نادي الهلال السعودي - شبكة الزعيم - الموقع الرسمي - الهــــــــــلال........ !!!زعيـــــــــــم القرن الآسيــــــــوي!!!

بسم الله الرحمن الرحيم

ابدأ أول مشاركاتي بالحديث عن الزعيم الذي بدأ أول مباراة له في الآسيوية مع الكويت الكويتي والتي انتهت بالتعادل...
طبعا محد ينكر ان الهلاليين كلهم وانا اولهم طلعنا خسرانين من هالمباراة..

ماراح اتحدث واقول الاسباب اللي خلتنا نخسر لأني أعتقد ان الكثير اذا ماقلت الكل يفهم كورة.. لكن ابي اقول أن مثل هالبطولات الكبيرة والدولية يكون المشوار فيها صعب وصعب جدا ويكون التعويض فيها ممكن بدرجة ضئيلة لأنها مو مثل الدوري ولا الكاس..

يجب أن يهيأ لها الجو المناسب لتحقيق أفضل النتائج ولاننسى أن مجموعتنا هي الوحيدة اللي يتأهل فيها فريق واحد والله يستر..

ان تكون المباراة في الرياض وبحضور هذا الكم الهائل والرقم الصعب من الجماهير العاشقة والغيورة ولانستطيع الفوز على فريق مغمور يلعب على أكثر من 3بطولات ونعتذر لأنفسنا بالإرهاق والإصابات إذا متى سنفوز؟؟؟

ياجماعة الخير... البطولات الدولية لها جو مغاير لابد تكون بدايتك صحيحة عشان تاخذ البطولة وعلى تاريخ البطولات الدولية ماراح تلقى فريق بدأ متعثر واخذ البطولة ودي استعرض لكم كم منتخب وكم نادي عجزوا عن تحقيق بطولة دولية بسبب البداية المتعثرة..

أولاً: منتخب البرازيل2002 مانهزم ولا مباراة وحقق البطولة وكانت بدايته جيدة..

ثانياً:منتخب ايطاليا2006 بدايته كانت ممتازة ومستوى صاعد من مباراة إلى مبارة..

ثالثاً:منخب فرنسا2006 صحيح أنه انهزم بضربات الحظ وكان ودي انه يفوز لكن كلمة حق كانت بدايته بالأدوار الأولى سيئة وماكان بيتأهل..

أما على الأندية:
أولاً: برشلونة في أبطال أوروبا الموسم الماضي مستوى أفضل من رائع ولا هزيمة واستحق بجدارة دوري الأبطال..

ثانياً:برشلونة هالسنة طلع من الدوري بسبب البداية المتعثرة ويالله تأهل وكان واضح الفرق عن السنة الماضية..

ثالثاً: انتر ميلان عنده كل المقومات اللي تجعل منه يحقق كل البطولات لاعبين من الطراز الأول الدوري محسوم له وهذا هو طلع من دوري الأبطال بسبب: (بداية متعثرة- مدرب فاشل).

خلاصة الموضوع:-
البطولات العالمية والدولية لها جو مختلف تماما عن أي بطولة وإذا لم يهيأ لها الجو المناسب لم تستطع من تحقيقها..

تمنياتي للزعيم بالتوفيق في هذه البطولة والوصول للعالمية هذه المرة بس ياخوفي لين خذيناها يلغونها زي ماصار من قبل...

ياجماعة محتاج اشوف آرائكم ياليت ماتبخلون علينا...