#1  
قديم 23/03/2007, 05:09 AM
زعيــم نشيــط
تاريخ التسجيل: 11/07/2004
المكان: اينما كان الهلال
مشاركات: 564
على المكشوف واللي يصير يصير

بسم الله الرحمن الرحيم

بعد التحية..

والله ان الموضوع تكلمت عنه من بعد خسارة النهائي العام الماضي 3-0

ولكن لا حياة لمن تنادي وايضا
توضيح ان العله قديمه ومكشوفه وواضحه وبالذات المفرج والخثران ,
حيث ان الخثران
تدهور مستواه من مباراة اعتزال الثنيان والى الان وهو في انحدارانا اموت وافهم ليه
ما يطلعون من درجة الشباب لاعبين او يعطون الذياب الفرصه
ولا المفرج عاد اللي حدث ولا حرج لكن اعتقد ان كثير من المواضيع بالمنتدى كفت ووفت لكن برضه مصرين عليه ياناس التفتو للباقين
خصوصا بدرجة الشباب فيه سنتر ما اذكر اسمه بالاضافه للكلثم
راس حربه والفريدي وسط ماشاء الله عليه ماله حل بدل اللي جالس يصير الان
..
طيب اوكي لا تطلع لاعبين من درجة لشباب لكن عط الباقين فرصه ..ياخي اي فرصه!
لا نقعد نلعب على بعض احتياط مافيه كلهم ماعندك احد اجل تركي الصويلح احتياط ! ما ادري ليه الى الان هذا موجود بالنادي ؟! ( يمكن ابوه يملك الارض اللي عليها النادي)واحنا ماندري .. اذا كان المنتدى وهو منتدى! الواسطه تشتغل فيه فما بالك بالفريق عموما اعتقد مشاركتي راح تنحذف كالعادة لانهم حاطين دوبهم ودوبي ما فيه اي موضوع اكتبه الا وحذفوه ليه ! بس عشان مصدري قوي بالنادي ولا يبون الا الاخبار اللي تعجبهم لا ويقولون ان المواضيع اللي انا اكتبها ما فيها اي فايده !!!!!
والله ما ادري وش الفايده في الموضوع اللي اكتبه كله مدح بسامي وسامي غني عنهم وعني وابو عبدالله ما يحتاج اني امدحه بموضوع لانه بات رمز من رموز الكرة السعودية والعربية والاسيوية بل والعالمية ايضا.
..
لكن انتقد يحاربونك و لازم تصير معجب بالادارة تصير عندهم من المحبوبين ولو تنزل موضوع تكح فيه ثبتوه , لكن تتكلم ((بديموقراطيه)) وتنتقد ومن باب حبك لهذا النادي يشككون في حبك وهم توهم امس طالعين على الدنيا بل انا مستعد احلف ان اكثر من نص مشرفين المنتدى اصغر سنا من معظم الكتاب اللي موجودين ولو هي بعدد المشاركات فهنا مشكله ولكن انا اقيسها بدعمي للنادي من اول بطولة خارجية حققها الهلال واعتقد ان الكل يعرفها اذا ما كان هناك عدد كبير قد حضروها
..
ياناس ادارتنا مثل مالها ايجابيات اكيد لها سلبيات ولابد من توضيحها للجميع
لان الهلال ملك للجميع وليس لاحد بعينه وهو ليس انتقاد فقط بل انتقاد و عتب ووجهه نظر للجمهور
المفروض ان تقبل ولا تهمش او ترمى وراء الشمس
..
من اول اسباب نجاح الفريق في الدوري ووجود شخصية ادارية ناجحه مثل عادل البطي ومن ضمن اسباب تدهور الفريق هي اقالته والكل يعرف السبب وذلك حين ابدى اعتراضه على ذهاب سامي مع رئيس النادي لحظور مباراة المنتخب السعودي ببطولة الخليج الاخيره..
ياجماعة لابد ان نحكم المنطق ونعترف بأن نادينا الان بدت الواسطات تطغى عليه
ولا المفرج ليه يلعب والمرشدي ليه احتياط وتركي الصويلح ليه موجود ودرجة الشباب ليه مهمشه .ومنصور الاحمد وش رجعه
والمحترفين ليه برازيليين فقط طبعا الكل يعتقد بانها فلسفه مدربين بينما الواقع يقول انها امور ماديه فقط وسمسرة مدربين وعلى حساب مين على حساب نادينا .

عموما اعتقد اني طولتها وهي قصيره ولكن شيئ بالنفس واتمنى من مشرفينا الكرام
تقبل النقد او على الاقل نتناقش واذا كانو يرون ان مواضيع مثل هذه لاتخدم النادي
وليس من المفيد مناقشتها على المكشوف مستعد استقبل اي رسالة من اي مشرف على الخاص وانا اعتذر عن اي موضوع لم يعجبهم ..

والسلام .......

اخر تعديل كان بواسطة » يورو في يوم » 23/03/2007 عند الساعة » 08:06 AM
  #2  
قديم 23/03/2007, 05:17 AM
الصورة الرمزية الخاصة بـ مطـلق الهاجري
زعيــم مميــز
تاريخ التسجيل: 14/02/2005
المكان: ** الد ـم ـا ـ م**
مشاركات: 6,626
ريلاكس يا بو الشباب ..


وش تبي بالضبطـ .. انت..


ياحبيبي انت جاي اخر الموسم .. وتبي لاعبين من الشباب ..



خلونا نناقش الي موجود ونحاسبه .. بدون تجريح .. وحطها بين قوسين ..


كلامك في من الصحه الكلام الكثير ..

بس بعضه اخالفكـ ..



ونت لا تعصب .. وعلى قولتهم (( ماتسوى تعبها ))


..


وماعليك الجاي احلى ..


برب
  #3  
قديم 23/03/2007, 05:32 AM
زعيــم متألــق
تاريخ التسجيل: 25/02/2003
مشاركات: 1,357
من ناحية هالنوعية من المواضيع ..
حنا نحتاجها لكن بأكثر هدوء ..
وللأسف ان كانت هادية او بهذا المستوى ..
ماراح يتخلى موضوعك وهذي نقطة خطيرة يجب ان يراعية المشرفين الكرام هنا..
منتدى الجمهور مفتوح للجميع ومن حق الجمهور الهلالي معرفة ادق التفاصيل عن النادي ..
حتى لو كانت سلبية ..
من حق الجمهور ان ينتقد وان يكتب حتى لو صرح بأسم معين ..
فمصلحة النادي فوق كل اعتبار ...
حسبي الله ونعم الوكيل على الواسطه ..
ابوزرنوق
  #4  
قديم 23/03/2007, 05:38 AM
الصورة الرمزية الخاصة بـ الفتى^الذهبي^11
زعيــم نشيــط
تاريخ التسجيل: 07/12/2002
المكان: المنطقة الشرقية
مشاركات: 920
والله كنت أتمنى ..بأن في مبارايات الفرق الصغيرة ...أن يجز بأكبر كمية من الاعبين الشباب مع لاعبين الخبرة ...
لكي نكسب وجوها صغيرة للمستقبل... لاكن ماذا نفعل مدام المفرج أساسي والمرشدي أحتياط ؟؟؟
  #5  
قديم 23/03/2007, 05:53 AM
زعيــم نشيــط
تاريخ التسجيل: 11/07/2004
المكان: اينما كان الهلال
مشاركات: 564
اخوي مطلق انا ما جيت على نهاية الموسم وقاعد اقول ابي شباب انا قاعد اذكر اني تكلمت نهاية الموسم اللي طاف وبداية الموسم هذا لكن ما صار ولا شي من اللي قلناه وهذي النتيجه .. وعلى فكرة ترى انا مو معصب بس شي يرفع الضغط ياخي اذا بالنادي مانقدر نتكلم وبالمنتدى مانقدر نكتب وش نسوي ؟
نتفرج على الفريق زي المجانين واذا فاز قلنا مبروك ولما يخسر نقول كله من المفرج الى متى!!!!!
اخوي مطلق اشكر مرورك على موضوعي طال عمرك
  #6  
قديم 23/03/2007, 05:55 AM
زعيــم مميــز
تاريخ التسجيل: 31/08/2005
المكان: قلوب أحبابي ..!!
مشاركات: 1,539
كلامك صحيح
  #7  
قديم 23/03/2007, 06:01 AM
زعيــم نشيــط
تاريخ التسجيل: 11/07/2004
المكان: اينما كان الهلال
مشاركات: 564
ابو زرنوق شرفني مرورك طال عمرك ..
الفتى الذهبي حبيب قلبي كان عندنا اكبر فرصة بالدنيا وهي بطولة الامير فيصل الله يرحمه لكن والله بالشكل هذا راح ندفنهم ..
اخوي الاسطورة .. المطوع من طاع الله وكلنا ان شاء الله من الطائعين لكن انا خصيت المفرج والخثران لانهم من العام الماضي وهم مستواهم هابط جدا لكن الفريق كله عليه ملاحظات واعتقد نزول المستوى بل متاكد جدا ان الارهاق ليس السبب بل ليس حتى من ضمن الاسباب لنزول المستوى فالاسباب اداريه بحته !!! ولك تحياتي
  #8  
قديم 23/03/2007, 06:32 AM
الصورة الرمزية الخاصة بـ هلالي من بدة الدهر
زعيــم متواصــل
تاريخ التسجيل: 22/08/2005
مشاركات: 89
السلام عليكم ورحمة الله وبركاتة
موضوعك فيه شيئ من النقد الهادف وشوي حده في الهجوم على المشرفين في المنتدى واللاعبين بس ما يخالف فضفض لانه باين انه كله من حبك للزعيم واتمنى ماينحذف الموضوع .في النهايه اساس حريه الرأي اني قد اختلف معك في الرأي لكنني سأحارب من اجل ان تقول رأيك . من عرفت الهلال وهو كل سنه يفاجئ الجماهير بثلاثه او اربعة لاعبين في الفريق الأول آتين من درجة الشباب بعضهم يستمر ويصبحوا نجوما لامعه في سماء الكره السعوديه والمنتخبات السنيه والمنتخب الأول وبعضهم ينطوي بسبب الأصابه او عدم تطور المستوى.
في الفتره الأخيره افتقدنا ذالك وبكل صراحه آخر موهبه هلاليه استحق ان نطلق عليه لقب النجوميه هو محمد الشلهوب وذالك قبل سبعه او ثمانيه سنوات فتره طويله لتنتظر بزوغ نجم اليس كذالك؟
الفريق بأكمله يمر بفتره انحدار في المستوى فالمشاهد الآن انه اي لاعب هلالي لا يلعب بنصف مستواه وغياب كامل لروح الهلال وانا هنا اخص الجميع .وكل من يقول ابدا الاعب الفلاني ابدع او انه كان نجم المباراة اما انا يكون يكذب على نفسه او ان يكون مشجع لهذا اللاعب وليس الهلال
قد يكون هذا اللاعب احسن السيئين فلا يوجد لاعب جيد في هذه الفتره
بالنسبه للمطالبه بالمرشدي بدل من المفرج انه سيكون الحل للضعف الهلالي في خط الظهر مع كامل احترامي الا انني اظن ان الأثنان وجهان لعمله واحده.فكلاهما لديه ضعف واضح في التغطيه والبطء و (تخليص) الكره من منطقة الخطر حتى لو كانت على قدمه اليسرى يعني بالعربي ما يسطحون الكوره
الاان المفرج يتفوق من ناحيه الخبره وفيه شوي حماس ويحاول يوزع منه على اللعيبه
ختاما اضم صوتي لك للمطالبه بمشاهدة لاعبي الشباب في الفريق الأول ان لم يكن في هذا الموسم فليكن في الموسم القادم واتمنى اعطاء الفرصه في الهجوم الهلالي للعمبر و الصويلح في مباراتي القادسيه و الطائي ليستعيدوا حساسية المبارايات فمشوار البطولات امامنا طويلا ان شاءالله.
والسلام ختام
  #9  
قديم 23/03/2007, 07:31 AM
الصورة الرمزية الخاصة بـ وينك يالزعيم
زعيــم مميــز
تاريخ التسجيل: 28/02/2004
المكان: بـ آحضُآنْ الرْيآضْ ♥
مشاركات: 14,097
فالك المليون ( التغيير )
  #10  
قديم 23/03/2007, 07:57 AM
الصورة الرمزية الخاصة بـ أنا الهلالي والنعم
زعيــم مميــز
تاريخ التسجيل: 08/02/2005
المكان: فـي الـطائرة .
مشاركات: 16,010
شكرا لك اخوي معاك قلبا وقالبا فيما قلت.وإلى الأمام.
  #11  
قديم 23/03/2007, 08:47 AM
موقوف
تاريخ التسجيل: 08/07/2005
مشاركات: 90
والله انك قلت اللي كنت ابي اقوله وخصوصا عن المشرفين اللي زي ماقلت امدح يحبونك انتقد استلم الحذف والايقاف
وبالنسبة للواسطة صراحة هذي مالها حل الا عند الادارة
والله يكتب اللي فيه الخير
  #12  
قديم 23/03/2007, 09:40 AM
موقوف
تاريخ التسجيل: 11/09/2002
المكان: نادي الهلال
مشاركات: 242
كالعادة راح يحذفوا لك الموضوع
  #13  
قديم 23/03/2007, 10:12 AM
زعيــم مميــز
تاريخ التسجيل: 06/05/2004
المكان: شبكة الزعيم
مشاركات: 3,039
غريبة هالهجوم على المشرفين لا كانت مواضيعك مثل هالنوعية معاهم حق



