|
مصطلحات dsl واستفسارات عن dsl اتمنى صدركم يوسع للإجابة عليها مرحبا بالزعماء انا ان شاء الله بركب dsl أخيرا لكن عندي مشكلة اني ما اعرف احد عنده dsl اسأله عنه بس انتم الخير والبركة وفيه عدة اشياء ودي اسفسر عنها وودي انكم تعطوني فكره مبسطه عنها مودم USB لجهاز واحد مودم USB مودم لا سلكي (وش الفرق وافضل نوع مودم) موزع قسام راوتر أربعة مخارج راوتر لاسلكي أربعة مخارج راوتر لاسلكي راوتر مع لاسلكي راوتر 510 راوتر580 (وش الراوتر ووش الفرق بين السلكي واللاسلكي ووش المقصود بالمخارج ووش المقصود بالارقام 510 و 580 ) وعندي سؤال هل الاشياء هاذي الاتصالات هي اللي تركبها لي والا الشركة اللي تقدم الخدمه او انا اشتريها بنفسي وانا اسمع عن dsl سلكي وdsl وايرليس وش الفرق بينهم يا ليت اللي عارف ولو على الاقل عن شي واحد يعلمني لاني صراحه تشتت وانقلب مخي |
المطلوب علشان تركب تشغل dsl 1- تكون الخدمة واصلة من شركة الإتصالات 2- مودم تشبك فيه خط التلفون وتشبكه مع الجهاز . وأغلب انواع المودم يجيك فيه اربع منافذ تشبك فيها كيبل وتوصلها للجهاز وايضاً معه شبكة لاسلكية وكل نوع من المودم له رقم مثلاً speedtuch 586 هذا بالنسبة للارقام الي تسئل عنها أما أفظل انواع المودم فعندك لينكسس وسبيد تتش و يو اس روبتيكس 3- spliter وهو القسام لكي تستطيع الإتصال بالإنترنت واستخدام الهاتف في وقت واحد 4- اشتراك مع مزود خدمه ساري المفعول وهناك شركات مزوده لخدمة الإنترنت كثيرة ولكن انصحك انك تجرب وتشوف الافظل لك طبعاً المودم والقسام انت تشتريهم واي سؤال انا حاضر |
اخوي لك عندي خبر سااااااار وهو إن تأسيس خدمة الDSL من شركة الاتصالات الان مجاناً بس عليك الرسوم الشهري و مزود الخدمة وشرايك وش تبي بعد اكثر من كذا [email protected] |
أي والله الحين قهمت زناظر أزين موديم speedtuch 586 عند كل الناس أنه هو الأفضل |
يا شباب كلمت موظف الإتصالات قبل شوي عساس اقدم على هاتف ثابت سالني قاللي تبغاه مع dsl قلته ايه وبعد ما عطيته البيانات قال راح يركبون لك التلفون هالاسبوع وسالته طيب وdsl معاه في نفس الوقت قاللي لا بعدها بيومين او ثلاثه لانه صار يركب مع الهاتف الثابت علطول انا وقتها بغيت اتشقق من الفرحه بس خفت اني فاهم غلط وانتم تعرفون ان هالوقت قامو يحسنون خدمتهم بعد آفاق وحتى التركيب صار ببلاش فرجاء يا شباب هل فعلا راح يركبون لي الـdsl بعد الثابت بيومين ثلاثه والا كيف |
طيب يا شباب ممكن تعطوني لي سعر المودم سبيدتتش 510 اربع مخارج سلكي وانا راح اركب dsl سلكي واتمنى منكم تعلموني كل القطع اللي احتاجها مع افضل انواعها واسعارها وسؤال بكم تأسيس الهاتف الثابت هل هو ببلاش والا برسم تأسيس 300 ريال |
انا شاري سبيد تاتش بـــ 340 بالنسبة الاجور الشهرية : 128 بــــ 90 ريال 256 بـــــ 100 512 بـــــ 120 |
طيب متى اجيب القطع ؟؟ قبل ما يفعلون الإتصالات الـ dsl والا بعد.. يعني يحتاج تكون القطع موجوده عندي قبل تفعيل الـdsl والا لا ومين اللي يركبها انا بنفسي والا الاتصالات والا نسما والا اجيب فني من عندي ؟؟وتعرفون محل في الرياض يبيع القطع في حي النسيم او حوله؟؟ وعندي سؤال بسيط انا راح اركب بإذن الله مودم سلكي اربع مخارج وراح يشتغل على جهازين بس حاليا؟؟ وبعد فتره بسيطه راح ادخل جهاز ثالث هل ممكن هالشي والا فيه صعوبه سؤال بسيط المودم اللاسلكي يشتغلون على كبينة الكهرب اللي داخل البيت او اللي برا ؟؟ او بس على كبينة التلفون |
التاسيس ببلاش اخوي اما اسعار الفواتير ماقصر قمدان وبقية الاخوان ماقصروا |
إقتباس:
بس اذا كنت مستعجل تجرب جبهم الحين من الحين وبعدا مايركب الدي اس بدقيقتين ركب الزحمه وشبّك :D إقتباس:
وهذي صور توضيحيه http://up.6b6b.com/mypic/6b6b_47947433.jpg السلك الاسود اللي ع اليمين هذا ممتد للكهربا السلك الاصفر ممتد للصندوق ونتكلم عليه بعد شوي الرصاصي اللي فوق من من المودم الى البيضاا اما السلك الرصاصي هذا اذا كنت بتخلي عندك خط تليفون (مع العلم ان اذا كنت شابك النت التليفون مايكون مشغول ) اما السلك الاسود هذا سلك التليفون اللي جاي للغرفه من كبينة التليفون < يفضل كذا طوالي نرجع لمحور حديثنا والسلك الاصفر طبعا شفت السلك الاصفر ممتد من المودم الى تحت وطبعا من المودم الى الصندوق هذي صوره توضيحيه http://up.6b6b.com/mypic/6b6b_11437836.jpg طبعا عليك انك تودي الصندوق لمحل تخليه يركب لك فتحة سلك التليفون تبع الـDSL لان الفتحات للتليون القديمه ماتنفع للدي اس ال .. اما المحل ماني من سكان الرياض اما آخر سؤالين مافي اي خبره عندي عنهم والاخوان ان شاء الله مايقصرون |
طيب ممكن اعرف كم سعر المودم ووش الأشياء اللي اجيبها مع المودم |
| الوقت المعتمد في المنتدى بتوقيت جرينتش +3.
الوقت الان » 08:27 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd