هلا والله بملك الهلال..!
موضوع حلو.. وظاهرة منتشرة بمساجدنا.. الله المستعان
بالنسبة لي.. من زمان كنت إذا جاتني الهواجيس بالصلاة أتفل على يساري ثلاث مرات وأستعيذ من الشيطان
مثل ما تعلمت في المدرسة..!!
لكني توقفت عنها بعد موقف حصل لي مع شايب عصبي الله لا يوريني وجهه مرة ثانية
كنا بصلاة المغرب وأنا كنت توي صغير ذيك الأيام..
المهم كان الشايب على يساري بالصلاة.. وكنت بكل ركعة تجيني ذكريات ماضية ومشاريع مستقبلية
وكل ما سرحت في الصلاة تفلت على يساري ثلاث مرت..!! لين وصل عدد تفلاتي تسع تفلات -والجميع بكرامة-
المهم بعد الصلاة مسكني الشايب وهزأني تهزيء موب صاحي
قال لي: رح صل ببيتكم ولا عاد تصلي هنا تملأ ثيابنا تفال
ومن يومها صرت اذا شفت الشايب العصبي في طرف الصف أرووح الطرف الثاني عشان ما يشوفني
والله جرح مشاعري وأنا في ريعان الطفولة الله يسامحه
<<
أشكرك أخوي ملك الهلال على الموضوع المهم... وأظن حل المشكلة هو اتباع أمر النبي صلى الله عليه وسلم
في الاستعاذة من الشيطان والتفل على اليسار ثلاثاً ومجاهدة النفس..!!
بس أهم شي: انتبه قبل تتفل يكون على يسارك شايب عنده ضغط أو سكر.. عشان ما تتهزأ