|
وش زود (( دبــي)) عنا ؟؟؟ سؤال محيـــرني!!! بســم الله الرحــمن الرحـــيم .. وروود وزهوور في كل مكان :D الرياض مدهرة ماشاء اللة :yes: تتزين للدول اللي بتزورها :) يمكن أغلبنا يشبة الرياض .. اذا جاه ضيوف :D البيت يصير مرتب :) والبخور ريحتة ماشاء الله منتشرة:) الريــاض لية ما تتســنع .. جد جد الرياض ليه ما تتسنع .. يعني معقولة الزينة اللي نعرفها .. بساط اخضر وورد ملون .. واعلام ترفرف على اللمبات :rolleyes: امس وانا بالطريق لما اشوفهم مدهرين يركبون الاعلام :eek: .. ولافتات اكل عليها الزمن وشرب ..:mad: الرياض ترحب بكم :confused: وين حنا فيه الرياض ترحب بكم ..:D معقولة الى الان نفتقد أبسط مقومات مواكبة التطور حتى في جمال شوارعنا والتعبير عن فرحتنا باستقبال ضيوفنا ... الى الان اعلام ولافتات وورد ..:rolleyes: أمس اتناقش انا واختي .. واقولها لية الامارات متطوره في كل شيء ..تقول لي تجيبن الامارات للسعودية:D قلت دائماً هذا الرد معروف وجاهز تجيبين الامارات للسعوديه ..:rolleyes: طيب الامارات فيها سبع امارات مافيها الا دبـي متطوره .. انا ابي حي في الرياض بس يعتبر نموذجي من كل شيء:yes: طيب الامارات من خلال دبي كونت لها قاعدة كبيرة من السياح الاوربيين قبل العرب ..:yes: وحنا للحين يتمصعون عشان يعلقون أعلام ..:D يعــني حنا اللهم لا اعتراض الجو عندنا في الشتاء صعب وفي الصيف اصعب .. والزحمة عندنا مسببة قلق لكثير من الناس هالحين بدت تسبب امراض الله يكفينا الشر:D ليه مانراجع حسابتنا في عاصمتنا الحلوة .. كل شيء فيها الله يخليها لنا دمار:D شوارع .. سببت ميلان في فقرات الظهر .. :confused: زحــمة تسببت في ارتفاع الضغط لدى الكثير:eek: يعنــي قبل ماتفكرون تزرعون وردة وتعلقون علم وتكتبون لافتات ..:D فكروا بانكم ممكن بدل ماتزرعون وردة يكون الشارع مهياء للسيارات يعني مزفلت :D مو ورووود:eek: والشارع مطبات وحفريات :confused: وشلون الواحد له نفس يشوف ورد وهو مفلوق راسه من قوة الصبخه بسقف السياره كله من المطبه :D >>>>>> راسها مفلوق امس متأثره:D دبــي عندها فندق يدور حول نفسة :) بس حنا الظاهر بندور حوالين انفسنا من الزحمه:D الرياض مدينتنا وعاصمتنا وعزيزه علينا وغالية بعد .. لازم تتطور لازم تكون لها نقله وضعها جدا مزري :cry: اول الحريم اذا بغوا يخطبون لعيالهم ينهبلون مايلقون وحده حلوه هالحين مافيه احد شين والبركه بعمليات التجميل هالحين الفنانات كلهم مثل بعض .. تتقولون وش جاب لجاب :D انا اقولكم :D دبي وشلون تطورت وزانت وصارت عروسة الا بتخطيط ودراسة وعمل وامكانات ومادة :yes: طيب ليه احنا مانسوي الشيء هذا نخطط وندرس ونعمل وتصير عندنا رياض تفتح النفس:D يعني نجيب اللي صمموا وهندسوا في دبي ونخليهم يسمكرون رياضنا :D السؤال الذي لم أجد له اجابة ..((( وش زود دبــي عنا )):D في رعاية الله .. |
اذا كان تزين شوارعنا وتطورنا يجيب لنا الاوربيين فلا والله خلونا على كذا اصرف سندريلا حرام عليك السعوديه كلها مافيها شي متطور وزين ؟ الحين الرياض مافيه ولا حي زين كككككككككككككككك :D :D شكلك من الرياض الى جدة الى الشرقية وبس صح ؟ انا مااكذب على نفسي يمكن الامارات عندهم اشياء احسن من اللي عندنا بمليون مره بس عندنا المهم والاهم الدين اولا وبعدين نفكر بالباقي ولو ان الباقي كله مخيس بس الشكوى لله :D |
دبي ماننكر انها متطوره بكل شي!! وماننكر اننا متواجدين فيها كل اجازه,,,, لكن كل هذا التطور عندهم بالايدي الاجنبيه عندهم موب الوطنيه يعني حتى العسكري عندهم مو اماراتي!! والرياض تكفي انها العاصمه وتكفي ناطحات السحاب الي فيها والرياض اكثر شي عجبني فيها شوارعها ونظافتها رغم زياراتي القليله لها ويكفينا فخرا ان عندنا قبلة المسلمين مكه والمدينه الله يعمرها... تسلم الايادي مجودي الهلالي |
اي والله يامجودي صارت المره عندهم حارس امس بالاسواق :D ونصهم اجانب يقول سووا احصائية نص شعب الامارات اجانب او اكثر من النص ياساتر اووستر |
حارس امن * <------------------------ :D |
سندريلا ،،، القضية أكبر من " وش زود دبي عنا ؟! " هل دبي تسيرفي الاتجاه الصحيح ؟! ماذا ينتظر دبي ؟! ألف علامة استفهام و استفهام .. بالمناسبة هذا الموضوع من المككن أن يكون حلقة نقاش لمجلسنا الغالي تديرها سندريلا .. |
,,, ,, , سندريلا الهلال مرحبا بـ هذه العودة المتجدده وهذه الاطلالة الرائعه .. :) ربما الرياض تفتقد لـ عدة عوامل .. من اهمها هو التأسيس في بداية الامر وهذا ماجعل من يحاول تطوير مدينة الرياض .. ان يدور في حلقه مغلقه .. دونما اي اضافات ... وهاهي الرياض تتقدم خطوة بـ خطوه .. الان لدينا ( الشارع الذكي :) ) وغدا باذن الله سـ تكون الرياض بـ اكلمها ذكيه .. ولعلكـِ لاحظتي ان التركيز في التطوير يتمركز في الجانب الشمالي من المنطقه .. ونستطيع ان نقول انه بعد التعديل في نظام البلديات نجد ان هنالكـَ محاولات جاده في التطوير .. على مستوى بقية الاحياء .. إقتباس:
لا تنسين ان بعضنا يحجر بزرانه في غرفه لحد مايطلعون الضيوف وهذا هو الحال بالنسبه لـ اجازة المدارسه :D في الختام .. اشكركـ على هذه الاضافه ,, وهذا التواجد وكل الاماني ان تكون الرياض اجمل بـ اهلها وبـ زحمتها وكل الاماني لكِـ بدوام التوفيق ,, **** كوني بخير ...SoMe OnE... |
اذا كان قوس قزح من المستحيلات السبع فان انتقاد سندريلا للرياض من المستحيلات الاربع :D .. سبحان اللي يغير ومايتغير:rolleyes: .. شلونك سندريلا وعلومك؟ والله انك تطرين ع بالي كل ماشفت مطربه اسمها سندريلا << يادلخ الناس يذكرون بعضهم بالخير:D .. إقتباس:
إقتباس:
إقتباس:
إقتباس:
إقتباس:
سلااامون,, |
اهلاً بكِ اختي سندريلا قبل لا نلوم البلدية الرياض (( هي المعنيه بالامر)) ليش مانلوم انفسنا قبل مقتطفات من سلوكياتنا : - 1/ صاحب البيت دائماً والماء يسيل من بيته. مو على الماء فقط (( ولد عم الماء)) له نصيب ايضا من الجريان . 2/ الواحد يشرب علبة ببسي ويرميها في الشارع . 3/ يقولي واحد من الشباب ان في حارتهم اول ما نزلت البلدية القمامه المتحركه صاروا يركبون فيهاالاطفال ويلعبون بها. 4/ يالله يا شباب فيه شارع جديد نروح نفحط فيه . هذه بعض من سلوكياتنا للاسف بالنسبة للمطبات الصناعيه فصدر تعميم من بلدية الرياض بازالتها كلياً وان البلديه هي المخوله بوضع المطبات بمواصفات معينه . متى ما ادركنا اننا السبب في منظر الرياض حالياً سنتلافاء كل هذه الظروف ونرتقي بمدينتنا . |
السلام عليكم ,, أختي سندريلا الهلال تحية طيبة ,,, هل ذهبت للإمارات ودبي تحديدآ ؟ شوارع دبي وأبو ظبي الرئيسية خيال ! لكن شوارع الأحياء الداخلية أقسم بالله كأني في منفوحة لا بعد منفوحة افضل ! يعني من برا الله الله ومن جوا يعلم الله !!! وحنا في المملكة اغلب شوارعنا ممتازه وفي كثير من المناطق مو المدن الكبرى بس ! صحيح فيه بطئ وأماكن منسية لكن بصفة عامة الوضع جيد جدآ ولو طلعتي برا رايح تسمعين زي كذا واكثر ! أما الأوربيين أختي الغالية جدآ فلا حاجة لنا فيهم لأنهم وباء ! وأنتي انسانه مسلمة وتخافين الله وهؤلاء هم الشر الذي افسد أهل الإمارات فلم يبقى لهم من الغير الا الأسم ! اتمنى ان لا تطالبين بهم لأنهم لا شئ ! أخوك الصادق جدآ بلو بليزر وأن شئتي هلال العتيبي |
إقتباس:
لخص ما اردت قوله في جملتين تشـــــــــاو |
اللي ياصل دبي اللحين حنا ياصلنا بعد عشرين سنة يا أختي ربعنا حقين مفاطيح ورز ولحم ما لهم با لتطور الله يرحم الحال بس تونا حنا يبيلنا اتذكر مرة سمعت ان الامير سلمان عندما تولى أمارة الرياض قال سأجعل من مدينة الرياض لوس انجلوس أخرى....... |
إقتباس:
قبل كل شي ونعلم أطفالنا الأدب والذوق يعطيك العافيه سندريلا على هالموضوع مع التحيه |
أبد ما هنا زود أبد .. وكان تبيننا نستمر بحلقة مفرغة .. نقول ماهوب أحسن منا ..:D عندهم يا أختي ( الدقة بالنظام ) !! يعني رمي النفايات يعاقب عليها القانون ..أدري إن هذا حتى عندنا لكن حنا على ورق وهم يطبق على الواقع ..!!! المواقف .. السرعة .. السير الصحيح ..هناك يطبق النظام بحذافيره وحنا مجرد كلام ..!! طبعا قبل كل ذا .. معطينهم حقوقهم وأقصد فيها الشوارع النظيفة وعدم وجود الحفر فيها ووضوح الخطوط والمواقف ..!!! باختصار .. فرقهم عنا ..إن هم أعطوا التنظيم والترتيب لمختصين في هالمجال وحنا مجرد عشوائية في القرارات وعدوم وجود دراسات وأشياء علمية ..!!! قالوا قديماً " أعط الخبر خبازه ولو أكل نصفه " وهذا هو الصحيح أعط المختص أن يخطط ويقرر وينفذ ..وبإذن الله سيظهر العمل على أكمل وجه ..:) وكلامك ذا ذكرني بعد إن التنظيم يكون للصالة والمجلس والأماكن اللي بيروح لها الضيف فقط ..والباقي ....!!!!! :D:D شكرا لك أختي سندريلا على هالموضوع واللي بدينا نشوف فضفضة من بعض المنحبسين ..:D |
من وجهة نظري وبإختصار دبي منطقة اجرتها حكومة دبي للشركات والبنوك الأوربيه .....وحكومة دبي تأخذ نسبة من الفائده السؤال الثاني ما هي الأشياء التي تدخل مع عقد الأجار من تقاليد ومن اعراف ومن ممنوعات ومن افكار يحضرها معه المستأجر الاوربي؟ جوابه يشوفه كل من يذهب لدبي واخر المطاف اذا ذهب المستأجر سوف تستمر هذه التقاليد والاعراف والاديان والممنوعات والأفكار على ارض دبي وبالنسبة لي لا ارا في دبي ما يبهرني مقارنتا بالسعوديه سواء تطبيق الأنظمه وزوال البيوقراطيه الورقيه في تعاملاتهم وقلة التعقيد اما غيرها لا يوجد |
| الوقت المعتمد في المنتدى بتوقيت جرينتش +3.
الوقت الان » 06:12 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd