والله انك صادق من خروج التايب وانا قايل الله يستر


ومنهو البديل التمياط


والله ما أقول الى الله يخلف علينا بخير

يا شباب في اشياء تدور خلف الكوالليس !!!

اليوم بعد المباراة الكل شاهد وش صار

فيه خلافات بين منسوبي النادي وهذا واضح والكل لاحظ فرحة المسؤال الهلالي بعد فوز الاهلي

والواضح انه يبي يقهر ناس داخل النادي

ارجوا انكم تنتبهون للشي ذا

النادي بدى ينعفسسسسسس

الله يوفقهم قدام باختاكور

لو سمحت اخوي هلالي مهد الذهب

انا اشوف ان توقيعك فيه اهانة للاعب فهد المفرج

استحي على دمك وشيله

كالعادة يالظاهرة كلام من ذهب

و انا معك انا عند خروج التائب حسيت ان المباراة ضاعت منا لكن مشكلة اذا مافي الفريق الا التائب عنده الحل


واقول الله يستر من الجاي والمشكلة مو في المدربين ولا في اللاعبين المشكلة كانت غياب الرئيس عن الفريق بداية الموسم وكان الحبل متروك على القرب ولا ايش يفسر تغيير المدربين وعدم جلب لاعب يليق بسمعة الزعيم بدل الفان مع ان الفريق مو في حاجة مهاجم في ظل وجود ياسر والصويلح والعنبر والسعود وسامي لكن وين التخطيط والدراسة ومعرفة حاجة الفريق وتدعيم اضعف خطوط الفريق ضعفاً


وبالتوفيق للزعيم الاربعاء

كتبت فأجدت

ولم تبقي لنا شي

أوافقك الرأي فكل ما ذهبت إليه ارائكـ


نعم هلال اليوم للأسف وله فترهـ لا لون ولا رائحه لذلك خرج زعيمنا خالي الوفاض

::


والله انا نخشى الخروج المر من الأسيويه ومن ثم الدوري

وبعدما تطير الطيور بأرزاقها يفطن صناع القرار بأن زعيمنا يتخبط

وفي مأزق كبير

::


وآه يا قهر فعلا في اليلة الظلماء يفتقد التائب ((طمنونا عن اصابته ))

الظاهرهـ فعلا انت اروع ظاهرهـ

فالخيــر في مستقبلا يرجى .. لا حاضر يؤلم ..
بتصوري هالجملة هي العلاج الناجع للزعيم
تقبل تحياتي

هلا اخوي الظاهره ... الله يعطيك العافيه على هالموضوع الصادق الواضح المباشر .. رغم ان الخروج مؤلم للجميــع الا انك ماشاء الله عليك كعادتك مميز في طرحك ...

وش نقول ... بصراحه الهلال حاليا يخوف .. المنطقه الخلفية جدا سيئه ولا ينفع لنا خطه هجوميه مع هالدفاع .. بشكل عام اتكلم مهوب هالمباراة بس ... انا مدري كيف بنحارب بالاسيوية وحنا لااااا نملك دفاع قوي ... مافيه غير تفاريس عسى الله لا يخلينا بس ... اذا لعبنا بخطة اربعه خمسه واحد اكيد بنملك دفاع قوي لأننا كذا بندافع بأكبر عدد من اللاعبين ... لكن المشكله الحرب اللي نخوضها سواء بالدوري او اسيا تحتاج للهجووووم مع دفاع قوي .. ومع الاسف حنا مانملك هالميزه .. يا اننا نلعب ب اربعه خمسه واحد وكذا نأمن الدفاع على امل فزعة ياسر او التايب او الشلهوب .. او اننا نهاجم
ونلعب ب اربعه اربعه اثنين وبكذا صح بنسجل لـــــــــــــــــــــــــــكن بتكون المناطق الخلفية مهزلة بكل المعاني ,, مثل ماشفنا قدام الاهلي والحزم والوحده .. يعني وش الفايده نهاجم ونجيب اهداف وبنفس الوقت بسهووووولة ننضرب بأهداف خصوصا اذا كان فيه مساحات كبيره بالخلف ..!!!

فعلا حنا نواجه مشكله كبيره .. ولازم تنحل بأي شكل من الاشكال .. وانا شخصيا ارشح اربعه خمسه واحد رغم مساوئها الا انها تعتبر افضل الحلول وأأمنها ...

