بسم الله الرحمن الرحيم

الكل يدري ان كل الناس في الصيف وخاصة الحريم همهم الاول حفلات الزواج
تلقى الحريم همهم وش نوع الفستان؟ وش يبون يلبسون؟ ومن هالخرابيط
الشباب اكبر هم لهم كل ما ودو اهلهم للعرس يقولون
"" يما ابي اتزوج اخطبولي دورولي بنت حلوة "" ويقوم بسرد المواصفات والاحلام الي يمكن ما في بنت في العالم تنطبق فيها هالمواصفات
الزبدة سئل احد الفلاسفه كيف تختار امرأتك ؟؟؟
فأجاب ::
لا اريدها جميلة فيطمع فيها غيري ..ولا قبيحة فتشمئز منها نفسي..
ولا طويله فأرفع لها هامتي..ولا قصيرة فأطأطئ لها رأسي..
ولا سمينه فتسد على منافذ النسيم..ولا هزيله فأحسبها خيالي..
ولا بيضاء مثل الشمع..ولا سوداء مثل الشبح..
ولا جاهله فلا تفهمني..ولا متعلمه فتجادلني..
ولا غنيه فتقول هذا مالي..ولا فقيرة فيشقى بعدها ولدي..

وش رايكم بهالكلام ؟؟
انا رأيي بصراحة اهم شئ الدين والاخلاق لان كل شئ يبي يزول مع الايام الا هالشيئين
ودي اسمع رأيي الشباب بالموضوع ؟؟
لا تبخلووا علينا بردروكم
وشكرا

اهم شئ الدين هذا خالصين منه
بس نصيحه للي بيعرس لا ياخذ حلوه وياخذ له وحده مملوحه
الجمال يروح بس الملح ما يروح
يعطيك العافيه

كيّــــس

إقتباس بصراحة اهم شئ الدين والاخلاق

شي مهم جــداً

اهم شي الطيبه والدين وخفة الدم وام البنت


والـــجـــــمـــــال


ومثل ما يقولون كل واحد يشوف على قده


يعني المزيون من حقه يتشرط ويطالب بنت جميله

مايهمني الشكل عاادي لو تصير مثل أوبرا مايهمني أهم شي تشجع ميلان وما تكون هلاليه وتكون نصراويه علشان أحط حرتي فيها

ابي بنت امورة ........

إقتباس الرسالة الأصلية كتبت بواسطة ابراهيم الونيان ابي بنت امورة ........

عاد حله وش لون نجيب لك بنت اموره


وش معنى اموره اتحداك تعرف:p

والله صدق هالحكيم

شكرا

موضوع حلو ... وودي اشارك فيه بس بكلمتين اذا سمحت لي ياصاحب الموضوع ( بتسمح وانت تظحك )

قالو فلاسفتنا ( حريمنا ) : قبل لاتضمها .. اسأل عن امها
وقالو فلاسفتنا( الشيبان ) : الجمال غسال ايدين يعني يروح ويبقى جمال الروح

وقال الصادق الأمين الرسول صلى الله عليه وسلم (( تنكح المراءة لأربع , لمالها , ولحسبها , وجمالها , ولدينها , فاظفر بذات الدين تربت يداك ))ولم يورد النبي صلى الله عليه وسلم الاربع حثا عليها , بل ذكرها لأنها عادة الناس والمعتبر عندهم , ثم اورد الدين اخرها , لأنه موضع اهتمامه , ونقطة تعليقه , فقد قصر عنايته وحثه على الرابعة ,,

وعسى ربي يرزقكم الزوجه الصالحه اللى تصونك وتعاونك على الخير والبر وصلة الرحم

تقبل تحياتي ومروري

عز الله انه صدق هالفيلسوف

بس وين يلقى الواحد مثل هالمواصفات

إقتباس الرسالة الأصلية كتبت بواسطة فهد عاشق البرسا الجمال اهم شي وهو في المقام الأول

معليش يا فهد انا اعارضك بالكلام وتدري ليش؟؟
لان البنت الجميلة تتعود على شكلها بعدين وما تصير عندك حلوة مرة وبالتالي ما يبقى غير الدين والاخلاق يعني لو ترجع البيت وإمرأتك جميله جدا ولكن تستقبلك بشكل سئ بالله عليك وش الفايدة من الجمال الحين؟؟
ولو كانت امرأتك جميلة ولا تثق في تصرفاتها وش الفايدة من الجمال الحين ؟؟
انا معك ان الجمال شيء مهم ولكن فرق بين شيءمهم وأهم شيء

اشكر كل من مر على الموضوع واشكر بشكل خاص كل من رد على الموضوع

لا اريدها جميلة فيطمع فيها غيري ..ولا قبيحة فتشمئز منها نفسي..
ولا طويله فأرفع لها هامتي..ولا قصيرة فأطأطئ لها رأسي..
ولا سمينه فتسد على منافذ النسيم..ولا هزيله فأحسبها خيالي..
ولا بيضاء مثل الشمع..ولا سوداء مثل الشبح..
ولا جاهله فلا تفهمني..ولا متعلمه فتجادلني..
ولا غنيه فتقول هذا مالي..ولا فقيرة فيشقى بعدها ولدي..

وشو يعني مانعرس ؟؟
-------------

بس اهم شي الاخلاق والتربية والدين اكيد
وحبذا لو انها تشجع الهلال عشان لايكون فيه خلافات اسرية
ونكون متفاهمين دائماً

اهم شيء تكون بنت فرفوره <<<<< عاد فسروها


(( فاظفر بذات الدين تربت يداك)) صلى الله عليه وسلم

سألت مدرس الدين وحنا بالمتوسط وكان عصبي وهو يشرح هالحديث

أنا: سا سا سا سا سا ............ المدرس : نعم

أنا : وش معنى تربت يداك ........... المدرس: يعني تراب يملأ وجهك


الفصل :

امحق مدرس