نادي الهلال السعودي - شبكة الزعيم - الموقع الرسمي

السلام عليكم
صباح_مساء الخير
هناك مجاملات في نادينا وقت اضاعتنا ونحن قد جرجنا من بطولتان وقلنا عديها وجاء تجديد اللاعبين وقاموا اعضاء الشرف بالتجديد وتحسنت احوال اللاعبين ومع ذلك اليوم نضيع البطوله الثالثه والسبب واضح ان اكثر لاعبين الهلال داخل بمجامله ومن اهمهم(احمد خليل هذا لاعب كبير على العين والراس بس عمره كم ؟؟؟؟؟؟؟؟؟؟يعني مو صغير علشان يلعب عندنا وفيه البديل والي ازين منه
محمد الدعيع و عمر الغامدي و نواف التمياط و خالد العنقري (مو صغير اللاعب علشان يتعاقد معه )حتى الكابتن الكبير سامي ما لاحظتوا ان علبه تغير مو على اول بس فيه احتياط في نقدر نهيئهم ويكونون افضل من هذولا مع ان هناك لاعبين كثيرين في الهلال في الحراسه فهد الشمري والاحتياط ( المرشدي العبدالسلام البشير و.الهليل ............) والارتكاز فيه كابتن المنتخب للالمبي الغنام ليش جالس في الاحتياط والوسط فيه الحربي كلنا شفناه راجع بعد اصابته باحسن حال والهجوم فيه الخراشي وفيه السعود وفيه العنبر وهناك لاعبين لو نعد ما اكتفينا بصفحات لهم والهجوم فيه لاعبين واجدين ابرزوا لكن لا اعلم اين يذهبون
اما بالنسبه للمباراه الاهلي وخروجنا من الكاس شي طبيعي ان المباراه 90 دقيقه اشوف الاعبين الدقيه 75 اشوف اللاعبين بدات تقل لياقتهم وعدم توزيعم باماكنهم الصحيحه نشوف عمر مكان العنقري وعدم تفاهم اللاعبين بين بعضهم وفيه للاعبين متحدين مع بعض من يقدر يسجل اكثر اهداف
يا ناس اصحوا باقي اهم بطولتين اسيا وراحت وحده في ارضنا يعني باقي في اوزباكستان والكويت وكلنا نعرف ان الاوزبكي مو سهل والكويتي قدام الهلال يصير فريق اروبي (مدريد ولا مان وميلان و..............) يعني لازم نجتهد زود وحنا ما اخذنا ولا بطوله السنه مو معقوله
يعني من الكلام هذا اللاعبين للازم يعتزلون وخاصه اللي ذكرنا اساميهم فوق وش تنتظر جالس وعمرك فوق 30 عط غيرك فرصه وين الهلال الي طلع نجوم وكانوا هم نجوم المنتخب في كاس العالم 1994 مو قادر يطلع نجوم انا عارف انهم مصابين بس معقوله نجلس كذا
اليوم كلنا لاحظنا يوم طلع التايب قل اداء الهلال يعني الهلال يعتم على لاعب .طيب العام وقبل العام حنا ابطال المملكه و بنف اللاعبين صح وش صار السنه نشوف غيرنا يفوز بنتائج كبيره وحنا وما زلنا ننهزم
انا متعمد احط احمد خليل بلون مخالف : اليوم شفتوا وشلون جاء الهدف معاذ لاعب خطير مو معقوله انا لاعب قلب دفاع اتركه واخليه لحاله طيب مو لازم الكلام ذا انتوا شفتوا وشلون دخل من عند احمد وهو يتفرج عليه ولا سوا شي <الفروض داخل على الكوره مثل عبدالغني وخلص على كبري صلبوخ مو لازم كوره وانت جالس تتفرج عليها وعلى معاذ وهو ينقشها من عندك والدعيع بسم الله عليه (يا اخوي اعتزل وعط الشمري فرصه تكفى ))انا عارف انه سوا الي عليه بس غلطه الشاطر بعشره ) الفروض داخل على الكوره على طول وبين يدينك واحظانك يا حبيبي >
وهذا غير الفان ماء شاء الله عليه شكله مو لاعب شكله سواق تشوفون وشلون يلعب ما فيه مباراه افلح به وخلاص طيره مو لازم اجنبي عندنا ياسر وعندنا العنبر وعندنا الخراشي والصويلح الله يقومه بالعافيه وعندنا الكبير كبير سامي طيب مو لازم هجومين هجوم واحد بس بلا هذا ضيعنا الله يهديه بس
بس عندي سوال ؟؟؟؟محمد بن فيصل من يوم ابتعدت عن دكه الاحتياط والهلال من اسوا الي اسوا متى ترجع ارجع يا ابو سلطان ارجع
وفي النهايه اتمنى اننا ناخذ البطولات الباقه وهي اهم بطولتان مرن علينا السنه اسيا والملك
وسامحوني على الاطاله وسامحوني على قسوه الكلام
بس تاكدوا اني هلال (والله العظيم اني هلالي)<علشان ما يجون بعض الاعضاء ويقولون نصراوي > بس ملينا البطولات تروح وحنا ساكتين مو معقوله