بسم الله الرحمن الرحيم

السلام عليكم ورحمة الله وبركاته
وبعد:


سادتي سيداتي آنساتي <<<<< الرجال أولاً

طبعاً تعرفون أنه مع الاختبارات يبدأ النشاط في المنتدى.. وتبدأ الفلة والوناسة... وبعد ماتنتهي الاختبارات ما نشوف

أحد

فلهذا السبب اخترنا هذا الموعد لنقدم لكم هذه المفاجأة التي نتمنى أن تحوز على رضاكم أنتم ووجيهكم

قبل ما أعلمكم بالمفاجأة أحب أعلمكم من نحن في الأول...! <<< طس مناك.. أصلاَ معروفة من العنوان

المفاجأة من إعدادنا نحن قروب: دفني وأدفك

وأعضاء هذا القرووب هم حسب الترتيب الأبجدي:

1) كلي هلالي.... 2) الـمـشـاغـب.... 3) هـامور البـورصة ...



اجتمعنا نحن أعضاء القروب في احدى الليالي عبر برنامج الماسنجر... واتفقنا على إصدار مجلة تحرك المجلس العام

وترسم الابتسامة والسرور على شفاهـ أعضاء المجلس العام..! ;)

أردنا أن تكون هذه المجلة مصرقعة وفكاهية بعيدة عن الجد والفلسفة...

لأن شعارنا في الحياة: عيش حياتك... بدون فلسفة

أعداد المجلة ستنزل إن شاء الله كل مرة باسم أحد أعضاء القروب..!!

المجلة تتكون من فقرات منوعة وعديدة.. نتمنى أن تحوز على اعجابكم..!!

وقبل أن نشرع بعرض الفقرات نحب أن ننبه أن كل ما ورد في هذه المجلة لا يعبر بالضرورة عن رأي أعضاء القروب

حيث أن أغلب ما ورد بالمجلة عبارة عن "ذبّـات" و"مزووح"... والزعل مرفووض....!!

والآن هيا بنا ننتقل إلى فقرات المجلة: <---- لاتفوتكم هيا بنا ننتقل

============================================

============================================

فقرة: كاريكاتيرات أجنبية وتعليق سعودي...!!

اختيار وتعليق: كلي هلالي...!!



.................................




============================================

============================================

فقرة: قصة من الواقع: يوم في حياة سجين

يحكيها لكم: هامور البورصة... من واقع تجربته المريرة التي قضاها في حجز الناصرية

هامور السجين السابق وراعي السوابق يذكر لكم كل ما حصل له في السجن من طق طق إلى السلام عليكم:p

ننصحكم بعدم تفويت هذه القصة...!!

نترككم مع السجين السابق هامور البورصة ليحكي لكم معاناته:


في يوم عصيب وشديد من أيام حياتي المليئة بالمواقف وانا مااشي تاتة تاتة مالي بالشر طااري متوجه جهة المعاارض
ومعي اثنين من اخوياي وكان يوم خميس وعصر والجو حلوو
وكنت ناوي افلها هذاك اليوم... بعد ماطلعت من المعاارض كان الشاارع زحمة تقول زحمة مباراة النصر والفيصلي:p
لدرجة اني تاخرت ع المعارض وانا لازم اكون فيها العصر وانا جاي من طريق ديراب اللي بالشفاء اذا تعرفوونه..
وابي ادخل ع شاارع المعاارض الاشااره زحمه خياليه والاشااره هذي مالقت تقلب حمراء إلى يوم جيت قداامها
عاد انا قلت ان لم تكن ذيب اكلتك الذيااب اقطع يابني ومهوب جايك شي:p ويالتني ماقطعت اول ماقطعت ولفيت يساار الا هاذيك نقطة تفتيش
عااد انا دايم امر من عندها واقول غريبه ليه مايوقفوني اثااريهم حاطينها عشان اللي يقطعون الاشااره
ويوم وصلت لهم الا العسكري اللي ينط بوجهي:"وقف وقف...رخصه استماره"
وعطيته قال سفط قلت ليه؟ قال وقف وانت تدري.. ونزل واحد من اخوياي وعااد كنت افكر اني اهرب اشرد انحاش لان فيه وااحد من العيال اعرفه بحجز الناصريه يقول اذا مسكوك حط رجلك:p ورخصتك بجيبها لك ماعليك;) بس المشكله هنا ان خويي ماسكينه... جيت عندهم الا خويي يضحك وكانه مبسووط يقول الناصريه الناصريه انا قلت وش يبي ذا؟ وجيت عند العسكري قلت سلامات شفيك توني بكمل سلامات الا هم لاقطيني ومادريت الا وانا في البااص لاحول ولا قوة الا بالله احس اني مظلووم التفت يسار الا واحد شايب قلت الحين انا وش مسوي؟ قالي قاطع اشاره... قلت ايه صح تذكرت <<< تو الناس ...جاء العسكري وقلت له طيب الحين انا متى بطلع؟ قال اول ماتسدد الغراامه قلت باسددها الحين ..التفت علي حااقد وقال اقعد ولا يكثر.. قلت ابشر:p ..ثم رحنا للناصريه هذا بعد ما امتلى الباااص... بس جد كأني اعيش قصة فلم امريكي عارفين لما ينزلونك ويعطونك رقم ومدري ايش... مثلهمبالضبط صار لي .. ثم دخلونا في سيب الله لا يوريكمودخلوني بباب والله الواحد مايدخل معه من صغره ودخلنا الحجز عااد الله لا يوريكم كله هنوود وبكستانين و.و.و..الخ...
دخلت اول زنزانة لقيتها كلها هنوود نايمين ومتسدحين ريحتهم خياس قلت اننننننحش ياولد هذي الغرفه مشبوهه ودخلت الغرفه الثاانيه ونفس اللي قبلها ورحت للغرفه الثالثه والحمدالله صاروا سعودين دخلت عليهم ولقيتهم متمشكلين مع ثلاثة هنوود دخلوا عليهم بفرشهم وملابسهم ناوين يتكون وتطامروا هالدشير يزاعقون: والله لو تقعد ان (****) ومن هالكلام.. وتشووف الهندي ينتفض يبي الفكه بس:p وطلعو الهنوود الثلاثه المسااكين ودخل بعدي واحد من تركيا... قالوا له العرابجة انت عادي ادخل معنا.. وقامو يستهبلون عليه هو يبي الفكه منهم بس ما يدري كيف.. وقام وااحد ينصب عليه وحجر له بزاويه... وقال انا بروح اقرأ قران وراح يقراء قران التركي.. ثم جاني هالنصااب علي بابا الكبير وقام يهايط علي ويفقش.. اعنبوه ما يستحي من الكذب والله راسي جاه الصداع من كذبه لأن نصباته تدخل من أذني تبي تخش مخي.. ومخي حالف بالثلاثة ان ما تخش فتسبب بأزمه بين مخيخي وأذيناتي.. بالأخير صرفته عطيته مخرج ابي اطلع ريحة الغرفه خياااااااس وانتم بكراامه قلت: طيب البلووت ابيها قال والله حقة العيال قلت طيب عن اذنك...<< ابي اصرفه بس;) ورحت يم المكان اللي يجلسون فيه استغربت تو كان مليان باكستانيه مالقيت فيه احد ولقيت سعودين ثلاثه جيت وجلسة عندهم قلت تصدقوون انتم قويين قومتوا هالباكستانين وابي اتعرف عليكم << اقعد ياعبدالله السدحان:p قالوا لي: لا هم راحوا يتعشوون.. قلت اها عشان كذا ثم جلست معهم سوالف وقالوا لازم نسدد الغرامه قلت اوكي..ورحنا نبي نسددها مالقينا الا صراف الريااض اللي يااخذ ربا عيني عينك يقولون: تبينا نسددها لك؟ هات فلوس زيادة عن القسيمه.. واستغربنا يعني في السجن وربا عيني عينك والمشكله ان مالك الا هم...!! وسددنا غصب عنا.. وحطيناها في ذمتهم.. المهم كان الوقت باايخ وممل ومايمشي بعد.. دقيت على واحد من العيال وقلت: اقول تعال طلعني.. قال خلاص انا بطلعك بس اصبر.. ثم جانا يماني مسوي كااشخ لابس جنز وحركات ونظاراات الساعه ثمان الليل مدري ليه لابس نظارات؟ عاد انا قعدت اتفلسف لان الباكستانين رجعوا وخيسونا:p قلت يااخي المفروض يحطون سجن للسعودين.. عاد اليماني ضحك..عرفت انه مهوب سعودي قلت لا قصدي للعربيين<< تصريفة ... وانا قاعد اقراء جريدة الريااض كان النصر توه منرقع من وفاق سطيف وجاني افغااني من اللي يلبسون طواقي فوق روسهم وقال لي: سديق انتا ابغى اطلع؟ قلت: شتبي انت؟ كان مقرب وجهه هالكبير عندي قال ابغاء اطلع؟ قلت: لا عجبتني القعدة هنا... ايه أكيد ابي اطلع بس اشلون؟ قال معلوم هذا هندي اشتغل في بوفيه.؟ قلت ايه... قال روح اعطي فلوس على طوول هو طلع انتا.. قلت اقلب وجهك بس ما بقى الا اصدق افغاني نصاب... وصرف نفسه وقلت طيب ليه ما اروح اشوف هالهندي؟ ورحت ووقفت عنده ولقيت وراه عسكري قلت والله هالافغاني شكله بيورطني:p ورجعت وتكيت معهم الا واليماني يقول: عيال تبون تطلعون؟ روحوا صكوا الهندي فلوس ويطلعكم والله عاد انا تذكرت كلام الافغاني ورجعت مره ثانيه للبوفيه مع اني عاارف اني باطلع بس الطفشششش يسوي فيك اكثر لكن ضميري أنّبني: ترشيهم يا طاارق؟ عاد ارد على نفسي اقول يارجال وسع صدرك ورح فلها اليوم خميس ويوم وقفت عنده إلا اشوف العسكري قاعد وراه.. الكلمه نشبت بحلقي ابي انطق ماقدرت في الاخير قلت له صديق وش عندك؟ قال: سندويش بيض وسندويش لهم (لحم):p مفروم قلت: طيب هات واحد بيض:p
شسوي؟ ارتبكت والله..!!جاب لي هذيك السندويشه شكشوكه اقسم بالله خضراء ورب البيت خضراء مهيب صفراء ماتنوكل وبيبسي كله مويه ثم رجعت للشباب.. وشوي جاء عسكري وفتح الباب قال: طارق!! مامداه يكمل الاسم الا انا لازقن في خشته قال: اطلع افرااج وطلعت.. ويحجر لي في السيب منك داق عليه المهم بعد كمن سؤال قال: امسك الباب.. قلت: أفا عليك بس أمسك أبووه بعد ومسكت الباب ابشركم .. وقفت اقرب تاكسي وتوجهت يم البيت..
وآسف ع الاطالة

============================================

============================================

والآن مع استراحة قصيرة مع مقطع فكاهي من إعداد: الـمـشـاغـب..

وصف المقطع: طفل صغير يبي يرمي قطو في حوض النافورة.. وعندما اقترب من النافورة حصل للطفل

شي عجيب..!! مضحك مضحك جداً جداً خصوصاً لمن يحبون الأطفال... لا يفوتكم...!!

حمل المقطع من هنا

============================================

============================================

في هذه الفقرة: يطل علينا الدكتور العالمي: كلي هلالي الحاصل على شهادة الدكتوراة مؤخراً في مجال علم النفس

من جامعة "سمانديقا" بأمريكا.. ليحلل لنا بعض شخصيات أعضاء المجلس العام..!!

نشكر الدكتور كلي هلالي على هذه الفقرة التي نتمنى أن تحوز على إعجابكم..

والآن نترككم مع تحليلات وتعليقات الدكتور العالمي كلي هلالي:

سهل: هالانسان اتخيله دب عليه زغود (يعني خدود) وبيده اليمنى همبرجر..وبيده اليسرى يطقطق على الكيبورد..!!

البارق: مدري ليش أحس أن هالانسان معصقل ولابس نظارات وبفمه اربعه وعشرين ساعه مسواك..!!

ماجد مقبل: مدري ليش أحبه مع أني أحس أنه أربعة وعشرين ساعة مترزز بمقهى شيشة ويكتب قصايد..!!:p

رعبوبة الزعيم: حسب دراستي بالاضافة الى احساسي أتوقع ان هالبنت ميب بنت
أقصد انها ميب بنت صغيرة.. أتوقعها عجوز بالاربعين او الخمسين... حاجة زي كذا

الجاحظ وابو ريمان: هالاثنين مع أنهم أكبر الكتاب بالمنتدى العام بس أحس أنهم ناشبين للشاعر عبدالرحمن العشماوي
في بيته أربعة وعشرين ساعة...!!

الكناري الازرق: هالآدمي ناشب لمنتدى الزعيم لدرجة أن المنتدى يرفض دخوله لحاله.. وفوق هذا أتوقع أنه إذا جاء بيدخل النت مايرتاح إلا وهو لابس سروال طويل وفانيلة علاق...اتوقع سيارته ددسن غمارتين ويحمّل فوقها علف..!

الهنوووف: لو حللت شخصيتها بتقلب الدنيا فوق تحت... فخلونا كذا حلوين

دلع الامارات: الله يسامحها ويعفو عنا وعنها... أطلب من كل الأعضاء ما يشيلون بخاطرهم عليها لأنها طيبة بس مشكلتها
تتكلم بكلام ينفهم على غير ما هي تبي..!!

هامور: هالولد مافيه مقهى نت بالرياض إلا ومر عليه..!! من كثر مايروح للمقاهي صاير يتكلم أردو مع عمال المقاهي..:p إذا شاف عباية من بعيد إن شاء الله لو خدامة يفز قلبه...!!


رائدة الزعيم: مع أني ما أحتكيت معها بالمنتدى بس كل ماشفت يوزرها أتخيل شكلها دبه والشكل شكل فلبينية << كيف تجي ذي مدري؟ لا تدققون واجد

سكرة هلالية: البنت هذي تحب المشاكل بشكل غير طبيعي.. كل ما شفت يوزرها على طول يجي في بالي محمد نور
يمكن لأنهم من نفس البلد!! بصراحة اسم سكّرة ما هضمته لأنه مو لايق أبد.. أقترح تغيره إلى الاسم اللي أطلقه المشاغب
عليها: "فـلفـلـة هلالـيـة"

هلالية حرة: البنت هذي من كثر بربرتها وكلامها الواجد أحس أن أهلها مقفلين عليها باب غرفتها

نــ15ـــمر: العضو ذا مضيع دربه.. ما يدري من هو معه..!! مرة تلقونه مع الفلاسفة يتفلسف... ومرة تلقونه مع الداجين
يدج معهم:p ... لا إلى هؤلاء ولا إلى هؤلاء مذبذب هو ووجهه

القمر الهلاليه: بصراحة كانت مجتهدة ونشيطة وتضع لها بكل موضوع بصمة مميزة بتعليقاتها الحلوة... لكن في الفترة الأخيرة مدري وش اللي صار لها؟ شكل فيها عرق سوداني توه يضرب فيها:p

الـمـشـاغـب: وما أدراك ما المشاغب؟ مرة أحسه مطوع وشيخ علم... ومرة أحسه داشر منتهي.. يعني بتاع كله:p

بريماكس: إذا تبي تصير صديقه قل له أنك تحب ياسر التويجري.. وتموت في ضراس المحتلة ..<< لا تسألوني عن ضراس المحتلة.. أسألوه هو ;)

هلالية وبكل فخر: هذي بأحلف أنها قد سجلت في 1000 منتدى قبل كذا.. ما شاء الله عليها.. بس لو انها تترك
الغيرة من التماسيح وتعلن الصلح يكون أفضل..

============================================

============================================

والآن نرجع للاستراحة مرة أخرى مع صاحب الاستراحة: الـمـشـاغـب..!!

الذي أحضر لنا مقطع إنشادي مميز جداً لم يسمعه أغلبكم بالتأكيد..!!

هذا المقطع فكاهي جداً ولحنه جميل جداً على لحن شعبولا في أغنيته الشهيرة أنا بأكره إسرائيل..;)



النشيدة كلماتها عجيبة جداً من المبدع اليمني: محمد الأضرعي

اسم الأنشودة: أنا حر...!!

ننصحكم بسماعها ولن تندمون... نعدكم بذلك ;)

للتحميل: اضغط هنا

============================================

============================================


أما الآن فـمـع فقرة: "قديمك...نديمك".. يعدها لكم المؤرخ كلي هلالي

نبحر مع المؤرخ والباحث كلي هلالي في أعماق تاريخ هذه الشبكة الغالية على قلوبنا..

ونتجول معه في مواضيع قديمة مليئة بالغبار والأتربة..!!

ونتذكر معه الأيام الخوالي بما فيها من براءة وبساطة وعفوية..

لن نطيل عليكم... ونترككم مع أوائل مواضيع بعض الأعضاء مع اقتباسات وروابط مع بعض التعليقات..!!


سهل: تاريخ 18/12/2000

إقتباس السلام للجميع. ألى ترون الهلال قادر على جلب لاعبين كبار كباتيستوتا مثلا او زيدان. ــــــــــــــــــــــــــ مهما ومهما حاصرتني ..هداياك اوراقك اغلى من جميع الهدايا.

الـرابـط
عاد زيدان وباتيستوتا مرة واحدة يا سهل؟ وعام 2000 ذا الكلام؟ منتب صاحي


البارق: تاريخ 14/11/2001

إقتباس في هذا اليوم قرأت خبرا وقع علي كالصاعقة .. وكان بعد سلسلة من الصواعق ولكن هذه كانت أكبرها وأعظمها ... قرأت خبر وفاة زميل لنا وأخ عزيز وهو ( الأزرق الشروقاي ) شاب في ريعان شبابه وفي عمر الزهور فابن السبعة عشر ربيعا أخذه هادم اللذات ومفرق الجماعات .. تعرفت على الأخ العزيز عن طريق الصدفة وعن طريق موضوع واحد في شبكة الزعيم ... كن عن طلب في وضع توقيع لكل الأعضاء .. وبعدها تفاجأت برسالة أتتني منه يطلب فيها أن أضع له التوقيع والمفاجيء فيها هو أنه أعطاني كلمة المرور الخاصة به ...فعنها أيقنت أنني أمام شخص عظيم بأخلاقه وطيبته .. فكيف يثق شخص بآخر عن طريق موضوع واحد قرأه له ؟؟؟

لاكمال الموضوع والقصة اضغط هنا الـرابـط
رحم الله زميلك أخي البارق.. ولعلنا نكون ذكّرناك... للدعاء له..!


سحر الشرق: تاريخ 21/05/2006

خذوني على قد عقلي وفهموني

إقتباس مرحبااااااااااااااااااااااااااااا بكل الزعماء،،،،،،،،،،،،،،، بصرااااااااااحة أنا فيه سؤال محيرني الحين اللي يتكلمون عن تعصب الصحافة الهلالية ما يقرون جريدة الرياضي يا عاااااااااااااالم ما شفت مثلها بالكووووون كله تسب عيني عينك وين الاتحاد السعودي عنها بصرررررراحة لازم تعاقب فشلتنا لو أحد يقراها بيقول الصحافة السعودية متخلفففففففففففففففففففففة؟؟؟؟؟؟؟؟!!!!!!!!!!!!!!!

الـرابـط
الفيلسوفة سحر الشرق معصبة:p بأول يوم كانت متحمسة ومنزلة 3 مواضيع بيوم واحد.:p لكنها الحين مختفية؟ عسى
المانع خير

عاشق بويعقوب: تاريخ 26/11/2002

شــــــــعــــــــر بمناسبة تولي الامير عبدالله بن مساعد رئاسة نادي الهلال..<<<لا تفووووووووتكم

إقتباس هذا الشعر هديه مني الى احلى اعضاء ... وانا لست شاعر ولكن اردت ان اكتب هذه الكلمات بطريقه شعريه..... والف الف الف الف الف مـــــــــــــــــبــــــــــــــــــــــروووووووووووووووووووك جاكم اللي ندور عليه = رئيس الهلال الله يفتحها عليه ويخليه لنا وجه السعد على الزعيم = هو المنقذ اللي ننتظره اسابيع من قده صار رئيس على الزعيم = وفي الختام ما اقول الا الله ينور عليه واتمنى من اعماق قلبي ان يعجبكم هذا الشعر وشكرا.....

الـرابـط
صح لسانك وفالك المليون أحس ياخوي أنك تقرب لأحمد الشريف إذا ما كنت أنت هو


إلى هنا نكتفي بهذه الذكريات الجميل منها والحزين..!! وكونوا بالانتظار مع ذكريات أخرى في الأعداد القادمة إن شاء الله مع: "قـديـمـك .... نـديـمـك"....!!

============================================

============================================

ونرجع الآن أيضاً إلى الفكاهة الجميلة... ومع مفاجأة حصرية لمنتدى الزعيم.. يقدمها لكم : الـمـشـاغـب

ويتحدى إن وجدت في أي منتدى آخر... لأن هذ المقطع مأخوذ من جوال أسد المدرجات إبراهيم حقوي

ومن تصويره الخاص...!!

وصف المقطع: أحد الموهوبين من أهل الشرقية يقوم بتقليد النجم محمد الشلهوب

المقطع فكاهي وجميل وحصري... لا يفوتكم ;)

اضغط هنا لتحميل المقطع..!!

============================================

============================================

وما نزال مع المفاجآت: حيث يفاجئنا: هامور البورصة بمقابلة خاصة لا تخطر على بال أحدنا.. قام بها مع سائقهم

الخاص عبدالمجيد الذي بلغ من العمر عتياً..



المقابلة جميلة وطريفة تحمل نكهة الفكاهة الهندية المليئة بالتوابل والفلفل والبهارات

المقابلة قصيرة نوعاً ما.. حتى لا نأخذ من وقت السائق كثيراً..:p

سجلنا لكم المقابلة صوتياً لنحافظ على المصداقية... ونعتذر ان كانت هناك بعض الكلمات غير المفهومة..!!

لذلك قمنا بكتابة نص المقابلة حتى يسهل فهم الجمل جيداً..

اضغط هنا لسماع المقابلة..

نص المقابلة:



هامور: عبد المجيد شسمك ووش مهنتك؟ <<<< يقطع ابو الدلاخه
الهندي: مالك شغل.. انا اشتغل سوااق<<<< توني أدري انه سواق
هامور: عبد المجيد شرايك بالي قااعد يصير بالمنتدى من مناقشاات ومهاوشات؟
الهندي: امبيه ابي امي ابي ابوي ابي زوجي <<<<< مهوب عااقل حليمه بنت بولند :p
هامور: سمعت عن الشااعر والمطرب صدى الدجه؟
الهندي: (طلع لساانه وطلع صووت وملاني سعاابيل) وقال هذا خرطي كل كلام مال هو: نروح مدرسه ندرس نرجع من المدرسه بدري ماافيه شعر كوويس..:p
هامور: عبد المجيد شرايك في المشرف سهل؟
الهندي: صديق انا بس مافيه كويس خرااط
هامور: شراايك في قروب دفني وادفك برعاية كلي هلالي المشاغب وهامور البورصه؟
الهندي: قروب ممتاز ميه ميه كويس مره هذا كلووه هبال ودجه ومسوي جو <<<ترى مازودت شي
هامور: عبد المجيد وش المطرب اللي تحبه وتحب تسمع له؟
الهندي: ااااااااااااااه نانسي عجرم نص ونص نص <======= مقطعتن قلبه
هامور: عبد المجيد وش أكثر شي ضايقك هالسنه؟
الهندي: ااااااااااااااه الاسهم خساارة <=== دايم يلومني يحسبني انا اللي مخسره بالاسهم لأني هامور
هامور: الحين نتركم مع الاغاني الهندي
الهندي: سوهامنداقوواها تم تم تن تن بريتتتي شويتتي..
هامور: ماشاء الله صوووووتك جنان غطيت على ابو نورة...!!:p
هامور: عبد المجيد شراايك في الشباب السعوودي؟
الهندي: هذا شباب سعودي مسلم...مافيه سكران ...مافيه دخان..! بس هذا دوّر حرمة المفروض وقت صلاة روح سيده طريق...! بس شباب سعوودي دوّر دوّر حورمه هذا مافيه فاايدة.. بعدين هذا دخان مكرووه وسكراان هذا حراام ليه دوّر حرمة؟<<<<< صاير داعية.. ياحليلك يا سواقنا
هامور: عبد المجيد شراايك في المشاغب (سلطان) وكلي هلالي (سالم) وسحالي المنتدى؟
الهندي: سلطان كويس مية مية وسالم هذا مافيه كوويس هوه معلوم ليه مافيه كويس..
وهدا سحاالي كويسات وممتازات الا القصيميات مافيه كويساات قرقر كثير <<< حاقد عليهن بموضوع هلاليه وبكل فخر

هنا نصل إلى نهاية المقابلة... ونذكر بأن جميع الحقوق محفووظة لقروب دفني وادفك...!! ;)


============================================

============================================

ونختم فقراتنا لهذا العدد بمفاجأة خاصة لأعضاء منتدى المجلس العام..!!

مفاجآتنا لا تنتهي.. ولن تنتهي بإذن الله..!;)

في هذه الفقرة... تتفجر المواهب المدفونة لدى أحد أعضاء القروب.. وتظهر موهبة لم نكن نتوقعها..!

الـمـشـاغـب يفاجئنا بموهبته في الرسم.. والفضل كما يقول يعود بعد الله إلى حصة الرياضيات التي يتدرب

فيها على الرسم في دفتره لمحاولة تقضية وقت الحصة الممل

المشاغب أهدانا رسمتين من رسوماته وجعلها على شكل كاريكاتير حتى تصل إلى قلوبكم..!!;)

بداية جميلة للمشاغب وعقبال ما يصبح كاريكاتير شهير في إحدى الصحف...!

آخر ملاحظة: المشاغب رسم الصورتين من خياله بدون النظر الى رسومات او كاريكاتيرات اخرى


تفضلوا الكاريكاتير الأول بعنوان: ( الأديب ماجد مقبل والبارادايم)



ركزوا على الأقلام اللي في جيوبه وأذانيه

_ _ _ _ _ _ _ _ _ _ _ _ _ _ _

وهذا الكاريكاتير الثاني بعنوان: (سـهـل والشتشتة)


أحلى ما في الرسمة الأقفال لوووووول

============================================

============================================


والآن نصل إلى ختام هذا العدد الأول من مجلة قروب دفني وأدفك... الذي نتمنى أن يحوز على جزء من اعجابكم

واقتراحاتكم... ونأمل منكم أن تبدوا آراءكم واقتراحاتكم حتى نطور من مواهبنا في الأعداد المقبلة << أمحق مهارات

إن أحسنا فمن الله وحده لا شريك له... وإن أسأنا فمن أنفسنا والشيطان الله يلعن أبوه

وإلى لقاء في عدد آخر من مجلة قرووب دفني وأدفك....!!

ههههههههههههههههههههههههههههههههه
ههههههههههههههههههههههههههههههههه
ههههههههههههههههههههههههههههههههه

بطنييييييييييييييييييييييييييييييييييييييييييييي

ههههههههههههههههههههههههههههههههه
ههههههههههههههههههههههههههههههههه
ههههههههههههههههههههههههههههههههه

الله يرجكم يا قرووب دفني وأدفك

والله مبدعين وخصوصاً المشاغب.. ياحبي له

موضوع منتاز جداً ومجهود كبير تشكرون عليه...!!

ما قصرتوا وفالكم المليووووووووووووووون..!!

<<<<<<<<

السلام عليكم و رحمة الله و بركاته ,,

ههههههههههههههههههههههههههههههههههههههههههههههههههههههههههههههههههههههههههههههههههههههههههههه ,,

تنسيم × تنسيم = قروب دفني و ادفك

صراحه مجله رائعه و راقيه جدا , و خصوصا بالتنسيق

ياخي يرحم امك ارسل رساله خاصه للهنوووف و لا رعبوبه خلها ترتبه ,,

صراحه مستعجل مرهـ و لا كان ودي اعلق على حاجات..

بس فكك ربــك ..

يعطيكم الف عافيه ,,

برايفت للمشاغب /

يقولون ان جدك الرابع بيكاسو ؟
بس و الله كاركتير سهل رهييييييب يعجز عنه الهليل

ماشاء الله تبارك الله ..

وش هالزين كله .. مجلة غير عن كل المجلات بصراحة ..

اغلب فقراتها مو متكرره وجديده .. راااائعة قليلة عليها كلمة رائعة ..

الله يعطيكم ألف عااافية .. كلي هلالي .. المشاغب .. هامور البورصة ..

مجلة فايف ستار..

الله يبارك بجهودكم ..

,,,
,,
,






الاحبه ,,

كلي هلالي ... المشاغب .. هامور البورصــه



بصراحه كلمة ابدعتوا .. قليله في حقكم .. مجهود ماشاءالله تباركـَ الله رائع .. ويستحق التقدير ,, صح ان فيه بعض الطلعات بس احلى مافيها قوووة الاستفهامات في الموضوع تخيلت اني في مواقف مدرسة ثانوي





هههههههههه بصراحه هي قووووووووويه ...


موضوع متكامل ماشاءالله ومجله قووووويه ..
اكيد ننتظر العدد الجاي .. وبالتوفيق للجميع ...







****




...SoMe OnE...

قسم بالله انكم دجه وتوسعون الصدر مجلة روووعه......

قسم بالله انك دجــــــــــــــه والله انكم فللله
اجل هامور راعي سوابق
اصبرووو بسمع المقابله واعلق واتطنز على صوته بس وراه مب وااضح :p
والهندي علييه صووت لاا بعد يحليله يتطنز فينا يالقصمان قله غلطان يامعاند القصمان;) ;)

كلي هلالي : وانت الصادق من كثر بربرتي إذا تكلمت يزلبووني
المشاغب: لايهمكم كلاام المندسي اهم شي إبداعك هععع

على العمووم ارجع واقول انكم فلله ورجه ودجه

هههههههههههههههههههههههه


يقطع بليسكم وسعت صدري
تصدقون اني توني ماخذ فتره راحه من الرياضيات
قلت خل اشوف النت واشوف ذا المهبل منزلين موضوع
او مجل حلوه كتير كتير كتير

شكل هالمشروب الي مدبره المشاغب من الثقبه
وشكل جوكم عالي ...علشان كذا مستلمين الشباب


هامور البورصهوالله سجنكم فله شكله دور بفندق مو حبس اجل اربع غرف وسيب
ولا معكم اشقائنا العرب والاتراك . ولا فيه مطعم وبوفيه
وبلووووووت يلعن ام الفله يا حسام

إقتباس نــ15ـــمر: العضو ذا مضيع دربه.. ما يدري من هو معه..!! مرة تلقونه مع الفلاسفة يتفلسف... ومرة تلقونه مع الداجين يدج معهم

كلي هلالي
لووووووووووووول
خلك كوووووول مان
كان عندنا مدرس مصري يقول ...خذ من كل شيء شيء ولا تاخذ من شيء كل شيء

والشيء الثاني
مسوي طالع منها يا روميو
سهام الليل لا تخطي ولكن لها امد والامد انقطاع


شكلك شايفني بالباص ....16
للحين انت 219 ولا ...

موضوع رائع جدا وتستحقون الشكر عليه

سهل
يا سهل
حب مسمار التثبيت بسرعه

تشــــــــــــــاو

إقتباس ياخي يرحم امك ارسل رساله خاصه للهنوووف و لا رعبوبه خلها ترتبه

إقتباس الرسالة الأصلية كتبت بواسطة زعـيـمـوفـيـتـش شكله هامور .. .. نكمل بكرة .. يا منسمين زمانك و زماني [/CENTER]

هههههههههههههههههههههههههههههههههه
حلللللللللللللللللوة

هاموور هااهـ؟


لي عودة مع بعض الردود...!!

كلي هلالي وهامور... خلونا نتقاسم الردود بيننا

إقتباس الرسالة الأصلية كتبت بواسطة الـمـشـاغـب ههههههههههههههههههههههههههههههههه ههههههههههههههههههههههههههههههههه ههههههههههههههههههههههههههههههههه بطنييييييييييييييييييييييييييييييييييييييييييييي ههههههههههههههههههههههههههههههههه ههههههههههههههههههههههههههههههههه ههههههههههههههههههههههههههههههههه الله يرجكم يا قرووب دفني وأدفك والله مبدعين وخصوصاً المشاغب.. ياحبي له موضوع منتاز جداً ومجهود كبير تشكرون عليه...!! ما قصرتوا وفالكم المليووووووووووووووون..!! <<<<<<<<

ويرجنى معك شايفنا لبن ابو الشباب الله يرجكم ترااك قهررني <=== وانت عاارف ليه شايل كلمات انا كنت كاتبها

ايه عاارف ان حنا مبدعين بالذاات هامور يااخي هالولد مره حبووووووب <===== مايحب يمدح عمره

ياهلا والله بالمشااغب وعلى سالفت فالكم المليوون مره كنت اسولف مع وااحد كبير ويوم قال اجل انا استااذن قلت له فالك الملييييييييون بدوون قصد عشاني متعود ارددها داايم وطااح وجهي قداااامه هو التفت علي وقاام يضحك

إقتباس الرسالة الأصلية كتبت بواسطة الكناري الأزرق السلام عليكم و رحمة الله و بركاته ,, ههههههههههههههههههههههههههههههههههههههههههههههههههههههههههههههههههههههههههههههههههههههههههههه ,, تنسيم × تنسيم = قروب دفني و ادفك صراحه مجله رائعه و راقيه جدا , و خصوصا بالتنسيق ياخي يرحم امك ارسل رساله خاصه للهنوووف و لا رعبوبه خلها ترتبه ,, صراحه مستعجل مرهـ و لا كان ودي اعلق على حاجات.. بس فكك ربــك .. يعطيكم الف عافيه ,, برايفت للمشاغب / يقولون ان جدك الرابع بيكاسو ؟ بس و الله كاركتير سهل رهييييييب يعجز عنه الهليل

عليكم السلام ورحمة الله وبركاته

الله مير يسلمك انا معنا ساامجين بس بنسوي انفسنا نكتين وظريفين معني عاارف ان حنا ساامجين

خلاص المجله الجاايه نرسلهم والي يبي يدخل بالقرووب بس يعطينا خبر عشان نضمه معنا بس لازم يقسم انه يحاارب السحاالي في كل مكاان حتى لو في القروب سحليه لازم يحااربها بموضوع ثااني

الله يعاافيك ومرورك شرفنا طال عمرك

إقتباس الرسالة الأصلية كتبت بواسطة سندريلا الهلال ماشاء الله تبارك الله .. وش هالزين كله .. مجلة غير عن كل المجلات بصراحة .. اغلب فقراتها مو متكرره وجديده .. راااائعة قليلة عليها كلمة رائعة .. الله يعطيكم ألف عااافية .. كلي هلالي .. المشاغب .. هامور البورصة .. مجلة فايف ستار.. الله يبارك بجهودكم ..

الله مير يسلمك هذا من ذووقك معني عاارف اني انا منبع الذووق بس هذا من باب التوااضع

انتي اروع طال عمرك ومروك شرفنا واسعدنا

الله يعاافيك

إقتباس الرسالة الأصلية كتبت بواسطة ...SoMe OnE... ,,, ,, , الاحبه ,, كلي هلالي ... المشاغب .. هامور البورصــه بصراحه كلمة ابدعتوا .. قليله في حقكم .. مجهود ماشاءالله تباركـَ الله رائع .. ويستحق التقدير ,, صح ان فيه بعض الطلعات بس احلى مافيها قوووة الاستفهامات في الموضوع تخيلت اني في مواقف مدرسة ثانوي هههههههههه بصراحه هي قووووووووويه ... موضوع متكامل ماشاءالله ومجله قووووويه .. اكيد ننتظر العدد الجاي .. وبالتوفيق للجميع ... **** ...SoMe OnE...

الله مير يسلمك وشكراً لمرورك

إقتباس الرسالة الأصلية كتبت بواسطة هلاليه من الرياض قسم بالله انكم دجه وتوسعون الصدر مجلة روووعه......

الله مير يسلمك ويسمنك ويسمرك انتي ارووع طال عمرك

وشكراً ع مرورك

إقتباس الرسالة الأصلية كتبت بواسطة هلالية حرة قسم بالله انك دجــــــــــــــه والله انكم فللله اجل هامور راعي سوابق اصبرووو بسمع المقابله واعلق واتطنز على صوته بس وراه مب وااضح :p والهندي علييه صووت لاا بعد يحليله يتطنز فينا يالقصمان قله غلطان يامعاند القصمان;) ;) كلي هلالي : وانت الصادق من كثر بربرتي إذا تكلمت يزلبووني المشاغب: لايهمكم كلاام المندسي اهم شي إبداعك هععع على العمووم ارجع واقول انكم فلله ورجه ودجه

الله مير يسلمك لا حنا شقه صغنونه بعد ان شاءالله بنسكن بفله في المستقبل

ايه شفتي عااااد علبالك ماتدرين انتي وخشمك تذكرين يوم تقولين عطوني صورت التووقيف بغيت انزل صوري وانا بتوقيف بس قلت حفاضاا على قلووب العذاارى لالا البناات مهوب منزلها معني قلت للعيال نزلوها بس هم حلفوو علي قالو لا حراام عليك بتعور قلووبهن عشان كذا مانزلت صوري بالحجز

لا تتكلمين على ابو خاالد ترى له خمس طعش سنه عندنا جاينا وانا عمري ست سنين هو اللي موديني اول يوم للمدرسة

والله جد تعودنا عليييييييييه خلااص احسه بيمووت عندنا

شكراً على مرورك يالقصيميه معن ريحتك فااقعه كراااث بس يالله كنت مركب كمامه

إقتباس الرسالة الأصلية كتبت بواسطة نـــــــ15ــــــمر هههههههههههههههههههههههه يقطع بليسكم وسعت صدري تصدقون اني توني ماخذ فتره راحه من الرياضيات قلت خل اشوف النت واشوف ذا المهبل منزلين موضوع او مجل حلوه كتير كتير كتير شكل هالمشروب الي مدبره المشاغب من الثقبه وشكل جوكم عالي ...علشان كذا مستلمين الشباب هامور البورصهوالله سجنكم فله شكله دور بفندق مو حبس اجل اربع غرف وسيب ولا معكم اشقائنا العرب والاتراك . ولا فيه مطعم وبوفيه وبلووووووت يلعن ام الفله يا حسام الله يوفقك ياانمر شرفت الموضوع بمرورك عليه طال عمرك انت شاايف اقسم بالله قل زريبه والله العظيم لو قااعد فيه اكثر من يوم كاان مت من الخياااااااس تعرف الاسيااب كلها موويه وهالبكس الله ياخذهم ياارب ينقرضووون انوااع النضاافه تشم ريحته من بعد كيلووووو بعدين من جدك هذي تعتبرها غرف اقسم بالله كل غرفه ثلاثه متر في ثلاثه متر ولا سرايرهم صغينووونه تتسفط فيها ولا الهنوود مالكين ثلاث غرف اووه لبنانين وسواريا سوري يقول والله والله مامشيت اكتر من ميه واربعين ابن الكلب حاطلي مية وستين كيف انا سيارتي اكس انت ماباادر امشي اكتر من هيك قلت مشكلتك يابعدي بس يالله خلها ع ربك كلي هلالي لووووووووووووول خلك كوووووول مان كان عندنا مدرس مصري يقول ...خذ من كل شيء شيء ولا تاخذ من شيء كل شيء والشيء الثاني مسوي طالع منها يا روميو سهام الليل لا تخطي ولكن لها امد والامد انقطاع شكلك شايفني بالباص ....16 للحين انت 219 ولا ... موضوع رائع جدا وتستحقون الشكر عليه سهل يا سهل حب مسمار التثبيت بسرعه تشــــــــــــــاو

