افضل مستوصف اسنان؟؟؟ - نادي الهلال السعودي - شبكة الزعيم

عاشـق الهلال · #1 25/03/2007, 10:55 PM

السلام عليكم

يالله انك تحييهم وتبيقيهم

بغيت فزعتكم الله لايهينكم

انا هاليومين اسناني معدومة مرررره

ورحت لاحد المستوصفات وقال لازم قطع عصب وماادري ايش...

عاد الحين ابي رايكم باافضل مستوصف اسنان في شمال الرياض ومن هو افضل دكتور؟

وبالنسبة للاسعار ماتفرق معي>>>>الله يخلي التأمين

لانه الصراحة كل شيء عندي يهون الا الاسنان مااطيق احد يلعب فيها

عشان كذا ابي شغل نظيف

ياليت تعطوني كم مستوصف عشان نظبط امورنا

الله يعطيكم العافية...

ساقي الـعُطـور · #2 25/03/2007, 10:59 PM

والله في عيادة أسمه المدار

ممتازه بس تبي فلوس

والحقيقة ما أعرف وين من الرياض

والله يشفيك

الكابتن يوسف · #3 25/03/2007, 11:47 PM

اذا تبي شغل نظيف ومظبووووط

عندك عيادات الرضوان بشارع الستين ( الملز )

ThE SpEcIaL OnE · #4 25/03/2007, 11:50 PM

لااوصيك اطلق واحسن مستوصف

طيبه في العليا عند اسواق العويس

نضيف وشغل سريع

والله يشفيك

عاشـق الهلال · #5 26/03/2007, 12:48 AM

مشكورين يااخوان وماقصرتوا..

بس ابغى شيء عليه الكلام اذا تعرفون ويكون بالعليا ...

ماتقصرون والله

الله يعطيكم العافية...

=مـاجــد= · #6 26/03/2007, 12:52 AM

مستوصف (امات) في طريق النهضة الاستشارية (ريما )صراحة شغلها

وكاااااالة شغل نضيف ضبطت اسناني كلها عندها خلصت منها قبل اسبوعين

انسانه نصوحه وتعمل بأخلاص تاااام

=مـاجــد= · #7 26/03/2007, 01:29 AM

(بس حلوه يكون با العليا)

ترى مو كل شي با لعليا زين شكلك ناوي تروح تكشخ ما نويت تعالج

عاشـق الهلال · #8 26/03/2007, 01:52 AM

هلا اخوي =مـاجــد=

انا ماقلت العليا الا عشانه قريب من بيتنا وبس

يعطيك العافية...

نـــــــ15ــــــمر · #9 26/03/2007, 02:17 AM

إقتباس


	(ريما )صراحة شغلها وكاااااالة شغل نضيف ضبطت اسناني كلها عندها خلصت منها قبل اسبوعين انسانه نصوحه وتعمل بأخلاص تاااام

كم عمرها ؟؟

^_*

تشـــــــــــاو

=مـاجــد= · #10 26/03/2007, 10:25 AM

نــــــــــ 15 ــــــــــمر الحقيقة ما أعرف با لضبط لكنها سيدة ماهي عجوز ومن قوم(شوبدك_وهيك) واذا عندك اسألة

ثانية تفضل...............

عاشـق الهلال · #11 26/03/2007, 08:34 PM

مشكورين يااخوان على الردود وماقصرتوا

اتمنى التفاعل من باقي الاعضاء..

الله يعطيكم العافية...