هذي اطرف مواقف - ماهيب مواقف سيارت - مرت علي بحياتي وهي ==

1- مرة من المرارير كنت ادرس بثالث مدري بثاني ابتدائي المهم سالن المدرس وش عندكم يقصد وش عندكم درس الحين انا كمخة احسبه يقصد وش عندكم بالبيت ولا ابوي عاد توه شارين لنا فرن ابو جرس اللي له توقيت قلت عندنا فرن جديد توه شاريه ابوي يقول كذا دررررررررررررررررررررررررررررن السمرمدي يحسبن اتطنز عليه مادريت الا هاك الكف اللي مشوت يمشي مية وستين موقع على علباتي

2- مرة من المرات تعرفون توي صغير يمكن ابو 16 او 17 سنة مراهق يعني بس لاتطنزون عاد تكفون كان فيه بنت لجيراننا مزيوووووووووووونة بلحيل وكنت الصراحة معجبن بها وهي عندها بسطة وتبيع تعرفون منول البسطات شنطة ومجمعين بها بساكيت وحلاو وعلوك وشختك بختك وعلوك طرزان - الله يلعن بليسهم منول على طاري طرزان يفكون العلوك كلها ويطلعون رقم واحد اللي علكه كبير وحنا مغير يالله اشتر من طرزان نحتري رقم واحد وهم ساحبينه اهل البسطة انواااااع الغش منول - المهم ادري جنحت بكم شوي بس ماعلينا اقول والبنت هذي عندها بسطة ومعجبتن وتعرفون اخوكم ذهين اروح بريال لم بيتهم علشان اشري منها وكله علشان اشوفها واملى عيوني من هاك الخشة اللي ولا خشة باسكال هالحين والى مني شريت منها اتعذر ابي اقعد اطول وقت عندهم حتى اشوفها اقول لها تكفين روحي جيبي لي ماء ظميان وتروح هي على نيتها وانا لي قصد من ارسالي لها حتى اسرق منها ريال ولا نص ريال علشان ارجع عقب شوي اشتري منها وهذا انا اجي لمها بريال وارسلها تجيب ماء واسرق ريال ثاني او نص ريال ومرة - شوفوا عقوبة الله وشلون - ارسلتها تجيب ماء ويوم جيت اخذ ريال حتى ارجع اشريبه منة مالقيت الا نص ويوم جت لمي بالماء ما امدان اغبيه قمت حطيته بافمي وعطتن الماء وبلشت بالنص بافمي المهم قمت شربت الماء مادريت الا النص رايح مع الماء وانا اعوذ بالله اغص والله العظيم بغيت اموت المشكلة خفت اعلمها تقول ايه اثرك انت اللي تسرقن قبل وان اسكت مت وعرفت ليه المصريين يقولون اللي اختشوا ماتوا بس ولو قلت والله اموت ولا تزعل من ولا تقول هذا سروق وتغير نظرتة بي لانة كانت مستلطفتن صراحة ولا ودي اخسرها والله وانا اعظ طرف ثوبي وركض على البيت واضرب لك بالموز والتفاح لين راح النص اشوا ونزل بالبطن ولا منول واقفن بحلقي والله شوي ولا كان الحبحر في خبر كااااااااان حشى صار موقف تريلة هذا كل هالكتابة وموقف واحد بس
ادري دبلت كبودكم بس يالله عاد تحمولن شوي تعرفون مبطي عن المنتدى ومتحمس بس تراها ما تطول ايام واهجد ماعليكم هههههههههه