«®•°•ღ•° حفــل شاعر المليون كـان الامتاع هـو العنــوان «®•°•ღ•° - صفحة رقم 3 - نادي الهلال السعودي - شبكة الزعيم

العنـا · #31 30/03/2007, 05:44 PM

اي برنامج يخسر المشاهدين اشوفه نصب وهذا بالذات في مدح ازود من اللازم لكن الموهم انك مبسوطه والحمدلله انك ما تعشيت خليك تخفين شوي يالدبه

الهنوووف · #32 30/03/2007, 06:11 PM

المشاغب
حياك الله الموضووع موضوعك

إقتباس

الرسالة الأصلية كتبت بواسطة العنـا


	اي برنامج يخسر المشاهدين اشوفه نصب وهذا بالذات في مدح ازود من اللازم لكن الموهم انك مبسوطه والحمدلله انك ما تعشيت خليك تخفين شوي يالدبه

لو دارين ان شاعر المليون بيجيكم كان نهيناه من زمااااااان

والا علشاني عصبت على الكلاسيكي لانه ذكر اسمك بمقدمه موضوعه وانا لا جيت لنـا

احس اننا ياسنا منكـ حتى ماصرنا نسال انت وش سالفتكـ الحين مسوي يعني مثل القمــر تغيب سنة وتطل مرة

وبخصوص المدح ...ازعجونـا والله بس وش نسووي

ماعرفت لكم ناس تقول كلي وانت تقول لاتاكلين

حياكـ خيوو منور بطلتكـ
>>>>>>>>>>>>>>>>>> احس انك صرت غريب ماصرت اعرف ارد عليك:p

افتخر بالزعيم · #33 30/03/2007, 08:45 PM

هلا بااختي الهنووف

إقتباس


	/ كم تعطي شاعر المليون نسبة نجاحة ..سواء على الصعيد الاعلامي والشعري ..!

على الصعيد الاعلامي 95% وعلى الصعيد الشعري 80%

إقتباس


	برايك هل ابن فطيس هو الاجدر ؟ من برايك الاجدر اذا ..!

بكل تاكيد ابن فطيس الاجدر وكان واضح من بداية البرنامج تميزه عن الباقين

إقتباس


	برنامج شاعر المليون برايك ماهي عيوبة ,,,وماهي ايجابياته,,!

ايجابياته اكثر من عيوبه

اولا فكرة جديدة وحلوة وغير مقتبسة من برامج اجنبية

ثانيا زاد من انتشار الشعر الشعبي واللي هو يعتبر جزء من تاريخنا

ثالثا كان ميدان للتنافس الشريف والعادل بين الجميع ووجود مثل هالبرنامج اكيد يساهم في رقي اذواق كثير من متذوقين الشعر

اما عيوبه فمثل ماقالوا الاخوان العصبية القبلية والمدح الزايد بالاضافة الى تصنع بعض اعضاء لجنة التحكيم

إقتباس


	وش رايكم بالحفل اليوم ...؟؟

حفل جميل يليق بختام برنامج رائع مثل شاعر المليون

الف شكر اختي الهنووف على الموضوع الرائع

عسيريه · #34 30/03/2007, 10:24 PM

هلا يالهنوووف

الصراحه انا مو من متابعين البرنامج يمكن حلقتين اللي شفتها ومش كامله بعد
بس انا اشووفه برنامج جيد لان كثير من الناس سحبوا على ستار اكاديمي
بعد ما ظهر شاعر المليون وأحلى شي ان البرنامج له هدف مو مثل بعض
البرامج اللي الصراحه ما ادري وش تبي بالظبط وكفايه ان البرنامج
فيه محمد بن زايد هذا اللي مخلي البرنامج ينجح ميه بالميه

يسلموو هنووو

مع التحيه

عاشق الزعيم!! · #35 30/03/2007, 11:08 PM

صراحه شاعر المليون سكن قلوب المتابعين له

الفارس الحائر · #36 31/03/2007, 04:53 AM

هلا وغلا بالهنوووف

للأسف كنت ناسي انه فيه مهرجان يوم الثلاثاء ولاتابعته لكن إن شاء الله بشوف الإعاده

1/ كم تعطي شاعر المليون نسبة نجاحة ..سواء على الصعيد الاعلامي والشعري ..؟
على الصعيد الإعلامي 80% أما الصعيد الشعري65%

2/ برايك هل ابن فطيس هو الاجدر ؟
أكيد ابن فطيس يستاهلها

3/ برنامج شاعر المليون برايك ماهي عيوبة ,,,وماهي ايجابياته,,!
عيوبه ان الفائز يحدده الجمهور بشكل كبير وكذا ظلم الشاعر الرائع بن ساقان
إيجابياته الإهتمام بالشعر من قبل الشباب وأعرف كثير ماتابع إلا بشاعر المليون

وش رايكم بالحفل اليوم ...؟؟
ماتابعته لكن على كلام الكثير رائع

الهلالي دائماً · #37 31/03/2007, 08:17 AM

هلا وغلا بالمبدعة المتميزة الهنوووف ...

ماشاء الله تبارك الله موضوع يقرمش هههههههه

والله ذا شاعر المليون ملئ الدنيا وشغل الناس ...

بس من جد برنامج رائع وما فيه حيلة ..

عاد انا تابعت اغلب الحلقات والقهر اني ماشفت الحفل الختامي

بس لاحق عليه انشاء الله في قناة الواحة ..

إقتباس


	كم تعطي شاعر المليون نسبة نجاحة ..سواء على الصعيد الاعلامي والشعري ..!

والله اشوف انه ناجح شتى المقاييس واعطيه A بلاس

إقتباس


	برايك هل ابن فطيس هو الاجدر ؟ من برايك الاجدر اذا ..!

دام اني ماشاركت اكيد ابن فطيس الاجدر وبلا منافس

إقتباس


	برنامج شاعر المليون برايك ماهي عيوبة ,,,وماهي ايجابياته,,!

والله البرنامج فيه حاجات وحاجات >>> بالله

بس بشكل عام الايجابيات اكثر ولو يتحشم البرنامج اكثر كان يطلع افضل ..

يعني الاغاني ما لها داعي وتضيع الوقت وروضة كويسة بس ياليت يحطونها في برنامج ثاني

ومشكورين على الفكرة الرائعة جداً...

الا عندي ابيات بقولها لكم ..
اقول لها وقد طارت شعاعا ** من الابطال ويحك لن تراعي ..
فانك لو طلبت بترك كاس ** من الكيسان ويحك لن تطاعي
هلالي ماحييت وشكل قلبي ** فراولة وقد غمست بـ ألبان المراعي

شكرا للهنوووف والله يعيطيك الف مليون عافية ,,,

دمت بخير ,,,

بنت فهد · #38 31/03/2007, 01:33 PM

إقتباس

الرسالة الأصلية كتبت بواسطة الـمـشـاغـب


	هلا بنت فهد: بالنسبة للأخت دلع فهي صادقة.. ابحثي يا بنت فهد في قوقل عن اي منتدى اماراتي راح تحصلين فيه سعوديين.. وأنا كنت مسجل لأكثر من سنتين في منتدى نادي الشعب الاماراتي.. وكان فيه سعوديين,,,!!;) وروحي لمنتدى الزعيم العيناوي راح تلقينه مليان سعوديين اتحاديين وهلاليين..;) والمعذرة يالهنوف على مداخلتي.... بس شفت فيه مضاربة وحاولت أصلح بينهن تشااااااااااو

المشاغب بسألك احم احم هل السعودييين اللي معششين في هالمنتديات كل مواضيعهم عن السعوديــــــــــــــــــــــــــــــــــــــــــــــــه

أتمنى الإجابه

الـمـشـاغـب · #39 31/03/2007, 05:59 PM

^^^^

أكيد لا بالتأكيد...!!

يالبى قلوب السعوديين كلهم

السعوديين محترمين في المنتديات الإماراتية ياحليلهم..!!

فيه بعض الشواذ لكن الشاذ لا حكم له...!!

السعوديين يحطون المواضيع المناسبة في المكان المناسب..!!

لكن:

خلي بنت الامارت تعبر عن حبها لوطنها وشيوخها....!!

مثل ما بعض الأعضاء متخصصين في مواضيع الحب والغرام... هي متخصصة بمواضيع الامارات..!!

خلي كل واحد ياخذ راحته يا بنت فهد..!!

خلي الناس تعيش حياتها

وأنا آسف للمرة الألف أختي الهنونوو على المداخلة...!! قلت لك بأحول موضوعك شات

بس احمدي ربك.. دايم أرفع موضوعك

بااااااي

هلالية حرة · #40 31/03/2007, 07:29 PM

المشاغب : معليش تمدح وطنها محد مسكها بس مب كل شي عنهـ يعني بكل موضوع لاازم تمدح ولاتنسى حنا بمنتدى سعودي يعني لو إماراتي بكيفها تمدحـ لين تشبعـ بس هنا مب على الطالعه والنازله تمدحـ ومب كل موضوع تقول اخر رد !!!

بنت فهد · #41 31/03/2007, 07:31 PM

المشاغب انا ما قلت شي بس أقول الصدق هي مبلشتنا بالإمارات والإمارات على عيني وراسي بس المفروض تجيب مواضيع نستفيد منها مو عن الإمارات طيب هي تكتب عن بلدها طيب إحنا وش نستفيد

معليش يالهنوف آسفه

بنت فهد · #42 31/03/2007, 08:43 PM

بنت فهد شوي شوي

بعدين يا المشاغب انت على اسمك مشاغب ما تصلح حتى لو كنت داخل تبي تصلح ما تصلح

.
.
.
بنت عبد العزيز

الـمـشـاغـب · #43 31/03/2007, 08:48 PM

إقتباس

الرسالة الأصلية كتبت بواسطة هلالية حرة


	المشاغب : معليش تمدح وطنها محد مسكها بس مب كل شي عنهـ يعني بكل موضوع لاازم تمدح ولاتنسى حنا بمنتدى سعودي يعني لو إماراتي بكيفها تمدحـ لين تشبعـ بس هنا مب على الطالعه والنازله تمدحـ ومب كل موضوع تقول اخر رد !!!

هلا بالحربية

يا بنت الحلال.. أنا معك أنها زودتها حبتين

بس لا تنسين أن المنتدى للجميع..!!
بأقول لك شغلة:
ما تذكرين بعض الأعضاء المعروفين.. كانوا يمدحون شعراء معينين في شاعر المليون لأنهم ينتمون إلى نفس قبيلتهم؟!
وكثروا من المواضيع الخاصة بهم؟! ومع هذا ما شفنا أحد انتقدهم إلا القليل..!!
وأيضاً بعض الأعضاء متخصصين في مواضيع الحب والغرام.. وما استفدنا منها شي.. بالعكس كرهنا الحب بسبب بعضهم..
ومع هذا ما انتقدهم إلا قلة من الأعضاء..!!
ودلع الامارات كانت متخصصة في برنامج شاعر المليون وكانت تنقل لنا ما يتعلق بهذا البرنامج..!! وربما من حبها الزائد
لشيوخها كانت تحاول ان تحببنا بالأمارات..!

أنا بنفسي نصحتها بأن تقلل من هذه المواضيع وأن تنوع.. لكن قالت: أنا حرة باللي أكتبه..!! وفي الحقيقة أنها صادقة
فيما قالته..!! فلا أحد يستطيع اجبارها على شيء ما دامت لم تخالف قوانين المنتدى..!!

<<== أحس أني سامج وأنا أتفلسف باللغة الفصحى

إقتباس

الرسالة الأصلية كتبت بواسطة بنت فهد


	المشاغب انا ما قلت شي بس أقول الصدق هي مبلشتنا بالإمارات والإمارات على عيني وراسي بس المفروض تجيب مواضيع نستفيد منها مو عن الإمارات طيب هي تكتب عن بلدها طيب إحنا وش نستفيد معليش يالهنوف آسفه

هلا ببنت فهد

صدقيني أنا عارف شعورك.. لكن اقري وش كتبت لهلالية حرة.. وحاولي تفكرين زين..!! دلع مثلها مثل غيرها بالمنتدى..
غيرها متخصص بشي وهي بشي..!! فليه نهاجمها ونسكت عن غيرها..!!

بنت فهد: أنا فاهم قصدك زين.. وما ألومك..!! لكن هي ما خالفت قوانين المنتدى عشان نلومها..!!

=========================

بذمتكم: ما تحسون أن قلبي طيب؟

أحب أدافع عن الناس.. وما أحب أكسر بخاطرهم

من جد أنا طيب

=========================

الهنوف هالمرة المليون اللي أقول لك آسف يا بعدهم..

والله ما قدرت أمسك نفسي.. قلت لازم أوضح للخوات مقصدي..!!
اعذريني... واذا ما بتعذريني قشري بصل

..