والله يوفقك في اختباارك وشكراً ع مرورك اللي اسعدنا

إقتباس الرسالة الأصلية كتبت بواسطة الهنوووف \ \ وش هالزين وش هالزين الهنوووف: لو حللت شخصيتها بتقلب الدنيا فوق تحت... فخلونا كذا حلوين اها بس تراني وش حلليلي ههههههههههههههههههههه الله يرجك المقابلة جميلة وطريفة تحمل نكهة الفكاهة الهندية المليئة بالتوابل والفلفل والبهارات ياحليل سواقكم عنده ثقافه يفهم وش تقول كلش مية ميه اساله وش رايه بالهنوووف معببببببببببر خصوصا ان نمر يقول شعره طويل طلع عندنا رسام ينافس نمر ههههههههههههههههههههه القفل قصة عشق ويا سهل :p ماراح نقصر معهم حاضرين للطيبين وارجع واقول وش هالزين والله ابدعتوووا منتو سهلين والله مجلة خطيرة باسلوب متميز وفكاهي هذي لكلي هلالي وهذي للمشاغب و هذي لهامووور بانتظــار العدد القادم وفالكمـ التوفيق الهنوووف كانت هنا ورحلت

هلا والله بهنوو <== مسوي يموون

انتي ازين طال عمرك

ايه الهندي ثقاافته مره عااليه وهو يعرفك ويعرف كل سحالي المنتدى ويقولي سلملي عليها معنها تحب تتفلسف بس لايق عليها

شكراً لك يالهنووف ع مرورك اللي اسعدنا

إقتباس الرسالة الأصلية كتبت بواسطة سكره هلاليه حرام عليكم وش بقيتوا من الحش بي بعدين وش هذا وشو محمد نور هالادمي اصلا اخاف منة لا تهضمون اسم سكره اهم شي انا واثقة وشو فلفلة مافهمت قصدكم الفلفل لونة احمر او اخضر احسن لكم تقترحون يكون اسمي حبحره هلاليه لاني اساسا قصيميه _____________ سهل وش ذا زيدان مرة وحدة هههههههههههه المشكله كان بعز لعبه ههههههههههه وبعد هذيك الايام كانو على ادريانو بيجيبونة بس قهر اية احقد على كيفك اهم شي حنا فزنا عليكم وبعدين حرام عليكم مانهرج كثير والله مجلة حلوووووووة الله يلعن ابليسكم اضحك الله سنونكم المشاغب:كفشتك ياولد اخيرا لقيت شي امسكوة بالموضوع يالله شل كلمة الله يرجكم

هلا وغلا بحبر الهلاليه ايه لانك تستاهلين وعلى قولتهم مايسبك الا اللي يحبك

انتي احلى طال عمرك امين الله يلعن بليسنا يشيخه معقدني هالبليس داايم يوسوس بي

إقتباس الرسالة الأصلية كتبت بواسطة زعـيـمـوفـيـتـش ههههههههههه منسمين و كاتبين موضوع .. يالله وش نقول و مالتنسيم الا في ثلاث ٍ :p . . . هامور.. يأيها العاشق ال.... و انا اقول .. من حبسوك و انت منت بصاحي كل فش فاش اصرف لك :p .. انت و سواقكم تقول قحطه اللي بدرب الزلق المشاغب .. عز الله ان الهليل بيغار منك لا شاف هالابداع كلي هلالي .. ما شاء الله وش هالزين يا قائد التنسيم .. :p مواضيع جديدة و افكار منسمة .. ائئئ اقصد منسقة يعني ودك تخلونها كل اسبوع و الا اسبوعين .. احلى من مواضيع ا الغرام و العشق كلن صاير امرؤ القيس زمانه .. شكله هامور .. .. نكمل بكرة .. يا منسمين زمانك و زماني .

ههههههههههههههههههههه

هلا والله وغلا بسعوود

اقول الزم حدودك ترى هذا سواقنا من فتحت عيوني وهو عندنا حتى مسمي عياله علينا ابو خاالد حطه على يمنااك والله ان تضيع

هو من نااحيه شكله سبهه كنت اول اذا ركبت معه مافيه تفتيش نمر عليه الا وينزلونه ويفتشوونه هو وعيووووونه

لن ماعرفوووه اهل الشفاء كلهم وصاار صقيقهم كلهم

الله مير يسلمك انا من مزيون لزين مره بنت عز تقولي انت الخال الدب وانت قاعد تقولي هذا اللي كنه شيطاان قااعد يبيع مغاطيط هو وشعره بس ماعليه والله انه جنااااااااااااان وحلووووووووو

للي رجعه مع الردوود

والله ضحكة عليكم ضحك يالمهببببل

احسن هاامور ليه تقطع الاشااره ياليتهم خلووك اسبوع بعد <======== نجس

والله انك منسمين ضحكة عليكم وانا مشغوول عشان كذا مارااح ارد عليكم

بس ذبااتك وتعلقيااتك ياكلي هلالي حلووه والمشااغب رسمك حلوو بس لعااد ترسم مره ثاانيه

وهاامور البورصه قصتك قعت اتخيل شكلك في السجن وومقابلتك شي مع ابو هنود احس اني قد شفته