|
تعالوا أقولكم ليش الأهلي فاز ؟؟ السلام عليكم ورحمة الله وبركاته أخواني الزعماء هارد لكم وأن شاء الله نعوض الهزيمة أمام الأهلي إلي أنتصار بالرياض أخواني الزعماء بعد المباراة دخلت المنتدى لقيت كل واحد يحط الهزيمه على واحد إلي يقول المدرب ولي يقول المفرج وواحد ثاني يقول ياسرونواف ......إلي الأخير.. بالعربي ماخلوا أحد في حاله كأن الهزيمه أخر المطاف ونسوا أو تناسوا أن باقي مباراة أخرى في الرياض وهي الفيصل والله يسهل ..... جلست بعد المبارة أناظر فريق الأهلي وفريق الهلال والله في فرق كبير يمكن البعض يشوف الفرق بسيط لا والله الفرق كبير جدا جدا والنقص ليس في الأهلي لاوالله النقص في الهلال ...والميزة التي يمتاز بها الأهلي عن الهلال هي ::((الأعب الأفضل هو إلي يلعب)) ليس الأشهر ولا الأكبر قالوا الأفضل وبعطيكم على سبيل المثال ::طلال المشعل .ماكان أفضل لاعب في الأهلي وهو المحبوب للجماهير الأهلاوية أستغنوا عليه بأقل الأسعار قالوا له أرفع مستواك وإلاأضرب الباب جلس يدلع وباعوه لنصر بسعر بسيط وقيص على ذلك لاعبين كثيرين في الأهلي حتى أصبح في المركز الواحد يلعب فيه أكثر من واحد يتنافسون عليه فالدفاع خمسه قلوب دفاع وواحد محترف خارجيا المحاور أربع محاور وقيس على الخطوط الباقيه في كل خط ينافس عليه أكثر من واحد فلاتسغربون أرتفاع مستوى الأهلي للأن القاعدة عندهم قويه ويبغون لاعبين يلعبون مو يدلعون وأما هلالنا فلايطبق هذي القاعدة المهمه بكذى تلقى المستوى في أنحدار لأن لايوجد منافس ينافس الأعبين على مواقعهم فأرجوا من الأدارة الهلالية أن تضع هذي العبارة بين أعين الأعبين ((الأفضل هو إلي يلعب )) ... هذا كل ماحبيت أن أذكره لكل الزعماء وأنا أكتب هذي الكلامات من قلب ينحرق ولاعبين باردين ما يحسون بحرت قلوبنا أن شاء الله بعد تطبيق هذي القاعدة تجد كل الأعبين أو الفريق بشكل كامل مستواه في تصاعد .. والسلام عليكم ورحمة الله وبركاته .. |
تكرم عينك والله وألف ثانكس فور يو على الكلام الروووووووووووعه لكن ماعليك وخليك متفااااااااائل دائما وماعليك من شي ثاني وإن شاء الله يبيضو الوجه في الرياض تحيتي |
أخي العزيز مجال تفكيرك واسع ورائع في وضع المعطيات ونظرة للمدى البعيد اذكركم الأهلي لعب امام القادسية الاسبوع الماضي بفريق مختلف بإستثناء المسليم والهزازي (يعني غير اللي كانو امام الزمالك) هذا غير خمسة في منتخب المملكة الاولمبي لم يشاركو في امام الزمالك ولا القادسية واذكر (حسين لما حب يعصي المدرب ... قاله المدرب أووووت ... ولما رجع بعد مفاوضات وعد والتزم بتكتيك المدرب) في النادي الاهلي بوابه مكتوب عليها أووووت للي مافيه حيل واذكر (تصريف صفوان المولد ... وليد الجيزان ... نايف القاضي ... صالح المحمدي ... علي ضاوي ... وغيرهم ومن قبلهم (القهوجي .. تيسير ال نتيف .. السويد .. وغيرهم كثير والمدرب جالس كمان سنتين النظام في الاهلي صار ... البقاء للأفضل والباقي أووووت وماودي اتكلم عن الأكاديمية (9) في المنتخب ماشاء الله لاقوة إلا بالله والآن فريق أول ضمان عشرة سنوات بإحتياط خطين ... ومعظم اللاعبين يلعبون في أكثر من خانة بالتوفيق للأهلي وللرياضة السعودية وتحياتي للجميع |
شووف ياخووي بالنسبه للتشكيله الهلال جيده تقدر تقوول افضل الاسماء الموجوده اساسيه عدا المفرج حتى الاحتياط مو كفو له.., وسلامتك |
كلام من رجل فاهم وليس مع الخيل يا شقراء |
مشكورين على الردود وأتمنى أن يصل صوتنا للأدارة الهلالية |
لكل مباراة ظروفها يا ناير الهلال وان شاء الله الفوز هلالي في الاياب في الرياض :) |
مشكور وعين العقل في هذا الكلام... . |
قارنو بين الأهلي حالياً من خلال ماذكرة الأخ كاتب الموضوع وبين الهلال قبل موسمين مافية فرق وأخذنا كل البطولات وشوفوا الهلال الحين كيف الأولمبي لو أنعطى فرصة كان شفتوا اللاعبين يقاتلوا على مراكزهم بس يالله غلطة ومصيرنا نعرف خطأنا |
لكل مباراة ظروفها يا ناير الهلال وان شاء الله الفوز هلالي في الاياب في الرياض :) |
إقتباس:
ومشكور أخوي على الرد |
| الوقت المعتمد في المنتدى بتوقيت جرينتش +3.
الوقت الان » 08:10 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd