اقول انتم ماتشمون ريحة او تحسون ان المنتدى صار ماله لاطعم ولا ريحة من تالي والله اني صادق اشبقول لكم كل اللي بقلبي ولا حد يزعل من بصراحة لاني انا احب المنتدى واحبكم لازم اصير صريح معكم وافتح قلبي لكم
انا الصراحة صرت الاحظ ان المنتدى وخصوص المجلس العام صار تقول قهوة عجاجن طاير ولاهنا ريحة زينة من المعسل للباعشن وانتم رايحين يعني المواضيع صارت ماااااااااااااصخة الا ماقل من بعض الاخوان والخوات المجتهدين لكن به ناس يادافع البلا لو تجيه مكالمة جوال ويقول له اللي كلمه ترى فلان عازمنا باكر على طول دق سلف وفتح المنتدى ونزل موضوع باااااااااااااايخ مثل وجهه وكتب فلان اتصل بي وعزمن صراحة انا اتكلم معكم على بلاطة وبلهجتي العامية ما اعرف ازبرق ولا اعرف انافق واجامل لالالالالالالالالا انا رجال سيدة الصح صح والغلط غلط ومردود على راعيه اللي يرضيه ولا بسلامته ماناب مجاملن احد على حساب المنتدى وصورته اللي حنا خابرين قبل مدة قريبة لكن هالحين ياهملالي كل من طرى براسه طاري قال منتدى الهلال لالالالالالالالالا منتدى الهلال مهوب ملطشة للي رايح وللي جاي يعني بالعربي اللي عنده مواضيع زينة ياهلا ويامسهلا وعين فراش وعين غطا واللي يقول لاوالله انت منتب مسؤل عنا اقول له سم بس حتى لو مالي سلطة انا او غيري من الاعضاء مانرضى بالمواضيع الماصخة وانتم عارفين وش اقصد وسبق انه قالة اخوي نايف قبلي لكن للاسف مازالة المبزرة تدهر بالمنتدى لاحسيب ولارقيب .
حنا مانقول كل المواضيع لازم تكون علمية او دينية او الغاز لا نبي طرائف ونكت مرحة وزينة بس اللي مانبيه انه ينط لنا واحد او اثنين مثل الجني ويفتح لنا موضوع طويل عريض واذا فتحته ولا ماغير سطرين كنهن وجهه مغسولات بمرق لاطعم ولا ريق اما يكون مسوي فيها خفيف دم ويقول سحبتكم ولا مسوي فيها ذكي وهو مستدلخ مايدري من هي هابة واللي على راسه بطحا يحسس عليها مثل ماقال نايف . وسلامتكم
وارجو ان ماحد يزعل من اسلوبي او قسوتي بالكلام بس كل شي له حد والمنتدى يهمكم مثل مايهمن ولا تسمحون انة تنزل صورته عن ماكانت عليه قبل وتطيح هيبته وتسمج مواضيعه . انا فرجت عن همي وقلت اللي بقلبي وانتم كلن حر برايه بس الاختلاف لايفسد للود قضية
وفعلا فقدناك يابراهيم انت وسفر والباقين .

صح لسانك


بس عسى ماتقصدني

ويعطيك العافيه مع شوي من العربي

لجوونه

صح لسانك

المنتدى صار للمواضيع الباااااااااااايخة مالها أي فايدة

يالله الله تعين موضوع تحس أنه مميز عن باقي المواضيع

والله يرجع أيام سفر والنجيدي

تحياتي

أكيد مستر حبحوران المنتدى بيفقد الكثير لعدم وجود مشرفين عليه

اصبر مع بداية الاسبوع الجاي وتشوف اسماء المشرفين اللي راح يرجعونه مثل ماكان وأحسن

صح لسانك حبحر حار ..
وعلى قولة اخواننا المصارنه ... عداك العيب .

ولاتعتذر وانا اخوك عن صراحتك ... مقيولة من زمان الصراحة راحة .
وترى الصراحة هاليومين ميزة ماهيب عيب . وماوجدت هالمنتديات وغيرها من المنتديات الا لقول الصراحة والتعبير عن الرأي بكل حرية ...
وانت بين أمرين بعدها .. ياناس تأيدك ياناس تعارضك .
وانا من المؤيدين لك تماما ً .

تحياتي لك .

السلام


صح

انت صح على طول يالعلب

بس انا عندي سؤال يسدح نفسه كبر راسك

من المسؤؤل ؟؟؟؟؟؟؟؟؟؟؟؟؟

قبل لاتحكي

خل اقولك

حنا المسؤلين

عن موتة المنتدى

لازم نتحرك ونطرح المواضيع الجيده والقويه

ودائما الجيد يطرد الضعيف

اذن رساله اوجهها لكل الأعضاء المعروفين بإبداعهم

ان يعودوا فيتحفوننا


وتراك انت والأسير اولهم



تحياتي

الحريف

صح لسانك ياحبحوري

وان شاء الله زي ماقال أخونا / الإعصار الأسبوع القادم راح يكون هناك تغيير الى الأفضل .






ذبحونا هالطفيليين

صح السانك اخوي الحبحر الهلالي

هذا شيء طبيعي لما يكون المنتدي من غير اشراف( ياسعدنا)

لاكن هناك من يريد ان يفرض نفسه بكثرت المشاركات وهذا من حقه
ولا ننكر عليه بالعكس نأيده وناخذ بيده. من هنا نشأت المواضيع
التي مالها داعي
ولهذانطالب الاعصار بأنشاءمنتدى للطرائف
حتي يكون منتدي العام للمواضيع الجادةومنتدى الطرائف للفكاهين المهسترين الحلوين
يالله نشوف مع طلة العيد منتدي للطرائف ويكتمل عقد المنتديات
ويكون عيدية الاعصار لاعضاء هذا الموقع الكبير والغالي على قلوبنا(( حتى لو فتح الف موقع لنادي الهلال))

مشكوووووووووووورين على كل هذا التاييد وانشالله نشوف المنتدى يتطور ويصير ازين من اول .

الاخت لجين انتي من المبدعين هنا ونتمنى الكل يقتدي بك وبشاركاتك ولاتخافين علي الحمد لله العافية رازقن الله بة يالله لك الحمد والعربي بعد تراي من افضل من يجيد العربية بس انا كذا احب البساطة واللهجة العامية لانها تضفي على المقالات نوعاً من الحيوية والفكاهة بنفس الوقت وهي اقرب الى المتلقي من الفصحى حسب علمي .
وش رايك عاد اصلح مدرس نحو ؟؟؟ههههههههههههههه وتراي من عائلة كلها خريجة لغة عربية اخرهم الاسير الهلالي الغالي .ههههههههه

اللاعب الموهوب صح بدنك وسلمت يالغالي .

نجم الصبح مشكور وماقصرت هذا خبري فيك دايم مع الحق .

الاعصار مدير التطوير جعل شماغك يطير هذا الحكي مايصير عجلوا علينا بالتطوير ولا ترانا بنوديك للخرخير هههههههههههههههههههه تكفى عجل علينا بالتتكيز .

هلالي الجوف مشكووووووووووور بس فيه ناس ماتعجبهم الصراحة يعني اذا لم تكن معي فانت ضدي وهذولا لايهمونك انا لهم وانا حبحور مذوب الصخور ومقطع البحور ومغري الحور وحامي الضبان بالجحور ومن يعاندني يخور هههههههههههههه

الحريف تسلم على وصفي انا والاسير من المبدعين وهذا من طيبك وذوقك بس المشكلة لوكتبنا مواضيع زينة وش يضمن لنا مايجون المطافيق ويكتبون خمسطعش موضوع بدقيقة همن دور المواضيع الزينة بالزحمة مثل خوينا ذااااااااااااك .........؟ وشتبون منب معلمكم منهو الفطين يعرف بدون قول او بدون هدف ههههههههههههه

جاج الداج راعي الدجاج عساك للعجاج حنا نبي نطور المنتدى لين يوفي لنا الاعصار بوعده مهب لازم نحتريه لازم حنا بعد نساعده ونتحرك ونكرش كل المتطفلين .

هلال الخبر كلك حلى وطرا وافمك ينقط درررررررررررررررر هههههه

ياحبي لي وعساي انشالله دايم سالم ههههههه

اخوي الغالي:الحبحر الحار الهلالي

طول بالك...وانا خوك....والصبر زين.....
وباذن الله راح تكون شبكة الزعيم....ومنتدياتها بما فيه المجلس العام..مظرب مثل باذن الله....
وهذا الامر لن ياتي الا بتكاتفنا...وتفاعلنا مع بعضنا البعض...
دون دوافع شخصيه....وحب الذات على حساب المصلحه العامه....
اما مايحدث من امور عبثيه.....
فثق ياغالي....هي خارجه عن ارادة الموقع بصفه عامه...وعن ارادة الاعضاء الغاليين...والمبدعيين....
وباذن الله تعالى....بجهودك وبجهود الاعضاء الحريصين على شبكة الزعيم..
سنظل دوما في المقدمة.....
تحياتي القلبيه لك....ولصدق مشاعرك ونبلك الكريم....وهي شهادة استشفيتها من خلال متابعتي لما يخطه قلمك.....
والله ولي التوفيق.

شكرا على غيرتك على المنتدى ياحبحرنا الحار اللذيذ المقرمش
والله انك صادق بكل اللي قلته صاير المنتدى ليس له طعم ولا رائحة
مافيه الا ريحة الحبحر ( يالله انبسط عاد مدحتك )

وعلى فكرة ترى الاخت لجين الظاهر ان قصدها يوم تقولك
الله يعطيك العافية مع العربي تراها تقصد حسب مافهمت
زيت العافيه والعربي تعرف الحريم دايم تفكيرهن حول المطبخ لا عاد امزح والله ونعم بلجووونه ياليت كل المواضيع مثل مواضيعك
(تراي صادق ماني امزح ==> واحد نصاب :p )

المهم لازم نشوف لنا حل لهالمواضيع اللي تحوم التسبد

انا عندي اقتراح ليه مايصرفون لأعضاء المنتدى من عضو فعال وفوق
كم قفل حلو مزركش يقومون بتقفيل هالمواضيع ولو يصرفون لنابعد
دناميت اصرف علشان نفجر الموضوع بكبره
والا ويصرفون لنا كم كلبشة نكلبش اي واحد تسول له نفسه العبث بمتعة وحلاوة منتدايتنا
+++++++++++++++++++++++++++++++

ونصدر فيه صك شرعي يكون على الشكل التالي :

___________________________________________________________


بسم الله الرحمن الرحيم

أقدم المدعو فلان على كتابة موضوع ماصخ جدا في منتدى الزعيم
وقداصدرت محكمة الزعيم الكبرى صك شرعي رقم كذا تقسيم كذا ... وتاريخ ... يقضي بثبوت مانسب الى الجاني المذكور شرعا
وان محكمة الزعيم تحذر كل من تسول له نفسه العبث بحلاوة ومتعة المواضيع والمنتديات.

وأن يتم تنفيذ الحكم بالجاني المذكور بأي منتدى من منتديات الزعيم حسب ماتقتضية المصلحة العامة ويتم التشهير به في المنتديات المجاورة ويتم تغريبه سنه .

والله الهادي الى سواء السبيل


رئيس هيئة القضاء الأعلى بالزعيم





- صورة لكل لاعب هلالي (علشان يكرهونه )
- صورة لإدارة الموقع (علشان ماعمره يتعود لها)
- صورة لجميع المنتديات المجاورة الا منتدى النصر(علشان مايستغلونه
- صورة لكل عضو بالمنتدى ( علشان يهزئونه)
- صورة للدوائر الحكومية (علشان يفحط مايلقى وظيفة)
- صورة للبلدية ( مال امها داعي هالصورة بس يالله روتين )
- صوره لأهل الجاني ( علشان مايعطونه قروش ويشتري بها اشتراك )
- صورة لمحمد نور ( علشان اذا قابله بالملعب يقلع مفاصله )
____________________________________________________________

هههههههههههههههآآآآىى.... الله ياخذ شيطانك جمجمة افندي

هذي أخرة متابعتك للأخبار
تفرج على المباريات بس وانا اخوك .. وخلك من غصب واحد;)

السلام عليكم ؛؛؛؛؛؛؛؛



تدري اخوي الحبحر الهلالي ليه المنتدى صار كذا؟


















لان ملحكم ( الي هو انا ) طول الغيبه






بس ولا يهمك راجعلكم انشالله الاسبوع الجاي و كلي نشاط

















و حماس



















و قوه














و عزم















بدون دفعه اولى











استنوني؛؛؛؛؛؛؛؛

ياكثر هذرتك انت واخوك

اقول

نسينا ما كلينا

ترى مرت ايام الصفحة كلها لك و لك .... افهمها على كيفك.

خف علينا يا حبيبى ولا تزعل.

الزراق.