السلام عليكم ورحمة الله وبركاتة ..

صباحكم ومساءكم عسل وورد وياسمين..

انا صراحة ما اقول اني مدرب او محلل او عندي شهادة تدريب او شيء من هذا القبيل لا يا اخوان .. انا لي رأيي واللي يقبله على عيني وعلى رأسي .. واللي ما يقبله برضوا على عيني وعلى رأسي والاختلاف فالرأي لا يفسد للود قضية ..

وانا ما كتبت هالكلام الا لانني اتمنى عودة باكيتا للهلال .. وطريقته جلبت لنا 6 بطولات .. ولو استمر ما اخذه المنتخب كان حققنا شيء في دوري ابطال اسيا .. ولكن الحمدالله على كل حال

نظرة عامة

صحنا من اول ان افضل خطة للهلال هي 4/5/1 ولكن تكون بوجود محورين ارتكاز الاول يكون دفاعي وهذي المهمه كانت لخالد عزيز ايام باكيتا والثاني يكون متحرك ويساند المنتصف والدفاع وهذا كان يطبقه اللاعب عمر الغامدي بكل اقتدار ايام طيب الذكر باكيتا .. واذا اراد باكيتا الحفاظ على النتيجة (اذا كان الهلال متقدم ومستحوذ على اللعب) انزل محور ثالث (البرقان او الهليل) وكانت دائماً هذه هي الخطة الناجحة مع باكيتا .. ولكن ايام سيء الذكر بوسيرو كان يبدأ المباراة بمحورين ارتكاز واذا كان الهلال متعادل يقوم بأنزال محور ثالث وكأنه يريد المحافظة على التعادل ..!!! .. بعكس باكيتا اللي كان يدعم الهجوم بنزول (احمد الصويلح او محمد العنبر ) على حساب احد لاعبين الوسط (التمياط او الشلهوب على حسب عطائهم فالمباراة) وهذي اللي كانت تميز باكيتا (قراءته الجيدة للفريق الخصم) ..


وللمعلومية : كتبت موضوع اطالب به في باكيتا قبل قرار اقالته من المنتخب ( عندما بدات بوادر اقالته تتضح لدى الجمهور من خلال الصحافة) اي قبل مباراة الاهلي الاخير في مربع كأس سمو سيدي ولي العهد ولكنه حذف من المشرفين ولا اعلم ما هي الاسباب .. فقط للتوضيح



عموماً اتمنى عودة باكيتا