|
الرياض وان كان فيها زحمة أهون من زحمة دبي مليووووون مرة دبي ما خلاها فوق الا الشركات الأجنبية اللي استثمرت فيها فقط بعكس الرياض كل يوم نشوف تطور تصدقون جددت استمارة السيارة في عشر دقايق بس؟؟؟ |
أهــلا وسهــلاً فيكـ اختي زميلة المهنه :p الحمد لله رجعتي بموضوع بعد فترة غياب افتقدها المجلس العام .. الصراحه ما ادري وش اقول .. صحيح ان دبي مدينه رائعه بجمالها بما تعنيه الكلمله .. ولكن في بعض الامور السيئه فيها الحمد لله ليست في الرياض .. اختي سندريلا .. كلنا نتحمل اللي يصير .. ابتداء بالبلديه وأمانة الرياض .. وانتهاء بالمواطن .. ولكن الحمد لله شوارعنا احسن من غيرنا .. والحمد لله فيه تطور ولكن بشويش .. يعني اللي يشوف الرياض قبل عشر سنوات يتفاجأ بوضعها الحين .. يعني فيه تطور مستمر .. دبي مدينه رائعه .. ولكن لاتنسين ان دبي فيها رجال اعمال كثيرين ماهم امارتيين ويمتلكون ناطحات سحاب ومجمعات واشياء ترفيهيه .. يعني لو فتح امجال هنا كان شفتي العجب العجاب .. في الرياض .. في الختام اتمنى قضاء اجمل الاوقات في الرياض الحبيه .. دمتي بخير .. واشكرك ع الموضوع النقاشي المميز .. كعاتدك .. :yes: |
والله يـ ـا أختي وانـا اتمشى في " شارع الحوامل " قبل كم يوم بس فجأة وأشوف لوحه مكتوب عليـها ( عيد فطر سعيد ) .. !! , وحنـا في شهر 2 أو 3 مدري بالضبط :D . امـا عن دبي مدري وش بيصير مستقبلها .. على كثر الأجانب الي عندهم :rolleyes: والله أقل نـاس نشوفهم في دبي هي الإمراتين :yes: مـاغير هنود وسعودين ;) . سلاميشو ... :) |
هلا والله وغـــلا سندريلتنا :yes: يازين الرياض والله..ويازيين دبي:D اذكر والله يوم كنا نتمشى كنت بس اطالع الشوارع كيف جناااان مزينه حتى ناطحات السحاب حقتهم مرســــووم عليها اشـــكاال والوان .. بس الشـــوارع حقتهم زحممه..وبالصيف الرطووبه اكثر من الشرقيه بكثيير:D بس اتوقع ان مصدر دخل دبي اكثر من دخل الرياض يعني بدبي الفنادق تدخل فلووس..غير المجمعاات والملااهي .. بالرياض فيه بس مو مثــل دخل دبي .. بعدين دبي حتى الاشياء الممنوعه واللي ماتوجد هنا فيها .. تلاقين كثير من السيااح يروحون هنا للأشـــياء هذي .. الله يحفظ بلادنا من هالخرابيط ..ويبعد الشباب عنها.. يعطيــــك العافيه سندريلا ..:) خيتك:رورو;) |
إقتباس:
كلام سليم جدا:) دبي المقومات اللي عندها اقل وبكثير من مدن كثير عندنا ومع ذلك دبي تفوقت عليها مافيه عمل كامل دبي لها سلبيات لكن هل تقارن سلبياتها بالايجابيات فيها اعتقد لا مقارنة الايجابيات اضعاف السلبيات مشكلتنا حتى لو اشتغلنا حتى لو دفعنا مانخطط ولا نعرف وش نبي اساسا لو تسأل الان اي مسؤول في دبي وش خططكم حتى 2012 عطاك اياها بالتفصيل اما عندنا التخطيط لا يتعدى سنة او شهور ( هذا اذا وجد ) في معلومة يمكن كثيرين مايدرون عنها فيه جائزة للشيخ محمد بن راشد تقدم سنويا لافضل ادارة حكومية في حكومة دبي الادارة اللي ماتحصل على واحد من الثلاث مراكز الاولى لثلاث سنوات متتالية يقال مديرها هذا زود دبي عنا ياسندريلا :) الف شكر .. |
ابدا مافيها زود بس في دبي امور مستحيل تتواجد عندنا واعغتقد فهمتوا كلامي وانا بنظري الرياض ناقصها بعض الامور البسيطه وتتخطى دبي بمراحل اهم المنشات الترفيهيه،، والاهتمام بصيانه الطرق والشوارع ،، وسلامتكم حبيت اختصر كلامي لانه خير الكلام ماقل ودل ومشكوره سندريلا الهلال على هالطرح،،، |
فيه مدينه من مدن وطننا الحبيب والله مادري وش اسمهاعروس او الشمال مادري وش اسمها بالضبط:D :D :D يمدحونها مدح غريب بالقناه الاولى لدرجة انها شوي وتكون افضل من دبي والرياض وبذالك يسوون لها دعايه والمواطنيين والاجانب يجون ويتورطون لانهم المفروض يجون بجيب79 بسبب الردميه اقصد الشوارع.......... والاسواق اههههه يااسواق الرياض....لو يدرون ان بالمدينه المذكوره اعلاه سوق تجاري واحد وشبه حديقتين :eek: كان ماجوا والباقي عد واغلط بس،،،،،،،،، ملاحضه:انا من سكان هذه المدينه الجميله من سنه ونصف :wallbash: |
واللهي ردود الأعضاء حلوه .. بقدر حلاوة مقالتك يا سندريلا وختفها .. الكلام اللي عندي كثير ويكاد يكون مقنع .. والله مقنع لكن حيطول .. راح أقلك نقطتين لعل وعسى تتشعب داخل نفوسنا .. _________ الأولى / أصحاب القرار في الإمارات هم المسؤول الأول عن نهاية هذا القرار . يعني أمرنا فصرف كذا للمكان الفلاني .. ( هما نفسهم يتابعوا الموضوع ) الثاني / إختلاف الشعوب في دبي أكثر من أي مدينة عربية .. وصعب تكون في الرياض ولكن قد أقول ممكن تكون في جدة . قلبي مليان والله .. أتمنى يكون وصل المراد .. الردود كانت جميله إلى حدٍ ما . تحياتي للجميع ولك ياسندريلا . |
مهما كانت دبي الرياض والسعوديه كلها احلى منها |
الله يعطيكم ألف عافية .. على هالتفاعل الجميل والطرح العقلاني والاراء المتنوعة .. اللي تساهم في رقي مدينتنا الغالية .. انا لي تعليق بالنسبة اني مستحيل انتقد الرياض .. انا في موضوع اماكن الترفية .. ذكرت كلمة حق لا اقل ولا اكثر بأن الرياض فيها اماكن ترفيهيه ومتنوعه .. لكن اللي انتقدته انا يتعلق بالتخطيط والتنظيم والتنسيق .. وانا لما انتقدت الرياض ليس كرهاً فيها بل معزة الرياض .. لأنها سكن ووطن .. بالنسبة لي .. وبالنسبة للاوربييين .. انا ما ابيهم يسكنون معنا انا ابيهم يعطون المسؤلين عن تطوير مدينة الرياض افكار جديده ومبتكره تساهم في جمال مدينة الرياض وهالافكار تكون بشرط عدم وجود اي مكان لايناسبنا كمسلمين .. لان المطلوب منهم تنسيق وتخطيط وتنظيم مجرد افكار للتجميل وليست للترفية .. شاكرة للجميع تفاعلة .. شهادة حق بصراحة أعضاء المجلس يوم عن يوم يتميزون .. :) |
ياحبيلك ياسندريلا تصدقين يم قريت موضوووعك على طول رحت كلمت ابوي قلت أبي أشوف الشارع يقووووولوون انها طالعه تهببببل بصص للأصف راحت علي نووومه ولا رحت لا لشوارع ولاهم يحزنون اهئ اهئ اهئ إقتباس:
وش ناقصها الرياض اصلا الرياض حلوه بدوون شي تبيهم يزينون جده ايه طيب ..جده كلها مخلفات حجاج ل يزينن الا بكره بتخرب لأن السكان هناك ماعندهم وطنيــــــــه ..... |
الثاني / إختلاف الشعوب في دبي أكثر من أي مدينة عربية .. وصعب تكون في الرياض ولكن قد أقول ممكن تكون في جدة . وش فيها الرياض هاهـ الرياض فيها حاجات افضل من دبي اذا امكن ان يتواجد في جده هو المدن الترفيهية لكن بالرياض لا والف لا من ناحية الشوارع اختي سندريلا هناك الشارع الذكي<< التحلية سابقاً هذا بداية المشروع القادم راح تكون الرياض مدينة ذكية هذا بشارة خير لاهل الرياض وشكرا اختي سندريلا لموضوعك الحلو صراحه |
إقتباس:
بس ماتوصل لكذا تسب كل اللي فيها تشكراااااااااااااااااات |
إقتباس:
إقتباس:
إقتباس:
قلتوا الي في بالي والله :) يعطيكم الف عافيه وتسلمين يا سندريلا الهلال على الموضوع :) |
وش أهم ؟؟ الشوارع زينه وحلوه .. والا تخطيطها زيين تخيلي في الامارات اذا تعديتي الملف حقك يبييلك ربع ساعه عشان ترجعين له .. واذا انتي في شارع سريع وتبين شي على يسارك rhu]i ja,tdki يبيلك برضوه ربع ساعه عشان توصلين يعني لا تخطيط منظم ولا منافذ زي العالم والناس شوارعهم الرئيسية نظيفة ووسيعه اي نعم لكن تخطيط مثل شوارع الرياض لا ياختي اذا رحت هناك احس اللي مسوين شوارعنا عباااقره وكيف الدائري شيسمونه داير علينا ,ومسهل حركتنا والمخارج اللي كل مالهم يعدلون فيها واخرييص وكبري الخليج و و و ... لو تلقين زحمه عندنا ما اشوفها الا في العليا واماكن الاسواق ,, والصبح في كل الرياض عشان الدوامات .. لكن الامارات 24 سااعه زحمه احمدي ربك انك في السعوديه ومثل ما قال احد الاخوان .. لو تدخلين الاحيااء وااوك وش تتشوفين .. شي مايوصف ويكفيك ان الديره اكثر من نص سكانها هندي اتشا والربع من الباقي اجانب لادين ولا حيا وانتي شوفي وين هي ماشية له .. ووش توجهها له .. خصوصا دبي .. واحمدي ربك على انك في الرياض عالاقل لك استقلاليتك |
| الوقت المعتمد في المنتدى بتوقيت جرينتش +3.
الوقت الان » 12:17 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd