هل الرغبة بالتعلم هي من يدفعنا للتعلم ام الحاجة ؟ - نادي الهلال السعودي - شبكة الزعيم

ابو طـــــلال · #1 10/05/2007, 05:54 AM

صباح الورد اعضاء منتدانا الرائع .. عنوان الموضوع هو سؤالي. لكن قبل مااشوف اجابات بعلمكم مناسبة طرح هالتساؤل ..
اليوم سلمكم الله كنت في مكتب استقدام اقدم على سايق ( سائق ) ;) طبعا جيت متاخر ومسكت سرى ,, سمعت موظف المكتب يقول لشايب : تبيها جديده او قد اشتغلت ياخال ؟ ( يقصد الخدامة ) رد الشايب : لا والله ابيها تفهم عربي .. قال الموظف : خذها جديده احسن لك وبشهر تتعلم وتصير تتكلم عربي احسن منك وارخص بعد راتب ..

.. رد الشايب : اوكي مان

( يعني قال توكلنا على الله مايخالف ياولدي )

بعد كلمة الموظف اخذتني الافكار بعيد .. وهوجست .. شلون خدامة تجي من ديرة ماقد تكلمت ولا حرف بلغتنا العربية ولاقد راحت لمدارس ولاعندها احد هناك تحتك معه بكلام عربي .. وبشهر تصير بلبل .. طبعا من خلال مااشوف انا بنفسي انهم مايتعدون الشهرين الا وهم عارفين عربي وتعطيهم زود شهرين بعد يتكلمون باللهجه المحليه للمنطقه اللى انت ساكن فيها

فكرت كيف هالناس اللى ماعندهم وقت للتعلم وماعندهم وقت للاطلاع حتى .. ويفهمون بسرعه لغتنا العربيه وهي من اصعب اللغات بالعالم .. ليه ربعنا يدرسون سنين انجليزي ومانفك الخط ؟؟ هل هو قل اهتمام او سوء تغذيه ( مالها دخل

) مااعتقد ان اللى فينا نقص عقل .. بس احتمال عدم حاجتنا للغه ام عدم حاجتنا للقمه اللى علشان نحصل عليها لازم نفهم اللغه .. اعيد السؤال بعد هالتوضيح .. هل الرغبه بالتعلم هي من يدفعنا للتعلم ام الحاجه ولقمة العيش هي السبب الاقوى والدافع الاكبر لتعلم اي شي وليس مجرد لغة ؟؟!!

والله لايحيجنا لااحد يارب

تحياتي للجميع

بوجاسم الهلالي · #2 10/05/2007, 06:01 AM

في الوقت الحالي الرغبة للتعلم

ولكن في المستقبل الله لا يقوله يمكن تكون الرغبة في لقمة العيش

ابو طـــــلال · #3 11/05/2007, 03:54 AM

إقتباس

الرسالة الأصلية كتبت بواسطة بوجاسم الهلالي


	في الوقت الحالي الرغبة للتعلم ولكن في المستقبل الله لا يقوله يمكن تكون الرغبة في لقمة العيش

امين الله لايقوله ولايحيجنا لاحد ... شكرا لك اخوي بو جاسم الهلالي واسعدنا بشوفتك يالغالي ...

إقتباس


	ومراح تتعلم اي لغة الى وانت عايش عند اهل اللغة الي تتعلمها لو تنط

وجة نظرك احترمها مع اختلافي معك.. والواقع يقول غير ذالك .. وانا اعرف مترجمين يعملون بالرياض يجيدون الترجمه الشفويه ومعهم شهادات .. ولم يسبق لهم استخراج جوازات سفر .. يعني ماطلعوا من السعوديه ابداا

وشكرا لك اخوي BOY NJD على حضورك ومرورك

..(( الحاجه ام الاختراع )) و (( المهتوي يقطع المستوي )) ... هي الحاجه ام الرغبه ؟؟
انتظر المزيد من الاراء والتعليقات وشكرا

BOY NJD · #4 10/05/2007, 06:03 AM

لا يس كله من اجل لقمة العيش
...............................
هنا تدرس انجليزي بالمطرسه وخارج المطرسه الله يخلف
................................
ومراح تتعلم اي لغة الى وانت عايش عند اهل اللغة الي تتعلمها لو تنط