|
كل واحد يدخل ويكتب اصعب ما واجهه في قياس اسعفوني ترى اختباري بكرة السلام عليكم ورحمة الله وبركاتة اتمنى من كل عضو انة يكتب ما واجهه في اختبار القدرات حتى يستفيد الجميع وانا اولهم وهل كفاه الوقت الممنوح له من قبل ادارة اختبار قياس ارجوكم افيدوني لان اختباري بكرة (الخميس) s13s s13s s13s s13s s13s s13s |
انا اخترت قبل سنتين اخوي طبعا الوقت يعني لازم سرعه في الاجابات يعني كل سؤال دقيقه وحده وانا بالنسبه لي واجهت صعوبه في الرياضيات لاني ادبي ماني علمي وفيه بعض الاسئله تعتمد على الذكاء وسرعة البديهه لكن صعوبه مافيه وانا اخوك لا تخاف تحياتي لك |
مشكوور نواف على النصيحة لكن اغلب الطلاب اللي اختبروا قالوا أن الاختبار صعب مع انهم من الطلاب الاوائل على المدرسة |
الاختبار صعب والحق يقال يلزمك تكون مرووووق للآخر وأعصابك هادية جدا ولا تطول عند أي فقرة زيادة عن اللزوم اللي ما تعرفها مشها بضربة حظ واذا خلصت وبقى معاك وقت راجع الفقرات اللي مشكك فيهن أما اللي تحس انه صعب لا تضيع وقتك فيها وأصعب قسم هو الرياضيات بيسوي لك نوع من (لحس المخ) لكن لا يضيق صدرك اذا عديت أكثر الاسئله اللي فيه وانت مو متأكد لانه هي أولا وأخيرا توفيق من الله قبل كل شي وبقولك حاجة تسويها اذا سويتها تأكد أن ربي بيوفقك باذن الله قبل ما تنام الليلة توضأ وصلي لك ركعتين وأدع ربك انه يوفقك ويثبتك وحط راسك ونم في سبات عميق وباذن الله بتتوفق وبتتذكر كلامي ولا تنسى ساعة اليد تراها مهمة وموفق أن شاء الله |
مشكور ماجد وعساك عالقوة صراحةعطيتني امل (برد بكرة وبقولك ايش سويت في الاختبار انشاء الله نتواصل) |
اخوي .. انا مختبر الاثنين الي راح .. نجوم السماء اقرب من انك تحل .. الاختبار كان صعب نسبيا .. والي زاد الطين باله .. ان اخر باب اذا انهد حيلك .. وكرهت الدنيا وانكسر ظهرك .. جاك اصعب باب الي هو رياضيات .. طبعا الاختبار هذا كان صعب .. حتى لو تقول حليت زين .. ترى ما تظمن .. لانك ما تدري شو الجواب الصح من الخطأ .. خصوصا في العربي .. لان الاجوبه متشابهه .. اما الرياضيات .. فتعتمد على المجهود الذاتي .. بس لا تحمس في الرياضيات لان الوقت ما يساعد .. وحاول ما تركز كثير .. لانك اذا ركزت راح الوقت عليك وانت توك في السؤال ما تعديته :) .. |
اخوي انا اللي اعرفه من ولد اخوي انه يقول فيه ست اقسام وكل قسم 25دقيقه لكن مو كل الأقسام 26 سؤال فيه بعض الاقسام 22 سؤال والله يوفقك يارب ترى تأجل اخبارك على فكره الى الاسبوع القادم الا اذا كنت برا الرياض |
بالتوفيق ان شاء الله أخوي.. ولا تخاف الاختبار ما راح يكون صعب ان شاء الله بس صعوبته راح تكون بالإرهاق وكثرة الاسئله والاختبار عبارة عن معلومات سابقه كنت قد درستها في المراحل السابقه يعني باختصار هي معلومات عامه قد تعلمتها من سنوات الدراسه السابقه والحاليه.. ولا تخاف ولا تشيل هم توكل على الله |
الاختبآر مب صعب .. الله يوفقك ان شاء الله .. أنا اختبرت السبت اللي راح وأختبرت السنه اللي راحت .. الاختبار يبيله وآحد فاهم أساسيات الريآضيات + يعرف يستخدم الوقت في صالحه .. اختباري السبت اللي راح .. أول قسسم خلصته وبآقي ربع سآعه .. لانه لفظي .. والكمي دقرنآ فيه ولله الحمد :d الله يوفقك أخوي .. وبإذن الله تجيب درجه زينه .. |
أنا اختبرت الاثنين ولاا تشيل هم وترى الاسئلة نفسها يبي يجيك سؤال عن ابن عرس |
والله يا غالي انا اتوقع انك ماراح تشوف ردي الا بعد اداءك للاختبار 00 ولكن من الواجب ان أنصحك 00 الاختبار لايصل الى درجة الصعوبة بمعنى هذه الكلمة ولكن ظروف الاختبارهي التي جعلت منه معقدا ً بعض الشئ بالنظر الى كمية الاسئلة وزمن الاختبار 00 ولكن وللأمانة سترى بأن ستحصل على درجات في الكمي أكثر من النظري 00 ولكن حاول التركيز في الكمي على الاسئلة السهلة والقصيرة لأن الوقت هو المقياس المحدد للدرجة التي ستحصل عليها في الكمي 000 أما النظري فيحتاج الى 50 % من تركيزك فقط للوصول الاجابة الصحيحة 00 تذكر بأنك عندما تنهي الاختبار فستتذكر أسئلة لم تستطع الاجابة عليها في الاختبارولكنها في واقع الامر اسئلة سهلة 00 لذا لاتفكر بها لأن تلك حالة طبيعية 00 نصيحة بسيطة بالاضافة لنصائح الاخوان / حاول بعد كل خمس اسئلة اخذ نفس عميق مع محاولة تمديد الذراعين والنظر للأعلى أو للأمام 00 لأن ذلك سيضمن ضخ الدم بتدفق أعلى للرأس والذراعية خصوصا ً في ظل التوتر النفسي الذي يؤثر على إفراز الأدرينالين 000 تحيتي والتوفيق حليفكم جميعا ً بأذن الله 00 |
^^^^ أشهد لله أنه ما قصر معك.....!! اسمع نصيحة أخوك قائد قوات العشق... وان شاء الله تستفيد...!! أما بالنسبة لنصيحتي... فأخاف تروح فيها :D لأني أنصحك قبل تروح الاختبار تروح الثقبة وأوصفك المكان اللي قد جيته بيوم من الأيام..:D وان شاء الله بعدها تاخذ فل مارك :D تحياتي يالغلا.... وبالتوفيق....!! |
الاختبار سهل باذن الله والحقيقه هو يكشف قدرات الطالب فعلا اتمنى لك كل التوفيق واهم شي تنوم زين قبل الاختبار |
الصراحه لم اختبر القياس لاني لم يطبق على النظام هذا |
ابشركم انا اختبرت وطلع متوسط نسبيا ومشكورين على النصائح الرائعة اللي تدل على وعي الزعماء رهيب الحزين:جاني سوال عن ابن عرس لكن بصراحة اتحفتوني بردودكم الرنانة |
| الوقت المعتمد في المنتدى بتوقيت جرينتش +3.
الوقت الان » 08:19 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd