بسم الله الرحمن الرحيم
اخواني الزعماء هاردلكم على التعادل مع الكويت الكويتي وان شالله نعوضها في المباريات الجايه والزعيم قدها وقدود ان شالله بس ودي اطرح موضوع في نظري هو صحيح ولاني احب المناقشه معكم اخواني قلت اطرحه ونشوف ارائكم الكريمه الموضوع هو اللعب بماهجم واحد وخمسه وسط بنفس طريقة باكيتا طيب الذكر صدقوني اخواني ان هذي الطريقه انسب طريقه للزعيم واذا تبون الاسباب اللي جعلتني اقتنع بالطريقه هذي انا اقولكم ايش هي
محمد الشلهوب وطارق التائب لاعبي وسط مهاجمين من الطراز الاول لكنهم في الشق الدفاعي لايشاركون ابدا وفي نفس الوقت اكثر هجماتهم من الجناحين اذا اثناء الهجمه المرتده علينا دائرة الملعب فاضيه لان الغامدي وعزيز احدهم راح يروح يغطي الاظهره في حالة تقدمهم والثاني راح يضيع وراح يتلخبط هل يروح ويغطي المحور او يروح ويحاول استخلاص الكوره من الخصم اذا انكشف النص وصار الدفاع مكشوف ولكن اذا لعبنا بخمسه وسط راح يكون كالتالي
الشلهوب--------------نواف-------------التائب
لان نواف يتميز بخاصيتين وهي التسديد من خارج منطقة الجزاء واستخلاص الكره من الخصم وهنا اذا عدا الخصم من نواف راح يلاقي خالد عزيز وهو منهك وكلنا يعرف ماشالله عزيز في استخلاص الكره واما في حالة الهجوم صدقوني اخواني ان الكره الايام هذي تعتمد على سياسة القادمون من الخلف لانهم يجون مندفعين ويصعب على المدافع تغطية اللاعب المندفع وهنا راح تكون لنا اكثر من فرصة تسجيل وفي نفس الوقت راح نكون اكثر كثافه في الناحية الدفاعيه ايضا وصدقوني راح نستحوذ على الملعب بالكامل .
اخواني هذي وجهة نظري واتمنى اني اشوف وجهات نظركم ومهما اختلفنا الا اننا نجتمع على حب الهلال
بالتوفيق للزعيم اخوكم املي كبير

خطة جميــــلة

لكن كل شيء راجــع للمدرب

صدقت بكل كلمة قلتها

يكفي ان هالخطة جابت لنا السداسية ..

كل شيء راجع للمدرب

اخواني انا ادري ان كل شي راجع للمدرب بس انا حبيت ارائكم للمناقشه بس وطبعا ماراح يأثر رأينا في المدرب لكن يبقى الموضوع للمناقشه بيننا فقط

مشكووووووووووووووووووووووووووووووووووووووووووووووووور

العفو اخوي ابوسعود ووين الباقين نبي ارائكم يااخوان

الراي ياذيبان ان كلامك توب التوب الهلال لن يظهر ويبدع ويمتع الا بمهاجم واحد الطريقه العالميه التي يلعب بها البرشا والريال ومانشستر

يعني نواف والتايب والشلهوب وعزيز والغامدي وسط والهجوم القناص ياسر وحداني واما الدفاع الطريقه الاعتياديه اثنين سناتر وظهيرين وثم قل لدعيع يفصفص والا يكلم بالجوال والا يطالع الاستديو اهم شي يشغل نفسه لين تنتهي المبارا ترى الفراغ شين

هاذه خطة بسيرو الي مااحد استحمله

والله يا بعدي المدرب جاء للهلال وهذي شغلته



وحتى رئي النادي ليس له دخل في خطة الفريق




المدرب هو الذي يضعها ويحاسب على طريقة لاعبه




والف شكر



وبإذن الله يكون الهلال الإفضل دائماً

خطة جيدة ونجحت في السابق

إقتباس الرسالة الأصلية كتبت بواسطة الكابوني الازرق هاذه خطة بسيرو الي مااحد استحمله

ياأبو الشباب بيسيرو يلعب بنفس الخطه
بس المشكله
إن بيسيرو يميل للدفاع بشكل غير طبيعي وغير مقبول
معقوله في مباراه وحده يلعب ثلاث محاور وحنا مهزومين !!!
كانت قدام الحزم بالرس
أفضل مدرب مر على نادي الهلال السعودي منذ تأسيسه هو المدرب الداهيه باكيتا