#46  
قديم 27/03/2007, 01:42 PM
الصورة الرمزية الخاصة بـ روح الـهـلال
مشرف سابق في منتدى الرياضه السعوديه
ومنتدى المنتخب السعودي
تاريخ التسجيل: 04/04/2006
المكان: مــحــــمــــد
مشاركات: 6,286
يعطيك العافيه

وصح لسانك كلام منطقى
  #47  
قديم 27/03/2007, 01:49 PM
عضو سابق في إدارة شبكة الزعيم
تاريخ التسجيل: 11/04/2003
المكان: USA
مشاركات: 13,487
إقتباس
الرسالة الأصلية كتبت بواسطة HEAF

مستر قول موضوع نقل المباراة الي قفلوه المشرفين كان نصه يقول إن المباراة لن تنقل على القناة الرياضيه السعوديه لإنشغال الكميرات بالقمه العربيه هذا ما كان مكرر وكانت المعلومه صحيحه ومع هذا قفلوه......... ولن الإداره قفلوه ولم تعلق عليه وتبين فهمنا تقفيل الموضوع على انه غير صحيح... وين التناقض

اخوي هيف شف هالمواضيع كلها وبتدري حجم معاناتنا مع المواضيع المكرره , وانظر لوقت المواضيع ووتعرف
وهذي ماهي كل هالمواضيع فيه غيرها
ولو ان كل عضو بحث قبل ينزل موضوعه كان ماصار اي اشكال
الله يفضحكم يالسعودية الرياضيه
المباراه منقوله عالرياضيــــه لًٌُـًٌُـًٌُاًٌُ
هل المباراة منقولة على الرياضية السعودية ارجو رد اللي عندهم خبر اكيد
عااااااجل القمة العربية تلغي مباراة الهلال والقادسية
شباب المباره منقوله على الرياضيه ولا لا؟؟
سؤااااااااااااااال تكفون؟؟
  #48  
قديم 27/03/2007, 02:22 PM
زعيــم متألــق
تاريخ التسجيل: 17/10/2006
المكان: الحين بجي
مشاركات: 1,363
طيب عزيزي هذا مغزى كلامي ........ والتنظيم( بوضع مكان مخصص للإعلانات المهمه المتغيره دائما او العاجله) يقلل تكرار المواضيع من هذا النوع وبالتالي يقلل حجم معاناتكم........ عموما حنا شاكرين الجهود وشايفينها وملاحظاتنا هو حرصنا للوصول للأفضل ...... شاكر لك تجاوبك وروحك المرنه

اخر تعديل كان بواسطة » HEAF في يوم » 27/03/2007 عند الساعة » 05:02 PM
  #49  
قديم 27/03/2007, 02:44 PM
زعيــم متواصــل
تاريخ التسجيل: 02/09/2006
مشاركات: 60
لافض فوك يا هلالي من بدة الدهر على تعقيبك الرائع
  #50  
قديم 27/03/2007, 03:07 PM
زعيــم فعــال
تاريخ التسجيل: 06/11/2006
المكان: تايه بعدك يا سامي
مشاركات: 367
مرحبا اخوي يورو
اول شي انا كنت ابي ارد على موضوعك من اول مانزلته بس ماكان عندي وقت والحمدالله حصلته اليوم
كلامك سليم وماعليه اي شي
نبدا بالمفرج انا صراحة مدري وش الحل معاه اللاعب مافيه اي شي اقدر اقول عليه انه لاعب الا طقم الهلال الي لابسه ( يعني مافيه شي اذكره في بالخير غير انه هلالي صميم )
وللاسف لو كل هلال صميم لعب دجينا
بخصوص اللعيبه الشباب من بعد ماشفنا الشلهوب ماطلعلنا لاعب من درجة الشباب
وحنا اول الي كان كل سنه لا يقل عن ثلاثة لعيبه يطلعون
والسبب هذا هو الي يخلي كثير من اللعيبه ينزل مستواهم لانهم ضامنين مركزهم وماعاد فيه تنافس على الخانه
تذكر بداية سامي اول مادخل الفريق الاول كان طالع ومعاه صفوق والتيماوي ومحمد التمياط وكذا لاعب الظاهر
وكان فيه في الهجوم كذا لاعب ( مشاري العويران - يوسف جازع - سعود الحماد - القرمله ) لعيبه كثار وكان في تنافس واثبت نفسه وصار هو الاول وحتى لما صار الاول طلعله كم لاعب من الشباب ( الحيائي - الجمعان - ومدري ان كان في غيرهم وناسيهم )
وكان كل سنه احسن من غيرها لانه كان عامل حساب ان فيه جيل جديد طالع ممكن ياخذ مكانه لو انه تخاذل في الملعب ومالعب كويس والشي هذا خلاه الان اسطورة الكورة السعوديه
لكن الحين مافي تنافس مافي لعيبه خايفه على مركزها لان مافي فرصه للشباب الي طالع
ولو تلاحظ شي برضوا انو ماعاد في لعيبه تلعب بروح الهلال تلعب عشان شي اسمه هلال الى من رحم ربي
اتمنى ان الادارة تشوفلها حل في الوضع هذا لاننا مانبي لعيبه من برا النادي نبي من ابناء النادي نبي لعيبه ربوا على حب الهلال وبس
وشكرا على موضوعك
  #51  
قديم 27/03/2007, 04:48 PM
زعيــم متألــق
تاريخ التسجيل: 22/03/2006
مشاركات: 1,310
تسلم يمينك
  #52  
قديم 27/03/2007, 10:59 PM
زعيــم نشيــط
تاريخ التسجيل: 11/07/2004
المكان: اينما كان الهلال
مشاركات: 564
إقتباس
الرسالة الأصلية كتبت بواسطة محمد ابولما
يورو


اسعد الله اوقاتك ...

بالنسبة ردك المختصر جداً الحقيقة غريب وكنت اتمنى ان تناقشني فيما كتبت
امام الاعضاء لتحصل الفائدة ...
اما رمى التهم ومن ثم الوقوف عند حد معين دونما فائدة فهذا غير لائق ...

ناقش ... تحدث فالموضوع امامك ...


ابولما بارك الله فيك واشكر لك تفاعلك مع الموضوع ولكن بخصوص رمي التهم اخي العزيز والوقوف عند حد معين هي ليست تهم وانما واقع وانتقاد لما يحصل فقط لاغير واول من يعلم بذلك هو انت عزيزي فأنت من اعاد الموضوع ولمرتين فمن حذف الموضوع ؟؟ ولماذا حذف؟!

هذا شي قليل مما يحصل وانا والله لم اكتب هذا الموضوع الا بعد ما بلغ السيل الزبى
واعتقد ان الاعضاء المشاركين بالموضوع ذكروا عدة ملاحظات ولايمكن ان تكون فقط بأعينهم فكلهم من الغيورين على النادي والمنتدى.

فمصلحة الفريق فوق كل عضو ومشرف واداري ايضاوانا اولهم ولابد ان هذا الموضوع لمس شيئ من الواقع والا لما كتبوا وما كتبت انا اخي العزيز.. يلاحظ ايضا ان الموضوع تحول من نقد لعدة نقاط الى نقطه واحده.

وهي المشرفين ولم اكن اعلم ان هناك عدد كبير من الاعضاء يتعرض لنوع من الضغوط من قبل المشرفين .. لااعتقد ان هناك فرق بيننا في هذا المنتدى فكلنا ننشد البطوله وفي
كل شي سواء على مستوى النادي او المنتدى.

ولم يصل المنتدى الى مصاف المنتديات العالميه الا بجهود الجميع ولا نستطيع ان نسلب مجهود مشرفينا .
ولكن لنستمر على هذا المنوال ...

لابد لنا ان نبدي ملاحظاتنا ونتقد بعض الاخطاء اللتي تحصل وهذا لمصلحة الجميع ..
اخوي محمد انت ضربت اروع الامثله في حسن الادارة وبارك الله فيك على ما فعلته
واشكر لك سعة صدرك ..


  #53  
قديم 27/03/2007, 11:47 PM
زعيــم متألــق
تاريخ التسجيل: 14/05/2005
المكان: الرياض+سدير
مشاركات: 1,004
مشكور على الموضوع
  #54  
قديم 27/03/2007, 11:50 PM
زعيــم متواصــل
تاريخ التسجيل: 17/11/2006
مشاركات: 139
إقتباس:الرسالة الأصلية كتبت بواسطة إدارة الأخبار

طارق

اخوي طارق شكراً لك يعطيك العافيه لمصلحه الهلال





ولــــكن وبقوه


و تحدث عن الإتهامات الموجهه له بالتسبب بابعاد اللاعب ماجد المرشدي عن الفريق و من يقول أن ماجد المرشدي أبعد عن التشكيل الاساسي بعد عودة منصور الاحمد قائلاً أن من يتابع لقاءات الهلال جيداً يعلم أن اللاعب ماجد المرشدي لم يشارك كأساسي مع المدرب لويس كارلوس قبل عودة المدرب و قال أن مشاركة اللاعب كأساسي من عدمها هي أمور من اختصاص المدرب فقط .


والله ثم والله


عندما رجع منصور الاحمد خربه التشكيله ليه المجامله على حساااب الزعيم


والدليل اخر مباريات كاس الامير فيصل + المباريات الاخيره من مبارات الكويت


والقادم اكثر راح تثبت الايام


متعصب لمصلحت الهلال فقط


ارجع واقول هو السبب في تدهور الهلال الايام الاخيره
  #55  
قديم 28/03/2007, 12:10 AM
زعيــم مميــز
تاريخ التسجيل: 30/09/2005
المكان: أمريكا_ ولاية بقالة شكور ض1
مشاركات: 20,924
مرحبا اخوي يورو
تشكر على الموضوع الرائع

انا اختلف معك على موضوع المفرج
الرجال له بعض الأخطاء لكن ليس بهذه المبالغة والافراط في نقد اللاعب ومحاولة النيل منه بسبب والا بدون سبب
ومباراة القادسية الأخيرة ماقصر وقطع كم هجمة ممتازة(على فكرة انا اتمنى مشاركة المرشدي اكثر من المفرج لكن وش نسوي )
انا اللي ابغى اقوله دام اللاعب اساسي والمدرب مصمم عليه ليش مانوقف معه ونشد عليه وعشان ترضى اقول نتحمله لين ينتهي الموسم وبعدها نتفاهم مع الإدارة

...
بالنسبة للأعضاء وتثبيت مواضيع بعضهم فالموضوع هذا طويل وحدث ولا حرج
والله بعضهم ماتفهم وش يكتب ومافي كلامه اي شي يفيد ومع هذا يثبت

والا ايعقل احد الأعضاء كل مايكتب موضوع يثب على طول(وعشان يبعدون الشك من ثالث رد يثبتون عشان شوفو تفاعلو معه الاعضاء)
بالعربي وضع تثبيت المواضيع (( مسخرة بكل ماتعنيه الكلمة من معنى)
واذا تبي موضوعك يثبت سو تصميم والا غيرة مالك امل لأن في كم عضو لهم حق لتثبيت وبدون ذكر اسماء والمشرفين عارفين هالشي..

وبالنسبة لحذف المواضيع
اذا انت كتبت شي (اي العضو) عن الاتحاد السعودي والا طيب الذكر سلطان والا نواف على طول يحذف موضوعك واذا احد اعضاء التثبيت الموقرين على طول يتثبي الموضوع...

ليس هنا المشكلة المشكلة ان بعض المشرفين يدافع عن الأدارة...

على فكرة ليش مايقل عن 15 موضوع مثبت والمواقع الثانية(الأندية)4 او 5 مواضيع مثبته

هذا دليل على الواسطة في تثبيت المواضيع

يورو اتمنى ان تركز على المفرج وتنظر له بعين الرضى ولو لشوط واحد بدون سبق اصرار وترصد

تحياتي لك
  #56  
قديم 28/03/2007, 12:15 AM
زعيــم نشيــط
تاريخ التسجيل: 11/07/2004
المكان: اينما كان الهلال
مشاركات: 564
إقتباس
الرسالة الأصلية كتبت بواسطة HEAF
صراحتا قريت الموضوع وجميع الردود ........ وشفت ناس مؤيده ومتوافقه مع الكاتب في جميع نقاطه وناس موافقه ومختلفه معه في الإسلوب ........... وهذا يثبت و يدل إن الموضوع فيه كثير من الصحه ويمكن كان لابد من هالإسلوب عشان يدعم الموضوع ....... وهذا مو دفاع عن الكاتب يورو لأنه ما هوب محتاج من يدافع عنه ولا حنا في حرب ولكن انا ادافع عن الموضوع واسمحوا لي اذكر ملاحظاتي



بأبداء بما يخص المشرفين وردود أبو لما

كون إن فيه مؤيدين لما ذكره يورو عن المشرفين اذا فيه مشكله او بوادر مشكله تستحق اعادة النظر محد منزه..... وبالنسبة لأبو لما كلنا شايفين جهود المشرفين وعارفين جهود الأمير ثامر ولكن حتى الي يبذل مجهود ممكن يقصر وخاصتا ان اي موضوع ينظر له الشخص ويفهمه احيانا على طريقته يعني ممكن يوافق عليه مشرف ويشوفه عادي ومفيد ومشرف يعتبره تعدي لأنظمة المنتدى يعني مجال الخطاء وارد ولا فيها شي لو اجتمعوا واطلعوا على ملاحظات الأعضاء عليهم .......



والنقطه الثانيه فيما يخص مواضيع المنتدى يا ابو لما.......... مواضيع كثييييييره تنزل وتستغرب ليش .......مثلا تصويت افضل لاعب على سبيل المثال الإداره منزله تصويت أفضل لاعب في مباراة معينه وتلقى تحت عضو منزل موضوع تصويت افضل لاعب!!! مواعيد المباريات والوقت والقنوات الناقله تلقى اكثر من موضوع نازل مع ان المفروض ينزل من الإداره..... تلقى مواضيع المقارنه بين لاعبين الهلال هذي جدا سلبيه ومرتع خصب للتهجم على لاعبين نفس النادي وخلق المشكله ... مواضيع وش رايكم الي ما تتعدى سطرين وشرايكم ولا عاد تشوف الكاتب....... ومسئلة ما تشوف الكاتب هذي متبعه من كبار الكتاب يكتبون ولا عاد يرجعون يناقشون الأعضاء في ما طرحوه ما ادري هذا برستيج ولا موضه جديده مواضيع كثيره جدا انا متأكد إنك يا ابو لما لو دققت بتلقى (المترديه والنطيحه وما أكل السبع) ومواضيع مالها داعي وهذا واخص موضوع امس طرح بخصوص النقل التلفزيوني لمباراة القادسيه واحد من الأعضاء كتب ومن مصدر قوي له ان القناة الرياضيه لن تنقل المباراة وجت الإداره وقفلته ومع كذا كان كلامه صحيح ولا نقلوها.... وبسبب تقفيلة الموضوع سنترنا قدام التلفزيون ولا جت والوم المشرفين عليها ليش يقفلونه...... عموما كثير من قليل ولكن بإختصار في ما يخص المشرفين يا ابو لما بماانك اخذت راية الدفاع اقول بدل الدفاع عن المشرفين قولوا بنجتمع ونشوف حال المنتدى ..



وبالنسبه للواسطه بالنادي يا اخي كل ما اقيل شخص وسوو معه لقاء قال مااقدر اتكلم امور خاصه يعني الشفافيه لك عليها في النادي والأجوبه الي زي كذا تدل على حضور الواسطه ومع اني اعتقد ان التزام النادي ماليا لموظفيه ولاعبيه والمكافئات الي يحصلون عليها هي سبب السكوت على الأخطاء لكي لا يخسر هذه الميزه التي تتميز بها ادارة نادي الهلال ولا اتمنى بعد زوال البطولات لا سمح الله يطلع كل شوي واحد ويقول كان فيه وكان فيه والمفروض كان كذا اتمنى تنتقل الشفافيه من اللاعبين للإداريين للإداره ثم للجمهور ......او ان لا يطلق على المنتدى مصدر رسمي للنادي....... بإختصار المنتدى لا اراه يتجه للرسميه بل يتجه للفوضويه



بخصوص الفريق يا عمي يورو......... الوقت صعب امور كثيره وتراكمات كثيره الأن اجتمعت على النادي ومنهااشياء كان بالإمكان تفاديها من قبل ولكن فقدان التخطيط المستقبلي كان مفقود ومنها ارضية الملعب امور كثيره اهملت في البدايه والأن تخرج للفريق كالمارد وكملها المنتخب واعتقد اي واحد الآن ينتقد الفريق بقوله صح لن الفريق فعلا مشاكله كثيره المدرب اللياقه مستويات اللاعبين منتخبات تغير اداريين ضغط مباريات قرارات الإتحاد السعودي وش فيه مشكله الهلال ما ناله منها نصيب .. فأقول بالنهايه ما تكبر الا تصغر بإذن الله وما بعد عسر الا يسر.... اتمنى إن الله ييسر مهمة الهلال وترجع للهلال روحه ومعنوياته والتكاتف داخل النادي مطلوب وصدقني الوقت الان لا يسعف بإن الفريق يغير لاعب ويغربل الفريق ويجدده توه مغير مدرب ولا الوقت المناسب لتوجيه الإتهام لأحد ..... افضل شي وهذا رأيي اننا ندعم الإداره واللاعبين ونخليهم يركزون وننقل ارائنا بس تكون ارارء تتناسب مع الوقت المتبقي للموسم ....... مع ان الوقت المتبقي للموسم ما يحله الا ربك

واعتذر على الإطاله ... واشكرك يورو موضوعك جميل واسلوبك مافيه شي ابد ...... ودمتم

اخوي هيف عزالله ان مرورك اضاف لموضوعي الشيئ الكثير طال عمرك والموضوع للجميع وليس لي فقط وانما هو موضوع عام يناقش عدة نقاط وانتم من ساعدني على وصوله لمشرفينا وادارة المنتدى .. شكرا لك
  #57  
قديم 28/03/2007, 12:24 AM
زعيــم نشيــط
تاريخ التسجيل: 11/07/2004
المكان: اينما كان الهلال
مشاركات: 564
إقتباس
الرسالة الأصلية كتبت بواسطة سمو الهلال الملكي
مرحبا اخوي يورو
اول شي انا كنت ابي ارد على موضوعك من اول مانزلته بس ماكان عندي وقت والحمدالله حصلته اليوم
كلامك سليم وماعليه اي شي
نبدا بالمفرج انا صراحة مدري وش الحل معاه اللاعب مافيه اي شي اقدر اقول عليه انه لاعب الا طقم الهلال الي لابسه ( يعني مافيه شي اذكره في بالخير غير انه هلالي صميم )
وللاسف لو كل هلال صميم لعب دجينا
بخصوص اللعيبه الشباب من بعد ماشفنا الشلهوب ماطلعلنا لاعب من درجة الشباب
وحنا اول الي كان كل سنه لا يقل عن ثلاثة لعيبه يطلعون
والسبب هذا هو الي يخلي كثير من اللعيبه ينزل مستواهم لانهم ضامنين مركزهم وماعاد فيه تنافس على الخانه
تذكر بداية سامي اول مادخل الفريق الاول كان طالع ومعاه صفوق والتيماوي ومحمد التمياط وكذا لاعب الظاهر
وكان فيه في الهجوم كذا لاعب ( مشاري العويران - يوسف جازع - سعود الحماد - القرمله ) لعيبه كثار وكان في تنافس واثبت نفسه وصار هو الاول وحتى لما صار الاول طلعله كم لاعب من الشباب ( الحيائي - الجمعان - ومدري ان كان في غيرهم وناسيهم )
وكان كل سنه احسن من غيرها لانه كان عامل حساب ان فيه جيل جديد طالع ممكن ياخذ مكانه لو انه تخاذل في الملعب ومالعب كويس والشي هذا خلاه الان اسطورة الكورة السعوديه
لكن الحين مافي تنافس مافي لعيبه خايفه على مركزها لان مافي فرصه للشباب الي طالع
ولو تلاحظ شي برضوا انو ماعاد في لعيبه تلعب بروح الهلال تلعب عشان شي اسمه هلال الى من رحم ربي
اتمنى ان الادارة تشوفلها حل في الوضع هذا لاننا مانبي لعيبه من برا النادي نبي من ابناء النادي نبي لعيبه ربوا على حب الهلال وبس
وشكرا على موضوعك

عمي... بالنسبة للروح فهذا زمن احتراف يعني ( دراهم ) تدفع تاخذ الي تبي يالعني الروح قل عليها السلام الا ما ندر عند بعض اللاعبين واولهم المفرج فلا يمكن ان نظلمه في هذه النقطه فهو من اشد اللاعبين حرصا على ناديه وعلى الطقم اللي يلبسه لكن للاسف المفرج
فقط هذا الموجود عنده فقط بالملعب.

اما من ناحيه اللاعبين ودرجات الفريق السنيه فهذا الموضوع لنا اكثر من ثلاثه مواسم
واحنا نتكلم عنه ولكن الى الان لاحياة لمن تنادي ..

شرفني مرورك طال عمرك..
  #58  
قديم 28/03/2007, 12:41 AM
زعيــم نشيــط
تاريخ التسجيل: 11/07/2004
المكان: اينما كان الهلال
مشاركات: 564
إقتباس
الرسالة الأصلية كتبت بواسطة على خفيف
الله يعطيك العافيه يا اغلى يورو والله انك صادق في كل الكلام الي قلته وواضح حبك للهلال ولازم على الاداره تشوف هذه المواضيع واضيف على كلامك بعض المشرفين ما يحبون الهلال اذا كانوا يحذفون مواضيع النقد الهادف والي اكيد انه بيخدم النادي والمفروض كل مواضيع المدح تلغى وخصوصاً على اللاعبين الصغار مثل سلطان السعود وغيره لانها هذه المواضيع الي ما تخدم والله يوفقك واقترح فتح منتدى للنقد واجبار الاعبين والاداره بقراءته وخصوصاً بعد المباريات واقصد نقد هادف ومهوب تجريح في اللاعبين والله يوفقك

وبعدين وش سالفة المشرفين الصغار هذه معقوله واحد عمره اقل من 25 على الاقل يكون مشرف

اخوي على خفيف الغالي ..
ملاحظتك بخصوص المدح الغريب والمقارانات من قبل بعض الاعضاء لللاعبين الصغار
فهذا والله ما سوف يدمر لاعبينا صغارهم قبل الكبار ..

فوالله استغرب من وجود مواضيع تمدح سلطان السعود وهو جديد جدا على التقييم وايضا من يطرح المقارنات فهو يظلم نفسه قبل ان يظلم اللاعبين واتذكر احد الاعضاء ذكر مقارنه بين مالك معاذ والعنبر وان العنبر افضل و و و فهل هذه المقارنه من مصلحة العنبر؟! لااعتقد ..
عموما شرفني مرورك اخوي
  #59  
قديم 28/03/2007, 02:35 AM
زعيــم مميــز
تاريخ التسجيل: 25/02/2002
مشاركات: 1,576
الملاحظة الهامه جدا على المشرفين والتي لم أجد لها تفسير

هي عدم تفاعل المشرفين مع المواضيع المميزة من بعض الأعضاء - الذين يحتاجون الدعم للمواصلة - الا نادرا

أما مواضيع فئة الــ VIP فتجد ردودهم بكثره

مما يثبت وجود محابات في التفاعل مع المواضيع وتثبيتها
  #60  
قديم 28/03/2007, 03:46 AM
الصورة الرمزية الخاصة بـ الجنـــ الأزرق ــــي
زعيــم فعــال
تاريخ التسجيل: 26/11/2006
مشاركات: 210
المفرج انا معك ....
بس الخثران وش دعوه ....
   

إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:08 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube