"نواف شخص فاشل بجميع المقاييس الحظ ردي واقف له بكل مكان و بكل زمان انسان تعيس ببساطة
وعلى كل ذا دلخ بكل معنى تحمله هالكلمة يتكون من كتلة تناحه تمشي على الارض ولكنه للامانه
كان وسيما جدن جدن .. الموهم نشأ في بيت ابوه و امه وترعرع فيذاك
و كبر و تم خمس سنين من الدلاخه المفهيه وبعد ان يأسوا منه امه و ابوه و كرهوا اليوم
اللي جابوه فيه و حس بالوحده في هذه الدنيا في سن صغيرة اخذ يتحلطم كل ليله و
يناشق اخر الليل حيث مرتن من المراير لحس مخه ابليس في ليلتن ظلماء استجمع
قواه وقرر ان يفرك من البيت ولكن ليس بعيدا فرك الى بيت ولد جيرانهم (ريان)
حيث يجد هناك كل سبل الرفاهيه من بلاي ستيشن و حوش وسيع حق لعب كورة
وغيره من ملذات الدنيا فهم عائله متفتحه و متحررة (متحررة يعني بناتهم يطلعون كاشفات خخخخ )
و يوم قلط عندهم استقبلوه بكل حفاوة قالوله وشجابك يا نواف عندنا
(الله من زين الحفاوه) قال امي قالت رح نم عندهم قلت والله مهيب شينة و جيت فرحبوا به
و نام مع وخويه ريان بنفس السرير و في الصباح الباكر جا ابو نواف يدق الباب على بيت
جيرانهم قالوله موجود عندنا والله و يدخل ابو نواف بيت الجيران و يدور غرفة ريان و يلقى
نواف فاق خشته لابس سروال سنة اخوهم الكبير واصل المغاط حق الخصر لين خشمه
مير يمسك ابو نواف شوشة نواف و يطيح السروال السنه حقه و يبقى على السروال
الداخلي خخخ و سطّحه ببيتهم حيث استقبلته امه مع المطبخ الخارجي و بيدها ملاس و
قدر و اخذت ترجفه لين اغمى عليه ما فاق الا بعد خمس ساعات ولم يستسلم فعلها مره و مرتين و اخرى
(نشب بذالجيران خخخخخ) اليين قالوا ما نبيك و اخذ يبكي يبكي ليلا نهارا صار يدور
بالحوش بسيكله بالساعات من الفهاوه .. حين كمل سنه السادسه بعد شتى وسائل اقناع
و طق تبقيس دخل المدرسة سنة اولى مغلوبن على امره خخخ هو و ولد خالته حمود وصار
يلزق بحمود وين ما راح يروح معه لا اصدقاء ولا شي و حمود كان الوحيد اللذي يرأف بحاله في مواقف صعيبه مثل حرمان
ابوه المصروف طبعا بذاك العمر كان المصروف اكبر مشكله يواجهها الطفل المهم حمود
ما قصر مع ولد خالته و صار يعلمه امور
الحياه و كبرو ثنينهم و كل عمره ينجح بالدف نواف و حمود كان متفوق اكثر من نواف ..
مما اشعل غيرة نواف ولكن حمود بذكائه كان يمتص غيرة نواف بطيبة قلبه و لين اطباعه ..
وصلوا لسن المراهقه 16 و الحال كما هي .. طلع حمود جوال بحكم ظروفه العائليه و نواف
قعد يحن على امه و هي داخله و هي طالعه اليييين اشترتله جوال عائلي طار بالفرحه نواف حط اول رقم
رقم بيتهم و الثاني رقم جوال ابوه و الثالث رقم امه و حمود و شغالتهم فوزيه و سواقهم فخر الدين
حمود يرسله رساله و نواف يردها له ما عنده رسايل خخخخ (كسر خاطري شكلي بوقف القصه )
مر شهر و الجوال لازق بيد نواف ينام فيه يروح فيه يجي فيه حتى بالحمام اعزكم الله يدخله معه
مره كان جاي من المدرسه بجوار سواقهم فخر الدين بسيارتهم (كامري بوكس) بعز الظهر دق جواله
نواف انهبل من ذاللي يدق عليه بالعاده ما يدري عنه احد وبعد ان استجمع سعابيل اللهفه داخل فمه
و سكنت شهقات الشغف في بلعومه رد :
نواف:الو
ردت عليه بنت قالت:اهلين
نواف:شتبين؟
البنت:ذا جوال غادة؟
نواف:لا ذا جوالي
البنت: اسفه عالازعاج باي
نواف:طيب
اغلق السماعه نواف و اغلقت تلك الفتاة السماعه و لم يحرك ساكناه نواف لانه عديم الاحساس
و ما يدري عن الدنيا فلم يأبه لتلك المكالمه
مرت ربع ساعه ولازال نواف بالسيارة رن جواله بنفس الرقم
نواف:الو
البنت:هلا معليش بس انا متاكده ان ذا جوال غادة انت متاكد انه موب جوالها؟
نواف:انتي ما تفهمين؟ قلنالك ذا جوالي
البنت:طيب لا تنافخ خلاص اسفيييين وجع
طراخ سكرت بوجهه ..
نواف:ياخي والله بنات ذالوقت لا حيا ولا حشيمة ما يستحون على وجيههم
فخر الدين:ايس في؟
نواف:سق السياره و انطم لا ارجفك بذالجوال
فخر الدين:ايس في؟
نواف:ياخي من كلمك انت الحين
فخر الدين:تيب
رجع نواف للمنزل و تغدا مع امه و ابوه و راح خمد
دقت عليه تلك الفتاة الساعه 4 بالعصر (وناسة فتاة خخخخ )
البنت:معليش ازعجتك
نواف:لا عادي بس شتبين هالمره؟
البنت:اممم صراحة ماني عارفة وشقولك
نواف:تراك من جد اقلقتيني وشبك
البنت:خلاص باي .. و سكرت بوجهه
نواف:الحمد لله و الشكر
مر يومين و قد نسي نواف ذيك السالفة ولم تهز شعره من شعرات راسه الصغير
اما تلك الفتاة فقد بدأت تخطو اول خطوه في درب الغرام و اصبح فكرها معلق بذلك الشاب الوسيم ذو الصوت المبحوح
الجميل والدلخ في نفس الوقت (ماتدرين وش مخبي الزمن لك يا فتاة خخخخ)وقد اغراها
ان الرجال ثقل ما يمزح وصارت تسبح بمخيلتها برسم صورة ذلك الشاب و اصبح صدى صوته يهمس لمسمعها كل حين ..
وبعد اسبوع من تلك المكالمه قررت ان تصارحه بعد ان اتعبها الحنين و وآلمها الونين
ففي يوم خميس الساعة الحادي عشر ليلا .. اتصلت على المفهي نواف
البنت:مساء الخير
نواف:انا لله انتي مره ثانيه
البنت:واللللله ادري اني غثيتك بس تحملني
نواف:ومين انتي علشان اتحملك
البنت:طيب انت الحين ليش معصب
نواف:لانك تنرفزين الواحد
البنت:طيب اسمع ابي اقولك شي
نواف:شوفي تسكرين ولا انادي امي الحين.؟
البنت:خلاص طيب باي
نواف:باي
اخذت تلك الفتاة تعتصر دموعها و تبكي كما طفلة فقدت لعبة احبتها واحست في تلك اللحظه
ضائعه فقد احبت ذلك الشاب بينما هو لا يبادلها الشعور و قررت ان تنسى امر ذلك الشاب و كان قرارها حازما ..
مرت فترة وهي تحاول جاهدة ان تتناسى .. ولكن في لحظه خانت عهدها
و قررت ان تجرب حظها مره اخرى لعل و عسى .. و قالت بنفسها اخخخخر مره ان حبني ولا بكيفه
اتصلت بنواف ..
نواف:الو
البنت:هلا كيفك؟
نواف:الحمد لله مين معي؟
البنت:ماشاللة امدا تنساني
نواف:اييييه انتي ذيك البنت اللي دقيتي علي و كان جمبي سواقنا؟ يوم اتهاوش مع سواقنا و كذا
البنت:ونا شدراني .. المهم ذكرتني؟
نواف:أي عرفتك انتي النشبه .. وشخبارك ؟
البنت:احم . الحمد لله .. اسمع انا ابكلمك بموضوع و عارفه وش بترد علي بس علشان ضميري يستريح
نواف:عسى ما شر وشفيه؟
البنت:ما في شي بس انا بصراحه يعني مو عارفه شقولك
نواف:وشتقولين؟
البنت:اول شي وشسمك؟
نواف: نواف ليش؟
البنت:شوف نواف انا بصراحه من يوم كلمتك اول مره صرت افكر فيك ما نسيتك ابد كل ما حاولت انساك
اذكرك و احبك زود صدقني انا ما قلتلك اني احبك الا لاني خلاص بموت
نواف:طيب انا شسويلك؟
البنت:هو كيف شتسويلي اقولك انا احبك تقولي شسويلك
نواف:كيف تحبيني .. يعني زي امي و ابوي؟ (بدت عصارات الدلاخه تفرز بالمخيخ)
البنت:ايوووووه صح عليك
نواف:اها طيب
البنت:وشو .. طيب كل ذالكلام و تقولي طيب؟
نواف:احترنا معك ان قلت شسويلك قلتي كيف شتسويلي و ان قلنا طيب قلتي وشو طيب وشتبيني اقول
البنت:الحين انت لما تسمع امك تقول لبوك احبك وشيرد عليها؟
نواف: يقول لها موب وقته
البنت:يوووه كيف بفهمك انا الحين
نواف:تفهميني وش ؟
البنت:ياشييييييينك
نواف:طيب اسمعي امي تطق الباب تقولي تروش لا امصع رقبتك باي
البنت:باي
فرحت الفتاة لحسن تجاوب نواف و من جهه اخرى اخونا بالله نواف امه تبقس بالباب تبيه يفتح
نواف:يمه وخري عن الباب ولا ترا منب طالع
ام نواف:انت رجال؟ افتح الباب ..
نواف:صدقيني موب فاتح الباب
ام نواف:شوف بعد من الواحد لين 3 لو ما فتحت
نواف:طيب وخري والللللله لاطلع
ام نواف:طيب وخرت اطلع
نواف:يلعنننننن ام النصب انا اشوف رجولك هاللي شكبرها تحت الباب بكيفك منب طالع
ام نواف:يالسمرمدي هالمره بروح بس انتظر تخلص من الحمام علي الطلاق لاطرحك هينا
نواف:موب عاقلة خخخخ اجل علي الطلاق .. اصلا اصلا ابوي متى ما يبي يطلقك يطلقك يعني موب بكيفك
ام نواف:هاه.. لا ابوك ما يسويها
نواف:انا بقوله الكلام اللي صار و يصير خير انشالله
ام نواف:تقوله اني قلت علي الطلاق؟
نواف: يس
ام نواف:افا نواف كذا تهون عليك امك
نواف:ولا عليك امر البخشيش ولا ترا قسمن اقول لبوي
ام نواف:وجع كم تبي
نواف:اممم اللي يجي منك ما نقول لا
انقضت يومين على تلك السالفة وبعدها اتصلت اختنا بالله على نواف
البنت:مساء الخير
نواف:هلا
البنت:كيفك؟
نواف:زفت
البنت:لييش؟
نواف:كذا مزاج
البنت:اممم اوكي طيب وشلون الدراسة معك
نواف:تراك قلق تدرين ولالا؟
البنت:انت ليش كذا تكلمني شسويتلك انا؟
نواف:انتي مييين اصلا؟
البنت:نواف الله يخليك افهمني
نواف:وش اللي احبك يا بنت الناس وين قاعدين
بكت البنت بشدة و اصبحت تناشق و هي خلقة مزكمه يعني الامور صعبة عندها سحبت منديل من
الطاوله المجاوره و انبعث صوت حاد نتيجه ذاك المنديل (حامت كبدي خخخ)
يوم خلصت صار يطلع من خشمها صفيره خخخخخ تعرفون ذيك الصفيره اللي لا قضيتو من المنديل تطلع
البنت:نواف انا احبك ما تعرف وشو يعني احبك
نواف:انتي تبكين؟
البنت:أيه ليش؟
نواف:لا الله يخليك لا تبكين ما تعودت احد يبكي قدامي ترا اصيح معك الحين
البنت:لا عادي انا كل يوم ابكي يعني ما في شي جديد
نواف:شوفي
البنت:هاه
نواف:انا ماعرف حركات حب ما حب جد اكلمك ما قد جربت هالشي صح انا احس اني ارتحت لك
وانك الشخص الوحيد اللي معطيني من وقته بس صدقيني ماقدر ابادلك الشعور اللي تحسينه
البنت:كيف محد معطيك من وقته؟
نواف:من ونا صغير محد يكلمني و يعطيني من قلبه شوي حتى امي و ابوي يعاملوني معامله سواويق
البنت:ياعمري
نواف:حتى حمود ما يحبني
البنت:مين حمود؟
نواف:ولد خالتي
البنت:طيب ليش كل ذا؟ (حست انها طاحت على واحد دلخ لول قلبها ناغزها)
نواف:حظي الردي
البنت:اها طيب شوف نواف انا زي اختك أي شي تحتاجه قلي لا يردك الا لسانك و كل اللي بقلبك قله
لا تخلي شي ابد
نواف:والله؟
البنت:أيه يا نواف انا احبك
نواف:حتى انا
البنت:وشو حتى انا؟؟؟؟
نواف:حتى انا زيك احبك بعد
البنت:والله؟
نواف:قسمن بالله
البنت:يا فرحتي
نواف:طيب وشسمك ترا ما عرف عنك شي
البنت:ساره
نواف:مين سماك؟
ساره:والله ما بعد سألت امي
نواف:اها
ساره:ونت مين سماك؟
نواف:مدري امي تقولي انهم مسميني على جدت ابوي
ساره:كيف جدت ابوك اسمها نواف؟؟
نواف:أيه انا سالت امي نفس السؤال قالتلي موب شغلك قلتلها طيب
ساره:طيب انت باي صف؟
نواف:ثالث ثانوي ونتي؟
ساره:اول ثانوي
نواف:اها الله يوفقك
ساره:و يوفق الجميع انشالله
نواف:اقول ساره انا الحين لازم اسكر اشوفك بعدين اوكي؟
ساره:اوكي متى ادق عليك؟
نواف:بعد الساعه 11 علشان يصيرون امي و ابوي نايمين و ترا معليش جوالي عايلي ماقدر ادق عليك
ساره:اوكي لا تشيل هم اكلمك بكرة
نواف:اوكي فمان الله
ساره:باي
لم تعد تلك الليله في نظر ساره كسائر الليالي انتثر في مشاعرها شعور البهجه و الفرحه فاصبح نواف
الشي الوحيد اللذي تفكر فيه طوال ليلها فقد كان نواف ذلك الشاب اللذي يكسر الخاطر واللذي تكتسيه
الطيبة و الحنيه اعجبت بشفافية اخلاقه و قلبه الرقيق الابيض شخصيته المسالمة عيشته البسيطه
القناعه و اشياء كثيره تكتشفها نواف يوما عن يوم
اصبحت ساره تكلمه بشكل يومي حتى انها لا تطيق فراقه ليوم واحد و اليوم اللذي ياخذ ابوه جواله
كعقاب تقعد تصيح ساره (احس ان ساره بمستودعهم كراتين فاين لوول يلعن ام الصياح
اللي تعرفه) و استمرت علاقتهم ترما كاملا و هم على حالتهم تلك حتى تجرأت ساره بقولها لنواف..
ساره:حبيبي نواف ابي اقولك شي
نواف:تدللي يا عيون نواف (اخس طلع اسلوب الولد ما امدا خخخخ)
ساره:تسلم عيونك يا روحي .. امممم ودي اشوفك
نواف:تشوفيني؟؟؟؟
ساره:اييييه
نواف:كيف؟
ساره:وش اللي كيف عادي كيف الناس تشوف بعضها بلا غباء نواااف
نواف:انا فاهم بس اخاف
ساره:العن بو دارك انا اللي مفروض اخاف
نواف:يا دوبه انا اخاف من ابوي ولا امي لو يدرون يحطوني بدار الايتام هم يدورون فيني الزلة
ساره:ما عليك كيف بيدرون
نواف:مدري بس صعبة
ساره:نواف لازم اشوفك ابي اعرف كيف شكلك
نواف:طيب خليني افكر و ارد_ لك
ساره:لا ابيك توافق الحين
نواف:طيب وين تبين تشوفيني؟
ساره:أي مكان
نواف:مدري انتي اختاري
ساره:امممم شرايك بالفيصليه او المملكة
نواف:لا مابي مكان عام اخاف احد يعرفني يشوفني
ساره:طيب انت اختار
نواف:شرايك اجي مدرستك بعد الدوام؟
ساره:صاحي انت؟
نواف:لا منيب مسوي شي بس بوقف ونتي ناظريني و روحي
ساره: اوكي انت خلك واقف عند زاويه المدرسه ونا بمر جمبك بس ما راح تعرفني
نواف:طيب خلاص بكرة بتلقيني انا و السواق بكامري بوكس
ساره:الله يفشلك انت و كامريتكم
نواف:حرام عليك والله سيارتنا قويه(خخخخ)
ابوي يقول دورتلكم احسن سياره يابانيه (مشكله الابهات اذا ما لقوا اللي يوقف بوجههم لما ينصبون لووووول )
ساره:سلملي على ابوك خلاص اشوفك بكره باي
نواف:باي
....
جا بكرة و حان وقت خروج الطالبات و نواف مرتز بالزاويه طاق القلابي و مرسم كوبرا بشماغ بدون عقال
طلعو وفود البنات و كلهم اسود باسود وياكثرهم اللي مرو جمبه يبي يشك بوحده فيهم ما امداه كلهم
يشبهون بعض شوي و يدق جواله
ساره:يا ملححححححححححححك تههههبل
نواف:وينك انتي؟
ساره:من جدك انت بقولك مين انا
نواف:والله ما اناظرك بس قوليلي وينك
ساره:اجل وشوله تبي تعرف ويني دامك ما تبي تناظرني يا غباااااااءك
نواف:يالللله عاد
ساره:خلاص انا رحت
نواف:تكذبين
ساره:ايوالله
نواف:طيب يالله بروح البيت باي
ساره:باي كبر المووضوع و صارت المقابلات بشكل متكرر لين شكت الهيئه بأمر نواف مسكوه و جدعوه بالجمس
الهيئه:انت يا هذا ماذا دهاك تجي تلفلف فيذا (يسمعي بالفصحى اخونا بالله خخخخخخخخ)
نواف:وربي ما دهاني شي بس احتري اختي تطلع
الهيئه:لقد انك كل يوم توقف هينا ولا يركب معك احد فلماذا يا هذا؟
نواف:شوف انا لقد انني وقفت كل يوم بس
اختي دايم تدق علي اخر شي تقول انا جايه مع سواقنا الثاني عرفت كيف؟(ياناس الولد يعرف يصرررررف خخخخ)
الهيئه:تستهبل انت و راسك؟
نواف حس انه في مأزق و انه سوف يتصفق شر تصفيقه اراد ان يعترف بكل شي وحينما هم بالحديث
و اذ بفتاة ذات قوام ممشوق و ايدي بيضاء كالثلج ذات صوت رقيق دافئ نفس الصوت اللذي يغرد على
مسمع نواف كل ليلة تقول ممسكة يده
الفتاة:نواف ليش تاخرت علي
نواف:انتي مين؟
الفتاة:انا اختك وجع
نواف:طيب اتحداك وشسمك (خخخخ يقاله بيحجرها)
الفتاة:تعال اقولك باذنك وشسمي
قرب اذنه نواف و همست له
الفتاة:اناساره اصصصصص ياويلك تقول شي قل ذي اختي و تعال معي
نواف فق ام ام خشته مهوب مصدق اخر شي يتوقعه ان ذي تطلع ساره تفاجأ و تكاسلت جميع
اطرافه مفجوع و سلهم عيونه في طول ساره متخيلا اياها و هي
تكلمه على الموبايل و الصمت قد ملأ شفاته مذهولا مرت لحظات فبلع ريقه اللذي تصاقط البعض منه و نطق:
نواف:أيه صح ذي اختي وش بلا امك تقول ما عندك اخت هينا ولا شي؟؟
الهيئه:هداك الله يا فتى رح مع اختك الله يصلحك
نواف:طيب يالله سي يو باي
الهيئه:سي يو تو
نواف:ذا بابكم كيف ينفتح؟
الهيئه:خربان طب مع الدريشه
نواف:تيب
و طب على خشمه و قام ينفض التراب من مناخيره و فز و هو يناظر باخته قصدي
ساره و لعل سعبولتن تارجحت على برطمه و بحركة مخادعه برطمية التقطها قبل ان تصقط لتصطدم في سقف فمه
(مضاربه موب سعبوله )
نواف:الحين انتي ساره اللي اكلمها؟
ساره:لا امها
نواف:لا والله جد بالله كلميني اتاكد_
ساره:من زمان ماحد صفقك على دمجتك اخلص وين سيارتكم الهيئه تناظر تحترينا نركب
نواف:بتركبين معي؟
ساره:خلاص تبي تاخذ القيلوله عند الهيئه ترا موب فاضيتن لامك انا اخلص علي
نواف:لا كل شي ولا القيلوله (صفقني لو يعرف وشو قيلوله خخخ )
ساره:اسمع اركب و انا بركب ورا و قل لسواقكم يوديني لسيارتنا
نواف:طيب و ان قال من ذي
ساره:انت شكلك ودك بالقيلوله
نواف:لا خلاص
فتح الباب نواف يريد ان يمتطي السيارة ..
فخر الدين:ايس في نواف
نواف:هاه أي هذي ... لكن قسمن بالله عندهم شغالة شقققققققق
فخر الدين:نواف انتا جنجال كبيرة
نواف:قسمن بالله فخر الدين لاخليك تكلمها بس لا تعلم ابوي
فخر الدين:ايس اسم هوا
نواف:ساره
ساره:يا لوح يقصد شغالتنا (خاشة جو خخخخ)
نواف:ونا شدراني باسم شغالتكم
ساره:قله يوقفني هينا
نواف:نخرورتي يؤ قصدي فخرورتي(دلع يقاله) وقف هينا يا بعد تسبدي يشيخ انت بس لا تعلم ابوي و تطلع كذا
ساره :بكلمك بالليل اليوم ان قفلت جوالك بحوسك
نواف:طيب لا تنافخين وجع
رجع نواف بيتهم و هو مو مصدق بهاللي صار اليوم وده كل يوم تمسكه الهيئه علشان تجي فارسة
احلامه تنقذه (عكس ابو ام الآيه خخخخخخ) طول اليوم و هو سرحان الين دقت عليه ساره
ساره:هلا بالغالي
نواف:هلا والله ساروونتي كيفك؟
ساره:انا بخير ياقلبي و انت؟
نواف:انا والله من يوم تركتك لين الحين ونا افكر بك
ساره:الللللله وش الطاري
نواف:موب مصدق انك انتي اللي مسكتي يدي اليوم كل اللي اقدر اقوله انعن يومك على ذالحلا
ساره:والله تبي الصدق يا نواف انا كنت خايفه اول شي بس حسيت انك تبيني اساعدك و ما تهون
علي ونت تركب الجمس و تصير مشاكل
نواف:يابعد عمري ساره
انا من جد احسك شي بحياتي ماقدر اخليه لو ايش انا حسيت معك اني اعيش و متهني صرت اعرف اشياء كثيرة بالحياه
اكثر اخاف يجي يوم و نفترق و تندم كثير
نواف:صدقيني ما راح يجي ذاليوم ساره انا ماقدر اتخيل حياتي بدونك
ساره:بكيفك
اقتربت ايام الاختبارات النهائيه و قررت ساره ان تترك نواف لحين انتهاء الاختبارات طبعا
ذالقرار موب بلحظه ولا بنص ساعه لوول قعدت كالعاده تصيح و تناشق .. و من جهه اخرى ابونواف مواعد نواف
لا خلص الاختبارات يخلي جواله عمومي خخخخخخخ
المهم و قعد اخونا بالله نواف يكرف ليل نهار اكل الكتب من كثر المذاكره حتى من كثر ما يذاكر جاه امساك

لا تسالوني ليه والله علمي علمكم المهم انتهت الاختبارات و دخل نواف الحمام يتروش خخخخخخخخخ
ما تروش من اول الاختبارات الله يقرف امه حتى الغمص على حطت يدك المهم يوم طلع من الحمام و على طلعته دقت ساره
ساره:نوااااااااااااااااااااااااااااااااااافي
نواف:حياااااااااااااااااااااااااااااااتي ساااااااااااااره يلعن ابوس يابنت
الكلب قاطعتني(تهوركثيرالله يهديه)
وحشتينييييييييييييييي
ساره:ونا اكثر يا روح روح روح روحييييييييي والله من جد فقدتك ياحياتي
نواف:طيب اتحداك اشتقتيلي كثير ولالا
ساره:والللللللله يا نواف كثيييييييير حييييل يالله استحملت .. انتظر الاختبارات تخلص ساعة بساعة
نواف: هاه كيف اختباراتك عساك حليتي زين
ساره:والله انواع الدجة بيني و بينك ماخذ كل عقلي انت و خشمك
نواف:ونا بيني و بينك ما جبت خبرك خخخخخ كله اذاكر
ساره:و تقولها بوجهي يا ولد اللي منب قايلته
نواف:انا انسان تحتم علي مبادئي بالصراحه المطلقه مهما كانت مؤلمة
ساره:ايه صدقتك
نواف:اتحداك تقولين شي بس واحد كذبت فيه عليك
ساره:ماادري بس لازم فيه شي تكذب علي فيه
و ما زالوا ساره و نواف يكملون هذرتهم اللي ما منها سنع خخخ فواتير بالفاضي المهم فك ابو نواف
جوال نواف و خلاه عمومي كما وعده و جت اول فاتوره صفقت الالفين و رجعه عايلي و بعد ما نشب لابوه
و حلوف و ايمان انه ما يعدي الخمسميه ريال للفاتوره الواحده رجعه مرتن ثانية و طلعت شهاده نواف
جاب نسبة مهيب شينة 93 خلته يدخل كلية الهندسه ورفع راس امه
و ابوه وساره (ساره قاطه مع ابو و ام نواف خخخخ) وِِِ يشتري ابو نواف لنواف سياره كورولا خخخخ
(زول<الكوليلا>) و استمرت من جهه اخرى توطدت علاقته بساره زود لين قضت العطله و بدا اول يوم جامعة
و المكموخ نواف يحسبها مدرسه جايب سندويشته معه و السن توب بالشنطه لين تهزأ كم مره و تعلم و صار رجال ساره:نواف ابي اقولك شي بس بذمتك ما تزعل
نواف:قولي يا ساره وش عندك
ساره:بس اوعدني ما تزعل
نواف:مازعل وشصاير؟
ساره:نواف
نواف:هلا
ساره:انا انخطبت من ولد خالي
نواف:قولي والله
ساره:ابمزح معك يعني يانواف
اطبقت شفاه نواف و هو يحتقن القهر و الألم في قلبه و يكتم عبرته .. و دمعة تنتظر العين ترمش لكي
تنزل .. تغيرت ملامح وجه نواف فكان هذا الشيئ اللذي لم يحسب له حساب حان الوقت لكي يؤمن بان
لكل شي بدايه و نهايه فلا شيئ يدوم .. كم مسكين انت يا نواف .. ساره لم تكن
الشيئ اللذي يعشقها لكنها كانت الانسانه اللتي دلته للطريق الصحيح في حياته و اوضحت له اشياء لا يفقهها كان يحبها
بمعنى الحب و
التقدير كانت ساره تحيط نواف بالحنان و الدفئ وكانت تتفنن بامتصاص حزنه كانت بمثابة الأم لنواف .. حان لنواف ان
يلوح كفه ليودع ايام السعاده .. مرت ذكريات حبه كلها بلحظات .. قاطعته .. ساره باكية بدموع حارة و بشعور يلتهب
ساره:نواف ساعدني انا مابيه بس شسوي امي و ابوي ماقدر احرجهم مع خالي بس صدقني ما راح اتزوجه لو ايش
نواف:ماتدرين يمكن بيسعدك اكثر مني
ساره:نواف لا تقول كذا انا احبك اكثر منه والله العظيم و مابي اتزوجه اصلا لو شيسوون اهلي مابيه
ابيك انت و بس
نواف:لا الله يخليك ساره اذا كنتي تحبيني و تقدرين شي اسمه نواف تكفين وافقي
ساره:نواف انا محتاجتلك ابيك تساعدني لا تصير معهم ضدي
نواف:ساره حاولي تفهميني انا معك طريقنا مسدود اخر شي كل واحد فينا بيضيع
ساره:انا ابيك نواف ماقدر اتصور اعيش بدونك ونا اللي اذا ما كلمتك يوم احس اني بموت
نواف:تكفين ساره علشاني و صدقيني بفرحلك كثييييير
يقول نواف تلك الكلمات و هو يحس بعكسها تكاد تكون كطعنات تمزق قلبه اشلاء احس انه فاق من حلم
جميل نهايته مبكية
ساره:اكرهك ..
اقفلت ساره السماعه بوجه نواف و مازال نواف يحتقن تلك الالام و شفتاه ترتعش و كل اطرافه
ترتجف و في لحظات استجمع ما تبقى من قواه و اتصل بساره ولم ترد و رجع اتصل مره اخرى و اخرى
الى ان ردت و صوتها المبحوح الحزين الغارق بالبكاء
ساره:نعم
نواف:بقولك شي
ساره:وشتبي
نواف:ساره بجي اخطبك شرايك؟
ساره:نعم؟؟؟؟؟؟؟؟؟؟؟
نواف:ساره شوفي انا ما بعد قلت لامي و داري انها بتقول لا بس بحاول معها يمكن توافق
ساره:نواف انت من جدك؟
نواف:أيه ساره من جدي انا مو مستعد اعيش طول عمري اتعذب
ساره:طيب بكيفك
نواف:حاولي تماطلين بالخطبه لين اشوفلي حل اوكي
ساره:بسرعه نواف الله يخليك ترا كلن يسالني اذا وافقت ولالا
نواف:اوكي من عيوني بس انتي ساعديني بعد ماقدر اسوي كل شي لحالي
ساره:انت قلي شسوي ونا ابسوي
نواف:اوكي يالله تصبحين على خير باي
ساره:باي
نهض نواف من سريره و الظلام يتبعثر في غرفته و اخذ يمشي و يرجع على نفس خطواته محاولا
ان يجد طريقة ليفاتح امه بالموضوع فلم يجد أي جدوى من تفكيره فاخذ قراره بان يفاتحها بموضوع الزواج
وانه قد عين الفتاة اللتي طالما ارادها و حلم بها و ان يضعها امام الامر و الواقع
ذهب الى فراشه و نام و اصبح على اشعه الشمس المنبعث من نافذه الغرفه نهض من فراشه متجها
الى المطبخ حيث امه كانت تجهز الفطور
نواف:يمه
ام نواف:هلا وليدي
نواف:ابي اقولك شي
ام نواف:وشبك ؟
نواف:يمه انا ابي اتزوج
ام نواف:هذي الساعه المباركة يانواف ابشر من بكرة ادورلك عاللي تخليك تنبسط
نواف:لا انا ابي وحده يا يمه
ام نواف:مين؟
نواف:يمه ابي اتزوج وحده تعرفت عليها بالتلفون
ام نواف:منت صاحي يا نواف وش هالكلام
نواف:يمه انا ابيها ولا ابي غيرها ولو ما تزوجتها منب متزوج طول العمر
ام نواف:نواف انت كبير و تفهم محد يتزوج من التلفون لو يسالونا الناس من وين تعرفونها نقولهم نواف يعرفها بالتلفون؟
نواف:يممه هذي البنت
هي اللي خلتني رجال قدام عيونك محد غيرني الا هي هي البنت اللي حبتني و كنتو وقتها محد يطيقني ولاحد معطيني
وجه يمه هي مو ملزومه تاخذ واحد زيي و غيري تقدملها احسن مني و ما تبي الا انا و انا مابي الا هي يمه تكفين حسي
فيني ولا تحرميني من البنت اللي احبها و صدقيني لو بتزوج غيرها ماراح احب زوجتي زي مانا احبها يمه الله يرضى
عليك و يعافيك اذا كنتي تدورين سعادتي ترا انا سعادتي مع هالبنت و صدقيني البنت بنت عايله و طبايعهم زي طبايعنا
لم تعجب ام نواف بهذه الطريقه ولكن تيقنت ان نواف ان لم يتزوجها سوف يحدث شيء لا يحمد عقباه
و قررت ان تفكر في تروي و على مهل فاستئذنت نواف بان يمهلها تفكر بالموضوع فوافق بان لاتطيل
و شرح لها ظروف خطوبه ساره
مرت يومان و نواف و ساره قد سجنتهم قضبان الحيرة و يحسبون الدقائق لكي تقرر ام نواف
بعد ذلك وافقت ام نواف شرط ان تقابل ساره في احدى الاماكن العامه
لكي تبحث فيها مدى اخلاقها و سنعها المهم صارت المقابله و اعجبت ام نواف بشخصيت ساره ولكن تبقى الطريقه اللتي
سوف يتزوج بها خطرة وافقت مبدئيا ام نواف على الزواج و بقي الامر سريا بين الثلاثة ولكن هناك مشكلة هي ..
ساره:نواف امك عسسسسل
نواف:أيه انا طالع عليها
ساره:بس تخووووف طول الوقت انا مرتبكه
نواف:اسمعي ساره الحين انتي كيف بتفكين خطبة ولد خالت ابوك مدري مين
ساره:معليك انا مدبره كل شي
نواف:نشوف ساره فكرت في طريقه قد تكون جريئه للغايه وهي ان تتصل بابن خالها (محمد) و توضح له بعض الامور
ولم تفكر في كل العواقب مهما كانت
ساره:السلام عليكم
محمد:هلا وسهلا وشخبارك ساره
ساره:بخير انت كيفك؟
محمد:انا الحمد لله بخير
ساره:محمد انا بقولك شي يخص الخطوبه بس بليز لا تفهم غلط
محمد:اوكي تفضلي
ساره:محمد انا صراحه تهمني سعادتك انا فكرت بموضوع الزواج حسيت اني ما راح اسعدك بتلقى اللي
احسن مني انا ما حبيت اردك حبيت انها تجي منك خوفي تنحرج و صدقني بتبقى انت الاخ الصديق القريب
و اللي احتاجه بوقت ضيقتي و ارجوك انك ما تزعل مني
محمد:ساره بس انا احبك
سكتت ساره ولم تتفاجأ بقدر ما تريد ان تنهي الموضوع باسرع ما يمكن
ساره:محمد صدقني لو تزوجتني بتكره اليوم اللي حبيتني فيه محمد انا ماحس بشي تجاهك الا انك اخ
عزيز وبس
محمد:انتي تحبين واحد صح؟
ساره:محمد عن الكلام اللي ماله داعي
محمد:اوكي ساره شكرا على كل ذا انا بكره بقول للوالده تفك كل شي علشان ترتاحين وبرضو انا تهمني راحتك باي
ساره:باي
......
جا من بكرة ...
.... محمد:يمه انا مابي ساره
ام محمد:وش هالكلام يا ولدي
محمد:خلاص يمه كنسلي كل شي
ام محمد:جالسين نلعب حنا الله يهديك مره تقولي اخطبيلياها و الحين تقول خربو كل شي اعطي لام
البنت كلمة و اخر شي تهون
محمد:يمة ارجوك لا تضغطين علي انا خلاص ما عاد ابي اتزوج لا ساره ولا غيرها
ام محمد:حسبي الله عليك كانك تبي تحرجني مع اهل البنت
محمد:معليش يمه
انفكت الخطبه في غضون يومين و اصبح لكل منهم طريقه و اهالي المخطوبين في ذهول فلم تتفاجأ
ساره و قد بدا عليها وكان شي لم يعنيها استغربت ام ساره و من جهه اخرى لا تزال ام محمد مستغربة بقرار محمد
خمدت فرحة الخطوبه وسط تعجب و استغراب الناس .. سوا فرحة ساره اللتي كبرت في قلبها بسرية تامة ... مر اسبوع على تلك الحكاية اتصلت ام نواف ببيت ساره ردت امها و بدأت تتعرف وهي اول مره تكلمها
و طرحت موضوعها فبدت ام ساره مستغربة كيف انه لم ينتهي اسبوع حتى اتو خطابين اخرين
قالت ام نواف نريد ان نراكم فوافقت ام ساره و كان الموعد يوم الاربعاء اتت ام نواف
و نزلت ساره في فستان متواضع بجمالها الشرس و ملامحها الحادة و بياضها الثلجي اللذي نثرت فيه عقود الالماس
و شعرها الاسود الناعم وبطولها الغريب سلمت على ام نواف
ام نواف:ماشالله تبارك اللله ما غلطت يوم اخترتك لولدي يا بنيتي
ساره(باستحياء):الله يسلمك يا خالة
انتهت العزيمة و نواف قاعد ينتظر برا داق لطمة علشان ما يقولون مطفوق جاي خخخخ
نواف:هاه بشررري وافقو؟
ام نواف:الى متى ونا اعلم فيك للحين ما طلبنا يدها رسمي انتظر وجع
نواف:طيب يالله اطلبوها رسمي .. ثاني شي وشو رسمي يعني
ام نواف:رسمي يعني انك تسكت و تثقل و خل كل شي علي
نواف:طيب
وصلوا البيت دق نواف على ساره
نواف:وش ذا يا ساره امي تقول نور القمر ماشالله
ساره:حرام عليك عاااااااااد ترا والله استحي
نواف:والله ان قلبي حاس ان ربي ما راح يجمعني فيك ليش مدري
ساره:لا تقول كذا نواف ترا ابكي الحين
نواف:لا خلاااص كل شي ولا صياحك ترا قرفني قسمن بالله كل ما اكلمك لازم وقت مستقطع تصيحين
بسبب و بغير سبب
ساره:اشوا
نواف:امي مهيب صاحية تقول رح اكشف يمكن فيك امراض خبيثه تبهذل البنت معنا خخخخخخخ
ساره:بسمالللللله عليييييييك
نواف:اشوف الموت يا ساره ولا اشوفك بليلة العرس احس بسسسسستحي
ساره:انا شكلي بصيح اذا شفتك
نواف:والله ارجع انام ببيتنا و اخليك تنامين لحالك
ساره:بحاول امسك نفسي
راح نواف لامه لقاها ضايق خلقها
نواف:شفيك يمه؟
ام نواف:مافيني شي
نواف:الا والله فيك قوليلي يمه
ام نواف:يا نواف يا ولدي منب قادره افارقك ونت وحيد عيالي
نواف:لا تخافين يا يمه بسكن
جنبك ولا ساره ولا غيرها تقدر تاخذني منك انتي امي و جنتي تحت رجلك و صدقيني كل ما تذكرتيني بتلقيني بوجهك ..
بكت ام نواف ولاول مره يرى نواف امه تبكي و حاولت ان تخفي دمعاتها و ما ان اجهشت بالبكاء
حتى حضنت نواف بشدة و بدأو كلاهما بالبكاء
خطبوا اهل نواف ساره بشكل رسمي و وافقوا اهل ساره استمروا على الخطبه الى ان تخرج
نواف و التحقت ساره بكلية الحاسب فكتبوا الكتاب حتى ازدحمت زغاريط الحريم و قام نواف يزغرط معهم وحمل
ساره على كفيه و اخذ يركض بها و شفاههم تملأها الضحكات والفرحه تكاد ان تخترق صدورهم من شدتها فلم يتوقع
كلا منهم ان ياتي ذلك اليوم ولكن مشيئه الله فوق كل شي ..
ساره:نوواااااااااااااااااااااااااااااااااااااافي
نواف:عيووووووووووووووووونه و كله تدلللللللللي
ساره:احبببببببببببببببببببببك يا نوااااااااااااااااااااااااف
نواف:ونا امووووووووووووووووووت بك يا دوبببببببببببببببببببببه
ساره:عسى ربي لا يحرمني منك و من شوفتك قل امييييين
نواف:امييييييين
مشت الايام و الحب في قلوبهم طفل يكبر يوما بيوم صاروا يطلعون ليل نهار مع بعض ما يملون من بعض
ابد حتى شكو الناس انهم مسحورين خخخخخ قرب وقت الزفاف وبدأت الناس تفصل و تعدل بالفساتين
و الكل مشغول وينتظرون وقت الزفه بفارغ الصبر ولا شك ان العروسين متحمسين لذلك اليوم و ما يحويه
هذا اليوم من افراح العمر بعد قصة حب دامت اكثر من اربع سنين من العثرات و الذكريات الجميله و البائسة
صمدوا و تجرأوا على اشياء لم يستطع غيرهم ان يفعلها وفاء للحب اللذي بينهم وقفت ظروف الزمان في
اوجههم و قهروا تلك الظروف الصعبه في سبيل ذلك اليوم يوم العرس اللذي طالما كان حلمهم الوردي
بدأت الايام تقل و ازداد حماس العاشقين حتى تبقى يومين لتلك الحفله و بركان الصبر يكاد ان ينفجر من صدورهم ..
ساره:نواف هانت هانت بقى يوميييييييين بسسسس
نواف:عسى يارب
ساره:مجهزتلك مفاجأأأأأأأه بيوم العرس يا بعد روحي انت
نواف:وشهي
ساره:مصدق انت بقولك
نواف:لاااااا قولي
ساره:مافيه
نواف:طااايب اصلن حتى انا مسويلك مفاجأه بس منب قايلك وشهي (خرطي ما وراه الا الدجه خخ)
ساره:احسن اصلا عادي
مرت الساعات و التوتر يطبع ملامحه على وجيه الجميع
ساره:حبيبي بكرة بتشوفني بفستاني الابيض وش بتحس فيه
نواف:امممممم بشيلك قدام الناس كلها و برقص وبسوي كل شي لين تصدق الناس اني مجنون
ساره:منت صاحي
نواف:يوووووه ذكرتيني بجيب ثوبي من الخياط عساااااني الحق بااااي
ساره:باي انتبه شوي شوي لا تسررررع لا اشنقك
طرااااخ
ركب سيارته نواف و قاد سيارته بسرعه جنونيه و شتائم الناس تترامى عليه من حوله ولم يأبه لاحد
الى ان وجد امامه شاحنة كبيره كانت واقفه على جنب الطريق لعطل كان فيها حاول
ان يوقف السياره ولكن لم يفلت من قدر الله سبحان الله فارتطم بها فاصبحت سيارته كما العجين تراكم حوله جموع البشر
و الجماهير و الدماء تكتسيه من جبينه و حتى اطراف قدمه حمله احد الاشخاص الى المستشفى وعلمت ام نواف بالخبر
ذهبت مع والد نواف الى المستشفى باقصى سرعه ممكنه و الاجهزه والاسلاك تتبعثر على جسده و رنين جهاز القلب لم يكف انينه
و لم تستطيع ام نواف ان تسيطر على نفسها فاجهشت بالبكاء و ما ان علمت ساره بالخبر حتى خرجت خارج المنزل من غير
عبايه لتصل الى المستشفى وهي تركض و كثر البكاء قد اتعبها و ارهقها و جمعت قوتها حتى وصلت الى غرفته فوجدت ام
نواف و ابو نواف والدكتور يقول لهم انتظروا بالخارج و لكن لم يتمكن من ساره و ذهبت الى ناحيه نواف و هي تمسك يده
و تهمس باذنه تهمس تكفى يا نواف كلمني رد عليييييي لا تخليني يا نواف ففتح عينه و التعب قد وضح عليه ففرحت ساره
و مسحت بعضا من دموعها الكثيره و ابتسامه الامل و التفاؤل قد رسمت على ثغرها الصغير
نواف:ساره
ساره:هلا نواف
نواف:احبك موت يا ساره
ساره:ونا اموووووووووت فيك يا بعد عمري
نواف:قربي خدك
اقتربت منه بعد ان ردت خصائل شعرها
وراء رأسها و حاول قدر الامكان ان يقترب منها فقبّل نواف وجنتها المورده و مازالت شفاه نواف ملتصقه ترتعش
بخد ساره و عدد نبضات قلب نواف قد بدأت تعد عدها التنازلي لكي يودع هذه الدنيا و ساره وسط ابتسامتها نزلت
دمعه ذابت على جبين نواف وماتزال شفاه نواف ترتعش وحاول نواف ان يطيل القبلة ولكن شاء الله ان تخرج روحه
في تلك اللحظه احسست ساره بدفء قبلته و ما ان التفتت الى نواف و رأته و قد ودع الدنيا و قد اغلق اجفانه الناعسه
و ابتسامته لرؤيه ساره اخر لحظات حياته هي اللي تبقت من نواف فبكت وهي تضحك من قهرها و اخذت تصرررخ
بشده تهتف لا يا نواف بكره ابيك جنبي تجلس جنببببي تكفى لا تموووووت نواااااف الله يخليك انت ما مت تتكلم
و بكاؤها يبعثر كلامها فسقطت مغميا عليها على صدره و يدها لا تزال تمسك يده و دخلت ام نواف على اثر تلك
الصرخه تلك اللحظه و ضعت يدها على فمها مذهوله مصعوقه من المنظر حتىارتمت و بكت هي الاخرى في
فقدان ضناها الوحيد فأتى زوجها و هدئ من روعها و اجلسها في الخارج و ساره لا تزال في غيبوبتها و علم ما تبقى
من الاهل بذلك الحادث المروع فقد مات نواف و سبق قدر الموت قدر الزواج بيوم واحد مات نواف اللذي احبه جميع
الناس مات نواف وحيد امه و ابيه مات نواف اللذي احب ساره واحبته مات نواف صاحب القلب الابيض الطيب
الرقيق مات نواف و قد بكى له جميع البشر و ساره ما ان فاقت من غيبوبتها حتى بدأت تبكي باليوم الواحد ساعات
طوال حتى عميت عيناها وبعد 6 شهور من موت نواف و بعد ان نفد صبرها و لم تعد تحتمل هول الصدمة جاء اجلها بين
اهلها في فراشها ولحقت بحبيبها فقد انهى الموت بطغيانه على قصة حب جميله بريئه وكان ظرف الموت اقوىمن حبهم
"
(الله يرحمهم ان شاالله)
عساها اعجبتك? ماجاوبتني شكلك قاعد تصيح هاهاهاهاهاها
تحيااااااتي لكم
منقول من الجوال
للأمانة