احم احم

السـلام..

رعبوبة من جديد اخبااااركم ياقلبي<<انتوا اجمعوها مارضت تطلع معي:p
عساكم بخير
من زمان عني ادري<<واثقه:p ..

الموضوع للبنات تحديدا و الشباب اللي يبي يدخل ويرد خليه يدخل:p بس بدون لقافه شي ماهو لكم <<ناويه هوشه.. بالعربي الموضوع مايخصكم:p
لا امزح قولوا رايكم وخذوا راحتكم البيت بيتكم والصفحه صفحتكم والمهلي مايولي والحي ابقى من الميت<<وش دخل ذي:p ..
وسلامتكم

ندخل بالموضوع دغري
كان في وحده اسمها ابرار:p تبلغ من العمر الـ18 ربيعاً:p
جالسه بغرفتها لالها ولا عليها دقت عليها امها باب الغرفه وفتحت ابرار الباب
الام:ابرار يابنتي ترى اليوم بيجونا ضيووف بعد صلاة العشا
ابرار: من هم الضيووف؟
الام: ابد اهل صديق ابوك يبون يتعرفون علينا
ابرار: اها<<الموضوع مادخل مزاجها ابد ..حياهم الله
الام: طيب يابنتي ابيك تتكشخين وتطلعين حلوة وتطلعين معي عند الحريم
ابرار: لاا ماله داعي يمه اطلع وتعرفين اني استحي ومو متعوده اطلع عند الحريم
الام: لا اطلعي معي انتي كبرتي ماعدتي صغيره
ابرار: ان شالله يمه
ابرار جا براسها مية سؤال وسؤال ياربي اول مره امي تقولي هالكلام ؟؟ من ذولي الحريم؟؟وليش امي تقولي اطلع
وهي تعرف اني حيويه ؟؟وليش وليش

المهم اذن العشا وودق الجرس الا الضيووف دخلوا المجلس وجلسوا وتقهوو وحشوو<<سوالف حريم لازم حش
وراحت الام لم ابرار الا ابرار كاشخه ولابسه وصايره قمر 15 :p
الام : يالله تعالي نروح
ابرار <<من الحيااا وجها الوان:p احمر اخضر اصفر اللي تبون:p
ويوم دخلت على الحريم تفاجئت ان الموضوع ان ناس جايين يخطبونها وهي ماكانت تدري يااحرام
وماكانت مستعده نفسيا للشي هذا وانصدمت بالمفاجئه اللي مصلحينها امها وابوها لها

نبدا بالأسئله..<<متأثره بالإختبارات:p

- وش مواصــــفات فارس احلامك؟؟ تبينه يشبه توم كروز :p ولا احمد حسين:p ولا محمد بن ساقان ولاتركان ولا ياسر القحطاني وش المواصفات اللي ببالك؟؟قوليها لو سمحتي لاتستحين <<] بشوف كل البنات تفكيرهم مثل تفكيري

- لو كنتي مكان ابرار وش راح يكون ردة فعلك ؟؟

- وش العمر المناسب للزواج برايك للبنت والولد؟؟

- وش رايك بتصرف اهل ابرار هو تصرف زين يعني يمكن اهلها مايبون يجرحون مشاعرها يمكن ماتعجب اهل العريــس اذا شافوهـا..ولا ماهوب زين علشانهم احرجـــوها ؟؟وجهة نظرك

- مع كثره العنوسه اللي عندنا بالسعوديه خاصه والخليج بشكل عام وش رايــــك بفكره
((اخطب لبنتك ولا تخطب لولدك)) تأيدها؟؟او تأيدينها؟؟

- اختلاف المستوى الدراسي بين البنت والولد هل يؤدي الى فشل الزواج؟؟

- سؤال ماله دخل وبقووووووة .. اذا واحد حلوو ومملوح جاك يخطبك وش تقولين؟:p

- وش تفضلين زوجك يلبس شماغ وثوب ولا بنطلون وتي شيرت :p ؟؟

- وش تبينه يكون يشتغل وظيفته؟؟<<تبي واحد بأرامكوا:p

لايطلع لي واحد عجــاز يقولي الموضوع طويل ومشوار مدري فلفله:p الموضوع صغير وش حليله

كانت معكم:رورو:p

تشــاااااو

اي والله الموضوع صغيييييييييير ووش حليله

ولا فيه مقدمه طويلة عريضة ولا شيء



ولكم باك رعبوبه

وتشكرات على الموضوع الخفيف اللي ما يصلح لي

بس خاش عناد كذا

تحياتي

هلا رعبوبه ولكم باااااك جاتكم المواضيع ام الالوان اللي تدووخ

اول شي انا داخل عنااد وداخل عشان اسلم عليك

وانا اقول وش مخلي الهنووف ورعبوبه شابكين هالوقت عشان رعبوبه منزله موضوع الحين عرفت <== يازينك سااكت

إقتباس تبينه يشبه توم كروز

يعني يشبه لي لدرجه هذي يعني انا مقطع قلووب العذاارى <=== منتب عااقل واللي مهوب مصدق اني اشبه توم كروز يرجع لموضوع بنت عز ماتنهز


-

إقتباس وش تفضلين زوجك يلبس شماغ وثوب ولا بنطلون وتي شيرت ؟؟ هاااه هذي يبيلها سؤااال ابيه رجاال ولد رجاال ثوب وشمااغ

هههههههههههههههههههههههههههههههههه

يعني اللي يلبس بدله وكرفته مهوب رجال وابوه مهوب رجال ابووووووووووووك يالتفكير



تشكرااتي لكٍ رعبوبه الزعيم قصدي مزيونة الزعيم لحد يفهم غلط رعبوبه معناه المزيونه <===== يبي يعلمك انه فاهم وش معنا نكك

وارجع واقول مره ثاانيه دااخل عنااد معني عاارف انك حاطه هالعنوان والمقدمه عشان تبينهم يتهورون وتسببين مشااكل <===== يبي المشااكل من الله

إقتباس الموضوع للبنات تحديدا و الشباب اللي يبي يدخل ويرد خليه يدخل:p بس بدون لقافه شي ماهو لكم <<ناويه هوشه.. بالعربي الموضوع مايخصكم:p

كل شي ممنوع مرغوب يابنتي احتري ثنين متاكده بيجون

إقتباس كان في وحده اسمها ابرار:p تبلغ من العمر الـ18 ربيعاً:p

مهيب رعبوبة بس ;)

إقتباس الام: طيب يابنتي ابيك تتكشخين وتطلعين حلوة وتطلعين معي عند الحريم

يحسبونا غبيات يعني لهالدرجه اكيد بنفهم هذاك اول ماندبر شي :p
ياحليل الحريم بس >>طالعه منهم

إقتباس وش مواصــــفات فارس احلامك؟؟ تبينه يشبه توم كروز :p ولا احمد حسين:p ولا محمد بن ساقان ولاتركان ولا ياسر القحطاني وش المواصفات اللي ببالك؟؟قوليها لو سمحتي لاتستحين <<] بشوف كل البنات تفكيرهم مثل تفكيري

طيب لو قلتها بتجيبين لي واحد مثلها
مابي مثل توم كروز ولا ابن ساقان ابي مثلـة هو >> بدينا ننفضح:p

إقتباس - لو كنتي مكان ابرار وش راح يكون ردة فعلك ؟؟

هو ياني بحجر لامي وبقول مابي اطلع لين تنفضح وتعلمني;) :p

او اني بسوي عمري مدري وبتكشخ وبطلع الشكوى لله

إقتباس وش العمر المناسب للزواج برايك للبنت والولد؟؟

البنت فوق 20

والشاب فوق 24

اتوقع 20 او 21 للبنت والشاب فوق ال24

إقتباس وش رايك بتصرف اهل ابرار هو تصرف زين يعني يمكن اهلها مايبون يجرحون مشاعرها يمكن ماتعجب اهل العريــس اذا شافوهـا..ولا ماهوب زين علشانهم احرجـــوها ؟؟وجهة نظرك

اممممممم شوفي والله بنات هاليومين اكيد بيفهمون لو احنا ايام قبل ممكن
بس تصرف حليو نوعا ما لو اتفقو بمكان ثاني افضل يعني ملاهي مثلا

إقتباس - مع كثره العنوسه اللي عندنا بالسعوديه خاصه والخليج بشكل عام وش رايــــك بفكره

إقتباس ((اخطب لبنتك ولا تخطب لولدك)) تأيدها؟؟او تأيدينها؟؟

قولي قلة الرجال الاكفاء الي تخلي الاب يخطب لبنته

هو تصرف حلو بس صعب يمكن اضراره بتكون بعدين

ويجلس يتفلسف ويقول انتي خاطبتني

إقتباس اختلاف المستوى الدراسي بين البنت والولد هل يؤدي الى فشل الزواج؟؟

ممكن

إقتباس - سؤال ماله دخل وبقووووووة .. اذا واحد حلوو ومملوح جاك يخطبك وش تقولين؟:p

اذا باقي الصفات حلوة ليش لا
الجمال متطلب بعد
-

إقتباس وش تفضلين زوجك يلبس شماغ وثوب ولا بنطلون وتي شيرت :p ؟؟

كلهم لكل وقت لبس

مو يروح نادي او ملاهي بثوب وشماغ

ونفس الشي مايروح عزيمة بجينز
يعني لكل وقت لبسه المناسب

إقتباس - وش تبينه يكون يشتغل وظيفته؟؟<<تبي واحد بأرامكوا:p

شوفي انا مدري ليه مافضل المدرس
مع ان كثير يفضلونه بسبب الاجازات
بس عارفه لاني ماحب هالوظيفة بيجيني مدرس

ودي مهندس الصراحه

والاهم شي مهنه شريفه

إقتباس لايطلع لي واحد عجــاز يقولي الموضوع طويل ومشوار مدري فلفله:p الموضوع صغير وش حليله

إقتباس

ايه طالع علي

اسئله مملوحه واطلالة تهبل مثلك

لاعدمنــا حضوركـ
بس سؤال وش جاب طاري هالموضووع والا اثار ثالث ;)
ذاكري ولايشغلك الزواج بس :p

ودي يليق بك غاليتي

الهنوووف

كانت

هنا

ورحلت

رعبوبة نزلت موضوع؟!!


لي عودة...!
==================

بعد العودة...!!

هلا والله برعبوبة الزعيم... مرحبا ومسهلا...!!

ندخل بالتعليق والاجابات على طول....!!

إقتباس لايطلع لي واحد عجــاز يقولي الموضوع طويل ومشوار مدري فلفله

أهااااااااا... أثرك من عندنا بالشرقية؟ أكيد بالخبر ولا الظهران صح؟

إقتباس الام: ابد اهل صديق ابوك يبون يتعرفون علينا ابرار: اها<<الموضوع مادخل مزاجها ابد ..حياهم الله

ايه هين ما فهمت

إقتباس وراحت الام لم ابرار الا ابرار كاشخه ولابسه وصايره قمر 15 :p

ايه قمر 15

كل بنت كل ما تزينت قالت قمر 15

إقتباس ابرار <<من الحيااا وجها الوان:p احمر اخضر اصفر اللي تبون:p

من جد فيه بنات هالأيام يستحون؟

ما ظنتي

إقتباس ويوم دخلت على الحريم تفاجئت ان الموضوع ان ناس جايين يخطبونها وهي ماكانت تدري يااحرام وماكانت مستعده نفسيا للشي هذا وانصدمت بالمفاجئه اللي مصلحينها امها وابوها لها [/COLOR]

ياااااااي... يا حرام ما تدري <<<< أموت على البراءة أنا

إقتباس - وش مواصــــفات فارس احلامك؟؟ تبينه يشبه توم كروز :p ولا احمد حسين:p ولا محمد بن ساقان ولاتركان ولا ياسر القحطاني وش المواصفات اللي ببالك؟؟قوليها لو سمحتي لاتستحين <<] بشوف كل البنات تفكيرهم مثل تفكيري

كل واحدة تحلم على قدها... مو واحدة وجهها مثل الضفدعة تبي واحد مثل توم كروز مثلاً

ولا على كذا بتكثر مظاهر العنوسة عندنا أكثر من كذا

إقتباس - لو كنتي مكان ابرار وش راح يكون ردة فعلك ؟؟

الحمدلله أني تمساح موب سحلية.. الله لا يبلانا

إقتباس - وش العمر المناسب للزواج برايك للبنت والولد؟؟

الولد من 21-25

والبنت من 19-23

إقتباس - وش رايك بتصرف اهل ابرار هو تصرف زين يعني يمكن اهلها مايبون يجرحون مشاعرها يمكن ماتعجب اهل العريــس اذا شافوهـا..ولا ماهوب زين علشانهم احرجـــوها ؟؟وجهة نظرك

أنا ضد اللي سووهـ أهلها... على الأقل لو لمحوا لها...!!

أما مشاعر كثري منها

قصدي.. وحتى الشاب عنده مشاعر إذا رفضته البنت... الأمر عادي على ما أعتقد.. وما بتكون أول بنت تنرفض..!!

إقتباس - مع كثره العنوسه اللي عندنا بالسعوديه خاصه والخليج بشكل عام وش رايــــك بفكره ((اخطب لبنتك ولا تخطب لولدك)) تأيدها؟؟او تأيدينها؟؟

والله أنا ما أشوف أنها قلة في الرجال الأكفاء على قولة أحدى الأخوات...

ولكني أرى أن المشكلة تكمن في تفكير البنات بمواصفات خاصة للعريس...ومغالاة أهل البنت بالمهر..!!

عليهم أن ييسروا زواج بناتهم وما بيحتاجون يخطبون لهن ولا هم يحزنون..!!

إقتباس - اختلاف المستوى الدراسي بين البنت والولد هل يؤدي الى فشل الزواج؟؟

جائز... ولكنها نسبة نادرة الحدوث خصوصاً إذا كان الفارق التعليمي صغيراً....!!

إقتباس - سؤال ماله دخل وبقووووووة .. اذا واحد حلوو ومملوح جاك يخطبك وش تقولين؟:p

وش تقول له يعني؟ بتقول: عطني مهلة أفكر:p
وش عاد تبي أكثر من كذا يعني؟ بس لازم يكون الجمال الخارجي مقروناً أيضاً بالجمال الداخلي.!!

إقتباس - وش تفضلين زوجك يلبس شماغ وثوب ولا بنطلون وتي شيرت :p ؟؟

مثل ما قالت إحدى الأخوات قبلي.. أن لكل مناسبة لبس معين..!!

إقتباس تشــاااااو

حقوق الطبع محفوظة لي ولـنــ15ــمــر فلا تتعدين على الحقوق الفكرية

موضوع حلو وغير الجو شوي...!!

تشاااااااااااااااو

========================================

إقتباس الرسالة الأصلية كتبت بواسطة هامور البورصه يعني يشبه لي لدرجه هذي يعني انا مقطع قلووب العذاارى <=== منتب عااقل واللي مهوب مصدق اني اشبه توم كروز يرجع لموضوع بنت عز ماتنهز

يا ربي عليك يا هاموروهـ أنت وتوم كروز

ما ألوم صراحة اللي تحطك فاارس أحلامها من بعد ذيك الصورة اللي نزلتها بنت العز

من باقي ما خق معك يا هامور؟

أنت لو كنت بزمن نقتدي في بعمر بن الخطاب رضي الله عنه كان نفيناك برى السعودية لأنك فتنة

ههههههههههـ الله يرجك يا توم كروز العرب ـههههههههههه :p


بايااااااااااااااات

تسجيل مرور فقط ..

بس انتو عارفيني كلامي كثير ما اقدر امر ولا ارد اكثر من سطرين او ثلاثه ..

قبل كل شي مدري احس ان البنات انقرضوا اللي يستحون من الزواج والخطبه ..
واسألي فتون ,, :p .. كل جيل ولهم طرائق وعادات .. طبعا مو الكل ولكن الاغلبيه

وتعليق على القصه .. او السيناريو اللي ألفتيه ..
أن بعض الامهات يعتقدون انهم بتصرفهم هذا راح يلخونها قدام الامر الواقع حتى ماتخجل
وتترد بالدخول لو قالوا لها من بدري ..

ولو جينا للواقع .. لقينا ان البنت راح تخجل شوي وهي بتطير من الفرح لانها بتزوج
وهذي الفطره ان كل شخص يريد بناء عائله جديده مستقله ..

والشي الثالث في تعليق على احد الاسئله ..
وهو تفاوت المستوى الدراسي .. ارى انه عاده لا يؤثر على النجاح الزواج .. وجهة نظري "

إقتباس بس عندك خطأ مطبعي :: وش مواصــــفات فارس احلامك؟؟ تبينه يشبه توم كروز ولا احمد حسين ولا محمد بن ساقان ولاتركان ولا ياسر القحطاني

نسيتي تكتبين الكــلاسيكي :p

في الختام تقبلي ارق التحايا ..
دمتي بخير يا رورو..

وعليكـــــــــم السـلام..

وش اخبارك يـاقلبـــــــــــي؟؟؟؟؟

- وش مواصــــفات فارس احلامك؟؟ تبينه يشبه توم كروز ولا احمد حسين ولا محمد بن ساقان ولاتركان ولا ياسر القحطاني وش المواصفات اللي ببالك؟؟قوليها لو سمحتي لاتستحين <<] بشوف كل البنات تفكيرهم مثل تفكيري

اهـم شـي يكون مزيون

- لو كنتي مكان ابرار وش راح يكون ردة فعلك ؟؟

اكيـد مراح اقدر استوعب الوضع

- وش العمر المناسب للزواج برايك للبنت والولد؟؟

البنت 21 والولـد 31

وش رايك بتصرف اهل ابرار هو تصرف زين يعني يمكن اهلها مايبون يجرحون مشاعرها يمكن ماتعجب اهل العريــس اذا شافوهـا..ولا ماهوب زين علشانهم احرجـــوها ؟؟وجهة نظرك

مقبولـــــه

- مع كثره العنوسه اللي عندنا بالسعوديه خاصه والخليج بشكل عام وش رايــــك بفكره
((اخطب لبنتك ولا تخطب لولدك)) تأيدها؟؟او تأيدينها؟؟

والله انهـا زينــــــه

- اختلاف المستوى الدراسي بين البنت والولد هل يؤدي الى فشل الزواج؟؟

ممكـن

- سؤال ماله دخل وبقووووووة .. اذا واحد حلوو ومملوح جاك يخطبك وش تقولين؟

حيـاكـ الله

- وش تفضلين زوجك يلبس شماغ وثوب ولا بنطلون وتي شيرت ؟؟

وانا وش دخلنـي في لبسـه هو وبكيفــــــــه

- وش تبينه يكون يشتغل وظيفته؟؟<<تبي واحد بأرامكوا

يكون لاعــب



ومشكووووورة رعبوبـه ع الموضوع الروووووووعه

موضوع رائع وجميل وحساس

ابجاوب على بعض الاسئلة>>>>>>>>>عجاز

إقتباس - وش العمر المناسب للزواج برايك للبنت والولد؟؟

للبنت 19 وللولد 25

إقتباس - وش رايك بتصرف اهل ابرار هو تصرف زين يعني يمكن اهلها مايبون يجرحون مشاعرها يمكن ماتعجب اهل العريــس اذا شافوهـا..ولا ماهوب زين علشانهم احرجـــوها ؟؟وجهة نظرك

وجهة نظري ان فعلهم خاطئ لان فيه تهميش لدور البنت في اختيار شريك عمرها . وللاسف هذاهو الحاصل في مجتمعنا
فاالواجب اخذ راي البنت وعدم التهميش.

إقتباس - مع كثره العنوسه اللي عندنا بالسعوديه خاصه والخليج بشكل عام وش رايــــك بفكره ((اخطب لبنتك ولا تخطب لولدك)) تأيدها؟؟او تأيدينها؟؟

اوايد هذ المقولة خاصأ إذا وجدت الانسان الكفء الذي يصون العشرة الزوجية.

إقتباس اختلاف المستوى الدراسي بين البنت والولد هل يؤدي الى فشل الزواج؟؟

ارى ان اهم عوامل فشل الحياة الزوجية هي اختلاف المستوى الدراسي . الذي هو مهم في تقارب والمستوى الفكري بين الزوجين مما يوثر مستقبلأ في الاولاد.

يسلمو على الموضوع

تحسبون العرس لعبة انتي وياها تبين توم كروز وطقته

الله يخلف على تفكيركم

نو نو نو يس يس يس طاط طاااااااااط ون تو ثري طع طع دج وت واي ار

<<< ترا كل ذا عشان جبتوا طاري الزواج يعني تحمدوا ربكم اني مهديه الوضع للحين

بما اني انا الله يحفظني ويخليني لي ضد فكرة الزواج اساسا في الحياه!! والله ليه اعيش

في نكد طول حياتي واذل نفسي مع رجال مايستحق الحياه اصلا اقعد في بيت اهلي

معززه مكرمه !! صح انه احيانا ودك تطلعين من ملابسك من الطفش لكن اصرف!!

<< لا لا تكفين العرسان طوابير عند الباب مسدحين من البكا من بعدك ماذاقوا النوم

ولا هنت لهم عيشة رغده في هذه الحياة المباركه السعيده << اقول انطمي والله

اني اسوا طوايف طوايف طوايف (لين بكره) اهل ابو ابو ابوهم<< الثقه زينه صح؟

رجعنا لكم بعد هالفاصل الفاصل !! << يمديكم

المهم ببدا الاجابه على اسئلتك لان مااقدر اطول عليكم لان ادري انكم محترين اجاباتي

على احر من الجمر ومتشوقين ومتعطشين لها << الثقه مو زينه صح؟

نبدا على بركة الله << بتبدين ولا( كف)!!

إقتباس وش مواصــــفات فارس احلامك؟؟ تبينه يشبه توم كروز :p ولا احمد حسين:p ولا محمد بن ساقان ولاتركان ولا ياسر القحطاني وش المواصفات اللي ببالك؟؟قوليها لو سمحتي لاتستحين <<] بشوف كل البنات تفكيرهم مثل تفكيري

لحظه لحظه فيه واحد خاش بالعرض وبالطول!! اللي هو ياسر القحطاني ؟؟
وش جابه لتوم كروز؟بس سؤال يسدح نفسه لا اكثر ولا اقل...وابيه يشبه عزازي !!

إقتباس لو كنتي مكان ابرار وش راح يكون ردة فعلك ؟؟

طبعا لكل فعل ردة فعل زين ..الحين ابرار يوم درت انهم بيخطبونها جاها ردة فعل؟؟

<<< الحين تقولك صار وجهها علبة الوان ماتفهمين !! ... يلعن ام ردة الفعل

لا انا اذا تبغون الصدق ابطلع ضروسي عليهم واحول عيوني واشد كشتي واقعد اهز رقبه واطامر وابقعد اسوي كذا وكذا وكذا وكذ وهاكذا وفي النهايه عليهم كلهم حتى اهلي.... وبعدين اهج لين مايطيح

اللي براسي...<< طبعا كل الشباب يقولون عساني ماتزوجت

إقتباس وش العمر المناسب للزواج برايك للبنت والولد؟؟

للبنت 60 وللولد 70 عشان مايكون فيه فرق واجد ويكونون نضجوا !!

إقتباس وش رايك بتصرف اهل ابرار هو تصرف زين يعني يمكن اهلها مايبون يجرحون مشاعرها يمكن ماتعجب اهل العريــس اذا شافوهـا..ولا ماهوب زين علشانهم احرجـــوها ؟؟وجهة نظرك

لا طبعا احرجوها الله يحرجهم ...وبعدين ليه ماتعجب اهل العريس ليه وش ناقصها يد

ولا رجل <<< طالبه ام الحرش

إقتباس - مع كثره العنوسه اللي عندنا بالسعوديه خاصه والخليج بشكل عام وش رايــــك بفكره ((اخطب لبنتك ولا تخطب لولدك)) تأيدها؟؟او تأيدينها؟؟

لا والله ارمي نفسي عليه؟؟ ... وجع مابقى الا هي عساني اعنس لين اموت !!

إقتباس - اختلاف المستوى الدراسي بين البنت والولد هل يؤدي الى فشل الزواج؟؟

بالتأكيد خصوصا اذا جاك واحد مستواه اول شارع وانتي جامعي ويقعد يتفنعص علي

ويسويلي فيها فاهم

إقتباس اذا واحد حلوو ومملوح جاك يخطبك وش تقولين؟

مستحيل اصلا لان انا احلا وحده بالكون وبمجرة درب التبانه فكيف يجيني واحد حلو

إقتباس وش تفضلين زوجك يلبس شماغ وثوب ولا بنطلون وتي شيرت :p ؟؟

شماغ مع بنطلون !!<< شو هاض يازلمه

إقتباس - وش تبينه يكون يشتغل وظيفته؟؟<<تبي واحد بأرامكوا:p

مطرب شعبي او بالاحرى طقاق عشان نتنافس انا وياه بالمهنه


وفي النهايه اقول للبنات لاتتهورون وتتزوجون.. اي وحده يجيها عريس تتنتحر قبل لا

يجيها الشيطان وتوافق << هذا الشيطان الحين ... يالله خافوا


يالله نسأل الله السلامه

رعبوبه الزعيم
الموضوع للبناات وانا عاارف الشي هذا

وبما انه ما فيه موضوع نفس موضوعك للشباب فانا ابقوول فارسه احلامي -=-=> وهـ بس


انا ان ان ان ان ان فكرت بزواج واستقرار مع بنت <-=- اكيد مع بنت

فمستحيا اتزوج من وحده ساكنه بالمدينه

وش ابي بوحده خالطت تلفزيونات ومسجلات وشافت شباب بكل مكااان

وصحيح انا اصاابع يدك مو وحده الا انا اصاابعي وحده

وبنت القريه وش حليلها اقل شي تعرف تطبخ صح مهب مثل بعض الناس جيدين بالحلى

واذا قلنا زينو حلى اشترو توكس وقطعوه وحطوه بصحن وقالت ياي تعبت مره مره

اما بنت القريه على ما قال لا قلتيله زيني مطازيز وجريش ومرقوق وقامت وعضت عباته

ودك تعطينه ما وراك ودونك عشان ترضينها

وانا ادري ان الموضوع ما له دخل بس شي بالنفس وودي اطلعه

وشوفي الحين وشوفي اول يكفي ان جدتك وجدك مع بعض ولا انفصلو

اما من 15 سنه وجااي يتطلقون ليش يا فلان طلقتها والله ما ابيها طيب ليش

يااي والله ما تعرف تصلح قهوه تركيه

وانتي يا فلانه ليش ما تبينه يووه يا ربي مو حلو

معرووف ان الرجال مخلووق بطبعه الخشونه وليس الميوعه والزين والدلع للبنات


تراي حمزت

على العموم طولت عليكم

وحست بالرد وبموضوعك وانا عارف يا رعبوبه انك تبي توصلين الى شي ثاني وصدمه

ابرار

وانا اقول ان الي فعلوه اهلها غلط لانه ما خففو عليها الصدمه قبل او شاوره

ومن ناحيه تبين زوجك زين ولا شين ( من اتاكم ترضون دينه وخلقه فزوجوه ) هذا ردي للسؤال


مشكله الشيووون يداافعون وبشده

ولا محمد بن ساقان ولاتركان ولا ياسر القحطاني



انت قحطانيه ؟؟؟؟؟؟؟؟...........( على بالي ذكي).......









تبي الجد يالغاليه دمك شربااااااااات


وبمان موضوعك يخص البنات بشكا خااااااااااص ...........

اكتفي بالرد فقط.........................../////


مشكوره ولاعدمناك (يابرتني سبيرز هههههههههههههه)............//