نـ15ـمر ..

إقتباس:

مشكله هالمراهقات يكفكرون بالزواج

ماشالله عليك مسوي تعديت مرحلة المراهقه:D

إقتباس:

والله يخلف على حال بناتنا ما يعرفون يطبخون وحتى الشاهي ما يعرفون يصلحونه واذا طلعت وحده تعرف تصلح ...تصلح شاهي لبتون وما فيه امل شاهي تلقيمه

:rolleyes:
بس انا سنعه اعرف اطبخ <<ايه معليش:p
وان شالله خلال اسبوعين بتعلم الطبخ زين :rolleyes:
بس ترى اعرف اصلح شاهي:D

إقتباس:

انصح كل فتاه بمتابعه برامج الشيف رمزي

لا انا اتابع برنامج اسامه اطيب ;)

إقتباس:

اهل ابرار لا يملكون من الحنكه اي شيء وش ذا المفاجئه الغبيه الواحد لازم يتهيا ولا لاء؟؟؟

صدقت عزيزي متعب:rolleyes:
الواحد لازم يتهيئ لأي شي قبل لا يسويه وهذا خطبه مو لعب عيال

إقتباس:

وعلى المستوى التعليمي شيء اكيد لازم يكون في توافق بينهم ويفضل ان تكون تشتغل علشان تفكنا من مصاريفها وخرابيطها

:D :D
اجل تصرف على نفسها :p لا ياعيوني حتى لو كانت تشتغل انت اللي بتصرف عليها:D
يعني ماراح تفك نفسك:p

إقتباس:

(تخيلي وجيه تعبيريه ))

ياذا العجز اللي ذابحك يامتعب:D

الكلاسيكي..

إقتباس:

تسجيل مرور فقط ..

لنا الشرف..:yes:

إقتباس:

بس انتو عارفيني كلامي كثير ما اقدر امر ولا ارد اكثر من سطرين او ثلاثه ..

:)

إقتباس:

قبل كل شي مدري احس ان البنات انقرضوا اللي يستحون من الزواج والخطبه .. واسألي فتون ,, .. كل جيل ولهم طرائق وعادات .. طبعا مو الكل ولكن الاغلبيه

اصلا سالفه الزواج لازم يستحون البنات منها ..
والقليل اللي مايستحي ومنهم فتوون الله يصلحها:D بس يمكن يكون كلامك صح لكن المجتمع اللي انا
عايشه فيه سواء صديقاتي او اختي او بنات عماتي نقطة ضعفنا هذا الشي :yes:

إقتباس:

وتعليق على القصه .. او السيناريو اللي ألفتيه .. أن بعض الامهات يعتقدون انهم بتصرفهم هذا راح يلخونها قدام الامر الواقع حتى ماتخجل وتترد بالدخول لو قالوا لها من بدري ..

إقتباس:

ولو جينا للواقع .. لقينا ان البنت راح تخجل شوي وهي بتطير من الفرح لانها بتزوج وهذي الفطره ان كل شخص يريد بناء عائله جديده مستقله ..

ايه صح هذا تفكير اغلب الامهات اللي للأسف فاهمين الشي هذا بالخطأ:yes:

إقتباس:

نسيتي تكتبين الكــلاسيكي

ايه صح وانا اقول وش ناقصني يوم جيت اكتب الموضوع:D

دلوعة الهلال غير..

إقتباس:

وش اخبارك يـاقلبـــــــــــي؟؟؟؟؟

الحمد لله بخير جعلك بخير:yes:

إقتباس:

اهـم شـي يكون مزيون

الله يعطيك المزيون اللي تتمنينه ..:)

إقتباس:

وانا وش دخلنـي في لبسـه هو وبكيفــــــــه

لا ياقلبي الفروض انتي تنسقين له ملابسه;) وتشوفين اللي يناسبه
واللي مايناسه تقولين له هذا مايصلح لك :yes:

الأسطوره9..

إقتباس:

اوايد هذ المقولة خاصأ إذا وجدت الانسان الكفء الذي يصون العشرة الزوجية.

بس لها عواقب بالنهايه..:yes: وش يسوى عليها لاجاها وقال لها ابوك خطبني لك:rolleyes:

إقتباس:

ارى ان اهم عوامل فشل الحياة الزوجية هي اختلاف المستوى الدراسي . الذي هو مهم في تقارب والمستوى الفكري بين الزوجين مما يوثر مستقبلأ في الاولاد.

كلام رائع:yes:

السلام الزعيم..

إقتباس:

تحسبون العرس لعبة انتي وياها تبين توم كروز وطقته الله يخلف على تفكيركم

وش فيك ياخي؟؟ حنا نتناقش :yes: وكلها احلام يمكن تتحقق ويمكن لا
الاحلام ببلاش :yes: وكل انسان له اماني ..

ريم9..

إقتباس:

نو نو نو يس يس يس طاط طاااااااااط ون تو ثري طع طع دج وت واي ار

:confused: :confused: وش دعوة

إقتباس:

<<< ترا كل ذا عشان جبتوا طاري الزواج يعني تحمدوا ربكم اني مهديه الوضع للحين

هدي ياريم الله يخليك:D رلكس رلكس:yes: خذي نفس عميييق:D

إقتباس:

بما اني انا الله يحفظني ويخليني لي ضد فكرة الزواج اساسا في الحياه!! والله ليه اعيش في نكد طول حياتي واذل نفسي مع رجال مايستحق الحياه اصلا اقعد في بيت اهلي معززه مكرمه !! صح انه احيانا ودك تطلعين من ملابسك من الطفش لكن اصرف!!

الله يصلحك:confused: ذكرتيني بوحده الله يستر عليها اول ماشفت ردك وخصوصا هذا اللي فوق:D
على طوولشكيت انك هي :D سبحان الله نفس الاسلووب ;) بعدين هذي سنه الحياه
وليش الرجال مايستحق الحياه ليش مو انسان:rolleyes:
الحرمه ماتقدر تعيش من غير رجال والرجال مايقدر يعيش من غير الحرمه ..كل واحد مكمل للثاني ..
والزواج سبب لبقاء البشريه ..مين ان شالله بيحرر فلسطين غير الاجيال اللي انولدت ؟؟

إقتباس:

المهم ببدا الاجابه على اسئلتك لان مااقدر اطول عليكم لان ادري انكم محترين اجاباتي على احر من الجمر ومتشوقين ومتعطشين لها << الثقه مو زينه صح؟

ياعيني ياوااثق ;)

إقتباس:

لحظه لحظه فيه واحد خاش بالعرض وبالطول!! اللي هو ياسر القحطاني ؟؟ وش جابه لتوم كروز؟بس سؤال يسدح نفسه لا اكثر ولا اقل...وابيه يشبه عزازي !!

ياسر القحطاني علشان محد يطلع لي يقولي ماتبين من عيال البلد:D وبعدين ياسر انسان مملوح:yes:
وبعدين من ذا عزازي:confused: ؟؟ماعرفه

إقتباس:

لا انا اذا تبغون الصدق ابطلع ضروسي عليهم واحول عيوني واشد كشتي واقعد اهز رقبه واطامر وابقعد اسوي كذا وكذا وكذا وكذ وهاكذا وفي النهايه عليهم كلهم حتى اهلي.... وبعدين اهج لين مايطيح اللي براسي...<< طبعا كل الشباب يقولون عساني ماتزوجت

ياختي لاتتزوجين احسن:laugh: مايسوى عليهم اللي بيجونك اذا كانوا بيطلعون شايلينهم بعد ماترشينهم:D

إقتباس:

لا طبعا احرجوها الله يحرجهم ...وبعدين ليه ماتعجب اهل العريس ليه وش ناقصها يد ولا رجل <<< طالبه ام الحرش

لكل الناس المواصفات اللي يبونها بالعروس يمكن ماتكون باللي راحوا لها..

إقتباس:

لا والله ارمي نفسي عليه؟؟ ... وجع مابقى الا هي عساني اعنس لين اموت !!

:D :D قسم بالله انك مرجوجه وبقووة:laugh:

إقتباس:

مستحيل اصلا لان انا احلا وحده بالكون وبمجرة درب التبانه فكيف يجيني واحد حلو

ماشالله .:yes:

إقتباس:

شماغ مع بنطلون !!<< شو هاض يازلمه

حلوووو:p

إقتباس:

مطرب شعبي او بالاحرى طقاق عشان نتنافس انا وياه بالمهنه

اثاريك طقاقه:D وانا اقول لسانها طويل مدري على مين طالعه:D

إقتباس:

النهايه اقول للبنات لاتتهورون وتتزوجون.. اي وحده يجيها عريس تتنتحر قبل لا يجيها الشيطان وتوافق << هذا الشيطان الحين ... يالله خافوا

اسمعو نصيحه ريم:D :D

تحياتي..خيتكم :رورو:yes:

هلا رعبوووبه

موضوع حساس شوي لكن دامه منك لازم نرد ونشارك بعد

حاولت وحاولت وحاولت بس مامشت معاي للأسف
شوفي ياحلووه الشكل والمظهر الخارجي مو كل شي يعني انا مثلا لو جاني واحد عادي مو حلوو مره بس انه اخلاااق والكل يشهد له راح اوافق على طووول"بس مو هالفتره :D لاني ماافكر بالزواج هالوقت" لأن الاخلاق مطلب رئيسي
ولا لو اخذت واحد يهبل واخلاقه شينه بالله قولي لي شلوون استحمل اعش معه شي صعب صح..!!

بس هذا لا يمنع ان كل وحده تتمنى يجيها واحد يهبل وكل البنات يحلموون كذا بس برضوووا اهم شي الاخلاااااق
بس تبين الصراحه ودي بإماراتي ولا واحد من اوربا ولو يكوون فرنسي عز الطلب:D

امممم اكيد راح ارتبك بس يمكن اسلم واطير طيران للغرفه مستحيل اجلس اكثر من كذا


يمكن السن المناسب للبنت من 20 لـ 25 أصغر من كذا ماأأيد أبدا لأن البنت يكوون تفكيرها شوي يبليه تعديل
والولد من 25 لـ 33


مدري بس احسه تصرف خطاء البنت من حقها تدري باللي يصير مو تجي زي الاطرش بالزفه

لا ابدا انا مش مع هالفكره احس فيها استرخاص لحق البنت صحيح ان اهلها يبوون مصلحتها بس البنت عندها كرامه وما اتوقع وحده ترضاها لنفسها:rolleyes: _مجرد رأي_


ممكن ان الزواج يفشل اذا كان مستوى الدراسي للبنت اعلى من الولد وهذا شي متووقع لان الرجال يحب يكوون عارف بكل شي فمابالك لو جته بنت تقعد تتفلسف عليه هذا وجههي اذا ما عطاها كف هههه

مايهمني الشكل قد ماتهمني الاخلاااااق


مثل ماقالت هنوو لكل مناسبه لبس معين

الله يهنيك اجل تبين واحد بأرامكوو والله ما ألمومك السكن حقهم رووعه ما كأنك بالسعوديه
واهم شي انك تسوقيين سياره ونااااااسه

والله عادي اي شي بس اهم شي يكوون الراتب محترم يعني تحت 8 الاف ما ارضى لان البنات يبيلهم واحد يصرف عليهم
ما اقوول غير الله يعين الرجال على الصرفيات اللي يصرفوونها علينا


رعبوووبه طله حلوه منك ومووضووع احلى استمتعت وانا اجاوب على اسالتك واتمنى اني وفقت في اختيار الاجابات

الله يوفقك ويسعدك يااارب ويكتب لك اللي فيه خير

مع التحيه

كوبي الزعيم..

إقتباس:

الموضوع للبناات وانا عاارف الشي هذا

حــياك الله سواء بنت او ولد:yes:

إقتباس:

وبما انه ما فيه موضوع نفس موضوعك للشباب فانا ابقوول فارسه احلامي -=-=> وهـ بس

يــــاسلاام:p

إقتباس:

انا ان ان ان ان ان فكرت بزواج واستقرار مع بنت <-=- اكيد مع بنت فمستحيا اتزوج من وحده ساكنه بالمدينه وش ابي بوحده خالطت تلفزيونات ومسجلات وشافت شباب بكل مكااان وصحيح انا اصاابع يدك مو وحده الا انا اصاابعي وحده

طيب يعني تبي البنت ماتعيش حياتها .. طيب مو كل البنات اللي عاشوا بين تلفزيونات ومسجلات
وشافوا شباب نفس بعض .. يعني الشباب موجودين الحين بكل مكان .. ومافي بيت يخلى من التلفزيوون والمسجلات
يعني تبي بنت من كوكب بلوتو مثلا:rolleyes:

إقتباس:

وبنت القريه وش حليلها اقل شي تعرف تطبخ صح مهب مثل بعض الناس جيدين بالحلى واذا قلنا زينو حلى اشترو توكس وقطعوه وحطوه بصحن وقالت ياي تعبت مره مره اما بنت القريه على ما قال لا قلتيله زيني مطازيز وجريش ومرقوق وقامت وعضت عباته ودك تعطينه ما وراك ودونك عشان ترضينها

طيب مو بس بنت القريه تعرف تطبخ قدامك انا احم احم:D لو تبي ذبيحه سويت لك<<ايه هين:D
بعدين الحين مافي بيت يخلى من الخدامه وهذا الشي يخلي مع الدراسه محد فاضي يتعلم الطبخ الشي
المتعارف عليه ان الوحده اذا انخطبت تعلمت الطبخ طبعا اكيد ماراح تروح بيت زوجها وهي ماتعرف شي :yes:

إقتباس:

وانا ادري ان الموضوع ما له دخل بس شي بالنفس وودي اطلعه

فضفض وخذ راحتك:D

إقتباس:

وشوفي الحين وشوفي اول يكفي ان جدتك وجدك مع بعض ولا انفصلو اما من 15 سنه وجااي يتطلقون ليش يا فلان طلقتها والله ما ابيها طيب ليش يااي والله ما تعرف تصلح قهوه تركيه وانتي يا فلانه ليش ما تبينه يووه يا ربي مو حلو

تخيل :D
زمان اول يختلف عن هذا الزمان بكل شي:rolleyes:

إقتباس:

معرووف ان الرجال مخلووق بطبعه الخشونه وليس الميوعه والزين والدلع للبنات

اكيـــد

إقتباس:

وحست بالرد وبموضوعك وانا عارف يا رعبوبه انك تبي توصلين الى شي ثاني وصدمه

حسيت انك معصببب :D وطلعت حرتك بموضووعي:D ع العموم خذ راحتك :yes:

إقتباس:

ومن ناحيه تبين زوجك زين ولا شين ( من اتاكم ترضون دينه وخلقه فزوجوه ) هذا ردي للسؤال

الاخلاق اول شي بس الشكل بعد شي مهم :yes:

هلالي جامعه البترول..

إقتباس:

انت قحطانيه ؟؟؟؟؟؟؟؟...........( على بالي ذكي).......

لا من الشرقيه:D :D

إقتباس:

تبي الجد يالغاليه دمك شربااااااااات

كلك ذووق;)

إقتباس:

وبمان موضوعك يخص البنات بشكا خااااااااااص ........... اكتفي بالرد فقط.........................../////

لي الشرف خيـــو :yes:

إقتباس:

مشكوره ولاعدمناك (يابرتني سبيرز هههههههههههههه)............//

لا وانت الصادق شاكيرا:D :D

جرح يشكي..

إقتباس:

قلت <<<<<<<<< بتشديد الام وفي اللغه تعني ندرُت اما ابن ساقان كان قلتي ابن سرور كان يمكن تمشي

وش فيه ابن ساقان مزيون:rolleyes:

إقتباس:

اما عن ان البنت استحت فهذا كان ايام غليص <<<< mbc اليوم الولد اهو اللي يستحي

اما الولد يستحي كثر لي منها:D ابنت اصلا الحيا منها وفيها مهما مرت العصور والازمان;)

تغريد..

إقتباس:

من جد انتو يالبنات >>>وانتي ايش هع ماعندكم سالفه الا الزواج

مجرد استطلاع واخذ آراء الاعضاء لا اكثر ولا اقل:yes:

إقتباس:

يــــــالله مافي جمعة حريم الا ووتجي فيها سالفة الزواج اذا مو كل الكلام!

إقتباس:

وتلاقي ياوحده مطفووووووقه عالزواج تموت وتدورون لها عريس >>>وماتلقى المسكينه

إقتباس:

ووحده ضد الزواج وتقول والله ماتزوج لو ايش يصير >>>وهذي اول وحده تتزوج لايغركم

ياختي اختلاف الأي لايفسد للود قضيه .. الناس انواع منهم
اللي يبي يتزوج ومنهم اللي بتأخل هالموضوع ومنهم اللي ماتبي تتزوج ابد ..
يعني شي عادي..

إقتباس:

تعالو بقولكم سالفه >>> هذا الله يسلمكم امس بالجامعه فالينها جايبين قهوه وحلى وحركات وساحبين على محاضراتنا وحده من البنات محد قرب للحلى حقها قامت تقول بنات الي بتاكل منه بتتزوج ثواني ونص الحلى مخلص النص الثاني قالت الي بتاكل منه مابتتزوج طبعا للمعارضين منهن خلص الصحن كله

:D :D

هلالي الظهران..

إقتباس:

هلا برعبوبه.. هلاوين برورو.. هلا والله بأبرار

هلا والله وغلا تو مانورت الصفحه:yes:

إقتباس:

أخبار التوجيهي؟

يسلم عليك:rolleyes:

إقتباس:

والله الذاكره ماعاد تجمع .. ان كان ماني بواهم فهذا الفصل الثاني صح ..

ايه عليك لمبـــه:D الفصل الثاني وآخر فصل دراسي لرورو:p

إقتباس:

هنود الله ياخذ ابليسك تلعبين علينا .. اجل استحي ومو متعوده هههههههههه .. لا ومن زين الطبايع صايره مطيعه وتقول ان شاءالله بعد .. الحيويه هالايام اللي بس تقزك من فوق لتحت غير كذا ماش

خخخخخخ:D
لا والله في بنات حيويااات حيل بس غصب اذا شافت واحد حلوو بتناظره:D
ولا شرايك:p

إقتباس:

طيب مافيه مشكله لو خطب الاب لبنته لكن وش ردة فعل هاللي انخطب .. يعني بهالزمن الواحد يخطط على زواجه وحده ويالله حسن الخاتمه .. أكيد بتكون مدروسه ماهو بزوجك بنتي وان شاء الله ..

اكيد الواحد من يومه صغير يفكر بمواصفات زوجته يتفاجئ ابوها خاطبه لها والله فشلله:rolleyes:
يعني مايقدر حتى يرده :yes:

إقتباس:

يعني انا انسان انخطبت(وجه مستحي) بس لا الزمان ولا المكان ولا العروس مناسبين!! المهم لا ننحرج من هالامور ولو اللي طلبك عمك

ايه صح الحق حق:yes:

إقتباس:

والله يارعبوبه انكم متفائلات بقووووووووووووووه .. اجل بتختارين شغله وايش يلبس وحلو وهالخرابيط .. والله على كذا ما أعرستوا .. علشان كذا اقول ان سن الــ18 غير منااااسب ابد ..لازم الانسان ينضج ويستوعب الحياه اكثر .. ..

ياخي الأحلام ببلاش خلنا نحلم وش ورانا:D
وانت الصادق سن الـ18 ماهو مناسب للزواج احس البنت بهالوقت بزر:rolleyes:
الا اذا كانت وحده عقلها متفتح وعارفه زين ماوراها ودونها

إقتباس:

اكيد رعبوبة اليوم غير رعبوبة قبل سنه ..

ايه صــح اختلفت اشياء كثيره :yes:

ماجد مقبل..

إقتباس:

هلا وغلا رعبوبة المبدعة ..

هلا فيـــك اديبنا ماجد:rolleyes:

إقتباس:

من زمان عن مواضيعك الجميلة والرعبوبية ..

عدنا لكم من جديد:yes:
مشاااغل الدنيا وانا اختك:rolleyes:

إقتباس:

بس كن موضوعك هذا خاص بالبنات ... اشوفك ناوي تعلنين حرب ضد التماسيح هههههههه

يالله :p بس مو الحين ماني بفاضيه:p بالإجـــازه الصيفيه الهووشه حلوة:D :D
الكل فاضي واقدر استورد اسلحه:eek:

إقتباس:

على فكرة تراني ما اعرف نمر15 ولا لي دخل فيه >>> قليل خاتمة

:D :D اجل ينصب يقول انه خويك:D وانت ماتعرفه:D
ياحليلك يامتعب :yes:

إقتباس:

بصراحة قصة ابرار واقعية وطبيعية واعتقد ان ابرار فهمتها وهي طايرة لكن مسوي انها مش عارفة واهلها كان تصرفهم حلو وواقعي ..

عارفين ماشالله عليكم حركات البنات:D

إقتباس:

اما الاسئلة فاتفق مع ريم 9 في الاجابات بدون تحفظ هههههههههههه

تكفى رييم طلعت الشيب من راسي:D :D

إقتباس:

شكرا لك رورو على ها المرور >>> جاية على الوزن

العفوو ماجدوونا:yes:

راجعين لكم للردود:rolleyes: <<تعبت:D

خيتكم:رورو:yes:

وراك اتقولينها من غير نفس .. يااااااااا ساتر يارب
وعليكم السلام ورحمه الله وبركاته

مستحيل الشباب ما يدخلون اصلاً شغله فيها للبنات بس
يحبون يتلقفون ويدخلون ويعلقون << الله مير يحيهم بس

ول ول ول فجائه وبدون سابق انذار ...
اقول رعبوبه لا يكون هذا انتي وما ودك اتقولون
لا تستحين يالغاليه خلنا نفرح فيك ونبارك لك ..

وعلى فكره هالموضوع ماحبيته لان فيه سيره زواج
الله يكافينا الشررررر ههههههه

وتعرفيني انتي انا ما احب العرس ولا اواطنه بعيشه الله
بس يالله خليني اجاوب لا اطنقرين علينا ..

انتي ما حددتي مواصفات خلقيه او خلوقيه الا وتبي اتعقد هالبنيه

الزوج 18 الى 30 بعدها لا يظلم احد ويروح يتزوج
والبنت عاد اذا جائها نصيبها لا ترفضه
لان بعض البنات يرفضون لاسباب تافهه مثل المركز الاجتماعي وغيره
يا ليت كل البنات يمشون على ما قاله السول صلى الله عليه وسلم
(اذا جاكم من ترضون دينه وخلقه فزوجوه )

وش هالفائل اللي مهوب زين الشر برى وبعيد ياختي

يمكن انه زين ويمكن لا << تكلفتي مررره

لا والله ما اييدها مررره لان بعدين بيقول لها ابوك اللي
خطبني لك والا انا ما جيتك ولا كنت ابيك يعايرها يعني

اكيد يودي الى فشل الزواج يعني تخيلي انتي بالجامعه وهو شهادته متوسط ما راح يفهمك
لان المستوى الثقافي مختلف بينكم ..

اقووووول محدش يكره بس بشرط ما يكون ازين من البنيه ..

رعبوبه خليه يطق الباب اول بعدين تتفاهم
بس انا بشكل عام ما احب الشباب اللي يلبسون تي شيرت وبنطلون

ماااااااا عندي مشكله اي وظيفه يرتاح فيها وخلاص

نبي اجاباتك يا حلوووووه ....
ومشكوره يارعبوبه على هالموضوع الحلووو مثلتس

السلام عليكم<<<< واصله متاخره لوتدرون ايش اللي صارلي

بس ابي اشكر كل من ساعدني

المهم بدخل بموضوع رعبوبه<<<<انا اكتب بنفسجي اوكي لا تلخبطوا ههههههه


تحيتي لك رور

رعبـوبة الززعيـم... اشك آنك آنتي ابرار اللي بالقصـه


جآيبه سالفتك على شكل قصـه. من عنـدك


خخخخخخخخخخخخخخخخخخخخخخخخخخخخخخخخخخخخ

هههههه حلو موضوعك



أنا ما أبي يشبهل اللي ذكرتيهم كل واحد أشين من الثاني

أبيه يكون أسمر طويل عاد ما ابي طول النخله

جسم يكون لا هب سمين ولا هب نحيف

أما عن الوظيفه عااااادييييييييييييييي
أهم شي يكون مقتدر ما أبي يكون غني إيه عشان يتزوج علي


مشكوره

أعذوني نظراُ لإلتزاماتي المهمه والمهمه جدا:D برد بطريقه سريعه:yes:

سندريلا الهلال..
هــلا والله سندريلا ..النور نورك يالغاليه ..:yes:
إجــابات أكثر من رائعه غاليتي ..يمكن تكونين اقنعتيني بأشياء ماكنت
مقتنعه فيها بكلامك الرووعه..
تسلمين ياسندرلتنا على وجودك اللي نور الصفحه ..:rolleyes:

فرصه ضايعه..
هلا والله فرصوووه:D
محد مسلطني عليكم يسلم رااسك:p بس طاري الزواج ان ماسمعتي فيه
اليوم لابد بكره تسمعين فيه :rolleyes:
خلاص مره ثانيه مو متكلمه عن الزواج:D بتكلم عن الطلااق:eek:
بعدين انا مو اسمي ابرار:rolleyes: روحي لموضوع الدجه
مجله دفني وادفك شوفي ردود الهاموور طرووق راح تعرفين اسمي:p
واذا عزم ابوك اخويااه مره ثانيه انتبهي يمكن جايين يخطبوونك:D
وانتي خبر خير:D

إقتباس:

المشكله لا رحت لواحد تخطبه وماوافق ....

تخيلي عااد:D كان اقتله واقتل نفسي وراه ان كنت احبه:D
علشااان مايتزوج غيري <<لعنبوا التفكيير اجرامي:D

إقتباس:

ماراح اشكرك لاعاد تعيدينها

احسك حااقده علي انتي ووجهك:D
ع العمووم يسلموو فرصووه:rolleyes:

القمر الهلاليه..
القمر النصراويه على قولت طاارق:D رحمتك يااعمري اجل نصراويه
مره وحده:p
شفتي كيف حنا طايحين من عيونهم مخلينا مانسوى ولا شي:D
يالله الله يسامحهم ان شالله
تمااسيح ناخذهم على قد عقلهم:D :D <<ياويلك:p
والله يرجك معي ومع الزوااج:D

إقتباس:

بسـ حبذ1 يصير مملوحـ , خفيفـ دمه , فيه قليلاً منـ الرومنسيه , يكونـ كووشخه , يكونـ هيـــبه , شخصيته قويه موبـ دجاجه , بسـ مايصير عصبيـ << وشـ بقى موبـ كأنيـ داقه على مطعمـ

وااو صفاات ولا في الخيال:D بعديين خليجي تبينه رومنسي اييه قابليني:D
يمكن ايطالي:D لبناني:D عنده رومنسيه
ويقولون بعد الخليجيات ماعندهم رومنسيه ليش لاقيين منهم رومنسيه
ايام الخطبه بس واذا تزوجها:D مايطق لها كرت
طبعا مو الكل لكن الغالبيه:rolleyes:

والله يعاافيك ان شالله ..;)

عاشق البرشاوالزعيم..
هلا والله خيوو .. ايه كانت طريقة اهل ابرار غلط في غلط:rolleyes:
بس وش يفهم هالعقليه:rolleyes:
يسلمووو خيوو

الكناري الأزرق..
هلا والله
ياخي مافيها شي نحلم ليش حراام:D
يمكن تكوون احلام يقضه ..:rolleyes: ويمكن تتحقق بيووم;)
كل شي جااايز ..
تشرفنا بمرورك:yes:

ياقاهرهم يالهلال..
هلا والله ..
خلاص اجل مره ثانيه بكتب ممنوع دخول الشباب منعا باتا:D

إقتباس:

لو اني بنت بفضل البنطلون والتي شيرت

طيب ماذكرت لنا السبب :rolleyes:

بعدين مالقيت الا الحرس:D وع انا وظيفه حكوميه مااحبها
مدري ليش

يسلموو خيوو

سكره هلاليه..
اهليين:)
بالعكس اللي ذكرتهم هم اللي ماشي سوقهم هالايااام:rolleyes:
يسلموو على وجودك الحلوو
اللي مثل اسمك:yes:

رووح أنثى..
هلا وغلا بالدببه النحييفه:D
عاد انتي والضحك تقربون لبعض ياانه ولدك او اخووك :p
مو بس وجع الراس يجي ورى الزواج :rolleyes: حتى الضغط والكرستروول :D
قوولي آميين:D
ان شالله اشووف يوم زواجك قريب:rolleyes:
يسلموو :yes:

20يــاسر الجابر9..
هلا هلا هلا..هلا وغلاا اسوومي:rolleyes:
تو مانورت الصفحه ..مبطيين عنك يالغااالي ;)
ولي الشرف بتسجيل وجودك في صفحتي :)
آميين ويوفقك ياارب
تسلم اسامه ع الطله الحلوة ..وماننحرمش منك:p

الفيروسه الزرقاء..
هلا وغلا استشاريتنا:yes:
وبعدين ليش تستهبلين :D اذا صار هالشي
ضبطي نفسك بنفسك :D لاتستحيين مثل ماقالوا الشباب مافي بنت تستحي
الحيين:p
خلاص انا عزمت ارووح اخطب لأخوي :D
العرووس موجوده الحمد لله وتبيه ويبيها :D
ياارب ان شالله اشوفك زووجه عن قريب بس اعزمينا:D
مو تسحبين عليينا :p
يعطيك العافيه..

بنت عز ماتنهز..
هلا والله ..
يارب ان شالله ترووح الظرووف وترجعين لنا سالمه وكل
اللي يعزوون عليك..
وحنا بعد معك بقلبنا ..:yes:
ترجعين بالسلاامه ان شالله ..

عسيريه مصرقعه..
هلا وغلاا ندووو

إقتباس:

حاولت وحاولت وحاولت بس مامشت معاي للأسف

ولا راااح تمشي معك بعد:D :D

لا بهالفتره اكيد لاتتزوجين توك في ريعاان شبابك
اذا صار عمرك 20 تزوجي انتبهي لدراستك:rolleyes: الرجاال مامنكم امان:p
ماتنفعك الا شهاادتك<<قلبت:D
ايه ابي واحد بأرامكوا:D يكوون شييك:D وابي اسكن بسكنهم واسوق سياره:p
من ناحيه الراتب صادقه والله ..خصوصا ان الحيين كل شي غالي :yes:
الله يعينهم ع المصارييف:D
عوافي ندوو..

- وش مواصــــفات فارس احلامك؟؟:D :D تبينه يشبه توم كروز :p ولا احمد حسين:p ولا محمد بن ساقان ولاتركان ولا ياسر القحطاني :dوش المواصفات اللي ببالك؟؟قوليها لو سمحتي لاتستحين :rolleyes: <<] بشوف كل البنات تفكيرهم مثل تفكيري:D

الشكل مهم لكن الأهم الجوهر ..وش الفايدة من واحد حلو ولكن لايعتمد عليه ..

- لو كنتي مكان ابرار وش راح يكون ردة فعلك ؟؟

الموقف هذا كل بنات السعودية تنحط فيه ...

- وش العمر المناسب للزواج برايك للبنت والولد؟؟:yes:

متى ماأصبحت البنت أو الولد قادرين على الإعتماد على انفسهم وأعتقد أفضل عمر هو أوائل العشرين

- وش رايك بتصرف اهل ابرار هو تصرف زين يعني يمكن اهلها مايبون يجرحون مشاعرها يمكن ماتعجب اهل العريــس اذا شافوهـا..ولا ماهوب زين علشانهم احرجـــوها ؟؟وجهة نظرك:yes:
تصرفهم أعتقد انه جيد وأغلبية العوائل هذي هي طريقتها ...

- مع كثره العنوسه اللي عندنا بالسعوديه خاصه والخليج بشكل عام وش رايــــك بفكره
((اخطب لبنتك ولا تخطب لولدك)) تأيدها؟؟او تأيدينه

في هالوقت أيدها خاصة بعد البلاوي الي طالعة هالوقت ...


- اختلاف المستوى الدراسي بين البنت والولد هل يؤدي الى فشل الزواج؟؟

مو شرط ...لكن اختلاف التفكير والشخصية هو اللي يؤثر وقد يفشل الزواج ..

- سؤال ماله دخل وبقووووووة:rolleyes: :D .. اذا واحد حلوو ومملوح جاك يخطبك وش تقولين؟

إذاكان حبوب ومتفاهم ومثقف وحلو أوافق ليش لا..
:p

- وش تفضلين زوجك يلبس شماغ وثوب ولا بنطلون وتي شيرت :yes: :p ؟؟

كلهن ...هههههههههههههههههه..وانا أنسق له البنطلون والتي شيرت ...

- وش تبينه يكون يشتغل وظيفته؟؟




[/quote]

هلا والله ابرار يوووو قصدى رعبوبه

اما بالنسبه للزواج ( نصيحه للبنات )

هالايام اذا الوحده انخطبت تلحق نفسها ولاتشرط

الى بالمعقول يعنى على قولة السنافر

( سنفروا باحياتكم )

:D

~بنت الزعيم~..
هلا وغلااا منووور:rolleyes:
لا حرام عليك مو من غير نفس بس انا دايم اسلم كذا:D
<<وحده عجااازه وبقوووة ..:p
ايه والله الشباب ملاقييف مايخلونا ناخذ راحتنا صدق نشبه:D
ايه انا ابرار وابرار انا <<لايكثر:D
:rolleyes:
قولي آميين..جعلك تعرسيين هالسنه :D
مو علشان ادري انك ماتحبين طاري العرس كتبت موضوع<<نذله:p
تبين اجابتي:D
بالنهاايه ان شالله بتشوفينها ياقلبي..:yes:
يعطييك العافيه منووره ;)

الزعيمتهم..
هلا والله ..
الله لايعووقك بشر ياااارب ..
وش احصائيااته الله يخلييك:D كفايه رديت على الردود
<<عندها اختبارات:cry:
يسلموو ع الوجود اللي نورنـا :yes:

الأسطورة..
لا تطمني ماهي انا:D
والحمد لله عقليه اهلي مو هييك:rolleyes:

بنت فهد..
هلا وغلا :)
ياختي جبتيها ع الجرح:D امووت بالسماار انا:p
والله يعطيــك اللي تتنمينه ان شالله :)

أصيلة..
هلا والله ..
تسلمين ع الاجابات .. بس ماتلاحظين شي:rolleyes:
انتي الوحيده اللي كان مع موقف الاهل :) حلووو :yes:
تسلمين ..ويعطيك العافيه ..

مدمن@الزعيم..
هلا فييك :D
لا يابابا محنا جالسين عله على قلووب اهلنا:D
الا بنتشرط ونتشرط:D
واللي يبينا يلبي طلباتنا :rolleyes:

باااك:

عندي مجرد سؤال ناشب لي في مخيخي وعيى يخليني أرتاح إلا لما أقوله :D

السؤال باختصار والمعذرة على اللقافة...!!

وشو التوجيهي ذا؟ :D

الحين أنتي تدرسين (طالبة).... ولا تدرّسين (مدرّسة) ؟

ولو تختصرين وتعلمينا بعمرك يكون أفضل :D:D

واذا السؤال صعب... عادي تقدرين تستخدمين مساعدة حذف السؤال :D


باايوو رورو ....!!