19/03/2007, 08:40 PM
|
زعيــم مميــز | | تاريخ التسجيل: 28/02/2006 المكان: !! Old Trafford !!
مشاركات: 9,556
| |
عذرا يابو سلطان ... انت من دمر الهلال ...!! بسم الله الرحمن الرحيم ... السلام عليكم ورحمة الله وبركاته .. رجا خاص : الرجاء قراه الموضوع كاملا ثم الرد عليه .. ولا حد يطمر لي ويرد وهو ما قرا الا العنوان ..!! _______________________________________ اول شي هاردلكم الخسارة امام الفريق الاهلاوي .. وباذن الله نعوضها بالرياض .. ثاني شي وهو موضوعنا ... نعم يابو سلطان انت ونحن من دمر لاعبي الهلال .. اصبحوا ما يلعبون لاجل شعار النادي بل اصبحوا يلعبون لاجل المال .. اي مباراة بدون مكافات اللاعبين بدون نفس يلعبون .. وما ادري سريزو يشوف الخطأ امامه وما يعدله .. يشوف مخرج 17 ينكب الفريق ومع ذلك يصر ع بقاء المرشدي في الاحتياط ... نحن من سيدمر ويقتل ماجد المرشدي بقتل موهبتة في الاحتياط ..!! انسوا الفوز ما دام المفرج اساسي في الفريق ..!! شوفوا لعبنا امام الكويت الكويتي .. عشان ما فيه مكافات محد له نفس يلعب ... صاروا اللاعبين تبيهم يبدعون ارصد اقل شي 20 الف لكل لاعب في حال الفوز والتاهل .. وهذا شي راح يرهق الخزينة الهلالية كثيرا .. الحيين صارت ماركة هلالية ان اللاعبين يغيبون عن التدريبات .. اولها عزيز .. يغيب ثم يذهب للمشاركة مع المنتخب .. ويعود للنادي ويجد مفتاح جيب لكزس 2007 له كــ هدية خاصة .. والعنبر يكرر نفس السيناريو ويغيب عن التدريبات الهلالية الماضية .. وسوف يعود للنادي وينتظر الهدية الخاصة .. ياسر = صراحة يا ياسر حيرتنا .. وما ندري وش سبب نزول مستواك بشكل حاد .. قلنا يمكن ارهاق وريحناك مباراة .. لكن تجي وتكرر نفس السيناريو وتضيع كذا هجمة ..!!؟؟ (( بس اكثر من عضو قالوا ان سبب نزول مستواك هو انك تفكر بالزواج .. وانا اقول انه موب عذر .. هذا نواف كان مستواه رائع تزوج ورجع لنا ومستواه هابط جدا .. )) ما ادري احس ان احد حالف عليك ما تجيب الا اهداف اسطورية .. ما يهم ان شاء الله اخيس هدف بالعالم بس اهم شي تحسم لنا المباراة ..!! ردريقاو = والله قدمت لنا في اول ظهور لك مستويات حلوة .. لكن في مباراة الاهلي قلبت حول .. ما ادري ليه ..!! الخثران = عشر طعش مليون علامة استفهام ..!!؟؟؟ المفرج = ما ادري وش اقول لك .. ثاني مرة تضيع امالنا في اوقات الحسم ..!!!؟؟؟ الاولى امام الشباب في النهائي .. وبكل بجاحة تكسر لاعب الشباب في منطقة الــ 18 ...!! والثانية امس امام الاهلي .. احمد ربك ان تفاريس معك في الدفاع .. ترا هو الي مخليك الى الحين في الهلال ..!! والله يابو سلطان انك اغلى بطولة لدي .. لكن هذا شي صار يلاحظ ع اللاعبين انهم يلعبون لاجل المال فقط .. وهو اسمه لاعب محترف يعني لازم يقدم كل الي عنده في كل المباريات ومو لازم مكافات تحفيزية لانها هي الي دمرت اللاعبين .. وباقي لنا مباراة في الرياض مع الاهلي .. وباذن الله نرد الثار .. هـــــمـــــســـــة فـــــي اذن يـــــاســـــر الـــــقـــــحـــــطـــــانـــــي .. : : : ارجوك يا ياسر ابتعد عن الانانية الزائدة وابتعد عن البحث عن الشهرة .. واعتبر بــ لاعب النادي الجار بعد ان كان لاعب مبدع صراحة العام الماضي .. بعد ان كان يلقب براؤؤل العرب اصبح الان يلقب بــ راؤؤل النسيم .. اخذه الكبر والانانية بانه وعد جماهير ناديه بتحقيق بطولة هذا الموسم وان لم يحقق النصر اي بطولة فـ سوف يعتزل اللعب نهائيا .. وهاهو النصر يخرج هذا الموسم خالي الوفاض وبل يقاتل من اجل الابتعاد عن شبح الهبوط ..!! وهاهو الكبر والانانية يلقي بــ راؤؤل النسيم بان يبحث عن نادي حواري يلعب له ...!! فـ ارجوك يا ياسر نحن نحبك لكن لا ترمي بحبنا لك بعرض الحائط ..!! _________________________________________________________ وتقبلوا تحياتي وتقديري اخوكم \ yazeed |