موبايلي والــ50 ريال
 

السلام عليكم

موبايلي والــ50 ريال

هذي قصتي معا موبايلي كنت دايما اشوف دعايه لــ((موبايلي )) وهي عن خدمة جديدة اسمها *حول*

وكل ما اشوفها اقول والله انها خدمة حلوه واتمنى يفعلونها في اسرع وقت

وبعد ايام كنت جالس عند التلفزيون اشوي الا جاتني رسالة على جوالي

(( تكلم بلا حدود مع خدمة الاتصال الاسلكي "موبايلي حول " للتفعيل ارسل حول الى 1100 ))

<<< الاخ ما صدق خبر ارسل وفعل الخدمة

كنت افكرها مثل الانتر نت او اي خدمة ثانيه يكوون الاشتراك مجاني لكن الاستخدام بفلوس

يعني الانتر نت على حسب الوقت الي جلست تتصفح فيه راح يحسمون من الرصيد حقك

جلست شوي الا اخوي جاني قال بدق من جوالك قلتله خذ راح كلم ورجع قالي ترى رصيدك ما باقي فيه

الا 7 ريال :eek: << توه شاحن بـ 60 ريال

قلتله داق على الهند يا الطيب اخذته منه قلت يمكن انه يمزح طلع صدق :upset:

قلت وين راحت الفلوس؟ :upset: :confused:

وين وين قلت يمكن من الخدمة اتصلت على 1100 رد على الموظف

كلمت قلتله الحين خدمة حول هذي حقتكم الاشتراك فيها مجانا والاستخادم بفلوس

قال لا الاشتراك بـ50 ريال والاستخدام مجاني لمدة شهر

وقتها كان ودي ادخل يدي من الجوال وامسكه من وجهه وامسح فيه الارض

لانهم في الرسال الي رسلوها ماقالو الاشتراك بـ 50

وهذي القصة واسف اني طولت عليكم

لكن الي اشترك يعطيني رقمه اسولف معه على الاقل موتروح الـ50 ببلاش :D

وعليكم السلام
مشكور
هههههههههههه والله انة مافي اسوء من هاذي الشركة موبايلي بس احلى مافيا قاعدة عظمة على حلق شركة الاتصالات

يالغالي الخطأ عليك
المفوض انت تتأكد من هالخدمة وش ميزتها وش عيوبها مو على طول تطبح

واعتقد اكثر الشركات تعلن عن خدمة وماتعطيك السعر لازم انت تسأل

كل ضربة بتعليمة

المفروض موبايلي تحطها مجانا كفتره تجريبيه اول شهر مثلا بعدين تصير بفلوس ..
خدمه سعرها يعتبر غالي شوي
انا جربتها اول ما طلعت اول شهر وخصموا خمسين ريال مني وغير كذا تقطع كثير واحيان يفصل الخدمه من حال واحيان تكون ممتازه واحيان تتكلم شوي بعدين تفصل وما يمسك معاك الا بعد فتره طويله ...
المفروض يطورون خدمتهم بعدين يحطونها بفلوس والحين الغيت اشتراكي فيها ولا عاد بشترك فيها لان الخدمه مو ميه ميه ..