|
آآه ياأبو سلطان وش الي يحصل داخل النادي وحنا ما نعرفه؟وادراة الأخبار بالموقع صح النوم بسم الله الرحمن الرحيم وما زال للتخبط بقيه نعم لا تزعل مني يا أبو سلطان ماهذا القرار العجيب تقيل مدرب بعد 3شهور مدرب لعب مع الاتفاق والاتحاد والوحده والحزم والفيصلي والأهلي والكويت الكويتي والقادسيه تخيلوا مدرب فاز في 6 مباريات وخسر مباراه وتعادل مباراه أنا معكم المستوى لك عليه بس هل المدرب السبب. يقول الخبير التونسي الرائع /عبدالمجيد الشتالي(مع بداية المباراه المدرب لا يتحمل الا 30في الميه من أداء الفريق و70في الميه على اللاعبين) اللاعبين كلنا عارفين لم يظهروا بالمستوى المطلوب بآخر المباريات وش ذنب المدرب أبي أعرف ياجماعه للي ما يعرف دربنا هالسنه بسيرو بعدين لويس كارلوس بعدين سيرزو بعدين الحسيني وبيجي بعده مثل ما أغلب المصادر تقول باكيتا خمس مدربين في موسم واحد حطمنا رقم المنافس الحالمي نعم كنا نضحك عليهم في المنتدى غيروا أربع مدربين وحنا حطمنا رقمهم وجبنا خمس مدربين. أخواني/ أنا والله لست ضذ باكيتا بالعكس من أكثر المدربين الذين أحب فلسفتهم ولكن خلاص حنا بوقت الحصاد يعني باكيتا وش بيسوي وباقي أسبوع على مباراة الأهلي أبي أعرف والله ثم والله ثم والله ان لم يظهر اللاعبون بمستواهم وروحهم والله لو جبنا مورينهو ولا ليبي لن ينفع الهلال بشيء ربما الشيء الإيجابي الوحيد في باكيتا انه يعرف لاعبين الهلال والدوري بشكل قوي ولكن هل سيتفاعل اللاعبون مع باكيتا هل سيلعب الهلال بروحه أم لا؟؟ حقيقة أريد ان يحدثني أحد من الإداره ما هو سبب ألغاء عقد سيرزو هل اللاعبون من طلب ذلك أم مااذا. ربما سيكون القرار ناجح وضربة معلم ولكن لن يحصل هذا أكررها للمره المليون أذا لم يتفاعل اللاعبون مع القرار. للتذكير فقط/ أنا لست ضد باكيتا أو مع سيرزو ولكن أريد أن أعرف ما سر هذه القرارات وشهو الشيء الحاصل داخل النادي وما نعرفه نحن الجمهور لدرجة أن ياسر يتأخر عن تمرين الأمس وعذره ما كان يعرف بتقديم موعد مباراتنا مع الطائي:eek: معقوله يا ياسر ما احد بلغك من الاداره شيء غريب وسؤال محير ودي أحد يجاوبني عليه. أتمنى من المطبلين أن لا يفهموا كلامي غلط وأنا أقولها لكم اذا نجحت الخطوه فتأكدوا أن اللاعبين هم من أنجحها ويعني وقتها اللاعبين ماكانوا مرتاحين مع سيرزو ولكن أذا حدث شيء آخر لا سمح الله فمن سيتحمل المسؤوليه سؤال عريض بحاجه الا أجابه وافيه. خبر الاقاله متسرب من 48 ساعه في منتدى النادي الجار وفي موقع كوره وقناته الفضائيه وفي المنتدى, من يسرب المعلومات من داخل البيت الهلالي؟ سؤال آخر بحاجه الا اجابه بالعاده الاخبار تتسرب في موقعنا بس تتسرب وبسبق في موقع النادي الحالمي والله عجيبه. للمعلوميه جوال الهلال اعلن قبل ساعتين من كتابة هذا الموضوع اقالة المدرب رسميا وادارة الموقع لم تنشر الخبر عن طريق أدارة الاخبار ولم يوضحوا الأسباب ولم يوضحوا هل الحسيني الا نهاية الموسم أو باكيتا ام ماذا؟؟؟ قبل يومين راهنت ان الهلال سيفوز على الأهلي وسيسجل ياسر مالا يقل عن هدفين الآن سأسحب الرهان لأنني الى الآن لا أعرف ماذا يحصل داخل البيت الهلالي والله يستر. تمنياتي للهلال بالتوفيق والله يستر تحياتي للجميع . |
ولله إنك صادق تخبطات إقالة مدرب ما اخذ فرصته لاتسحب رهانك لن الهلال سيتنصر بنواف |
صجيج كلامك ومانقول الا الله يستر ومن ناحية ان الحسيني يمسك تدريبات الزعيم فهو افضل من لا شئ ومانقول الا الله يكتب الي فيه الخير للزعيم |
يارجال اذكر الله لو قارنت بين باكيتا وبين سيريزو من تفضل؟ اكيد باكيتا ومسألة ضيق الوقت ونهاية الموسم هذي مفروغ منها لان باكيتا يعرف الفريق اكثر من سيريزو ( سواء في المنتخب او مع الفريق ) وان شاء الله باكيتا ينجح من الفريق والله يوفق الزعيم |
كلامك لامس الجرح الاداره في تخبط واضححححح من متى نشوف اعضاء الاداره في التلفزيون يسبون بعض ويقللون من شأن الادارة مثل ماسوى البابطين وش سبب تغيير المدربيين وسبب تغيير اللاعبين الاجانب وانخفاض مستوى اللاعبين |
مشكور اخويعلى مشاركتك بس استغرب انت ليش مكبر السالفه وفيه شي داخل النادي والجمهور ما يعرفه وكنت مراهن ان الهلال بيفوز على الاهلي والحين سحبت الرهان ليش كل هذا سيريزو مدرب قدير وله فلسفته ومنهجيته في اللعب بس مع احترامي لطريقة لعبه فهي لا تصلح للهلال لان الهلال يلعب ويظرب في منطة الوسط هنا قوة الهلال الحقيقيه وبعدين يكفي ان يكون البديل باكيتا ان صحت الاخبار لانه الاعبين سوف ينتشون بخبر رجعته لتدريبهم لانه سوف يذكرهم بالبطولات الخمس الي حققها مع الهلال ورجعت بكيتا سف تكون معنويه اكثر من انها فنيه لان الهلال اي مدرب ينجح معه بس بشرط اذا حبوه اللاعبين وارتاحوا معه وبعدين خطة باكيتا مساعده للهلال فهو يلعب 154 وهذه طريقه تعود عليها الهلال اتنمى انك ما تكبر الموضوع لان فعلك هذا بيسوي بلبله في المنتدى والنادي والله يكتب الي فيه الخير للزعيم. |
ولله إنك صادق تخبطات إقالة مدرب ما اخذ فرصته لاتسحب رهانك لن الهلال سينتصر ان شاء الله |
اخوي هاوي الأزرق من قال اني أبي اسوي بلبله انتو ليه تزعلون من الحق نعم تخبط واضح وذكرت شلون لاعب ما يعرف بتقديم موعد مباراته القادمه وكم مدرب درب من جهة خطة 4/5/1 نسيتوا بسيرو شلون هاجمتوه وكنتو تبون مهاجم مع ياسر يساعده يا جماعه الواحد يكون له رأي ثابت كل مدرب بتهاجمونه والادراه نقدرها ونحترمها ولكن نبي نعرف وش يصير وهذا من حق كل جمهور الزعيم وشكرا لمروركم جميعا. |
والله الواحد ما يدري وش يقول لاكن كل شي يبي يتبين بعد المباريات القادمة |
أهلا بالأخ خالي من الهم : سأتحدث عن جزئية إدارة الأخبار .... إدارة الأخبار وقعت ضحية لالتزامها بالمصداقية والبحث عن مصلحة الهلال .. ودفعت ثمن احترامها للمواثيق عندما حققت رغبة الإدارة بعدم نشر الخبر !! الخبر لدى إدارة الموقع منذ أيام ولكنها التزمت برغبة إدارة النادي بعد نشر الخبر لمصلحة النادي .. ليتفاجأ الجميع بأن مواقع وصحف غير هلالية هي التي تعلن أخبار الهلال وتحظى بالأسبقية !!!! عموما ... لن تندم إدارة شبكة الزعيم أبدا على أي خسارة إعلامية ( وقتية ) دفعتها ثمن لمصلحة الهلال !! |
صحيح كلامك اشياء ما ندري ليش يعطيك الله الف عافية |
والله نتمنى ان يكون قرار تغيير المدرب مفيد في الوقت الحاضر ويخرج الفريق من الدوامه وسوء المستوى الذي يعيشه الهلال منذ قدوم سيريزو وقد يكون يكون سيريزو مش سبب في انخفاض مستوى الفريق مثل ما قال اخونا خالي الهم ولكن على الارجح وهذي عادة الهلال طوال تاريخه ان المدرب اللي يجي في وقت الحصاد في العاده ينجح بل ويحصد الهلال على يده بطولات وهنا ابرز مثال لهم جوبير عام 1416 عندما فاز الهلال على الاهلي 2/1 وهذه الحادثه بالتاكيد ليست الاوله والاخيره في تاريخ الهلال ومرة ثانيه نتمنى ان يكون تغيير المدرب سببا تقديم الهلال لافضل المستويات واهم من هذا الشيئ ان يكون سببا باذن الله في عبور الهلال للدور الاول من بطولة اسيا عقدة الهلال في السنوات الاخيره واعتقد ان جمهور الهلال يجب ان يعي الان ان كل بطولات الموسم في كفه وبطولة اسيا في الكفه الاخرى واعتقد ان هذا الشيئ هو راي الكل تقريبا وباكيتا ان اذا صدقت الاخبار وجاء باذن الله وهو مدرب غني عن التعريف خاصه بالنسبة لنا معشر الهلاليين فهو ان لم يكن افضل من درب الهلال طوال تاريخه فهو من افضلهم على الاطلاق وهو قادر باذن الواحد الاحد في يعيد بطولة اسيا لهلال البطولات وسامحونا على الاطالة |
الأخ الغريب حياك وشاكر لك مرورك وللجميع ولكن من سرب الخبر هنا السؤال اخي العزيز أنتو فيكم الخير والبركه ولكن أتحدث أن الخبر اعلن رسميا عن طريق جوال الهلال فلماذا لا يتم التوضيح من قبلكم عن أسباب الاقاله ودواعيها أنا يهمني أن أشوف الموقع دائما بالقمه في كل شيء أتمنى استضافة الاستاذ طارق التويجري للتوضيح وياليت يكون اليوم وهنا السبق الي نبحث عنه تمنياتي لكم وللنادي وبالتوفيق وجهودكم واضحه وانتقادي لكم من حبي للموقع ولك جزيل الشكر أخوك خالي من الهم |
يعطيك الله الف عافية والله معد الواحد يدري عن شي لكن انا متأكد ومثلي كثيرين جداً من الجمهور الهلالي ان ابوسلطان وادارته يبذلون كل الجهد عشان الزعيم الهلالي وجمهوره |
ولله انكـ صادق ياخويـ بكل كلمه قلتها مع سيريزو ماشي ـ صحـ معـ الفريقـ وبخلال ثلاثة اشهر ومثل ماقالت يعني الموسم ماباقي عليهـ شي بسـ مانقول الا الله يستر من الجاي |
| الوقت المعتمد في المنتدى بتوقيت جرينتش +3.
الوقت الان » 11:30 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd