#1  
قديم 10/03/2007, 02:00 PM
زعيــم متواصــل
تاريخ التسجيل: 06/04/2003
المكان: مهوب اول لفه ولا ثاني لفة
مشاركات: 140
قصتي مع رئيس نادي الهلال .....

قصتي مع رئيس النادي

هذه القصه من نسج الخيال والغرض منها الايضاح


بعد مباراة الكويت وتوني طالع من الملعب طاقتني البارومة ( قايلكم من الموضوع اللي راح لحد يسألني عن البارومة )
طلعت من الملعب ورحت لسيارتي المازدا البوقس >> ومعنى البوقس هنا غير البوقس (البنية) اللي في بالكم
المهم قعدت الى الساعه ثلاث وانا احاول اشغلها يوم حركت شفت نور سيارة من بعيد قربت قربت
والا هذا رئيس النادي هلااااااااااااا والله
كيف الحال وش عندك ؟

الرئيس : ابد والله نسيت سبحتي وقلت ارجع اجيبها !!
مصطفى:هذي والله الساعة المباركه اللي شفناك فيها (طبعا اكيد تسألون منهو مصطفى ..مصطفى محاكيكم )
مصطفى : اسمع يا رئيس والله ان تركب معي اوصلك تو ما تتبارك المازدا
الرئيس : افا عليك يا ابو المصاطيف ابشر

المهم وحنا داعسين بالمازدا ( 65 كيلو متر في كل 3 ساعات ) قاعدين نسولف عن مستوى النادي يوم خمني بذاك الطلب
الرئيس : ابو المصاطيف وش رايك تجي تدرب الفريق ؟؟؟
وشو وش تقول .. وش لون ومدربكم وش فيه توه جاي ما امداه ..... اني داري انهم خموكم فيه من شفته وانا قايل انه برازيلي على رقم مصري ..... بس تدري وشلون ما عندي مانع ..موافق ..موافق
الرئيس : المدرب البرازيلي بنقول للاعلام اننا اقلناه وبنخليه يساعدك من تحت لتحت
ابو المصاطيف : تم ومالك الا من صلاة الفجر وانا مسنتر في النادي <<<<<<<< (يلعن ام الفله بشوف لعيبة الهلال)

صباح اليوم الثاني

ابو المصاطيف كاشخ بترنج وزارة المعارف << مسوي اديداس ... وقاعد في النادي بدو يجون اللعيبه .. فهد المفرج .. خالد عزيز ..نواف .. سامي .. ياسر .. ابو شلهوب ......... مني مصدق يا ناس انا بحلم والا بعلم
الفريق اكتمل ويناظرون مهوب مصدقين وش ذا المدرب شكله فلته

ابو المصاطيف : يا شباب ابيكم تنسون اللي راح ونفكر في مبارياتنا الجاية وابيكم تعتبروني اخوكم ومالكم الا اعطيكم خطط كنت اسويها في البلاي ستيشن مع ابو خليفه والعيال ... افقع وجيهم تفقيع

الجرايد في نفس اليوم
الرياض : هل التعادل سبب اقالة المدرب ؟؟
الجزيرة : انباء عن اقالة المدرب البرازيلي بعد مباراة الكويت الكويتي واستبداله بمدرب وطني
الرياضيه : المدرب الوطني مصطفى بديلا عن المدرب البرازيلي
الرياضي : خلاف بين سامي الجابر والمدرب البرازيلي ادى الى اقالته!! ( ياحبهم للشر)

النادي مره ثانية وابو المصاطيف كارف اللعيبة بش اب ... يالله ياشباب استحملوا الف وسبعه وسبعين الف وثمانية وسبعين الف وتسعة وسبعين .....

الدعيع : وش اسوي بذا العلة اقوم امزعه مع اذنه والا وش اسوي به
ياسر : يا حلالاة لو يجي راس مصطفى بين رجولي والله لامزعه ظفر عشان يعقل
خالد عزيز : حنا فاضين له ذا هو ويا بدلته
باقي اللعيبة : نفس التفكير !!! كلهم ودهم يكفخون مصطفى

ابو المصاطيف طاق الزقارة ورجل على رجل ويشرب شاهي حليب يالله يا شباب شدو حيلكم الف واربعميه وخمسين . الف واربعمية وواحد وخمسين ..الف واربع مية واثنين وخمسين ..

بعد لحظات يدخل المدرب البرازيلي
البرازيلي : وش عندك انت وجبهتك هنا ( بالبرازيلي )
ابو المصاطيف : وش رايك يعني قاعد اصلح كوع ماصورة الملعب وش اسوي يعني قاعد ادرب ( طبعا رد ابو المصاطيف بالكوري )
البرازيلي : انت مصدق انك مدرب ترانا جايبينك كذا شكل !!
ابو المصاطيف : وشو ... افا .. والله وضاعت عليك يا ابو المصاطيف جايبينك صورة

....
.........
............. بعد كم يوم وبالتحديد ليلة المباراة وبعد خروج اللعيبة من النادي .. ابو المصاطيف محجر لموتر سامي

سامي : وش عندك يا ابو المصاطيف
ابو المصاطيف : قل تم والله ان تتعشى معي الليلة .. مافيه والله ان تقول تم
سامي تم

منزل ابو المصاطيف ..... 2 حبة مع الرز بخاري + 17 لتر لبن
والله ان تاكل يا سامي لازم تتغذى صح << مهوب عاقل مسئول الاغذية

بعد العشى ابو المصاطيف وسامي متسدحين كل واحد في زاوية

نووووووومه

المذن يذن اذان المغرب
سامي صاحي مرتاع : الله ينكبك يا مصطفى قم شف الساعه كم قم
ابو المصاطيف : قل لا اله الا الله ما عليك بيمدينا

سامي وابو المصاطيف راكبين المازدا وداعسين طاقين الطبلون ( 72 كيلو متر كل ثلاث ساعات)
سامي : شغل المكيف
ابو المصاطيف : ماعليك ان شاء الله بركب اسبلت
سامي: طيب شغل الرادو مسجل أي شي
ابو المصاطيف : شف كرتون الفريون اللي ورا فيه معلاق فكه والله لا يهينك ركبه برا
سامي يركب المعلاق
شش فووووو وننن طرررر طالو طالو طالو ششششششششش ششششششششش

بس بس بس مسكنا الاذاعه ارجع

الاذاعه :
سامي الجابر يتخلف عن المباراة بسبب السفر للخارج

الملعب
رئيس النادي : يا شباب ما نبي احد يعر ان المدرب هو البرازيلي خلوها قدام الاعلام ان مدربكم ابو المصاطيف

الملعب
القناة الرياضية مسويه مقابله مع احد الاشخاص !!
وش اسمك ؟
ابو علي
وش رايك بالمباراة اليوم ووش تتوقع ؟
والله نقول ان شاء الله ان المباراة للهلال والنتيجة ان شاء الله 2 /0 للهلال
المذيع : طيب وش رايك بالمدرب
ابو علي : الله يستر
المذيع : طيب وجاهزية اللعيبة ومستواهم ؟
ابو علي : والله هذا الزعيم ولعيبة الزعيم مهوب مقصرين واكيد انهم بعد المباراة اللي راحت تداركو الاخطاء
المذيع : شكرا ابو علي

ننتقل الان الى الشوط الاول من المباراة ... صافرة البداية

هجمات مختلفة من الفريقين ... الدقيقه 25 هدف للفريق الثاني قوووووووووووووووووووووووووووول

انتهى الشوط الاول ... الهلال متأخر.. عليه هدف

اوووووووووووووووووووووووووووووووووووووووووء صوت كعة المازدا ابو المصاطيف وسامي توهم واصلين

الاستديو التحليلي بالقناة الرياضية ( الذهيبة )
المقدم: موجه سؤالا للضيف مارأيك في مستوى نادي الهلال
المحلل ( الضيف) : انا من رأيي ان اللعيبة مالهم ذنب انا احمل الذنب كله لابو المصاطيف هذي الخطه اللي يلعب فيها نادي الهلال خطه معروفه ومعروف عن ابو المصاطيف انه دايم يستخدم هذي الخطه من عرفت ابو المصاطيف وهو ما عنده الا هالخطه . وانا اعاتب ادارة الهلال من هذا المنطلق على اقالة المدرب الاسبق البرازيلي
المقدم : طيب عزيزي المحلل ما رأيك بغياب سامي
المحلل : والله انا اشوف ان سامي اخر ايامه يتدلع وصراحة حضوره وغيابه سيان انا بالنسبه لي ان سامي منتهي من زماااان
المقدم : وقفه اعلانية مدتها عشر دقائق ومن ثم ننتقل واياكم الى ارض الملعب ومراسلنا لاخذ بعض اراء الجماهير في الشوط الاول
بعد انتهاء الاعلانات

المذيع : مرحبا بكم اعزائي المشاهدين مرة اخرى من ارض الملعب
المذيع للمصور : شف هذاك اللي معطينا ظهره رح له بسرعه
المذيع : السلام عليكم
المذيع وجهه انصفق وشهب خشمه هو ويا بلوزته اللي ما غيرها من سبع مباريات
المذيع : مرحبا بك اخ ابو علي مره ثانية وودنا نوجه لك كم سؤال ؟
ابو علي : تفضل انت وهاللي رابطه على رقيتك
المذيع : وش رايك بمسوى الهلال ؟
ابو علي : ياخي مستواهم سيء واللعيبه منغرين والشرهه موب عليهم على اللي يجي يشوفهم
المذيع : طيب ابو علي قبل ما نروح للشوط الثاني وش رايك بالمدرب ابو المصاطيف
ابو علي : يجاوب وهو يمشي .. البرازيلي احسن منه

يبدأ الشوط الثاني
ونلاحظ على دكة الاحتياط وجود اللاعب الكبير سامي الجابر والمدرب ابو المصاطيف

الدقيقه 15 ..... ماشي ياسر وهيه هيه قووووووووووووووووووووول يا سلام عليك يا قناص
الدقيقه 30 ... ضربة حره للهلال يقوم بتسديدها المهوب الشلهوب
يسدد ويا سلااااااااااااااااااااام قوووووووووووووووووووووووووووووووووووول الله عليك يا شلهووووووووووب

انتهت المباراة لصالح نادي الهلال

المذيع ابو قميص اشهب يراكض يدور احد يسوي معه لقاء
المذيع للمصور : انحش انحش
المصور : ليه عسى ماشر
المذيع: هذا ابو علي انحش عنه
ابو علي : تعال
المذيع : يالله الشكوى لله نسوي معه لقاء بعدين نشوف غيره
المذيع : وش رايك بالمبارة يا ابو علي ؟
ابو علي : هذا الزعيم ولعيبة الزعيم عودونا على كذا
المذيع طيب وش رايك بابو المصاطيف ؟
ابو علي : وهو ماشي..... احسن من البرازيلي
المذيع : ننتقل واياكم اعزائي المشاهدين الى الزملاء في الاستديو التحليلي

الاستديو
المقدم : عزيز الضيف ممكن تعطينا رأيك بعد انتهاء المباراة
المحلل (الضيف ) : والله اول شي احب اهنئ نادي الهلال على هذا المستوى الجيد ولو قلنا ان مستواهم الشوط الاول كان افضل ولكن حضور لاعب كبير مثل سامي الجابر في دكة الاحتياط تعتبر هزيمة نفسيه للخصم والمدرب كان خطته هجومية وهذا ما يحتاجه الفريق في مثل هذه المباريات
المقدم : بس انت قلت بين الشوطين ان المدرب خططه معروفه وسيئه ؟
المحلل : صح انا قلت كذا الا انه استخدم تكتيك جديد بعض الشئ في هذه المباراة بعكس المدرب البرازيلي الذي يزج بفريق على رتم واحد .
المقدم : شكرا لك

الجرايد في اليوم المقبل

الرياض : ابو المصاطيف افضل من البرازيلي
الجزيرة : مصطفى يستخدم تكتيك ارجنتيني يخطف بها المباراة
الرياضية : صطفتها يا ابو المصاطيف ..ابو المصاطيف اطلاقا افضل من البرازيلي
الرياضي : ابو المصاطيف في صورة غير اخلاقية داخل احد بارات البحرين << ياحبهم للشر


انتهى
اضافة رد مع اقتباس
  #2  
قديم 10/03/2007, 02:12 PM
موقوف
تاريخ التسجيل: 07/10/2004
المكان: K-S-A
مشاركات: 2,285
نظحك ؟؟

ههههههههههههههههه
اضافة رد مع اقتباس
  #3  
قديم 10/03/2007, 02:14 PM
زعيــم متواصــل
تاريخ التسجيل: 06/04/2003
المكان: مهوب اول لفه ولا ثاني لفة
مشاركات: 140
شكرا

اهم شي انك قريته مو لازم تضحك
اضافة رد مع اقتباس
  #4  
قديم 10/03/2007, 02:14 PM
موقوف
تاريخ التسجيل: 08/07/2005
مشاركات: 90
ماشالله على المدرب الوطني اللي اسمه مصطفى. الا ان كان الاخ سوداني ويقصد الهلال السوداني

اش المطلوب الحين ؟ نضحك؟

ياخي روح شوف لك شغلة تنفعك بدل مانت قاعد تغث خلق الله. يازول
اضافة رد مع اقتباس
  #5  
قديم 10/03/2007, 02:22 PM
زعيــم متألــق
تاريخ التسجيل: 29/09/2006
المكان: Riyadh
مشاركات: 1,487
هههههههههههههههههههههه
اما مدرب ههه
والله لو في الجمعان ان يمغطك <<<<< لووووووووول
اضافة رد مع اقتباس
  #6  
قديم 10/03/2007, 02:24 PM
زعيــم متواصــل
تاريخ التسجيل: 06/04/2003
المكان: مهوب اول لفه ولا ثاني لفة
مشاركات: 140
لاحول ولاقوة الا بالله

شكرا على المرور وبعدين الزول من خلق الله لا فرق بين عربي واعجمي الا في تقوى الله

والحال من بعضه كلنا في المنتدى مالنا شغل ودك تنصح انصح نفسك قبل ما تنصح الاخرين

مع الشكر لك على قراءة الموضوع
اضافة رد مع اقتباس
  #7  
قديم 10/03/2007, 02:26 PM
زعيــم متألــق
تاريخ التسجيل: 11/12/2006
المكان: الرياض
مشاركات: 1,422
ابو المصاطيف
مشكور
اضافة رد مع اقتباس
  #8  
قديم 10/03/2007, 02:26 PM
زعيــم متواصــل
تاريخ التسجيل: 06/04/2003
المكان: مهوب اول لفه ولا ثاني لفة
مشاركات: 140
إقتباس
الرسالة الأصلية كتبت بواسطة FLEE LAM
هههههههههههههههههههههه
اما مدرب ههه
والله لو في الجمعان ان يمغطك <<<<< لووووووووول



هههههههههههههههههههههههههههههههههههههههههههههههههههههههههههههههههههههههههههههههههههههه
الله يرجك اي والله اشوى انه معار

شكرا على تعقيبك
اضافة رد مع اقتباس
  #9  
قديم 10/03/2007, 02:27 PM
زعيــم مميــز
تاريخ التسجيل: 22/10/2005
المكان: الــظــهــران
مشاركات: 3,457
إقتباس
نظحك ؟؟

ههههههههههههههههه

إقتباس
ماشالله على المدرب الوطني اللي اسمه مصطفى. الا ان كان الاخ سوداني ويقصد الهلال السوداني

اش المطلوب الحين ؟ نضحك؟

ياخي روح شوف لك شغلة تنفعك بدل مانت قاعد تغث خلق الله. يازول

وش ذا الاسلوب البآيخ

الرجآل يقص (قصة) وقصدهـ وآضح ومعروف .. واللبيب بالإشآرة يفهم ..

بس الظآهر ان العقول في اجآزة هـ الايآم
اضافة رد مع اقتباس
  #10  
قديم 10/03/2007, 02:30 PM
الصورة الرمزية الخاصة بـ أبو ياسر الهلالي
زعيــم مميــز
تاريخ التسجيل: 16/12/2006
المكان: الرياض
مشاركات: 3,461
88
ههه
اضافة رد مع اقتباس
  #11  
قديم 10/03/2007, 02:31 PM
زعيــم متواصــل
تاريخ التسجيل: 06/04/2003
المكان: مهوب اول لفه ولا ثاني لفة
مشاركات: 140
قلب الحوت شكرا على المرور

الاخ ميتو اشكر كلامك واشكر مرورك
اضافة رد مع اقتباس
  #12  
قديم 10/03/2007, 02:41 PM
الصورة الرمزية الخاصة بـ taroki
زعيــم مميــز
تاريخ التسجيل: 07/08/2003
المكان: Saudi Arabia
مشاركات: 3,490
ابو المصاطيف ...

الله يرحم ايام بوسيرو
اضافة رد مع اقتباس
  #13  
قديم 10/03/2007, 03:18 PM
زعيــم فعــال
تاريخ التسجيل: 26/07/2006
المكان: الرياض
مشاركات: 478
ابو المضاطيف لو انه صدق وش يكون موقفك ؟؟؟؟ وحلو التعليق الي على الرياضي
اضافة رد مع اقتباس
  #14  
قديم 10/03/2007, 03:28 PM
زعيــم متواصــل
تاريخ التسجيل: 06/04/2003
المكان: مهوب اول لفه ولا ثاني لفة
مشاركات: 140
إقتباس
الرسالة الأصلية كتبت بواسطة gado3
ابو المضاطيف لو انه صدق وش يكون موقفك ؟؟؟؟ وحلو التعليق الي على الرياضي


تبي الصدق مدري وش موقفي بالظبط لاني غير مؤهل ابد

لكن ااتمنى للهلال الافضل دايم

واشكرك على مرورك
اضافة رد مع اقتباس
  #15  
قديم 10/03/2007, 03:41 PM
زعيــم نشيــط
تاريخ التسجيل: 23/03/2005
المكان: الرياض
مشاركات: 690
شكرا
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:09 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube