@@الكليــة الأمنية @@محتاج استشارتكم مرحبا 1000 بكل من دخل يا أخوان أنا طالب في كلية اللغة العربية وعلى وشك التخرج وأطمح في الكلية الامنية بعد الجامعة فأبغى استفسر عن مدى القبول في الأمنية هل هو صعب ويحتاجلة واسطة وخصوصا اللي في مثل تخصصي وهل لهم طريقة معينة في قبول الطلاب وهل يهتمون با المعدل والعدد اللي يتقدمون لهم كثير؟..... وغيرها من الاستفسارات أنا زرت موقعهم الرئيسي وأخذت فكرة عنها لكن للأسف بعض الروابط ما تفتح فياليت اذا أحد يعرف عنها شيء أو عنده رأي عنها أو يعرف أحد دخلها يفيدني و يعطيني فكرة أومعلومة عنها............ ومشكورين ما قصرتوا |
الله يوفقك اخوي ماجد اللي اعرفه ان الكلية قبلت العام بتقدير مقبوووووول <<<< سمعت لكن ما اعرف مصداقيتها |
نصيحة اخوي هرول من الحين ترا عندهم اختبار جري ماهو هين ويأخذون من الآوائل في السباق اضافة الى واسطه كبر البعير وانشاء الله تتوفق |
للاسف لا املك المعلومات ولكن استطيع ان ارفع لك يدي وادعوا لك الله يوفقك ويسهل دربك ويكتب لك الي فيه الخيره لك تشــــــــــاو |
شكرا جرح يشكي على هالمعلومة هلا متوسد من ناحية الجري لا تخاف السير عندي متقطع من كثر الجري<< بيعلمكم انه رياضي أما الواسطة اللي كبر البعير هذي مدري من وين بجيبها الله يكتب اللي فيه الخير.... مشكووور أخوي نـــ15ــــمر على هالدعوات والله يتقبل شكرا على المرور _________________ ولانزال ننتظر الدعم من الاعضاء في معلومات أكثر |
هلا باخوي ماجد . ودي اخدمك صراحه لكن انا ماعندي خلفيه عنها !! الوقت متأخر ولا تسان اتصل على ولد عمي متخرج منها قبل فتره وهو برتبة ملازم اول الان بمدينة الرياض :) .. واساله عن ماتريد !! . الله يوفقك ياغالي ..وعقبال مانشوفك باعلى المراتب باذن الله اما الواسطه خل واسطك وتوكلك بالله سبحانه وتعالى قبل كل شئ ثم ...... .. |
انا حاليا على وشك التخرج من الأمن العام جندي بصراحه انا انصحك فيها لكن اهم شي يكون طولك من 168 واكثر ويستحسن لو تظبط نفسك بواسطه |
بتوفيك لك اخوي .. بصراحه فيها واسطه .. بعدين على حسب المعدل عندهم اختبار للياقه . لجنه طبيه : الطول و الوزن والنظر وكل شي المتقدمين كثيرررررررررررررررررررر واغلبهم يعدون اختبار الجنه الطبيه لاكن المشكله في الفرز << هنا يجي دور الواسطه اتمنى لك التوفيق .. |
تبي الصحيح اخوي هي توفيق من اللة واسبابها الواسطة لو ان معدلك1 من 5 لو معك ثانوي بالواسطة تقدر تدخل والوسطة اهم من الشهادة وانا متاكد 100% واللة الذي لاالة الاهو واسئل عنها يوم القيامة اني اعرف ثلاث او اربع نسبتهم الثانوية تحت 65 واذكر واحد منهم 62% انهم داخليين الكلية واعرف واحد عندة كسر بالحوض بسبب حادث ومركب صيخ وبالكلية طبعا اعرفهم معرفة شخصية وسمعت عن شخص قبل 10 سنوات ابوة خوي مع وزير الداخلية وابنة شهادتة متوسط ودخل الكلية الامنية يعني بالعربي اذا مامعك واسطة اللة يعينك |
الله يسهل الواسطة يــــــــــــــــــــــــــــــــــــــــــــــارب لكن ما أدري وش حجم الواسطة اللي تقصدونها با لضبط نقيب مقدم عقيد |
اي شي نقيب ملازم عقيد لواء لو حتى سواق مقدم ولا عقيد الله يوفقك وان شاء الله تنقبل في الكليه بدون واسطه |
الوقت المعتمد في المنتدى بتوقيت جرينتش +3.
الوقت الان » 07:14 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd