|
عذرا يابو سلطان ... انت من دمر الهلال ...!! بسم الله الرحمن الرحيم ... السلام عليكم ورحمة الله وبركاته .. رجا خاص : الرجاء قراه الموضوع كاملا ثم الرد عليه .. ولا حد يطمر لي ويرد وهو ما قرا الا العنوان ..!! _______________________________________ اول شي هاردلكم الخسارة امام الفريق الاهلاوي .. وباذن الله نعوضها بالرياض .. ثاني شي وهو موضوعنا ... نعم يابو سلطان انت ونحن من دمر لاعبي الهلال .. اصبحوا ما يلعبون لاجل شعار النادي بل اصبحوا يلعبون لاجل المال .. اي مباراة بدون مكافات اللاعبين بدون نفس يلعبون .. وما ادري سريزو يشوف الخطأ امامه وما يعدله .. يشوف مخرج 17 ينكب الفريق ومع ذلك يصر ع بقاء المرشدي في الاحتياط ... نحن من سيدمر ويقتل ماجد المرشدي بقتل موهبتة في الاحتياط ..!! انسوا الفوز ما دام المفرج اساسي في الفريق ..!! شوفوا لعبنا امام الكويت الكويتي .. عشان ما فيه مكافات محد له نفس يلعب ... صاروا اللاعبين تبيهم يبدعون ارصد اقل شي 20 الف لكل لاعب في حال الفوز والتاهل .. وهذا شي راح يرهق الخزينة الهلالية كثيرا .. الحيين صارت ماركة هلالية ان اللاعبين يغيبون عن التدريبات .. اولها عزيز .. يغيب ثم يذهب للمشاركة مع المنتخب .. ويعود للنادي ويجد مفتاح جيب لكزس 2007 له كــ هدية خاصة .. والعنبر يكرر نفس السيناريو ويغيب عن التدريبات الهلالية الماضية .. وسوف يعود للنادي وينتظر الهدية الخاصة .. ياسر = صراحة يا ياسر حيرتنا .. وما ندري وش سبب نزول مستواك بشكل حاد .. قلنا يمكن ارهاق وريحناك مباراة .. لكن تجي وتكرر نفس السيناريو وتضيع كذا هجمة ..!!؟؟ (( بس اكثر من عضو قالوا ان سبب نزول مستواك هو انك تفكر بالزواج .. وانا اقول انه موب عذر .. هذا نواف كان مستواه رائع تزوج ورجع لنا ومستواه هابط جدا .. )) ما ادري احس ان احد حالف عليك ما تجيب الا اهداف اسطورية .. ما يهم ان شاء الله اخيس هدف بالعالم بس اهم شي تحسم لنا المباراة ..!! ردريقاو = والله قدمت لنا في اول ظهور لك مستويات حلوة .. لكن في مباراة الاهلي قلبت حول .. ما ادري ليه ..!! الخثران = عشر طعش مليون علامة استفهام ..!!؟؟؟ المفرج = ما ادري وش اقول لك .. ثاني مرة تضيع امالنا في اوقات الحسم ..!!!؟؟؟ الاولى امام الشباب في النهائي .. وبكل بجاحة تكسر لاعب الشباب في منطقة الــ 18 ...!! والثانية امس امام الاهلي .. احمد ربك ان تفاريس معك في الدفاع .. ترا هو الي مخليك الى الحين في الهلال ..!! والله يابو سلطان انك اغلى بطولة لدي .. لكن هذا شي صار يلاحظ ع اللاعبين انهم يلعبون لاجل المال فقط .. وهو اسمه لاعب محترف يعني لازم يقدم كل الي عنده في كل المباريات ومو لازم مكافات تحفيزية لانها هي الي دمرت اللاعبين .. وباقي لنا مباراة في الرياض مع الاهلي .. وباذن الله نرد الثار .. هـــــمـــــســـــة فـــــي اذن يـــــاســـــر الـــــقـــــحـــــطـــــانـــــي .. : : : ارجوك يا ياسر ابتعد عن الانانية الزائدة وابتعد عن البحث عن الشهرة .. واعتبر بــ لاعب النادي الجار بعد ان كان لاعب مبدع صراحة العام الماضي .. بعد ان كان يلقب براؤؤل العرب اصبح الان يلقب بــ راؤؤل النسيم .. اخذه الكبر والانانية بانه وعد جماهير ناديه بتحقيق بطولة هذا الموسم وان لم يحقق النصر اي بطولة فـ سوف يعتزل اللعب نهائيا .. وهاهو النصر يخرج هذا الموسم خالي الوفاض وبل يقاتل من اجل الابتعاد عن شبح الهبوط ..!! وهاهو الكبر والانانية يلقي بــ راؤؤل النسيم بان يبحث عن نادي حواري يلعب له ...!! فـ ارجوك يا ياسر نحن نحبك لكن لا ترمي بحبنا لك بعرض الحائط ..!! _________________________________________________________ وتقبلوا تحياتي وتقديري اخوكم \ yazeed :thumbup: |
الصبر الفرج قرب |
كـلام سليــم..!! |
اوافقك الرأي في كل اللي كتبته .. الا إقتباس:
ما اظن ان الامور تصل لهذه الدرجه عند لاعبي الهلال تقبل تحياتي.. |
ارجوك انا وانت وغيري نقول المفرج مستواه ليس بالمستوى المأمول لكن احترم شخصـه على الاقل واذكر اسمـه ولاتذكر القاب سخيفـة .!!! حتى مايصير لنا مثـل ماصار لغيرنا وانتم عارفين قصـدي زين ..!! ---- بالنسبه لكلامك عن ياسر أنا اايده مليون بالميــه وانا حقيقة استغرب من ياسـر عدم احترامه لجمهور الهلال .!! واللعب بهذي الأنانيـة .!! |
دايم مساعد : الف شكر لك ع المرور ..!! |
إقتباس:
مو كلهم اغلبهم :yes: إقتباس:
[/QUOTE] |
كلام عين العقل ..!! |
ارسنلي : الله يعطيك العافية يالغالي ع المرور ..!! |
القناص : والله هذا الي حاصل .. وهذا شي ملحوظ ع لاعبي الهلال ..!! |
حياك اخوي .. واخالفك الرأي .. الا هم اللي دمرونا .. و الا ابو سلطان و جماهير الزعيم وقفوا معاهم و قدروهم .. وانا اشوف ان سيريزيو هو ساس البلا .. المفروض ان يتعامل مع الفرق الكبيرة باسلوب و تكتيك يتناسب مراكز القوه والضعف للفريق الخصم .. وتقبل تحياتي .. |
كلام كوووووووويس |
الصبر قريب وانتظر قنبلة نووية زرقاء قريبا |
الله يعين يارب ان شاء الله نرد الصاع صاعين للأهلي |
أستـــاذي .. الغالي أجبرتني أن أنيخ راحلتي ببابك .. وألزمت يراعي ان يطرق ساحتك.. فهّلا قبلت ضيافتي وأن ثقلت نجوم الزعيـــم بشر لهم من المشاعر والعواطف والاحاسيس ما لك ..!! تحزن حين يجافيها النصر .. وتتألم حين تعجز عن رسم البسمــة على محيانــا وتعتصر ان ألبست الاحبـــة هم .. وتصرخ مكتومة الانفاس إن همل دمع وبح صوت سوء طــالع .. غياب حـــظ .. وزد ولا حرج ولكن أرجـــو أن لا نختلف أنهم أوفيـــاء لدارهم رمى ياسر الضعف .. ورضي بالنصف ليكون بيننـــا فالمــادة عصب الحيـــاة .. ولكنـــها تصغر في عين الرجال .. ان دنت من رد الجميل وأخالهم كذلك فكن معهم .. وشد من أزرهم .. فلازال الركب في الطريق والمدينـــة على المشارف ودعونا نكون الســـاعد للعضـــد فهم في حاجـــة .. في حاجــة والنفوس كهوف لا يعلم .. سرها الا من عز سلطانـــه ودمت استاذي الكريم بألف صحــة وعافيـــة الظــاهـرة |
| الوقت المعتمد في المنتدى بتوقيت جرينتش +3.
الوقت الان » 10:19 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd