#1  
قديم 05/04/2007, 08:55 PM
زعيــم مميــز
تاريخ التسجيل: 28/02/2006
المكان: !! Old Trafford !!
مشاركات: 9,557
Exclamation هل ينتظر الاتحاد السعودي ان نعلن هجر وترك الحضور الى المدرجات رسميا ..!!

بسم الله الرحمن الرحيم ..


السلام عليكم ورحمة الله وبركاته ..

خلونا نخش بالموضوع ع طول ..


صراحة استغرب واستنكر هذه الافعال من اتحادنا المؤقر الاتحاد السعودي لكرة القدم ..

عتدنا ع كلمة ممنوع من قبل رجال الامن ..

اعلام حجمها وسط او كبيرة ممنوع .. شالات عليها صور ابو سلطان او صور لاعبين ممنوعة .. لافتات كبير فيها شعر بالنادي ولاتحمل اي عنصرية او شتم باحد ايضا ممنوعة ..

المياه والمشروبات الغازية ع حسب مزاج العسكري .. مرة تصير ممنوعة ومرة مسموحة .. الالعاب النارية ممنوعة ..
اخر قرار صدر واعتبره اغبى قرار صدر وهو الرابطة تكون خلف الاحتياط ..

طيب من المسؤؤل عن تطفيش الجماهير بهذا الشكل .. ارجعوا الى نسب حضور المباريات في هذه السنة والسنة الماضية ..

للملعومية الجماهير الرياضية تسجل اعلى نسب حضور في الدوري السعودي .. سواء جماهير الهلال او جماهير النصر او جماهير الاتحاد او جماهير الاهلي ..


ومع ذلك يتم تطفيشنا بشكل ملفت للنظر ..

لو الدخول مجانا ولا ع حسابهم خلهم يطفشونا لين ما يطيح الي براسهم ..

لكن حنا الي ندفع فلوس دخولنا للملاعب .. التذكر بــ 15 ريال .. وهذاالمبلغ عند فئة من الناس يعتبر مبلغ كبير ومع ذلك يحضرون لاجل عشقهملناديهم ..



الطيب البعض يقول ان الاعلام الكبيرة مضره او يمكن تكون مشاكل ويكون ضربفيها .. يعني قماش 3 × 2 متر وش بتسوي فيه .. لو تبقس واحد في العلم اربع ايام ما درا عندك .. طيب وحنا ما نبي يكون فيه اعمدة خشب او بلاستك لمسك العلم .. حنا نسمكه بدون اعمدة الخشب او البلاستيك بس اسمحوا بدخوله .. يعني الاعلام الكبيرة اتفقنا ع عدم وجود اضرار بدخولها للملعب .. ومع ذلكيمنعنونا من دخولها ..

النقطة الثانية وهي الالعاب النارية .. البعض بيقول ان يمكن يجي واحد مسوي زاحف وقوي .. ويطلقها ع الجماهير .. طيب انا اقول ما نبيها معالجماهير نبيها تسمح لااعضاء الرابطة فقط .. يعني الرابطة واعضائها همالمسؤليين عن اطلاق الالعاب النارية ..



النقطة الثالثة وهي المشروبات الغازية والمياه والاكل .. يقول البعض انبعض المخبل يفتح الكولا ويرجمه ع الجماهير .. طيب حنا نبي مويه لو يحطونها بــ اكياس عادي ما فيه مشكلة ..


النقطة الثالثة اللافتات التي تحمل شعر والشالات التي تحمل صور .. وشالممنوع فيها ما دام ما فيها شي حرام او شي يدعو للعنصرية او يدعو للتعصب ..

النقطة الرابعة .. وش ذا القرار الغبي الي يقول الرابطة موقعها خلف دكة البدلاء .. وش ذا التخلف .. الى هــ الحد وصل فينا الاستخفاف بعقولنا ..

الملاعب سيئة جدا ولاابعد الحدود .. ابسط الخدمات غير موجودة .. بس عندي سوال للي مصمم ملاعبنا وش الفايدة من المضمار الي يفصل بين المدرجات و الملعب .. يعني ماله سنع .. الي يشوفنا يقول محتكرين العاب القوى ع مستوى العالم .. والله محد حولنا بس ليه حاطينه مدري ..

شوفوا الملاعب القطرية او الاماراتية .. واكبر دليل اسالوا اي واحد حظر مبارايات منتخبنا في بطولة الخليج .. ملاعب حلوة .. وفلة ووناسة ..

شوفوا يوم جاب الامارات علينا هدف الفوز اقسم بالله الملعب قلب ملاهي من كثر الالعاب النارية ..!!


والادهى من الي ذكرتها كلها .. اذا تبي تحظر مباراة قوية او ديربي لازم تحظر من العصر لم الملعب .. عشان تلقى لك مكان حلو .. يعني تقريبا نص اليوم يضيع عليك وانت بالملعب ..

لكن كله لااجل حبيبنا وعشقنا يهون ..


المهم اتمنى واتمنى من المسؤلين ان يعدلون الاوضاع ولا ترا الجماهير تفكر بــ ترك الملاعب ..


انا عن نفسي والله اعلنها هنا انا ما احضر الا مباريات الهلال القوية .. لان الوضع عندنا يسد النفس .. والله انا ما احضر ليس كرها بالزعيم او بخلافي دفع التذاكر او عجزا من الذهاب للمعلب ..

لكان انا ما احضر لاجل احفظ كرامتي .. اجل عسكري طوله شبرين يجي ينفخ عليك او يعاملك كانك اصغر عياله ..

وحنا ما علينا الا نسكت ونبلعها .. واكبر دليل ما حصل لا اخواننا النصراويين .. صراحة ما اقدر افتي واقول ليه انجلدوا من العساكر .. يمكنانهم سوا شغب او انهم انجلدوا بدون ادنى سبب ..

تدخل الملعب ونفسك منسدة عن المباراة ..



المهم ننتظر سلطان بن فهد واسير الشوق بيزينون لنا الوضع ... ولا خلينا الملاعب لهم ....


وتقبلوا تحياتي اخوكم \ MR.DL5
اضافة رد مع اقتباس
  #2  
قديم 05/04/2007, 09:46 PM
الصورة الرمزية الخاصة بـ وتـــ حساس ــــر
زعيــم متألــق
تاريخ التسجيل: 03/04/2006
مشاركات: 1,334
اسلوب تطفيش غريب!!!
اضافة رد مع اقتباس
  #3  
قديم 05/04/2007, 10:36 PM
زعيــم مميــز
تاريخ التسجيل: 28/02/2006
المكان: !! Old Trafford !!
مشاركات: 9,557
^^^^^^


والله اسلوب تطفيش غريب فعلا من المدعو الاتحاد السعودي لكرة القدم ...!!
اضافة رد مع اقتباس
  #4  
قديم 06/04/2007, 01:59 AM
زعيــم مميــز
تاريخ التسجيل: 28/02/2006
المكان: !! Old Trafford !!
مشاركات: 9,557
للــ UP
اضافة رد مع اقتباس
  #5  
قديم 06/04/2007, 02:01 AM
زعيــم مميــز
تاريخ التسجيل: 18/08/2005
المكان: حَيث ُ لا تَدْرونْ..
مشاركات: 4,596
والله شيء يقهر مادري ليه كذا !؟

مايشوفون عرب افريقيا و البرازيل واوروبا شلون الجماهير تتفنن بالتشجيع وحنا مظلموين !!
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:01 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube