#1  
قديم 08/04/2007, 12:01 PM
زعيــم جديــد
تاريخ التسجيل: 17/08/2004
المكان: some where on the earth
مشاركات: 18
Red face دراسة اوضاع الزعيم ( الدسمه)

بسم الله الرحمن الرحيم
السلام عليكم ورحمة الله وبركاته

لقد دعينا الى مادبه وقدوعدنا كذلك بان تكون المادبه فاخره ومكونه من احدى عشر صنف من ما لذ وطاب وفي تلك الليله تهيانا لذهاب الى المادبه ولكن فوجئنا بان المادبه في تلك الليله لم تكن سوى اكل عادي وقد يكون اقل من العادي فلا المقيلات مقبلات ولا المفطحات مفطحات ولا الحلى حلى

فلقد كان الاحدى عشر صنف من النوع الباهت لا طعم ولا لون حتى السقره لم تقدم بالشكل المأمول

فالمقبلات ردريقو لم يكن سواء مسخ للاعب المحترف الي يرضي طموحنا كهلالين ومن ثم ياسر رغم انه مجتهد ولكن في كل خمس مباريات ما يسجلك الا هدف وبطلوع الروح فهو يكثر من الاستعراض في وقت ان المباره لاتتحمل هذا الاستعراض الكوره في السته يارده والاخ يبي يسحب

والمفطحات خط الوسط الشلهوب موهوب بس القصر شين والا نواف بعد الاصابه سار يخاف وين نواف الي يوزع كور صح الي يشوفه هالحين عشرين كوره ياطويله يابرى ياقصيره الين تعب المهاجمين والا مقطوعه سلام سلام والتايب يوم فرحنابه الاهومصاب من عشر دقايق والاصابه تقعد معه دستة مباريات الين تنساه والي يزيد الطين بله خالد عزيز والخثران لعيبه دون مستوى خط الفقر يعني طقها والحقها من مده ماشفنى اي لمسات فنيه تثبت لك انهم على مستوى عالي يشفع لهم ومعهم الغامدي اول مافلح صدق نفسه وصار يساوم الهلال يرحم زملنك يوم كنت تدور سياره وتخب عليك هالحين سرت تتكلم عن ملاين والا قبل لو قالولك كم صفر في المليون كان بحلت

والا الحلى خط هالدفاع من المفرج لأحمد خليل وياقلب لا تحزن وتفاريس الا عصب وهو نادرا مايلعب وهو ماهوب معصب تقعد حاط يدك على قلبك لا ينطرد على طول واخيرا وليس اخر هالاعب الي اسمه العنقري ظهير هاي وي ماتتعب فاي هجمه سردادي مردادي روح ياولد ماأدري من اختاره يمثل الهلال والا لاعب مستواه عادي واقل من العادي لا واساسي والله يعيننا ياهلالين لازم يكون هناك وقفت حازمه وصارمه لكل متهاون يااما تتطور مستواك والا الباب يفوت جمل

اخواني من غيرتي الشديده وحبي للهلال حبيت اشارك برايي المتواضع عن الكيان الشامخ وخوف من انتبدا الصوره المرسومه له من الاجيال السابقه
وياتي هؤلا ويبدأؤن في التلعب بتاريخه فالولاء معدوم الا ماندر المهم خلونا نقلب الصفحه ونبداء من جديد
مع السلامه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:24 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube