19/03/2007, 01:04 AM
|
| زعيــم متواصــل | | تاريخ التسجيل: 08/11/2006 المكان: الزعيم
مشاركات: 71
| |
|
الهلال وطريقته وانحدار المستوى 4..4..2
السلام عليكم ورحمة الله وبركاااته
.
والله ياشباب يا زعمااء مشكلة الهلال واضحه وسبق اني نوهت بالشيء هذا الهلال وطريقه اربعة اربعه ثنين خلاص معاد تنفع له وهو اللي ما اقنعكم اللي لما فرضه باكيتا وبوسيروا عليكم بطريقتهم اربعه خمسة واحد
ليه لانه معاد فيه اطراف تساند الهجمة في الهلال ياشباب الاظهره الاظهره الهلال يبي خمسة بالوسط يملك الملعب فيه ويتحكم بخصمه وغير كذا ماراح يفوز الا بمستوى مهزوز وبالحظ وبالبركه ناهيك عن المفرج وصديقه الخثران اللي الظاهر خلاص ولى زماانهم ياشباب الهلال يعاني من تكدس القائمة الثانية بالفريق ووامااته للوجووه الشابه
ياما وياما في الهلال من وجوه شابه شابت على حساب اسماء بدون مستويات مقنعه وهو ما كان يعمل به باكيتا فكان لا يهتم بالاسماء وبسيروا ايضا فكاناا للوجيه الشابه دور بالنتائج المقنعه ياشباب الهلال خلاص باح باح مع طريقة اربعه اربعه ثنين وان فاز بالحظ حنا ما نبي نفوز نبي مستوى نبي شخصيه الهلال اللي كانت ترعب المنافس وينهزم نفسيا قبل لاا يقابله بالملعب الشيء هذا انتهى الحين وبصريح العبارة الحزم يعد اصعب من الهلال والفيصلي ايضا وذلك لانكشاف الهلال لدى جميع مدربي المملكه وطريقة الفوز واضحه الاعتماد على الجهة اليسرى واسقاط الكورات خلف المفرج مع استفزاز تفاريس والتسديد
واه يالتسديد اللي كانت في وقت الهلال يتفنن لاعبيه فيها والحين مافيه من يشوت في الهلال ومن تقريبا موسم كامل لام نشاهد هدف اتى من تسديده واخرها كان هدف عمر الغامدي في مرمى فرق من الفرق الموسم الماضي ياشباب الهلال خلاص معاد فيه كورة مات الهلال ارجو من اصحاب الراي في الهلال تصحيح الاوضاع ويتركووننا من الاسماء اللي ما تقدم مستويات ويعتمدون على اللاعبين الصاعدين كم لاعب بالاحتياط يستحقون اللعب للفريق اول ومنهم الحربي والسعود والصويلح والذياب والمرشدي وفهد سرور والعنبر هذا بعض منهم والقائمه تطول انا ما اطالب باشراكهم جميعا ولكن تطعيم الفريق بهم وان كان على وان كان على حساب الشلهوب اي نعم وان كان على حساب القحطاني الذي اختفى بعد ملكته والتشتيت الذي يعاني منه الان هو مايمر فيه من فترة تجهيز للزواج وسامي اه يا سامي انت لاعب كبير ومبدع ولكن اتى الوقت لكي ترسم الطريق لخليفتك بالهلال نعم نشتاق اليك ولكن لا نشتاق لشغر مكان في الهجوم انت تقدم دقيقه لكن اللاعب الصاعد يقدم مباراة كاملة
ياشباب انا اتكلم بدون مجاملة وبصراحه
الهلال يوجد لديه لاعبين على مستوى عالي من الصاعدين وان لم يقنعوا بالاداء ذلك ناتج عن اتاحه الفرصه خالد عزيز اول ما طلع ما اقنعنا الا بعد موسم عمر الغامدي نفس الشيء
الهلال بحاجه لسد النقص لظهيري الجنب حتى يستطيع مقارعه الفرق في تنويع الهجمات الهلال وما يلعب بهي بطريقه اربعه اربعه اثنين لاتجدي نفعا في ظل غياب المسانده من الاطراف والاعتماد على العمق
الهلال بحاجه لطريقه اربعه خمسة واحد وكما يلعب بيسيروا حتى يستطيع احكام مناطقه الخلفيه وتملك الملعب والظهور بمستوى يرضي الجميع
واسف على الاطالة وشاكر ومقدر للجميع
وليتذكر الجميع انا ما اذكره مجرد وجهة نظر شخصيه وما ذكرته ما رايته وماهو يصب في مصلحة الزعيم وان كان امرا مرير لدى اصحاب المجاملة وعشقهم للاعب معين فهو مثمر لباحث عن مستوى مبهر لفريق يريد من لقبه نصيب كونه الملقب بالزعيم فالزعيم يجب ان يظهر كورة تستطيع مقارعه الاقوياء
وهذا والله ولي التوفيق |
الوضع العادي
