|
الواكد..ماطر..الصقري في الهلال خبر أكيد100% مرحبا أعضاء المنتدى الكرام جاءتني هذه الأخبار الجديدة من مصادر موثوقة في نادي الهلال وهي أن اللاعبين المذكورة أسماءهم سيوقعوا اليوم في كشوفات الهلال مساءا وفي نفس الوقت بحضور الأمير سعود بن تركي لي تعليق بسيط: هذا الخبر من نسج الخيال لأننا بصراحة ملينا كل يوم والثاني يطلع لنا واحد يقول ماطر بيوقع والصقري وقع والواكد بنفاوضه يعني هل الهلال سيتعاقد مع هؤلاء اللاعبين دفعة واحدة كان الأولى تجديد عقد العويران بهذه المبالغ وأخيرا أتمنى إني ما أكون أزعجتكم بهذا الخبر الكاذب ومشكورين أحوكم محب الازرق |
مرحبا اخوي محب الازرق حتى لو فرضنا ان الهلال وقع مع هؤلاء اللاعبين هل سيفيدون الهلال ؟ الاولى بالأدارة إبقاء اللاعبين وعدم التفريط فيهم ولا بنشوف بكره الثنيان ولا التمياط أو غيرهم يوقعون لفرق اخرى في ضل صمت إدارة الهلال والمماطله في توقيع عقود لاعبيهم . |
ما فيه إزعاج .. إدارة الهلال هي اللي مزعجتنا .. شف كم لاعب محلي مؤثر تعاقد معه الإتحاد خلال السنوات القليلة الماضية بالإضافة الى المحترفين المميزين بعد تفريطنا في سيرجيو مقابل حسين العلي للهلال وبسام الهلال وغيرهم من القلة بإستثناء الدعيع وعبد الله سليمان .. فلا تستغرب إذا سيطر الإتحاد على البطولات وربما مثلنا في كأس العالم بديلاً للهلال وسيتجاوز الهلال في عدد البطولات لا محالة في السنوات القادمة بوجود إدارة الهلال التي تعمل بصمت وإخلاص . |
ههههههههههههههه ابوعبدالله ياليتهم يفكوووووونا مانبي لهم لاعبين بس يقضبون اللي عندنا والله شكله انفرطة السبحه:mad: :mad: :mad: |
ترى ما في داعي للسحبه اللى سحبتنا اياها في العنوان الله يهديك:mad: :mad: :mad: |
لا تفكر انهم ينتقلون للهلال وخاصة ماطر , تتوقع ادارة ناديه بتوافق ...... معصي . مع اني أتمناهم في الهلال الا الصقري فكنا منه مو ناقصين . وبعدين وش هالسحبة ...... تعورنا يييييااااااخخخخخخيييي . تحيـــــــاتي ,,, |
مساء الخير بالنسبة للواكد ............ والاخ ماطر مادري عنهم بس الخبر الاكيد الذي وصلني للتو من خلال بحثي عن الحقيقة من خلال الكلام الذي دار في المنتدى تبين لي من شخص قريب من الادارة الهلالية ان الصقري هلالي ............ممكن تقولي كيف عاد اقولك ........... القيمة المدفوعة من قبل الاتحاد ستكون هي حق الاتحاد في صفقة الصقري وباقي مستحقات الاعب ستتكفل بها الادارة الهلالية يعني بالعامية .............مقايضة لاعب بلاعب نصــــــــــــــــــــــــــــــــــــــــــــــــــــــــــــــــــار171 |
بدل مايشتروا لعيبة بها الفلوس يجددو بها اللعيبة الذين عقودهم منتهيه يكون أحسن بدل من وجع الرأس |
آآآآآآآسف جدا مرحبا أولا:أنا آسف جدا على هاذي السحبة لأني مالقيت طريقة أعرض فيها موضوعي إلا ها الطريقة ليتفاعل الجميع ثانيا أنا مع الأخوان بخصوص عدم الفائدة من هؤلاء اللاعبين فلوسهم حنا أولى بها وبالنسية للأخ نصار أحب أوكد لك إن صالح الصقري لن ينتقل(مع احترامي لمصادرك) لأني أمس رسلت مشاركة للخيمة الرياضية عن صالح الصقري وتوقيعه للهلال وبالصدفة كان موجود الصقري وأكد أن هذا الموضوع غير صحيح وأن عقده مع الاتحاد ساري المفعول مدى الحياة ومشكورين أخوكم محب الأزرق |
| الوقت المعتمد في المنتدى بتوقيت جرينتش +3.
الوقت الان » 09:16 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd