بسم الله الرحمن الرحيم ..
تحديدآ بالأمس في مدينة جده في قاعة ليلتي حيث زواج
الأستاذ / عثمان بن عبد الرحمن الحصيني عضو مجلس إدارة النادي ..
كنت متواجد هناك وأستغليت خروج الكثير من المدعوين بعد تأخر الوقت ..
وقمت وطبيت على عثمان وهنيته وباركتله بالزواج ,,
وبعدها تحدثت معه عن الهلال ومستقبل الفريق وقلت له تكفى نبي آسيا ..
قال ابشر والله اننا ولهنا عليها وأن شاء الله هي من نصيبنا ..
وقال المهمه صعبه بعد خروج الإستقلال لكن لاعبين الهلال كبار ورجال مواقف وأن شاء الله يبي يجيبونها ..
قلت ولي العهد والملك عندنا كثير نبي آسيا أهم ,,
قال حتى آسيا عندنا خير منها لكن هذي غير بتوصلنا لكأس العالم وبإذن الله نحتفل بالبطوله جميع ..
وتكلمت عن حال الفريق وقال أن شاء الله الوضع مطمئن والجاي أفضل بإذن الله ولاتخافون على الهلال ,,
وقال أني من المتابعين لشبكة الزعيم ومايكتب فيها وجمهور الهلال غالي ولازم نرضيهم ..
وحنا بعد جمهور للهلال ولازم نعمل للهلال علشان نرضي الجمهور الهلالي ..
وتكلمت معه عن مباراة الكويت الماضيه ..
قال لاتحكم على الهلال في مباراة الكويت والهلال لو لعب بنصف مستواه كان مافكر الكويت يتعادل معه أو يفوز عليه ,,
لكن الوضع يبي يتغير والفريق شاد حيله والجاي يبي يرضيكم بإذ الله ..
وقال لاتقسون على الكابتن ياسر القحطاني
لأنه مرهق وتعلم أنه بعد كأس العالم ما أخذ راحه ألا أسبوع
والدور الأول كان هو اللي شايل الفريق كامل بمشاركة بعض اللاعبين في بعض المباريات ..
وأن شاء الله ياسر بتشوفونه أحسن من أول ,,
بصراحه أعجبني كثيرآ حديث الأستاذ عثمان وأسلوبه في الكلام وفكره الراقي ..
الغريب ..!!
أنه يوم زواجه مع ذالك أسترسل معي بالحديث ولم يتضجر بالعكس كان متحمس مع كلامي مسترسل في حديثه قرابة النصف ساعه ..
والحقيقه أهنئء الإداره الهلاليه بوجود عضو شاب بينهم يحمل هذا الفكر الراقي ويعشق الهلال الى حد كبييييييييير ..
وأهنئء نفسي بقرب الإستاذ عثمان منا بعد زواجه على أبنة عمي ,,
وأن شاء الله نحتفل جميعآ بالبطولات القادمه ..
والله يوفق الأستاذ عثمان بزواجه ويسعده ويهنيه ..
وشكرآ لكم ..
نبض الزعيم 99
كبيييييييييير ياعـثـمـان الـحـصـيـنـي ..!!! 
الوضع العادي
