يعني الواحد مايقول الا الحمد لله ان النتيجة جت 2/0 ولا لولا الله ثم الدعيع اللي انقذ الفريق اليوم ولا كان ضعنا بخمسة ثانية.....

يعني المفرج لو انك ملعب بداله واحد من الجمهور مكانه كان ادى احسن منه....
مالك معاذ يرفع الكورة فوقه ويتعداه وهو يتمشى ويدربي راسه....
انا ماانتقد فهد المفرج كشخص... كلنا نعرف اخلاقه وحماسيته وحبه للهلال .. وصحيح انك كنت نجم وصخرة الدفاع
في الموسم قبل الماضي لكن اللاعب اللي يؤدي نمدحه واللي مايؤدي ننقده من باب تحسين اداءه لكي ينفع الفريق ...
لا ننقد فهد كرها له أو حقد عليه بالعكس فهد محبوب من الكل ...
لكن مستواك في اسفل سافلين الصراحة...
اتمنى من الادارة انها لاتجامل النادي على حساب لاعب ...
عندنا ماجد المرشدي من افضل المدافعين ويركن في دكة الاحتياط على حساب من على حساب المنقذ (فهد المفرج)..
الشي الثاني المدرب من يوم جاء للهلال والدفاع عندنا شوارع ...
المفرج الظاهر المدرب لاعب عليه وقايله انت احسن من تفاريس وغط خانته ...
انا اطالب الادارة انها تعيد باكيتا لان باكيتا يعرف الهلال جيدا..
وابغى اسوي تصويت من افضل المرشدي ولا المفرج ....
واللي يقهرك المتخلف المشهب هذا الفاهي اللي مدري وش اسميه (رودريقو فرنانديز )ابي اعرف من هو الفلته الفاهم في الكورة اللي قال للادارة انه لاعب ممتاز ومهاجم خطير...
لاتقولون لي مسجل 5أهداف ترى منها اثنين بلنتي .. والاهداف ليست خطيرة ولاتنم عن مهارته ...
اتمنى ان الادارة تعيد باكيتا ووش رايكم ياشباب ...



واتمنى التوفيق للهلال في المباراة الجاية مع الاهلي في الرياض مع انه لو لعب بمستوى اليوم لا يحلم بالفوز...