السلام عليكم ورحمة الله وبركاته

الله يمسيكم بالخير والمسرات

اما بعد ...

صراحه أنا ما شدني لكتابة هالموضوع الا حبي للهلال وحبي للزعامه ..

وبصراحه لفت انتباهي اشياء كثيره في الهلال أغلبها اشياء تشكر الاداره عليها ..

ودايم الناس ما يكتبون الا عن الاغلاط او بمعنى اصح الاغلاط الصغيره... وهذا الي ابسويه

أول شي قبل اتكلم ابي اشكر الاداره على جهودها وقبل الاداره اللاعبين على اخلاصهم للفانيله الزرقاء

واحب اقول انهم سوو الكثير من الاشياء الزينه للهلال ..



ندخل بالموضوع

انا بصراحه لي بعض الملاحظات والاقتراحات ويمكن تكون صح ويمكن خطأ

أولاً: الهلال ينافس على أكثر من بطوله وهذا شي طيب وممتاز ونفتخر فيه كهلاليين .. لكن

ملاحظتي على الاداره انها تركز على مجموعه من اللاعبين الي تشكل الهلال في كل بطوله ..

يعني انا من رايي ان الهلال في بطولة الامير فيصل او حتى ولي العهد المفروض انه ما يشرك جميع الأساسيين ..

يعني الهلال يملك فريق أولمبي قوي ويملك دكة احتياط قويه .. وين الغنام مانشوفه ؟ وين البرقان وين لاعبين الاولمبي

ليش بكل بطوله التشكيله ثابته وما تتغير هذا يسبب تعب للاعبين واحباط للإحتياطيين وبكلا الحالتين الخسران الهلال ..

وانا ادري ان الهلال الآن يلعب بالتشكيله الافضل بس المفروض ماهو بكل مباراة يلعبها خاصه في المباريات السهله بالدوري ...

ثانياً: الهلال يملك تشكيله قويه واحتياط قوي لكن كما ذكر بعض الاعضاء في الموقع .. من هو بديل الخثران ؟؟؟

هل ننتظر حتى يصاب الخثران او يعتزل عشان نشوف بديله وتصبح الامور وقتها صعبه ؟ وحتى الخثران في اخر مبارياته واضح عليه التدني بالمستوى قد يكون من ارهاق وقد يكون من كبر السن ...

ثالثاً: بصراحه كلام كثير دار حول هالنقطه بس حبيت أذكرها وانا مقتنع فيها والكثير من الهلاليين مقتنعين فيها ..

وقد تكون وجهة نظر خاطئه المهم .. المرشدي مسأله استغربها جميع الهلاليين او نقول أغلبهم ...

الى متى المرشدي احتياط وهو أفضل من المفرج ؟؟؟ المفرج لاعب كبير وصلب ولكن دائما الواحد يطمح للأفضل ..

وانا بوجهت نظري ان المرشدي أفضل وأصغر وراح يعطي أكثر والمفرج كفا ووفى .. ولا راح أتكلم أكثر من كذا .

رابعاً: بصراحه انا استغرب من شراء الغنام بهذا المبلغ وجلوسه في دكة البدلاء. بصراحه الغامدي لاعب جيد ولكن بعض تصرفاته تخليك تستغرب كيف هذا لاعب مع منتخب .. وجاني هالسؤال من نيله لبطاقه والفاول له في مباراة الأهلي !!!
وبوجهة نظري لازم يدخل الغنام في التشكيله الأساسيه للهلال واتمنى ان الهلال ما يكون مثل بعض الفرق الاخرى التي تدمر النجوم..




أخيراً .. مامن صواب فمن الله وحده ومامن خطأ فمن نفسي والشيطان ..

أتمنى ان يكون الموضوع للنقاش فقط وفي حدود الأدب والاحترام وهذا الي عرفناه من جماهير الهلال ..

والي عنده اقتراح او ملاحظه على كلامي يقولها ...

مشكور اخوي
انا من وجهة نظري ان الهلال في هذه التشكيله افضل
لأنها متجانسه ومتفاهمه مع بعضها البعض
الشي الثاني تدني مستوى الهلال انا اتوقع بسب اوضاع النادي الغير مستقره
من جهة المسؤلين عن النادي او حتى الاعبين انفسهم
جميعنا ملاحظ عدم التفاهم بين ياسر و الفن المحترف الجديد
والمشكله ان الهلال الآن بوجود هذا المدرب وفي هذا الوقت تصعبة عليه الأمور
3 بطولات باقيه للزعيم و مدرب لايعرف وضع تشكيله مناسبه هي من أزمة الوضع في النادي من وجهة نظري
وارى الآن اناس تطالب بـ باكيتا
فمن الصعب ان يخطىء المرء مرتين
اعني بذالك الأتيان بمدرب آخر في هذا الوقت الضيق
حتى لو كان باكيتا
اتركوا النادي على وضعه أفضل
ولوكان هناك تغير يستحق عمله
فسوف يكون تغير الفن او بمعنى اصح ابعاده عن التشكيله
ووضع ردريغو السابق في محله
ولكم كل الشكر على تقبل رأيي

أقتراحي هو أقلاق مخرج17

إقتباس مشكور اخوي انا من وجهة نظري ان الهلال في هذه التشكيله افضل لأنها متجانسه ومتفاهمه مع بعضها البعض الشي الثاني تدني مستوى الهلال انا اتوقع بسب اوضاع النادي الغير مستقره من جهة المسؤلين عن النادي او حتى الاعبين انفسهم جميعنا ملاحظ عدم التفاهم بين ياسر و الفن المحترف الجديد والمشكله ان الهلال الآن بوجود هذا المدرب وفي هذا الوقت تصعبة عليه الأمور 3 بطولات باقيه للزعيم و مدرب لايعرف وضع تشكيله مناسبه هي من أزمة الوضع في النادي من وجهة نظري وارى الآن اناس تطالب بـ باكيتا فمن الصعب ان يخطىء المرء مرتين اعني بذالك الأتيان بمدرب آخر في هذا الوقت الضيق حتى لو كان باكيتا اتركوا النادي على وضعه أفضل ولوكان هناك تغير يستحق عمله فسوف يكون تغير الفن او بمعنى اصح ابعاده عن التشكيله ووضع ردريغو السابق في محله ولكم كل الشكر على تقبل رأيي

الله يعطيك العافيه