السلام عليكم.. كيفكم يازعماء
بعيداً عن الزعيم وأخبار الزعيم .. أكيد جاكم خبر إقالة
المدرب/باكيتا.. من ذو مبطي والسبب يعود لتخطيط الفاشل
أن كان باكيتا لم يقدم شيء فيا أخي كان من زمان أقلتوه
لكن بعد مشوار طويل والمدرب عرف قدرات اللاعبين تجي
تقووووول ماقدم شي!!!!! .
الكل يعرف المدرب ماتشالا كم أستمر مع المنتخب العماني
حتى أوجد توليفه رائعة من صغار السن .. لعب جماعي ولياقة
وتعاون.
مدرب مانشستر يونايتد له أكثر من خمسة عشر سنه من يوم
بيكهام ( فطفوط ).
والله فشلتونا يالإتحاد السعودي.. هذي حركاتكم.. تالي
( الليل ). طبعاً بركات الصحافة ليل نهار( حش ) في باكيتا
حتى إن المدرب شال شناطة من بدري.. لكن ما نقوووول الا
فضايح يا إتحادنا.
الشتالي/ فكرة حلوووووووووة. بدري.
المصيبة من هو المدرب الجديد.. أيش تاريخه
يقولووون( هيليو انجوس ) الله يستر
وتاريخه تولى تدريب(22) فريقا وحصل على سبع بطولات خلال مسيرته التدريبية من عام 1988 م .
يعني بالعربي .. أول منتخب في حياته وياسعده منتخبنا
لا توسدناها من قلب.
لو أخذوا ميتسو مو كان أحسن على الأقل المدرب هذا قايم حظة
من ذو مبطي.
فاشل ياإتحادنا.

شكراً على مرورك الذي زادني شرفاً

بصرااحة اعتبرها حماقة كبيرة كيف يخططون مع فاندرليم انه بيكون معنا الى 2006


وبعد كم شهر يكرشوونه ويجي اللي بعده ويجلس شهور وبعدين اقالة


افضل مدرب خلال الـ4 سنوات الاخيره



كالديروون نتايجه ممتازه واموره تمام



لكن


شيء يرفع الضغط


على العموم ترى مكان الموضوع مو هنا

مشكور

موضوع ولا أروع

حلوووووووه بيكهام ( فطفوط )

كل الشكل لك يالغالي

قمة التخلف في اتحاد رئيس سرطان بن فهد ..!!

أنا متأكد بعد الشتالي الأمور عال العال

متى يجي اليوم اللي نملك فيه ثقافة تقبل الخساره

بكيتا تعاقدو معه وهم عارفين ايجابياته وسلبياته وكان متميز مع الهلال رغم سلبياته ولو

استمر كان الى الحين محتكرين البطولات المحليه والاسيويه والاقليميه0

واللي اربك بكيتا مع المنتخب طابور الكتاب المرتزقه في النشره العفنه واسئلتهم البليده

الدائمه لماذا يلعب فلان و لماذا لم يلعب فلان0

اسهمو في اقالته كما اقالو الداهيه كلديرون 0

الخاسر الاكبر المنتخب السعودي حيث خسر مدرب يعتبر ملك التكتيك

كما خسره الهلال تحت مبدأ المنتخب اولاً

وخسرالدوري السعودي وجود مدرب عالمي بحجم ماركس بكيتا

اخواني الزعما سوف نشعر بالاسى عندما نراه الموسم القادم في قطر او الامارات

اوالنصر او الاتحاد او الشباب

الا على فكره متى بيقيلون المدرب الجديد ؟؟

الاتحاد بكبره يبيله اقاله خلاااااااااص الكراسي مهي مكتوبه بأساميهم ؟

وانا متأكده ان المنتخب بيجيب العيد باسيا والسبب الارهاق من هالدوري الفاااشل!

المشكله ماهي باللاعبين ولا المدربين المشكله من العقليات المتخلفه اللي الى الان بادارة الأتحاد على كل خساره اقالوا مدرب وجابوا مدرب ؟؟ مدري يحسبون اللاعب السعودي لاعب برازيلي ولا اوروبي يتأقلم مع أي مدرب ؟ متى بنفتك من هالمسلسل المكسيكي افففف...

ملييييينا من المدربين البرازيليين مافي غير المدرسه البرازيليه ؟؟ ولا شكلهم يبون مدرب الكلمه تمشي غصب عليه بكل شي ؟تدخلوا بالخطه بالتكتيك مسوين فاهمين ؟ مكافأت فوز بعد كل مباراه واذا تعادل المنتخب كافؤوه واذا خسر بعد كافؤوه ؟؟

اقاله باكيتا جت بعد رفض باكيتا لأوامرهم اكيد حتى برنامج اعداد المنتخب لكاس اسيا ماعجبهم ؟؟ مدام انهم بيقيلونه ليه يعلونا ويوهقونا ويشيلونه من الهلال ؟؟ الحين ماقالوا فاندرليم بيخلونه لين 2006 ؟؟ هذا هم شالوه .... استنوا شوي على هالمدرب بعد ستة شهور بيقيلونه ... المشكله هيليو انجوس كان مدرب لساو باولوا وأُقيل بسبب الهزيمه المره من فريق برازيلي متواضع ب 7_0 وجايبينه لنا ؟ اقول كل سعودي يختار له
فريق اوربي يشجعه ونفتك من وجع الراس خلااااص الكوره انتهت من بعدك يافيصل بن فهد الله يرحمك ... من 1999 الى 2007 وهم على الخطط العلميه المدروسه عشرين الف مدرب تغير من هذيك الفتره الى الان ؟ماسار شي غير ارتفاع الضغط والسكر الله يعيننا بس
........ الظاهر يبيلنا حمله مثل اللي بالكويت ...........

ياابو الشباب هذاك اسمه مانشستر
ماتقارنه بلاعبينك التعبانين

الحين عسى يصير عندنا دوري زين عشان يصير صحافه

يبون بطولة اسيا بتكر ومنتشري والشله الباقين
اقول رددو ياليل مااطولك

لاتعليق