تكفون يالهلاليين ( بليييييز ) - نادي الهلال السعودي - شبكة الزعيم

هلالي ارسنالي رساوي · #1 07/04/2007, 01:05 PM

جمهور الزعيم الغالين عندي لكم سؤال وخصوصا القدامى

لان تاريخي الرياضي ككل 5 سنوات ( بدايتها ونهايتها هلالي )

عندي واحد نصراوي ( نشبت في حلقة ) وخليتة يكره يجلس عندي لحالة

لازم يجيب خمسة اوستة من اخوياة النصراويين ونبدأ كل واحد يدافع عن نادية

( ويهطس ) الثاني . ( لا تخافون حاشرهم بزاوية نص ):p

ــــــــــــــــــــــــــــ لكن السؤال ـــــــــــــــــــــــــــــــــــ

قالي واحد منهم اذا النصر له عشر سنوات ماحقق اي بطولة

فالهلال مرت علية 11 سنة ماأخذ ولا بطولة

هل كلامه صحيح مع اني متوقع غير ذلك وكيف ارد علية ؟

مع اني قلتله حدد في اي سنة وقالي اسئل وتعرف ؟؟؟؟؟؟؟

ويش رايكم وبي ردود قوية ................ تكفون

سلمان بن محمد · #2 07/04/2007, 01:10 PM

يالغالي

النصر لم يحقق أي بطولة رسمية من تأسيسه عام 1375هـ وحتى عام 1393هـ (كأس ولي العهد)

يعني 18 سنة بدون بطولات رسمية

والحين هم دخلوا في الدفعة الثانية بيكملون 10 سنوات بدون بطولات

آخر مرة حقق النصر الدوري كانت عام 1415هـ قبل 13 سنة (بمساعدة الحكم ابراهيم العمر)

آخر مرة حقق النصر كأس ولي العهد عام 1394هـ قبل 34 سنة

آخر مرة حقق النصر كأس الاتحاد السعودي عام 1418هـ قبل 10 سنوات (بمساعدة الحكم محمد السويل)

مقارنة سريعة :

الهلال تأسس عام 1377هـ وحقق 47 بطولة

النصر تأسس عام 1375هـ (قبل الهلال) وحقق 19 بطولة

يعني ما يهم كم غاب الهلال عن البطولات .. لأن عدد بطولاته أكثر من ضعف بطولات النصر !!

هلالي ارسنالي رساوي · #3 07/04/2007, 01:18 PM

شكرا لك سلمان بن محمد على المجهود الرائع والسريع
خويي جالس جنبي وجهه راح علبة الوان

بس ولا عليك امر يبي يعرف عن ال 11 سنة

سلمان بن محمد · #4 07/04/2007, 01:24 PM

ليست 11 ولكنها 13 سنة من عام 1384هـ وحتى 1397هـ (أول دوري ممتاز)

بشكل عام

النصر غاب عن البطولات الرسمية 18 سنة

الاتحاد 15 سنة

الأهلي والهلال 13 سنة

وتفضل بزيارة هذا الموضوع للأخ الهـ محمد ـلالي

رد على كل من قال بأن الهلال لم يحقق بطوله طيلة 13 عام

وش الفايدة من الكلام عن فترة غياب الهلال عن البطولات اذا كان هو الأكثر تحقيقا لها ؟

سلم لي على صديقك النصراوي وقل له فيه مكان مخصص لجماهير المسيار في لقاء الليلة مع الأهلي