بسم الله والصلاة والسلام على رسول الله

إخواني الزعماء في البداية لازم اوجه نصيحة للاخوان

اللي طاحوا في المفرج سب وشتم و قدح وصلت للاستهزاء باللقب

اي نعم مستواه الفني كلاعب < منخفض >

اي نعم يوجد بديل اكثر كفاءة

لكن ترضى احد يحور في لقبك ويناديك فيه ... باستهزاء

والله عيب نسوي كذا و احنا كبار ... باستثناء

الاطفال والمراهقين اللي اعمارهم من 10- 18

تنادوا المفرج بالمتفرج ؟؟؟ <<< عيب تسووها وانتم كبار ...

واللي يسميه مخرج 17 و اللي سماه النكبة ..

والله مايستاهل كل هذا ...

لاعب يرتدي شعار الهلال ..

ويخدم النادي باللي يقدر عليه ... على الاقل هو يلعب ويتعب وحنا نتفرج بس

على الاقل اذا ماتبغى تحترمه كلاعب داخل الملعب و مو عاجبك

احترمه كأخوك المسلم ... إحترم الشعار المرسوم على فانيلته ..

او احترم مظهره - الملتزم - ولا تنسى انه خير منك

(خيركم عند الله أتقاكم)

دفاعي هنا عن المفرج كشخص و أنا أحبه كثييير
----------------------------------------------------

لكن نجي لفهد المفرج كمدافع يلعب في مركز حساس جدا جدا و أخطائه لاتعوض


لاعب كبير و حماسي جدا خدم الهلال و كان مصدر أمان لفترة طويلة ..

و لعب بجوار مدافعين كبار مثل ليتانا والشريدة وسليمان و غيرهم واكتسب خبرة عريضة

لكن أن تلعب بخبرتك وحماسك فقط وفي مركز حساس مثل قلب الدفاع .. هذا سيجعل دفاعنا نقطة الضعف الأولى ..

حاليا مستوى المفرج هذا لا يؤهله إلا أن يكون احتياطي للمرشدي ..



..............

انا لا أقول نسقوا المفرج من الفريق .. فهذا شان إداري بحت ..

إنما من التلاعب بأعصاب الجماهير أن يلعب المفرج ويظل المرشدي على الدكة ...

المرشدي وصل مع الفريق الاولمبي الموسم الماضي الى نهائي كاس فيصل .. وهذا شي يحسب له ..

وهذا الموسم لعبه بجوار تفاريس كثيرا في الدوري وهذا يعطيه احتكاك و ثقة و خبرة و تطور مستوى فني ..

نستفيد منها حتى بعد رحيل تفاريس عن الفريق << الله لا يقوله ..


المرشدي 22 عام .... يستطيع لمدة 10 سنوات قادمة أن يكون صمام أمان للدفاع و مصدر اطمئنان ونقطة قوة للفريق ..

نستطيع أن نحل مشكلة الدفاع الآن بإعطاء المرشدي الفرصة .. موسما كاااملا ..لا أن يلعب نصف موسم ..

بعدها لن نواجه أي مشكلة دفاعية و لمدة عشر سنوات و لن نلتفت للدفاع .. بحول الله و قوته ....

لنستغل وجود تفاريس بوضع المرشدي بجواره ليستفيد المرشدي بدوره من تفاريس ..@@

-------------------------------------


--------------------------

ادارة تتعب و تشقى من اجل الزعيم..

واعضاء شرف يدعمون ويجددون للنجوم من اجل المحافظة على الزعامة ..

جمهور يحضر بلهفة ويملئ اضخم الملاعب ..

هل بعد كل هذا نستحق ان نخسر بخطأ فردي ..

---------------------------

انظروا الى نيبوشا مدرب الاهلي,,

جاء للفريق و دفاعه متهالك و شوربة

اول مافعله هو تنسيق نايف القاضي اللي يعتبر احتياطي في المنتخب ..

و اعطى فرصة للشباب محمد عيد وجفين البيشي ووليد عبدربه وجلب مدافع بحجم بدرة

وحاليا يعتبر الاهلي من اروع الفرق وانجحها بسبب صلابة الدفاع ...

و قوة المدافعين الاحتياطين الذين سيخدمون النادي لــ 10 سنوات قادمة لان اعمارهم 19 - 22 سنه

والدليل الموسم وصل لنهائي بطولتين لكن مشكلته انه اصطدم بالزعيم في النهائي .

ليتنا نعتبر بنيبوشا و نعطي فرصة للمدافع الاحق باللعب اساسي

انا من جدة ...

والهلال نااااااادرا مايجي يلعب بجدة

بالسنة مرتين مدري ثلاث ...

و حضرت مباراة الاهلي ...

وبعد خسارتنا بأخطائنا بهالطريقة والله ندمت اني حضرت

رحت الملعب انقهرت ورجعت

خالد عزيز تسبب بضربة الجزاء لانه رجع قلب دفاع يغطي مكان المفرج

والمفرج امامه الكورة بدل ان يخلصها يهديها لمالك اللي ماصدق خبر وحطها بالباب ...

فأحطاء مثل هذي بدائية وتفقع القلب ....

تنفر بعض الجمهور من الحضور بدل من ان يذهب ليشاهد اختراعات دفاعية ... وفريق يهزم

بعضهم يقول :: ما اروح من الاساس احسن

^^^^^^^^^^^^^^^^^^^^^^^^^^^^^^

نرجع للامثلة من الاندية الاوربية ..

@ حاليا في انجلترا لا يمكن ان نقارن اي نادي في العالم بتشيلسي من ناحية الاسماء
فلو اذكر اسماء العمالقة في تشيلسي لن انتهي

مع كل هذا لم يستطيعوا مجاراة المان الي اقترب بشكل كبير من احراز اللقب بفضل وجود ثنائي شاب
استطاع المدرب توظيفهم بالطريقة الصحيحة <<روني & كريستيانو ...

بينما نحن نبحث عن اللاعب الشاب ونركنه على الدكه و يلعب الاقل كفاءة والاكبر سنا كاساسي


^^^^^^^^^^^^^^^^^^^^^^^^^^

المفرج حماسي و مخلص للنادي والشعار و هو ولد النادي

وجد صورة عندي في المجلدات تعبر عن مدى حماس هذا اللاعب و تضحياته



هذا فهد العام في نصف نهائي الدوري امام الاتحاد
انفقش راسه و جاه شد عضلي بعد تمديد المباراة لوقت اضافي
وهذا كله بسبب الحماس والروح وحب شعار النادي

!!!!!!!!!!!!!!!!!!!!!!!!!!!!!!!!!!!!!!!!!!

فلا تشتموا المفرج الله يرحم والديكم

انتقدوا بأدب ولا لاتكتبوا شي احسن

نحن نطالب بالمرشدي لكن مو بهالطريقة ...

نصف المفرج بأسوأ الصفات ..

ونستهزأ حتى بلقبه و نصفه بالمتفرج

احترموا على الاقل افراد قبيلته اكيد في عالم منهم يقروا هالاساءات و تحز في النفس ترى....


!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

اتمنى من الردود ان تكون محترمة و الشخص عندما يرد ويكتب فهو لا يمثل نفسه فقط

بل يمثل البيت اللي نشا فيه والبيئة اللي ترعرع بها ...

والسلام عليكم((((((((((((

حنا ما نبي نشتم ونسب اللاعب
هذا وحنا مسلمين نسب ونشتم

بس بعض الجماهير الله يهديهم اللي مسميه النكبة أو المتفرج ما ندري وراهم كذا

بس حنا ننتقد نقد غير جارح

ونتمنى التركيز على ماجد المرشدي في المباريات الجاية

اخوي خالد....

اصبت فيما قلت...

والله ما قد شفت لاعب مخلص لفريقه زي اللمفرج....

انا ما اقول ما فيه لكنهم قلائل...


بس الي يجرحون فيه ويقدحون فيه هذولا اللي اشك في هلاليتهم....

اي والله صدقت جعلتني في بداية حبي للمفرج

والله كلامك عين العقل

أنا مع الذين يطالبون بالمرشدي
لكن أن يكون هناك سب و قذف فهذا أمر لا نقبل به


موضوعك في مكانك

موضوع راااااااااااااااااااائع ومن اجمل ماقرأت
صحيح المفرج يشهد مستواه انخفاض لكن موب ذنب لحاله النص صار مكشوف الفريق متباعد الفريق كله مكشوف
والدليل الخثران اللي كان مستحيل يغلط في باصاته هاهو يخطئ وبالجمله للانه يستلم الكوره ويجد اقرب لاعب له الشلهوب وبعييييييد جدا عنه الفريق متباعد بشكل خطير كل لاعب يلعب لوحده

مشكورين حبايبي ع المرور

يااخوان مو منطق اللي يتشمت في اخوانا اللاعب فهد

لكن مو عيب اننا نطالب بالمرشدي ولاهو غلط

بارك الله فيك وفي كلامك
لا فض فوك

قلت الحق وكفيت ووفيت

وانا شخصيا احب المفرج ولا عمري طالبت بغيره

واهتزاز مستواه في الفترة الاخيره هو بسبب تركيز و ضغط الجمهور عليه
وجريدة الجزيره الله يهديهم يستهزئون فيه

مباراة الفيصلي في الكأس اللي كان نجمها سامي بتسجيله هدفين ، كان المفرج الابرز فيها ( تفاريس لم يلعب ) وكان المفرج ماسك الدفاع وانقذ الفريق من اخطاء كثيرة اضافه الى انه كاد يسجل هدفين مؤكدين من ركنيتين لولا براعه حارس الفيصلي

الزبده ،،،، الهلال مستواه منخفض بشكل عام !!!! ليش نلوم الفرج لوحده ؟؟؟؟؟؟؟؟

وش دخل ملتزم فيه أحد منا بيزوجه بنته ولا وش السالفه

موضوعك طويل بس وقفت عند الصوره وقريت كلامك يوم تقول إنه انفشق راسه وجاه شد عضلي

ماجبت جديد هذا حاله كل مباراة شد عضلي

إقتباس الرسالة الأصلية كتبت بواسطة mahbol مباراة الفيصلي في الكأس اللي كان نجمها سامي بتسجيله هدفين ، كان المفرج الابرز فيها ( تفاريس لم يلعب ) وكان المفرج ماسك الدفاع وانقذ الفريق من اخطاء كثيرة اضافه الى انه كاد يسجل هدفين مؤكدين من ركنيتين لولا براعه حارس الفيصلي

استغربت منك هالكلام اخوي
مهاجم الفيصلي سيسيه تلاعب بالمفرج بشكل غير طبيعي
وبصراحة كاد المفرج ان يتسبب في ضربة جزاء
الكل راى المباراة اخوي فلا داعي لكلامك هذا
المفرج كان سببا في الارتباك الذي كان موجودا في دفاع الهلال
وصديقك هو من صدقك وليس من صدّقك

يعطيك العافيه..,,

ندخل بالموضوع ..,,

إقتباس تنادوا المفرج بالمتفرج ؟؟؟ <<< عيب تسووها وانتم كبار ...

قسم بالله ماضيع الزعيم في الفتره الحاليه الا حنا يالجمهوور اي لاعب يسوي شي نقوول غلط والاعب مخلص ومدري وشو وشوف جمهور النصر اي مباراه بس الحكم ماينتقدو الاعبوون وحالهم مثل مانت شاايف ..,

إقتباس واللي يسميه مخرج 17 و اللي سماه النكبة ..

اجل لاعب يضيع جهد فريق وش نسميه كنفارو او نيستاا ياخووي حنا صار لنا اكثر من عشر سنوات وحنا نرقع للمفرج ولكن الاعب هذا مستواه نكبه يعني الاعب مكانه غير الزعيم..,

إقتباس لاعب يرتدي شعار الهلال ..

اكبر غلطه ارتكبه الهلال انه ضم واحد مثل المفرج ..!

إقتباس ويخدم النادي باللي يقدر عليه ... على الاقل هو يلعب ويتعب وحنا نتفرج بس

بالنسبه خدم الناي خدمه بفلووس مو بلاش

وبالنسبه حنا نتفرج فلا غلطان اخووي حنا نترك بيوتنا ونتجه الملعب نترك وضايفنا ونتجه الملعب نتعرض للمضايقات من رجال الامن والسب والسخط حتى انها توصل لكرامه الرجال بس نقوول لعيوون الزعيم تكرم مدينه ويجي واحد مثل المفرج ويضيع تعب جمهوور حاضر من بعد صلاه العصر اسمحلي في هذي انت مخطي..,

إقتباس لاعب كبير و حماسي جدا خدم الهلال و كان مصدر أمان لفترة طويلة ..

اي مصدر امان الله يعطيك العافيه قسم بالله هالاعب مايجيب العيد الا بالمناسبات الكبيره ومن بينسى نهائي 1418 قدام الشباب قدام فهد المهلل تبي يجلي تبي يشوت الهواء يعني لاعب ماعندك احد نكباته مع الهلال اكثر من فائدته..,

إقتباس حاليا مستوى المفرج هذا لا يؤهله إلا أن يكون احتياطي للمرشدي ..

قسم بالله حتى الاحتياط كثير عليه..,

إقتباس خالد عزيز تسبب بضربة الجزاء لانه رجع قلب دفاع يغطي مكان المفرج

لو كانت على خالد عزيز وبس كان سهل تفاريس يتعرض لكل مباراه للبطاقه الصفراء والسبب النكبه يجيب العيد

خالد عزيز رايح جاي من الوسط الى الدفاع والسبب المفرج

الخثران يحرث شوي عمق الدفاع وشوي الجهه الايسرى والسبب المفرج

بالله هذا لاعب يستحق ان يلبس شعار الهلال..,,

وفي الاخير اسف على الاطاله وتقبل ردي بكل صدر رحب

لان الصراحه اي شي مايفيد الزعيم مابيه حتى لو على راسي

تحيتي