بسم الله الرحمن الرحيم
الله يسعد مسائكم يازعماء آعرف ان بعضكم نفسه في راس خشمه ولكن قدر الله وما شاء فعل ..ولاتنسون ان الكوره مازالت في ملعبنا .. ومابعد انتهى كل شي .. ولكن لانغفل عن الاخطاء التي وقع فيها مدربنا ولاعبينا ..
المباراه بشكل عام الهلال كان متسيدها وماسك كوره اكثر .. واحد بينط لي وبيقول وش استفدنا ابقول اركد واذكر الله لاتظن ان بشتمك للاعب او استخدام اسلوب الاستهزاء راح ترجع الامور لنصابها .. وراح تكسبنا المباراه الجايه .. المفروض نشوف الاخطاء الي يشوفها كل اوحد ويعرضها كوجهة نظر بدون تجريح .. الاهلي استقل خطئين وليس فرصتين هم من قاموا بصنعها .. بل كانت من صناعة اخطاء للاعبينا .. بعد الهدفين ومع الاندفاع الهجومي كان هناك مبادرات في الشوط الثاني من الاهلي .. بس الملاحظ مبادراتهم كانت جميعها تسديدات من الخارج .. وهذا ان دل فهو يدل على ان الآهلي كان يجد صعوبه في صناعة فرص حقيقيه امام المرمى الهلالي .. فأستخدموا التسديد من الخارج .. وهنا كان على لاعبي المحاور ان لايسمحوا للاعبين الخصم بالتسديد وذلك عن طريق المضايقه لكي يفقد الاعب الخصم تركيزه .. وبأذن الله مدربنا ينتبه لها في المباراه الجايه .. ولثقتي بلاعبينا ومن باب ( تفائلوا بالخير تجدوه ).. فأنا اطمئنكم ان لاعبينا لن يخذلونا في مباراة الرد .. وراح نحتفل مع بعض في درة الملاعب ..ذاك الملعب الي يبث الرعب في قلوب الخصوم قبل شهر من المباراه لهيبة الجمهور الهلالي ولعناد وحماس لاعبينا في هذا الملعب !!.. وٍقــفــآتـ ..!!
@ ... الهلال امتلك الكوره اكثر من الاهلي مع ندره في الفرص .. والاهلي من خطئين يحقق هدفين .. فهذا ان دل فهو يدل انه ليس يوم الهلال .. والخساره مكتوبه علينا والفوز مكتوب للأهلي
@... لاننسى اننا خسرنا من فريق كبير وعلى ارضه وبين جمهور .. ومع ذلك كانو يلعبون في منتصف ملعبهم الا في قليل من الدقائق ..
@... كان هناك ظربة جزاء لآحمد الصويلح ..اخفق الحكم في عدم احتسابها ..
@... كان على المدرب الزج بأحمد الصويلح من البدايه .. وهذي ربما هي غلطته الوحيده .. ويجب عليه ان يلعب بالصويلح من البدايه في المباراه القادمه ..
@... ياسر القحطاني كان بين كماشة اربعة مدافعين .. حيث ان عبد الغني وهزازي لم يتقدموا كثير للملعب الهلالي .. وعلى ذلك لم يجد مسانده من الفان .. وكان على المدرب عندما ادخل سامي الجابر .. اعطاء ياسر فرصه .. لانه وقتها راح يلاقي مسانده وراح يتحرر من الرقابه
@.. تحرك ياسر بالشوط الثاني بعد تقدم الفان للهجوم .. فلو لعب الهلال بمهاجم اخر بجانب القحطاني في المباراه القادمه (مب يلعب الفان ويرجعه وسط) .. فالله يعين المسيليم .. يبي له يخيط شباكه صح @ ... الهدف الثاني كان بسبب دربكه ونسبة كبيره من الحظ في تغير اتجاه الكوره .. ولم يكن للمفرج يد في هذا الهدف ..
@...طارق التايب لم يقدم شي يذكر بالشوط الآول .. ولم يفيد الهلال في تنفيذ الفاولات .. ولكن بالشوط الثاني بدع ابو نادين وصنع كور جميله .. وهذا بسبب ان التايب لعب على الاطراف بالشوط الاول .. والشوط الثاني لعب بالعمق وخلف المهاجمين .. وهذا ماساعده على صناعة فرص في الشوط الثاني ..
@ ... الشوط الاول دقيقتين وقت بدل ضائع .. والشوط الثاني ثلاث دقائق .. لو حسبنا وقوع الحارس واللاعبين الاهلاوين و(تمططهم) في ركلات المرمى والتماس .. لطلعت لنا فوق خمس دقايق لكل شوط @ ... كايو الاعب الاجنبي للاهلي ... ساعده نحالة جسمه وسرعته ... في اختراق الدفاع كذا مره دون خطوره .. والسبب انه يجي (فشقه ) ويخشون المدافعين من اعاقته .. وخصوصاً ان المحاور يكونون في وجهه .. وهم متخوفين من الكرت الاحمر بعد حصولهم على الاصفر .. @.. الحكم لويس مادينا .. احسه بازن بصدره ونافشن ريشه .. بعد الهياط الي كاتبينه عنه في الجرائد .. بأنه (ماعنده يمه ارحميني ) وانه مايعرف الا الكروت الحمر .. فدخل المباراه وهو مبيت النيه انه ( يشرهـ اللاعبين ) وهذا ماحصل مع الغامدي وعزيز .. بسبب اعتراضات كرتين اصفر @...لاعبين الهلال سيظلون نجوم في اعيننا .. ولكن في هذه المباراه شاع نجم الدعيع وتفاريس اكثر .. @... اعجبني احتضان ابو سلطان للاعبين .. وهذا يدل على ان اللاعبين قدموا مباراه طيبه .. وبأذن الله راح يقدمون لنا بطاقة التأهل في مباراة الرد ..
@... بعض المواضيع بين الشوطين .. انزلت من وزني كيلوين .. مدري هو ضغط ولا من كثر الضحك .. بس في الاخير نقول ولله في خلقه شؤون .. واحد يقول ياسر اترك الاستعراض .. ولا امسك الباب .. وتلقى عدد مشاركاته (3) .. اتمنى من الاداره تعطيه قطيته وتمسكه الباب ... لاعب يجد وظيفة للمفرج ولكن من هنا اقول له هي لك وانت لها .. فهي انسب لطولك ونقص عقلك .. ولو نظرنا لمشاركاته لوجدناه (10) .. @... الدعيع . تفاريس .المفرج .الخثران .العنقري .عزيز . الغامدي. الشلهوب .التمياط .التايب . الفان . ياسر . سامي .الصويلح .. بيض الله وجيهكم .. وننتظر مباراة الرد لنهنيكم ...
تقبلوا تحياتي
محبكم / سكوب