يالله حي الزعماء كلن باسمه



صباحكم تصدر ومساؤكم بطولات واعيادكم ان شاء الله ذهب وميداليات



بـــــاكــــــــيـــــــــــــــتـــــــــــــــا

مابين باكيتا والهلال علاقه مبنيه على الذهب (( وشوي حظ ))


باكيتا مدرب ذكي يعرف من وين توكل الكتف

يعرف كل فريق بيقابله وش نقاط ضعفه ووش نقاط قوته


بس السؤال اللي لازم ينسدح في ذا الموضوع


هل باكيتا بينفع الهلال او هل باكيتا بيجيب بطولات زي السنه اللي راحت ؟؟


بالنسبه لي ما اتوقع

مدري ليه انا متشائم ومعي كم واحد يعني احس ان باكيتا بيحاول لاكن موب نافع

لاسباب

1. ان كماتشو موب موجود ومعروف ان باكيتا يحب الفرص اللي تجي من كور ثابته يا مباشره في المرمي ولا بالراس

2. مساعد باكيتا اللي كان مسنتر في المدرجات ويعلم باكيتا وش الوضع برضوا متطاق هو وياه ولا هوب موجود

3. مدري ليه متشائم يعني هذا موب سبب زي اللي فوق بس هذا شعور ان شاء الله يطلع خطأ




المنتخب السعودي والمدرب البكااااااش


مدرب منتخبنا الجديد يقول : تدريب المنتخب السعودي أصبح محور اهتمام جميع المدربين العالميين


كيف الحال يا انجوس

يقول ما يمدح السوق الا من ربح فيه


وانت ربحان يا انجوس من مدرب ماقد طلع من البرازيل


الين صار مدرب المنتخب السعودي العظيم

المنتخب الفلته

صاحب الانجازات اللي ميب صاحيه في العشر سنوات الاخيره

المنتخب السعودي اللي في المركز 64


وتستمر الخطط العلميه المطروسه وشل مدرب وجب مدرب وقائمة المعسكر يحطها الشاعر والتشكيله يحطها العسكري وانت ماشي


وكل هذا وفق خطط علميه مدروسه



الهلال والتخصيص


يقولون فيه شركه عارضه على الهلال انها تمسك النادي مقابل هبشة دراهم كل سنه

بس بشرط ان جميع انشطة النادي ومصادر الدخل ترجع لها والتسويق وكل شي


يعني التذاكر فلوسها لهم ودخول التدريبات فلوسها لهم واي شي بالنادي واي قرش يدخل للنادي بياخذونه


تدرون هذي فيها مشكله


انتم تعرفون ان سعر التذاكر ذا اليام ما بين 20 الا 15 ريال

لو بتمسكها شركه وش بيصير

اقل شي التذكره بخمسين ريال

يعني ثلاثة ارباع الجماهير ماراح تجي
او نصهم

اذا قلنا كل اسبوع مباراة يعني ميتين ريال في الشهر هذا غير المشروبات (( الله من زين المشروبات مويه وببسي حار ولا تقدر تدخلها بعد تشربها برا ))

يعني بتطيح الميزانيه خصوصا ان اغلب الحضور من صغار السن (( انا طالع منها << بيعلمكم انه كبير ))


بس فيها فايدة للنادي غير طبيعيه

يعني ما فيه شي اسمه ازمة رواتب


ولا فيه شي اسمه ازمة تجديد عقد


ولا صيانه للملعب


او فريق الطائره مالقا له 140 الف عشان يشارك بالعربيه


يعني معد هيب صايره الدراهم مشكله بالنسبه للنادي


دفاع الهلال

خلاص من حبكم يا زين عزلنا *** معاد لي في هواكم شف او راده

اللي شبكنا معاك يا (( حلو )) يخلصنا *** يكفين اللي حصل ما استحمل زياده

آآآ ه ويلاه آآآآه ويلاه <<<(( خذاه الطرب ))


ما اقدر اقول اكثر من الكلام اللي فوق

وكلن فاهم القصد


يالله فتكوا بعافيه

هههههههههههههههههههههه

تسلم لي يــ maanmaan

أسلوبك جميل ياعزيزي

من ناحية باكيتا لن يغير الشي الكثير تبقى المهمة على اللاعبين

لانه جاء في وقت ضيق يعني ممكن يثبتهم على تكتيك معين ويالله عساهم يحفظونها

والكرات الثابته على قولتك انه يعتمد على كماتشو لانه كان افضل من يشوت ولا تنسى

الشلهوب المدربين اللي جوا بعد باكيتا ما كانوا يهتمون من النقطة هاذي أول في عهد

باكيتا كان يحرص بعد التمرينات يخصص خمسة لاعيبة كماتشو والشلهوب وسامي

والجمعان على ما اظن وكان يضع الشلهوب المتعهد للكرات الثابتة اذا كان كماتشو غير

موجود لكن المدربين اللي بعده لم نراهم يوكلون المهمة للشلهوب اي يعني يكون

متعهد الكرات الثابتة

عزيزي اي خدمات أخرى

تحياتي لك

بالنسبة لاخر الموضوع

شقيت القربة الله يخس بليسك

هلا بصديقي المبربس انا بجاوب على سؤالك يالغالي

إقتباس هل باكيتا بينفع الهلال او هل باكيتا بيجيب بطولات زي السنه اللي راحت ؟؟

انا اقول اول شي ان شاء الله ان باكيتا قدها وقدود ولا ماضحوا ربعنا بشحاتة اقصد سيريزو

وصدقني باكيتا عارف قدرات اللاعبين اللي عندنا وراح يتأقلم معاهم من بكرة ان شاء الله

بس حلوة خلاص من حبكم يازين عزلنا هههههههههههههههههههههه الله يرجك

خخخخخخخخخخخخخخخخخخـ

الله يـخـلـف عـلـيـك يـا ولــد خـالـي .

بـا كـيـتـا إرجـع لـلـبـطـولات الـلـي حـقـهــا الـهـلال

وتـدري أنــه مـن جـنـبـهــاا < أزيـن مـا فـيـه أن بـنـتـه هـلالـيــه .

والله يـخـلـي لـه كـمـاتــشــو .

إقتباس مدرب منتخبنا الجديد يقول : تدريب المنتخب السعودي أصبح محور اهتمام جميع المدربين العالميين

خخخخخخخخخخخخخخخخخخخخـ

الله يـا هـو نـصـــااب .

يـقـولـون أن مـنـتـخـب الـبـرازيــل عـجـزوا يـلـقـون خـطـه تـنـاسـبـهـم

ومـقــدمـيـن لـ خـويـنـا [ سـلـطـان ] عـرض [ عـلـشـان يـحـطـط لـهـم ] .

الـبـلـى مـهـوب فـالـمـدرب [ الـبـلى فـي داخـلـي الـرتـسـيـه ] .

الـرتـسـيـه = الـقـلـيـب / يـعـنـي الـبـئـر .

إقتباس خلاص من حبكم يا زين عزلنا *** معاد لي في هواكم شف او راده اللي شبكنا معاك يا (( حلو )) يخلصنا *** يكفين اللي حصل ما استحمل زياده

أنـا أقـول //

أنـا وقـلـبـي عـلـى الـهـجـران عـزمـنـا ::: طـرد الـمـفــرج حـشـى مـاهـي لـنـّا عــادهـ


والله يـرحـم أيـامــك يـا بـشـيـر و يـا بـن سـعــيـد .

ويـعـطـيـك الـعـافـيـة يـا [ فـيـصــل ]

تـحـيـتـي لـك .

صدقني الدعوه عند اللاعبين .. بس ان شاء الله باكيتا بيحط كل لاعب في مكانه اللي بدع فيه

ويحل مشكله الدفاع بس هذا اللي نطلبه ..

تاريخ باكيتا مع الزعيم جميل

هههههههههههههه

واحد يختار الأسماء والثاني يحط التشكيلة !!!!!!!!

حلوووووة

من ناحية باكيتا فأنا والله حاط يدي على قلبي وخايف يقعد يتفلسف
وحتى من اول انا ما اشوف انه مدرب لانه ماعنده اي شي اسمه تكتيك

اما بخصوص الشركة الراعيه والتذاكر فأنا الي اعرفه ان التذاكر تابعه لشركة متعاقده مع الاتحاد السعودي والي اعرفه ان الاسعار تكون ثابته على كل المباريات والفرق

الله يعطيكمـ العافية

اشكر كل من تجاوب مع الموضوع

اخوي زعيم اول


يعطيك العافيه على المدح اللي ما استاهله


وبالنسبه لموضوع باكيتا وكماتشو ادري ان المدربين اللي بعد باكيتا ما اعتمدوا على ذا الطريقه واغلبهم اعتمدوا على الغزو من الاطراف


بس حتى ولو هذا ما يلغي ان كماتشو كان يوزن الكوره وزن ورجله ما ترحم يا عارضه ياالمرمى

وبالنسبه لاخر الموضوع فترى القربه مشقوقه من مبطي




صديقي ابو سهم

يالله حيه


والله انا مقدر تفائلك وان شاء الله يخيب ظني



ابو عمار ( صورة قلب كبر بيتكم ))

إقتباس أنـا أقـول // أنـا وقـلـبـي عـلـى الـهـجـران عـزمـنـا ::: طـرد الـمـفــرج حـشـى مـاهـي لـنـّا عــادهـ والله يـرحـم أيـامــك يـا بـشـيـر و يـا بـن سـعــيـد .

صح لسانك مليون ولا يكفون وفالك التوفيق والمليون

ودايم اقول ان ذوقك في الاغني ذوق ارصفه



القلم الازرق

معروف ان الهلال هو من يصنع المدرب وذلك لوفرة النجوم اللي عنده

والدفاع سلم لي على تفاريس والمرشدي والباقين تنسيق


رنا

دارين ان تاريخ باكيتا مع الهلال جميل

بس ودنا يصير الحاضر اجمل

والظروف وضيق الوقت ما تخدم باكيتا ابد



كريستيان

عاد هذا اللي صاير

والفرج عند ربك ان شاء الله


سمو الهلال الملكي

نفس الشعور مع الاختلاف في الرأي قليلا

يعني باكيتا مدرب انضباطي خطته موزونه بس يعيبه تأخره في التغيير
وتغييراته تقلب نتائج المباريات رأس على عقب يعني يغير تضمن الفوز بإذن الله

وبالنسبه لموضوع الشركه اللي ماسكه التذاكر فما ادري عنها الظاهر انها شركة صله اذا ما كنت واهم


وزير الهلال

الله يعافيك

إقتباس ودايم اقول ان ذوقك في الاغني ذوق ارصفه

الـشــرهــه مـهـيـب عـلـيــك الـشــرهــه عـلـى الـلـي يـلـوّث

[ يــووزرهـ ] فـي مـوضــوعــك يـاا دب !!