في طرحك كثير من الشي المفيد والرائع لو انك ابتعدت عن العصبية



شغلة محيره تطرق الكثيييييييير من الاعضاء الى موضوع الواسطات في النادي معقولة هذا كيان هلالي ولا اعتقد ولا حتى افكر ان الواسطة تسري في عروقه
  #14  
قديم 23/03/2007, 01:20 PM
زعيــم مميــز
تاريخ التسجيل: 12/03/2006
المكان: الريـــKSAــــاض
مشاركات: 1,774
إقتباس
والله ما ادري وش الفايده في الموضوع اللي اكتبه كله مدح بسامي وسامي غني عنهم وعني وابو عبدالله ما يحتاج اني امدحه بموضوع لانه بات رمز من رموز الكرة السعودية والعربية والاسيوية بل والعالمية ايضا.
..

لكن انتقد يحاربونك و لازم تصير معجب بالادارة تصير عندهم من المحبوبين ولو تنزل موضوع تكح فيه ثبتوه , لكن تتكلم ((بديموقراطيه)) وتنتقد ومن باب حبك لهذا النادي يشككون في حبك وهم توهم امس طالعين على الدنيا بل انا مستعد احلف ان اكثر من نص مشرفين المنتدى اصغر سنا من معظم الكتاب اللي موجودين ولو هي بعدد المشاركات فهنا مشكله ولكن انا اقيسها بدعمي للنادي من اول بطولة خارجية حققها الهلال واعتقد ان الكل يعرفها اذا ما كان هناك عدد كبير قد حضروها

والله انك صاااااااااااااااااااااادق

ذبحونا المشرفين بحذف المواضيع

بس اكتب موضوع امدح فيه لاعبهم المفضل
راح تشوفه مثبت سنه

اما الانتقاد على طول للزباله ويكرم القراء

اتمنى من المشرفين اخذ دوره من منتديات النصر ادخلها بعض المرات
بصراحه في حريه في ابداء الرأي بشكل كبير حتى الواحد ينتقد رئيس النادي بدون حدود
انا ما ابي يفتح الباب على غاربه مثل ما يقولون
بس اتمنى شوي احترام للرأي والرأي الاخر
  #15  
قديم 23/03/2007, 04:54 PM
زعيــم نشيــط
تاريخ التسجيل: 11/07/2004
المكان: اينما كان الهلال
مشاركات: 564
إقتباس
الرسالة الأصلية كتبت بواسطة the minister
والله انك قلت اللي كنت ابي اقوله وخصوصا عن المشرفين اللي زي ماقلت امدح يحبونك انتقد استلم الحذف والايقاف
وبالنسبة للواسطة صراحة هذي مالها حل الا عند الادارة
والله يكتب اللي فيه الخير

شرفني مرورك عزيزي ولكن والله لانكتب الا من حبنا لهذا الكيان ..
   

إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:58 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube