انواع الشباب في المملكة
 

مجتمعنا السعودي يزخر بالعديد من الشخصيات أهمها مايلي :

1- ضعيف الشخصية:
هذا غني عن التعريف بلغتنا العامية (xxxx مرته) ماله رأي رأيه في يد مرته، وهذا طفرة جينية ،ونسبة قليلة جداًجداًجداً في نجد ،
واذا شفتوا أحد شخصيتة نفس كذا علموني لأني مابعد شفت الى الآن.

2- شايف نفسة:
هذا الشخص مثل الطبل.. من برى يقرقع ومن داخل مافيه شي . .
لكن يجيك بعض الشباب اللي مابعد اعرس يكشخ مب لله عشان طردي وراه البنات وهو(خلاخل والبلا من داخل) ،لكن المتزوج اللي مايتكشخ إلا عشان زملاه.
المشكلة ان بعض الشباب يتهزون بجورج بن قرداحي على الأقل هو شكل ومضمون لكن بلاك هذولي اللي الثقافة عندهم في الرياضة 100%100 أما غير كذا 10%.
فنبي نعرف ليش الشباب يشوف نفسة على الحريم

3-راسن يابس:
هذا طبعاً لا ينعجن ولا ينرق ،أغلبية شبابنا وشيابنا وبزرانا من هذه الطينة ،وصدق من قال : حدر جبل ولا تحدر طبع.
ورأي هذي النوعية من الرجال كالسيف إن لم تقطعة قطعك،من صفاتة: مايرجع في قراراته نهائياً و عقليته غير قابلة للتطور.

4- القعيطي(ابو قرش):
لا تعليق لأن الكتابة تأخذ وقت على النت والنت يبي فلوس والفلوس عند العروس والعروس تبغى ولد والولد يبي حليب ....الخ

5-عـــجاز (قنصلية سودانية):
هههههه ( 3/4) السعودية عجازين ولو ان السعوديين مو عجازين كان ماشفتوا السواويق ولا شفتوا العمالة أكثر منا ،ولا شفتوا الكروش من كثر القعاد ولا شفتوا النفس الثقيلة.
يعني بالله يالشباب انتم في قمة الحيوية والنشاط ليه العجز والكسل والاعتماد على الغير .. بصراحة انتم مشكلة !!

6- طن طن طن طنقور:
هذا طنقور لو تقولة السلام عليكم ، قالك: براسك شي يالحبيب ؟؟!!
يعني مافية تفاهم نهائياً ، حجاجه دايم معقدة والبسمة ماتشوفها في خشتة أبد ..
يعني مافيها شي أيها الإنسان الطنقور انك تضحك وتبتسم وتهدي أعصابك وتكون انسان رايق وراقي في تعاملك .

7- مطوع (ملتزم احم احم ) :
هذا عندنا بعض الشباب ماشاالله عليهم الله يحفظهم ملتزين ومحافظين والتزامهم على بصــــــيرة .
والبعض الآخر التزامه شين لاهو على بصيرة ولا يحزنون انسان متشائم أسلوب قاسي في التعامل والكلام لا مع أهلة ولا مع غيره وكأن الناس على خطأ وهو على صح.
مانقول إلا الله يهدينا اجمعين.

8-خيره لغيره:
هذا الإنسان مايسوي خير لا في نفسة ولا في أهلة ،يعني مثل ماذكرت خيرة لغيرة ،مايفزع ولا يقوم بالحق والواجب ولا يساعد إلا غيره
وهذي أحس ان نسبتها لابأس بها عندنا.

9- متسلط:
كل الشباب كل ابوهم عندنا متسلطين نادر جداً انك تلقى شاب مو متسلط وياليته على سنع بس ،الوحدة اذا ماكان عندها اخو متسلط عليها يجيك أحد اعمامها والا خوالها ولا بزر من عيال عمها يتسلط عليها واذا اعرست جاك رجلها ما أقول الا الله لايسلط عليهم من هو أقوى منهم.

10-طفران:
مادري أحس ان اغلب السعودين طفرانين وذلك بسبب حبهم للمظاهر اللي نفضت جيوبهم .

11-راعي الدشوش:
دايم ماغير تسدح عند ذا التلفزيون ومطالع ذا المذيعات ورادن بالعلم كلهم عشان برنامج سخيف زي وجهه .(ياخي تابع برنامج الطبخ في القناة الاولى مع مريم الغامدي وش فيها لووووووووول )

12- نصاااااااااااب :
ترم ترم ترم (قاعدة أغني أغنية بنك بانثر) هههههههههههههه هرمون غريب عجيب ماهو موجود إلا في السعوديين ألا وهو هرمون النصب وهذا الهرمون يفرز بشكل غيرررررر طبيعي ، نصب نصب نصب على كيــــــــــــف كيفــــــــــــــــــك،لو يقولون للبنت وش تتمنين يانجدية أقول نفسي أشوف شاب مو نصاب (والله ماطلبت هي شي أمنية بسيطة بس تحقيقها صعب).


هذا مايمنع ان فيه بعض الشباب اذا حطيتهم على الجرح يبرى وانهم على قدر كبير من الوعي والثقافة لكن نسبتهم ماهي كثيرة .


اتمنى محد يزعل والي يزعل اقرب جدار في المنتدى يوسع صدره عنده




لجووونهمنقول

والله يالجونة الشيطونة يانتي ماتشوفين ابد
 

يعني عمياااااانة مرررررررررة هالحين تدورين على واحد مافيه المواصفات هذي وتقولين ماقد شفتي ابد وانا بحد زاااااااااااااااااتي جاليس قودامك ماتعبريني ؟ااااااااااي شنو هادا لزونة ؟

الله يرج بليسك طلعتي فضايحنا يالجونة خليها مستورة تراك بمنتدى الزعيم يعني كل العالم تدخله ماهوب منتدى (فار)س نجد اللي محد درى عنه خارج الرياض ؟
ههههههههههههههههههههه شكلك مصلحة اجتماعية يالجونة الشيطونة ياللي بحبحور مفتونة ومسحورة بعيونة ههههههههههههه

هلا والله بااااالغالي

واشكرك على المداخله الحلوه


لجونة

هههههه الصراحه راحه .. وبيني وبينك الشباب كلهم كذا .. وبالفعل موضوع جميل ...

( كلمة راس ) : :cool: أستري علينا الله يستر عليك .. :)

لاااااااا .. وفيه الي مسوي كاااااااااش ومظاهر وهو مدخل الددسن حقه للورشه قبل أمس .. ولا معه حق التصليح .. ويتلزق مع أخوياه في سياراتهم .. لوووول

تحياتي ... :D

يا الحبحر
على فكره انت من الي اذا حطيتهم على الجرح يبرى


هلا والله باتيقول واشكرك على المداخله الجميله((وانت من الشباب الي اذا حطيتهم على الجرح يبرى ))

لجونه يالجونه ياحلوه يالجونه(بس انا احلى)
 

هلا لجين.....

وراك قاعده تلعبين بعقول الي ردوا عليك وتوصلينهم السماء...بعدين يصدقون(لاتزعلون شباب بعدين هذا كلام خاص بيني وبين لجونه):rolleyes:

بس كلامك صحيح 100% ....

والمشكله انهم مايشوفون عيوبهم ابد...بس فالحين يحكون ويحشون بالحريم :eek:

ومشكوره يااحلى لجونه;)

ما شاء الله تعرفين أصناف الرجال اكثر مننا:D :D :D

خخخخخخخخ اخيرا لقينا شي نمسكه عليهم :D
بس ترا حتى الحريم والله ماعليهم حدث ولا حرج:p


<<<< فضحتكم:D :D

أجل حنا كذا هذي آخرتها يا لجونه هاه :mad:


هذي أنواع الشباب في المملكه... طيب متى نشوف أنواع البنات في المملكه...:D



تحياتي للشيطونه <<<-----(متسلفها من الحبحر):D

هلاله
هلا ... لا والله انا ما اقول الا الحقيقه والواقع((:D ))


اللاعب الموهوب
هلا والله واشكرك على المداخله


ريمانة
هلا والله بااالغاليه


مخاوي نجد
هلا والله ونشاء الله راح تشوف انواع البنات في المملكه


لجوونه

:p :p :p :p :p :p :p :p :p :p :p :p :p :p :p :p :p
كلامك صحيح
مشكوره اختي لجين ويعطيك العافيه
ماخليتي شي :p :p :p

توته

هلا والله باااااالغاليه واشكرك على المداخله

هلا لجين :



كلامك ما اقول فيه شي وعلى عيني وراسي :) لكن ما تلاحظين انه ناقص :eek:


ترى فيه شباب فيهم خير لا تنسينهم :p ولا انا غلطان . :D :D





ورمضان كريم .

اللهم لك الحمد

ناقصات عقل ودين

مدرى وش بقى.

:mad:

ذكر الأخ الزراق جملة دارجة على لسان كثير من الناس وهي

أن النساء ناقصات عقل ودين هذا كلام صحيح
ولكن لا يؤخذ على ظاهره
وتفسير هذا الكلام

ان النساء ناقصات عقل لان شهادة الرجل بشهادة امرأتين

وأن النساء ناقصات دين لأنهن لا يصلين بعض الأيام

والله أعلم

وبعدين لا تزعل هذا هو الواقع
الشباب الطيبين =====> مثلي;) مو قليلين الا كثير والله يطرح فيهم البركة