واليــــــــوم التايب سواها فينا مرتين .. فرح وحزن .... وفعلا .. في الليلة الظلماء يفتقد اجمل بدر " البرنس طارق " ...

ولا اقدر اعلق على اخراج ياسر ..!! صدمه فعلا من باكيتا لكن ان شاء الله يكون ياسر هو اللي طلب التغيير مو المدرب قرر .. لأنها فعلا طاااااااااااااااامه لو كان بقرار فني من باكيتا .. ليــــــــــــه .. مايشوف ..؟؟؟


واختم كلامي ..... نــــــــواف ...... وشبك يابو بندر وش صاير .....!!

نواف التمياط والفان ارجو تسريحهم لكي يتطمن الجمهور على مستقبل الهلال في هذه السنه

إقتباس يجب أن يزج باسمــاء جديدة .. وإن كانت شــابــة .. فشاب يخطئ .. خير من كبير يعك ..!!

مساك و صبحك بالسرور اخوي الظاهرة

صدقت فالهنقطه و اختصرت سبب الهزيمة

لا نواف او الفن او خليل

الفريق يلعب باسماء مكرره و استهلكت كثير

و الا بالله لعبنا كاس فيصل ولي العهد , الدوري جبلي اسماء لاعبين طلعت من كل هالبطولات

الي طلعنا بهم وعطونا فارق فالفريق بحكم سنهم الصغير و حيوتهم هم المرشدي والعبدالسلام وللاسف ابعدو

المرشدي صرنا نشخذ وجوده رغم كثرة مشاكل المستهلك المفرج فالدفاع و تسببه فالضغط على تفاريس باخذ الكروت

و العبدالسلام خلاص راح مع المنتخب وما اعتقد ان الادارة بترحب او بتوعي باكيتا او من قبله باجتهاده و بمستوياته

بمعنى اصح الجهاز الاداري دوره ملغي فهالناحيه والي هي اهم ناحيه وهي اعطاء الفرص للاسماء الصاعدة في اكثر من بطولة

ولكن ماعندك احد

اضف و انا اخوك

الغاء عقود مدربين مختارين (بغير عناية)
اختيار محترفين ايضا بغير عناية خصوصا البرازيلين فهالسنة
استقالات اداريه جماعية
احضار مدرب وقت الحصاد و الي ما الومه لو ما اعطى

نعم صفقنا للادارة و مازلنا نصفق و نتمنى (عدم) رحيلها لانها الافضل في تاريخ الهلال

و لكن الالتفات للاسماء الصاعدة و الاختيار بعناية للاجهزة الفنية و الادارية هي من راح يحقق البطولات

فالهلال وصل لسبع نهائيات اخذ ست منها بسبب الاستقرار الفني و الاداري و اعطاء الفرص لصغار السن كالعنبر و الموري و الصويلح و الياس و سرور و غيرهم

اما استقالات اداريه و محاباة بعض النجوم و الحرب على نجوم ثانين كما سمعنا عن المرشدي و التمياط فالف!!!!

طلعنا من الخليجية
طلعنا من كاس فيصل
طلعنا من ولي العهد
و اشك فالدوري و الاسيوية اذا لم يتم التدخل سريعا فاصلاح ما يمكن اصلاحه

عذرا

إقتباس والحصــار الذي يعاني منــه النجم ياســر وتذبذب مستواه .. لا يحتاج الى طبيب ماهر فهـو الورقــة الأولى والثانيــة في الفريق .. ولن يصعب مراقبته ..!! فمع أحترامي لكل من يلعب بجواره .. الا أني أعده وحيــدا في خط الهجوم ..!! بستثناء النجم سامي حين يشارك

للاسف سامي اليوم لعب للوقوع و كثرة الفرفره ولو لعب للفريق كما يفعل عادة بتمريراته و تمركزه الداهيه لا استبعد اتت الاهداف بصنع سامي

ولكن!!!

وعذرا على الاطاله

مشكور

آآآآه ياهو خروج التائب جاء للهلال في مقتل

بس الحمدلله رب العالمين على كل حال

الاهم الان نسينا هالمباراه والتفكير في

البطوله الاسيويه

الحمد لله على كل حال