السلام عليكم ورحمه الله وبركاته


اول شي هارد لنا الخساره ومبروك للاهلي الفوز

ثانيا انا تصفحت المنتدى والمواضيع بعد المباراه

وربي شفت فيها شي وكلام وسب وشتم للاعبين كنا يوم من الايام نشوف ان مكانهم بالانديه الاوربيه

يعني بعد كل فوز للزعيم نجعل اللاعبين في القمه وبعد اي خساره نجعلهم في القاع

بالعربي كلام ما يصدر من مشجع وفي ومخلص للزعيم

انا ما اشكك في هلاليه الاعضاء لكن كلام بعضهم يدل على هذا

في نقاط بتكلم عنها من المواضيع اللي قريتها اليوم :
1_ فهد المفرج اول على قول بعض من يدعي بانه هلالي مخرج 17
اذا كنا نحن مشجعين الزعيم من يطلق مثل هذي الالقاب على لاعبينا فلا نستغرب او نتعجب اذا قرينا

بمنتدى الاتشاديه ( نادي الزعيق )

يامن تتنقدون المفرج ابي كوره وحده اخطاء فيها الكابتن فهد اليوم او يمكن تشاهدون مباره اخرى لم نشاهدها نحن

يكفينا روح الحماس والاخلاص لدى فهد المفرج اللي قليل ما نشاهدها في بعض اللاعبين

واذا كان اخطاء فهد او نزل مستواه فاعرفوا انكم انتم السبب يامن تطالبون بالمرشدي لمصالح شخصيه



2_ الاعب ياسر القحطاني
الكل يعرف مستوى الكابتن ياسر واللي شاهدنا في اخر خمس مباريات للهلال

لم يكن ياسر اللي نعرفه . فاستغرب من البعض يمدح ياسر ويختلق له الاعذار بالارهاق وغيره

وينكر على من ينتقد ياسر. اذا لم ننتقد ياسر اذا اخطاء سيظن ان مستواه جيده ويستمر على ماهو عليه

لكن لابد من النقد الهادف اللي يفيد اللاعب قبل كل شي

وياما انتقدنا نجوم كبار ولم يضرهم شي بل استفادوا من النقد وعدلوا اخطاهم
3_ الاعب طارق التايب
كل ماقريت موضوع عن التايب القى اللي يتذمر من مهارات التايب ويدعي انه استعراضي

للمعلوميه فهذي طريقة لعبه من بدايته

صانع لعب من الطراز الاول . مهاري . خفه في الحركه . لعب جماعي . باصات تحرج المهاجمين ويمكن الشي هذا اللي مو عاجب البعض في التايب لانه يبين حقيقة بعض المهاجمين

واكثر من اضحكني اللي يقول ان مهارات التايب هي اللي اثرت على الفريق فصاروا يستعرضون مثله ( لا تعليق )

4_ الطامه الكبرى اللي ماقريت الا عدد قليل ينتقده ( رودرياقو الفان )

اشك انه لاعب كره قدم اساسا

لا يعرف يثبت كره ولايمشي بالكره بطي في الحركه

يلعب احيانا مدافع للفريق المنافس

ايلا متى ونحن نجامل ونقول عطوه فرصه . توى ما تأقلم

الاعب يبان من لمسة على الكره والا عشان جاب خمسة اهداف خلاص

بلنتين والباقي بالحظ وبفضل باصات التايب


اخيرا : اللي بينتقد لاعب يتكلم بعقل ومنطق

والنقد الجارح الي مايفيد ياليت نبعد عنه





...........( الكبير كبير يا ســــــــــــامـــــــــــي )............

وين ارائكم يازعماء

المفرج من يوم طلع الى الان ومستواه سيء

اذا مرت مباراه ما اخطأ فيها قلنا مبدع ورفعنا معنوياته ينكبنا في اللي بعدها !!

لاتقولي وش اخطائه اليوم .. وجوده بحد ذاته مربك لخط الدفاع .. الله يعين تفاريس يغطي خانتين واحياناً ثلاث

دفاعك عنه غريب !

ياسر نجم وماقلنا فيه شيء لكن نزول مستواه اكثر من مباراه في هذا الوقت ( وقت الحصاد ) يجعلنا نضع ايدينا
على قلوبنا .. كان الامل بالله ثم ياسر .. والحين ماعندنا الا التايب وبس

رودريقاو وش تبيه يسوي .. لاعب ماله مركز محدد تلقاه في كل مكان هاجم وكسب فاولات .. وحاول كم محاوله
لكن اصلا خط الوسط ما وصل اي كوره له لذلك يرجع يستلم من النص .. وياسر مستسلم للرقابه اللي عليه
اعتقد رودريقاو اليوم ماقصر ابد .. وكان من المفروض بقاءه ونزول العنبر وخروج المفرج ونزول نواف خلف المهاجمين
والاعتماد على التسديد من بعيد من نواف .. والرفعات من الجناحين التايب والشلهوب

التايب اليوم لحاااااااااااااله .. لحااااااااااله



ان شاء الله نعوضها بالرياض

إقتباس يامن تطالبون بالمرشدي لمصالح شخصيه

مصالح شخصيه !!

وش بناخذ اذا صار المرشدي اساسي !!

وش تقول انت ..

مشكله هالاداره انهااااا تجاااااامل الاعبين على طووووول
بس تدفهم بهالدراهم ولا تحاسبهم
المفرووووووووووووض للمحسن نقووول احسنت ونكاااافئه
وللمخطــــــــــــــــــــئ نقو اخطاااائه ونحسم عليه
مهوب بس يالله وبسم الله هالاعلام تم التوقيع مع الاعب الفلاني وتم التوقيع مع الاعب الفلاني
وعطهم من هاالدراهم ماشالله
يااااااااخي خل نطور الاعبين اذا اخطئ نجيبه ونسئله ليه اخطئ واذا احسن نكافئه
ونترك عنا المجاملالالالات الي بتضيع الفريق وحنا نضحك ونمدح كل واحد

فهد المفرج لاعب حماسي ومتحمس وغيور على الزعيم

ولكن هذا مستواه ويعيبه انه يفوت بعض الاحيان


بالنسبة للاعب المرشدي الاحظ اغلب الاعضاء معطينه اكبر من حجمه وكأنه صالح

النعيمة


في الاخير اختلاف الرأي لايفسد للود قضية


واتمنى وارجو من الله العلي القدير ان ترجع الروح الهلالية المعروفة


وأن يرجع الكأس الى مكانه الطبيعي

هلالي حتى المووووووت للمعلوميه فقط



العنبر خارج التشكيلة



تابع المباراه بعدين تكلم

1_ فهد المفرج اول على قول بعض من يدعي بانه هلالي مخرج 17
--
آآآه من الهدف الثاني ..! يا مخرج 6 < بيروح للبركسات خ خ خ خ خ

مو القصد يا هلالي موووووووووت


بس نبي كلام يدخل العقل

وانا معاك ياسر ما كان بمستواه لا اليوم والا المباريات اللي راحت


بس وين البديل برايك اللي تتعتمد عليه

هذا السؤال؟؟

ملاحظه ترا حذفت المشاركه اللي قبل هذي

لأنها ماتليق

إقتباس الرسالة الأصلية كتبت بواسطة قمرهم كلهم 15 مو القصد يا هلالي موووووووووت بس نبي كلام يدخل العقل وانا معاك ياسر ما كان بمستواه لا اليوم والا المباريات اللي راحت بس وين البديل برايك اللي تتعتمد عليه هذا السؤال؟؟

اعطيك الكلام اللي يدخل العقل

4-4-2 تعتمد على الاظهره في مساندة الهجمه من الاطراف .. اظهرتنا هجوميا صفر ..

من المفروض تكون الخطه 4-5-1 خصوصا انك تلعب قدام فريق قوي على ارضه

الدعيع

الخثران ..... المرشدي ...... تفاريس ...... العنقري

عزيز ...........عمر

الشلهوب .......................... التايب

نواف

رودريقاو ( العنبر )

مع اني افضل العنبر .. لأرتقائه بالكرات العاليه
____

هذي تقدر تحرج الخصم اللي مقفل اللعب وعندك حلول

الاجنحه .. ( الشلهوب التايب ) عندهم حلول كثيره .. لعب الكرات العرضيه لرأس الحربه .. ولو ترجع لأهداف العنبر كلها بهالطريقه .

او اذا كانت الاطراف مقفله يقدرون يعملون الـ ( ون ,تو ) مع صانع الالعاب .. او رأس الحربه واحداث ربكه في دفاع الخصم

ومن ثم التسديد .. او التمرير

_______

صانع الالعاب ( نواف) .. عنده خيار التمرير لرأس الحربه او التسديد .. ونواف رجله ثابته .. مع ان مستواه حاليا طايح
او المراوغه والحصول على خطأ

عمر الغامدي يتقدم الى منتصف ملعب الاهلي وفي حالة فقدان الكره يرجع

والله لو كانت 4-5-1 وبهالتشكيله .. ما يفوز الاهلي لو يطلع في راسه نخل

يكفي اننا حتى لو مانسجل .. بنمسك اللعب وبتكون فرص الخصم قليله حتى في المرتدات

باعتبار وجود المحاور عزيز وعودة عمر عند انقطاع الكره وعدم تحرك الاظهره ..


اليوم رودريقاو اتحداه يدري وش مركزه .. وياسر بالمنطقه وعليه ثنين ومستسلم..

.. منتصف ملعب الاهلي مافيه اي لاعب هلالي ..

والاهلي مقفل .. واظهرتك ظعيفه .. وماعندك لاعبين يشوتون من بعيد

كيف بتسجل ..

اتمنى تكون الفكره وصلت .. وهذي رؤيتي .. وماهو شرط تكون صحيحه

تحياتي

انا معك بكل اللي تقول بس

وش فيها اذا عطوا المرشدي فرصه

مو لازم المفرج اساسي

الهلال ماهو يومه واقول هاردلك للجميع
لكن مستوى الهلال في نزول من الاستغناء عن المدرب السابق
والتعويض صعب في هالبطولة
مايهمني صراحه هو الاسيوية يعطوناها ونشوفهم ان شاء الله في اليابان وكثر الله خيرهم هالسنة مع الدوري طبعا

تحياتي لكل الهلاليين

مجنون سامي

انا معاك لابد نعطي البديل فرصه اذا الاساسي مستواه متدني


بس مو معقول ان المفرج سبب خساير الهلال وتعادلاته من بداية الموسم

هذا اللي اقصده اللي ينتقدون المفرج بعد كل مباراه

سواَ ابدع او اخفق

والله هذا اللي يتمناه كل هلالي يافيجو فهد

بس من كلامك اشوف انك غسلت يدك من بطولة ولي العهد


لكن ان شاء البطولات الجاية هلاليه

المفرج حماسي ماقلنا شي بس غلطاته اكثر هدف مالك من عنده ابيه يرفع رجله ايده اي شي بس ماتروح الكوره كذا وااااااه بس يالقهر وهاردلك للزعيم

بس الكوووووره ما مرت من عند المفرج بس


مريت من اربع لعبية تقريبا


بس اللوم والعتب مايجي الا على المفرج