السلام عليكم ورحمه الله وبركاته

أولا هراد لنا التعادل مع أشقائنا نادي الأهلي ..

والخروج من البطوله .




ثانيا ..

اسباب الخروج كثيره من هالبطوله

أولا عدم توفيق من الله سبحانه .

- نلعب مع فريق مو سهل والنادي الاهلي فريق كبير مثل مو نادينا كبير . ولاعبيه يعيشو حاله نفسيه أفضل من لاعبينا .

- الجمهور اليوم بكل صراحه ماتوقعته بهالحضور وبيض الله وجه اللي حظر لكن ماتوقنا المدرجات تكون فاضيه كذا والسبب لأهل الرياض او اللي قريبين منهم ..!


- خروج التائب بالاصابه ( عين ماصلت ع النبي ) وإن شاء الله يقوم بالسلامه

- رودريقاو من زمان ماني مقتنع فيه مشكلته لاعب محترف ..! فرص لو البسه اللي شفناها في الملعب تلعب كان سجلت الهدف

لكن نرجع ونقول الحمد لله والشكر
والله ماكتب لنا الفوز .

- تفائلنا قبل المباراه ماله دخل في النتيجه من حقنا نتفائل لإن فريقنا بطل

لكن النتيجه وظروف المباراه ماكانت في صالحنا والحممد لله على كل حال .

ظروف المباراه إنا نفك اللعب ونسجل هدفين الاعبين كانو مرره متسرعين وخروج التائب مؤثر جدا وللأسف مافيه البديل الجاهز ..!





ثالثا \

تغيير المدرب بخروج ياسر .. لاحد يستغرب

تدرون ليه

لأن الاعب اخذ إبره في العضله . ومن رؤيتي الشخصيه

أتوقع خروج القحطاني عشان يريحه لأنه مصاب لاتزيد الاصابه ويخسره في البطوله الاسيويه .


إحساسي إن الإداره مركزه بس على البطوله الاسيويه .

والدليل تصاريح الإداره بعد المباراه والشاطر يفهم .!

( أبو سلطان ) محمد بن فيصل نموذج مشرف لنا في تعامله مع الخروج وإبتسامته مع نجوم الاهلي .

ولكن !! ماذا كيف يحتوي الخروج وكيف يتعامل مع لاعبيه وكيف تعامله معاهم في نسيان المباراه والتركيز على المبايات الجايه .

والاهم مناقشه المدرب ووجود البديل اللي يطنا على الفريق .!




في النهايه مبروك للإهلي وحظ أوفر لنا في البطولات القادمه

والله مقهور لكن أيش أسوي لازم نشوف أسباب الخروج من هالبطوله بعقلانيه ونشوف إيش أخرتها .!

الفان بكانا والله

والله انه لاعب مقلب زي جيوفاني بالزبط كده

ياخي غبنه وربي

زبده الموضوع التايب طلع ضاع الوسط

انا مو وجه نظري الكاسر رغم الاصابه ابدع

والتمياط ان شاء الله رجعه قريبه

لعب اليوم ماشاء الله عليه

وباكيتا مدرس كيماء

صدقوني الفان كان عبئ ع الفريق ماهو موجود ابد

لعنبوا داره والا ذيك الهجمه تضيع .؟؟

بيحطونها في لقطات مضحكه هع

مشكور يالغلا

أعتقد من وجهة نظري ان مباراة الهلال مع بختاكور وبعدها مباراة النصر افقدت بعض اللاعبين التركيز وبصراحه كان الله بعونهم بس ياليت ان نواف التمياط يراجع نفسه ويبتعد عن الملاعب الين ماينطحن الحب اللي براسه بصراحه صار عاله على الفريق .. بالنسبه لـ الفين لاعب مميز بس اليوم كان بـ اسوأ حالاته لأن الفريق بصفه عامه ماقدم شي .


تحياتي لك

اي والله كلامكم سليم

بس القحطاني يانخسره المباريات الجايه

يايخرج ويلعب بداله مهاجم ثاني



والإداره ناويه ع الاسيويه ماتبي هالبطولات

ماتدري إنا حنا مانبي الا كل شي

كل شي نبيه ولكن يوم لك ويوم عليك