كل واحد يدخل ويجاوب على السؤال بعقله لا بكيفه .. والجواب هو سبب تدني المستوى - نادي الهلال السعودي - شبكة الزعيم

بحرالعيون · #1 19/03/2007, 09:06 PM

((مقدمة))

يازعماء ابغى الكل يفكر شوي لاتأخذكم العاطفه لاترد علي قبل ماتسترجع المباريات وتدني المستوى بعض الفرق تلعب بطريقه عقيمه وصعبه تفوز فيها مثل ماهو صاير الان

.بالله ارجع لشريط مباراة الاهلي والهلال وش الهلال مستحوذ على اللعب طول المباراة لكن وش السبب مانفوز .. ليش طول المباريات اللي فاتت نفوز بهدف بصعوبه وقارن ذلك بنتائج الاتحاد لانه عارف وش يبغى من المباراة وكيف يسجل ..

لكن الزعيم بصراحه لو فيه واحد يلاحظ الاعب طارق التايب مستحوذ على الكرة طوال الوقت لكن ماتلاحضون انه افقد الهلال تجانسة ...
6 مباريات ولا تسديدة واحده على المرمى ...النصر العقيم مع احترامي كاد يفوز علينا بالتسديد من لاعبين (نصف لاعبين) ..
لكن طارق التايب خلاص كفاية استعراض حتى المرمى قدامه يسدد من دون مايشاهد الهدف .. بصراحه الكورة ماتبغى تعالي والحارس مو غبي للدرجه هذي انت اللي غبي الهدف قدامك وتسدد الكورة اووووت .......... تكفون تراني اتكلم من قهر لان الزعيم حتى الان مو ملاحظ العيب الكبير هذا
كوماتشو كان يسدد ويمرر وقليل يراوغ وكنا متزعمين على البطولات والمستويات .. اما الان تشوف الهلال تبكي عليه 90 دقيقه ماتدري وش يبغى ؟؟

س ) متى شفت طارق التايب يسدد على المرمى حتى وهو داخل منطقة الجزاء و تكون التسديدة ماهي بعيدة جدااا عن المرمى؟

الجواب: باختصار طارق التايب لو يعطية الدعيع الكورة ويسحب بالفريق كلة وياصل الهدف والله ثم والله يسدد تسديدة ((عيون))!! ويروح تعب الفريق وتجانسه..

س) كلنا نتفق على ان رودريقو السابق لاعب عادي جدآآ لكن بصراحه ماتشوفون اننا استفدنا منه أكثر من التايب اللي استعراضي فقط؟؟
الجواب: أكيد وارجعوا فرضا لمباراة الطائي والهلال عرضياته للخراشي أثمرت عن الفوز ..

س) ماتلاحظون ان بوسيرو المدرب السابق اللي كان بتكتيكه الهلال مستواه خرافي كان غير مقتنع بالتايب ويفضل رودريقو ؟؟

الجواب : شئ أكيد مدرب اوربي مو زي الجمهور اللي مو عارف مصلحه الفريق اذا شاف رودريقو عمل كعب قال هذا افضل لاعب بالمباراة !! والان تتشوفون الردود كلها تقولك التايب احسن لاعب !! غير هدف النصر اللي واجهه المرمى وعرضيته لرودريقو امام الكويت هل هذا كافي للاعب صانع لعب ومعطيه الهلال كل المراكز لو كان التايب يفيد الفريق ماستغنى عنه المدرب ..

س) ماهو الفرق بين دنيلسون والتايب ؟؟

الجواب: بصراحه كلهم حصلوا جمهور غير واعي ومدرك بمصلحه فريقه واضاعوا فرقهم بعدم التجانس والتكتيك الجماعي

هلالية من زمن آخر · #2 19/03/2007, 09:08 PM

وانا أبسألك :

الحين التايب هو مشكله الهلال الوحيدة ؟

وينك عن ياسر و الخثران والشلهوب وووو ,,,؟؟!!!

الوافي001 · #3 19/03/2007, 09:13 PM

الهلال كله تعبان الا الدعيع ولا الباقين كلهم الله يهديهم بس ..

الوافي001

Glory Madrid · #4 19/03/2007, 09:15 PM

لولا الله ثم التايب والشلهوب >> كان الحين الوسط مطاريس ..

بحرالعيون · #5 19/03/2007, 09:21 PM

لحظة لاتخلط الأمور وتضيع المشكله

بالنسبه لياسر كم كورة صنعت له وانا اتفق معك انه بعيد جداا عن مستواه لكن عندنا في الاحتياط بديل له

الخثران يعرف يستلم ويسلم لكن من حضوره للهلال لا أذكر عرضيه من الاطراف صح له كل عرضياته ضعيفه جدا وغير قويه وهذي مشكلة الاظهرة بالهلال ازليه ..

لكن العنقري عرضياته حلوة وبدايته تبشر بالخير

واستغرب من يطالب بياسر الياس جمهورنا عاطفي جداا

نريد ظهير يعكس الكورة على المهاجمين كانها تسديدة تكون صعبه على المدافعين

الشلهوب واجهه حمله كبيرة ضده وبالعكس في مباراة الاهلي كل الكور الخطرة كانت من الشلهوب

لكن التايب مستحوذ على الوسط ومسوي خلل كبير فيه بحيث ضاعت مسؤليات وأدوار ا لاعبين الوسط كنا قبل نشوف خالد عزيز يسدد ويجيب اهداف الغامدي الان صار مالهم دور بوجود استعراض التايب

بحرالعيون · #6 19/03/2007, 09:24 PM

الوافي حرام عليك

بالعكس خالد عزيز والله انه كنز وفي كل مباراة افضل من قبل والعنقري

اما الدعيع بالعكس في مباراة الاهلي كان واضح عليه الارتباك كم كورة اخطا فيها ..

فيصل النعمي · #7 19/03/2007, 09:26 PM

التايب لاعب مكسب للهلال والتايب يعطي اكثر اذا اصبح لاعب حر وصدقني بدون مجاملة اغلب المبارايات التايب يكون مبدع فيها بغض النظر عن التسحيب لكن شوف كم كورة يصنعها لكن بصراحه ما عندك هجوم

لذلك يكفي محاربة الاعب

بحرالعيون · #8 19/03/2007, 09:43 PM

والله ان التايب استعراضي وهو مسبب تدهور الوسط الهلالي

وسبب تدني مستوى ياسر

أرجع للمباريات اللي قبل ماكان فيها التايب وش الوسط كيف منسجم وادواره واضحه

والفريق يلعب بشكل جماعي ..

كلنا هلاليين · #9 19/03/2007, 09:43 PM

اختصار تدني المستوى

1-الارهاق لياسر القحطاني بعد الخليجيه
2-احساس بنجوميه لبعض الاعبين
3-عدم اعطاء فرصة لبعض الاعبين الاظهره الايمن والايسر
4-لولا محمد الدعيع كان مهزومين في آخر ثلاث مبريات
5-ما ودكم تريحون ياسر والتائب و تفاريس
6-الخطه 442 ما احس انها تصلح مع الهلال

وفي النهايه اتمناء ان الزعيم يرجع مستوه بسرعه...........

بحرالعيون · #10 19/03/2007, 09:51 PM

الاطراف عندنا معطله جدا

لأن الأظهرة ماعندهم قوة التسديد والعرضيات الجانبية القوية

لكن العنقري افضل من غيره

لكن فيه سعد الذياب لكن الهلال حطمه بداية الموسم كان رائع وشفت كم هدف من عرضية له قوية وذكية

هلالي في مانع · #11 19/03/2007, 09:55 PM

لولا الله ثم التايب والشلهوب >> كان الحين الوسط مطاريس ..

البارق77 · #12 19/03/2007, 09:59 PM

الحين التايب صار مثل دينلسون

الله يهديك بس

مب المشكلة في التايب ولا الفن المشكلة في الفريق كله الروح غايبة

مبدع الجنوب · #13 19/03/2007, 10:01 PM

يا رجال والله الفريق ضايع

الحين مالك احس من ياسر..؟؟؟؟؟؟؟؟؟؟؟؟

والله بديت احس مالك احسن من ياسر ما ادري وش سالفه ياسر ما صار يعرف يلعب!!!

بحرالعيون · #14 19/03/2007, 10:09 PM

بالله عليكم شفتوا الكورة اللي أمس طارق التايب عدا من المدافعين وواجهه المرمى وجهآ لوجه

لو تقول له طلعه برا صعبه عليه لكن الاستعراض الغبي والبايخ سدد وهو يطالع السماء

طبعا تسديد (( عيون )) وطلع الكورة برا ليته مررها على الاقل لياسر

فيصل النعمي · #15 19/03/2007, 10:26 PM

على كلن تدني المستوى بسسب انخفاض المخزون اللياقي للفريق عشان كذا تم استقطاب المدرب الحوسني