..( بس خلاص )..
بسم الله الرحمن الرحيم
أخواني (أعضاء - مشرفين) منتدى شبكة الزعيم
السلام عليكم ورحمة الله وبركاته ،،
صباح - مساء
الخير
(بس خلااااااااااااص؟)
نحن هنا
على ماذا اجتمعنـــا ؟
ماهي أهدافنـــا؟
ماهي غايتنا ؟
أسئله قد توحي للمتلقي منذ الوهلة الأولى بسخافة كاتب الموضوع
وسذاجة فكرة !!!!!!
ولكن لم أقدم على كتابة هذا الموضوع إلا بعد أن
احترت في إيجاد إجابه لكل تلك الأسئلة التي تدور في
مخيلتي ولم أجد سوى علامات تعجب تليها علامات استفهام !؟!؟
قلة منا :
لم تعد تعي معنى النقد الهادف البناء ،، من الهدم والتجريح ؟؟
للأسف قلة منا أصبح مفهومها للنقد :ـ
التجريح وليس التصحيح ...،،،
الهدم وليس البناء .....؟
إلى متى وهم يرمون سهامهم ويوجهون أصابع الإتهام على أناس
تعد من رموز الوفاء في كياننا
حزين منظر تلك الصفحه وهي تعج بمواضيع أن دلت فإنما تدل على فكر كاتبها؟ 
( على بلاطة ....؟)
تعبنا وحنا نتكلم ونوضح لخواننا في هالمنتدى أن كلنا نحب الهلال
ولانرضى بأي هزه أو تدهور في المستوى
بس فيه مجموعة تعد على الأصابع للأسف هي اللي تخرب على الجميع مجموعه
لاوعي ،، لاأدب ،،، لاأخلاق ،،،
حتى أسلوب في توضيح وجهة نظرهم مافيه ؟؟؟
فهد المفرج ؟؟؟
وماأدراك مافهد المفرج !!!
كل يوم أدخل للمنتدى أبصم بالعشره أن فيه موضوع عن هالإنسان !!!
وياليت مواضيع تستاهل ؟؟؟
2-3
ناس واعيه وتفهم وتقدر
وثمانيه مالها أي سنع ؟؟
واحد:
متى الله يفكنا من هاللاعب ؟؟؟؟ 
الثاني:
الحمدلله مهوب لاعب المباراة الجايه ؟؟؟ والثالث اللي من جد ودك تمزع به فجدار :ـ
بصراحة انبسطت يوم انطرد في المباراة 
فهد المفرج نكبه ؟؟؟؟ هو سبب الهزيمه اليوم ؟؟؟ 
ماعاد باقي إلا يقولون :
هو سبب وضع الأسهم في الفترة الحاليه ؟؟؟ 
خيييييير إن شاء الله من متى واحنا نتعامل مع لاعبينا بالأسلوب ذا ؟؟
بس كلي أمل في الله ثم في مشرفين المنتدى أن أي موضوع
فيه تجريح لأي من المنتمين لها الكيان الشامخ حذفه
ويشدون حيلهم معنا شوي عساهم على القوة 
وماأقول إلا الله يهديهم إن شاء الله ،،،
ماأدري نسوا وإلا تناسوا أن هالمخلص أنخلع كتفه أكثر من ثلاث
مرات وهو يدافع عن ألوان الفنيله اللي لابسها ؟؟؟
راح كل هذا عندهم في شربت ميه !!!!
بس أضم صوتي لصوت ياسر القحطاني وأقول :ـ
( باجبل مايهزك ريح )
أما ياسر القحطاني ؟؟
فماأدري لييش هالصجه الإعلاميه اللي مسوينها أخواننا
الإعلاميين على الفاضي ؟
ياسر مو أول لاعب ولا الأخير اللي
يمر بمرحلة تدني مستوى وهذا راجع للإرهاق اللي يتعرض له
وياسر بالتحديد يعرف متى ...؟
ووين ...؟
يرد على الجميع ....
قي الختام أتمنى أن ماأحد يزعل مني هذا وجهت نظر
قد تكون صائبه أو تكون مخطئه
والإختلاف في الرأي لايفسد للود قضيه ..،،
والسلام خير ختاام ......،،
أخوكم :ـ KING_NIGHT 
الوضع العادي
