يا شباب
السلام عليكم
لقيت لكم برنامج على الله يعجبكم
وهو انك تقدر تفتح ماسنجرين بوقت واحد يعني انك تقدر تفتح اكثر من مسنجر باكثر من بريد واللي يبيه يضغط على اللنك هذا ... بس تراه مضغوط يعني يحتاج برنامج win.zip لفك الملفات المضغوطه:

http://ashge.com/ashgemsn.zip
وفي الختام اتمنى انه يعجبكم.
والسلام عليكم.

البرنامج فيه فيروس بوش

انصحكم لا أحد يحمله

نصيحه من مجرب ........صابني الفيروس في جهازي

ولكم جزيل الشكر

السلام عليكم
ياخي انا محمله ولا جاني شي بعدين يا اخ مومعقوله تتهم الناس بالباطل وترى الموقع اللي جايبه منه انا هذا هو:
http://ashge.com
وياخي الكريم ناظر من وين انت محمله وارجوا منك الرد عاجلا .
وان كان من نفس الموقع اعلاه اتحداك لاني انا محمله ولا جاني اي شيء وارجوا ان تكون مصدر ثقه ولا تتهم بدون ما تتاكد ولو فيه فيروس انا بحطه في المنتدى ياخي انا عتبان عليك عتب شديد ولو فيه شيء ما راح اضر زوار واعضاء المنتدى ومني مغامر باسمي في المنتدى وعلشانك انا بحذفه واحمله من جديد وان كان فيه شيء ابجي واقول واعتذر لك ولكل زوار واعضاء المنتدى.
اوكي عزيزي وان شاء الله بيجيكم الرد عاجلا مني ان كان فيه شي ولا لا؟؟؟؟؟؟؟؟؟؟؟

السلام عليكم
يااخي العزيز السلطاني بعد التحيه اقول لك انك متسرع وفوق الحدود يااخي انا بعرف شي واحد بس وش فيك علي ومتى المعرفه بعد ان اتهمتني بتهمه زور وبهتان وبعيد عن النور والبيان لقد حملت البرنامج وفحصته ببرنا مج النورتن ووجدته خالي من الفيروسات واستخدمته ووجد ته على افضل ما يرام وانك اتهمتني ولا تعرف هل يوجد فيرو سات او لا
واعلم اخي الفاضل انني وفي هذا اليوم المبارك لااقول الا حسبي الله ونعم الوكيل
وانني لا احلك ولا ابيحك ولا اسامحك ****** اتهمتني ظلم وبهتان وكيف يهون علي اقدم لزوار واعضاء هذا الموقع الشامخ برنامج يوجد به فيروس فقد حملته اكثر من مره وتاكدت انه خالي من الفيروسات ،وتذكر انني لا اسامحك لانك جعلتني شبهه في هذا المنتدى الشامخ حيث اتهمتني انني احمل اليكم برامج مفيرسه ولا اقول الا حسبي الله ونعم الوكيل فيك .
واتمنى منك رد عاجل وان تاتي بللنك الموقع الذي حملت انت منه البرنامج المفير س في هذا الموضوع واكتب عليه انه هو الموقع الذي يقدم البرنامج المفيرس حتى تنبه الجميع
هذا ان كنت صادقا في كل ما تقوله.
ولا اقول الا (حسبي الله ونعم الوكيل عليك ).
وخير الكلام
(السلام عليكم ورحمته الله وبركاته)
واعلم انني انتظر منك الرد عاجلا على اللنك المفيرس الذي حملته.........

صدقووووني يااعضاء وزوار المنتدى انه خالي من اي فيروس وقد حملته وجربته بنفسي ومن يريد ان يتاكد يرسل على الايميل.
وتحياتي.

السلام عليكم شباب
في البدايه تخوفت من كلام السلطاني وبدافع المغامره مني والفضول حملته ووجته برنامج قوووووووووي ومحتررررررررررررررم جدا ومفييييييد للغايه ولا فيه اي فيروس ولا شي ، وانا مع حمودي في كل ما قاله لان البرنامج ما فيه اي شي
ولكن السلطاني اغلط غلط كبيييييييييير جدا على الاخ حمودي يوم قاله انه به فيروس
وهذا وهو عضو فعال المفروض يتاكد من كل كلمه يكتبها.
واشكر العضو حمودي جزييييييييييييل الشكر على هذه الخدمه وهذا البرنامج المهم والمفيد ولا تغيب علينا يا حمودي وبودي اقول لكل القراء فزعه مع الحق ان البرنامج طبيعي ولابه اي شيء ومشكووووووووووووور يا حمودي

هلا شباب

ترى كلام السلطان صحيح

انا ما انصح احد بالبرنامج لانه فيه فايروس

وكثير من الشباب اللى يستخدمون ماسنجرين ضرهم

وانا صراحه ما ادري عن هذي النسخه

السلام عليكم
ياخ سعود انا ما اغصب احد على انه يحمل البرنامج يكفيك اني انا محمله ولا ضرن شيء ولكن كل اللي عطيته البرنامج من اخوياي واللي اعرفهم قالوا انه يشتغل مضبوط لكن اطلب منك طلب ياخ سعود انك ترسل لي اللنك حق الموقع اللي فيه الفيروس حتى اتاكد او تحطه في المنتدى حتى الامر يكون واضح وضوح الشمس للكل
اي انه يكون هناك لنكين لنك اللي انا جبته ومتاكد انه خالي من اي فيروس ولنك اللي انتم تقولونه انت والسلطان اللي فيه فيروس حتى اتاكد .
ولكم مني جزيل الشكر اذا حققتم طلبي........
والسلام عليكم ورحمه الله وبركاته

يا شباب انا نزلت البرنامج وفحصته ببرنامج الpc-cilin وطلع ما فيه فيروسات.

هلا اخوي

ماشاء الله عليك متحمس

وسع صدرك شوي

ومادام الشباب ضبط معهم

الله يعيطك الف عافيه

:p

اخوي hmmooddeاشكرك علي الخدمه الي قدمتها لنل وهذا البرنامج الراءع والله الكلام الي صدر من بعض الخوان مالهو داعي هو فعلا يستاهل الشكر وبعض الناس يقولون ان البرنامج فيه فيروس طلع كذب ومالو اساس واتمني انك تجربون هذا البرنامج والف الف الف شكر لك يا حممممممممممممممممممممودي والله انك افدتنا من ماعندك ان شاء الله نفيدك وشكر الهدوء الذي يسبق العاصفه

السلام عليكم
اشكرك جدا يالهلالي الفخور وياالهدوء الذي يسبق العاصفه ويا الوحش الهلالي
على تشجيعكم وشهادتكم لي التي هي راح تكون دافع كبير لي لتقديم المزيد لكل عشاق هذا المنتدى ،ويااخ سعود انا مو متحمس انا زعلان لاننه اول برنامج اقدمه للمنتدى ويجيك واحد محمله من مصدر مو ثقه ويقول نصيحه لا احد يحمله لان فيه فيروس
عموما هو لو انا بكمل كان انقطع صومي ولكن ما له داعي اقطع صيامي على شي تافه ................................
وتحياتي للكل ،واتمنى من الاخ العزيز السلطاني تحري الدقه ولامانه والصدق.
والسلام عليكم ورحمه الله وبركاته.

يا شباب والله العظيم فيه فيروس وهذا الفيروس يدخل للريجستري ويصعب حذفه إلا من المحترفين وانا شخصيا قد اصابني هذا الفيروس ولم اتخلص منه
إلا بعمل فورمات كامل للجهاز .

ثم إن الفيروس موجود في صلب تصميم البرنامج وليس السبب الموقع الذي حملت منه ............. ويبدو أنك لم تسمع بفيروس جورج بوش ؟؟؟

لقد دمر العديد من الأجهزه الشخصيه للمستخدمين وذلك لأنه يدخل في الريجستري مباشرة . والفيروس لايصيب البرنامج مباشرة بعد التحميل ولكن بعد فتره وهو يصيبك ويصيب الآخرين الذين يتجدثون معك عبر الماسنجر ويرسل لهم ملفات تحتوي الفيروس .
وأنا شخصيا قعد معي شهرين لم يصبني الفيروس إلا بعدها وليس بعد التحميل كما تعتقدون.

وصراحة استغرب هجوم الشباب علي مع أني من الأعضاء الفاعلين في قسم الكمبيوتر والانترنت في الزعيم ولي خبرة كبيرة في الكمبيوتر.

وهذه مجرد نصيحه من محب لكم

ولكم اجمل تحيه

السلام عليكم

ياشباب البرنامج فيه ملف تجسس يقوم بارسال الباس ورد الخاصه ببريدك الى مصممي البرنامج

وللتاكد شوفوا اللنك

http://www.al-muntada.com/vb/showth...?threadid=21703

السلام عليكم
انا اعيد واكرر ان الي وده يحمله يحمله واللي ما وده بكيفه ما احد غاصبه.
واقول للاخ السلطاني انه حتى لوفحصته بالنورتن وما لقيت فيه شيء وش بتقولز
وان اللي جاه من قبل بعض الاعضاء عتب لا اكثر ولا اقل يمكن علشان اسلوبك في الرساله الاولى او ، وتران احتري منك الرد يالسلطاني على موضوع الفحص بالنورتنز