحب (فلبينية) اللة لايوريكم هل عالم شلون الحب عندهم واللة شي شي
شي خرافي, خيالي,مايوجد الافي الاساطير ..... المهم
في ذاك اليوم المشئوم رحت للمستشفى (اللة يسلمكم لابسيطة)
وانا الي اشوف هل غزال ياسبحاااااااان اللة عمري ماشدتني ممرظة ولا خدامة
ولا موظفة استقبال في شركة ولا عاملة في فندق.
ايش من بشرة وايش من طوووول (غريبة مو) والشعر مايجتاج قايلكم فلبينية مو سـ!!!
وماهي الالحظات وانا اخذت اسمها بطريقتي الخاصة (مسوي خطير ههههه) وركظ
للبيت واخم التلفون وادش داري واقفل الباب بالمفتاح وابلعة واشرب قلاص موية
وادق على نفس القسم الي المزيونة فية ومن حظي الحلو هي الي ردت عرفتها من
صوتها رغم تشابة اصواتهم . وكلمة منا وكلمة مناك (عاد انا بالانجليزي اجنن مع
الشيبس) اللة هداها وتقبلتني رغم الدلاخة (ماعلينا)
وقدرت اخليها تحبني بشكل جنوني واللة يالربع هذولا الحب عندهم والعياذ باللة عبادة
كلة طايحت لي تبكبك واشعار ( بالانجليزي طبعا) على الجوال وانا مغير احول للشباب
ياللة ترجموا لي وردوها واللة حااااااااااااالة مستحالة (ماخلا الاتصالات تخفظ سعر
الرسايل الا انا والصاحبة . مرة كمستكا وارد انا بابوتي .ومرة كلت اخو سايو وارد
انا ولا بروبليما. ومرة بيزيكا وارد انا باخت كا قلت ......... حتى اكلي صار مغير بيف
وظفادع مقلية هههههههههههه (لاعاد قوية )
والببسي نسيتة وبدلتة بسفن اب يالله يااااااااااااااكثر قواطي السفن اب عند بيتنا
تقولون حارة في جنوب الفلبين للمعلومية اسمها ( سولتانا خترت) 70% منهم
مسلمين ,,,,,, حتى ربعي بدال مايقولون صبحك اللة بالخير يقولون لي (ماقندا كبي)
الزبــــــــــــدة انا صارلي الحين معها حوالي الاربع سنوات واللة متهوهق لاني قادر
افتك منها ولاقادر اتزوجها (الشايب واللة لايوجهني للقبلة وبسم اللة واللة اكبر)
على كثر ما اكشت فيها وازفها واحيانا اشوتها الاوهي بالتسعين بس ياسرع ماترجع
(( شووووووووووووووووووووووروا علي شنو الحل والله متوهق حدي )) |
الوضع العادي
