|
أحلام مجنون الأسهم00000قصيدة المحرقة المحرقــــة يوم المؤشر كان واحد وعشرون رسمت صورة واسعة في خيالي كنت أتخيل إني أكون واكـــــــون واحد من أصحاب السمو والمعالي المحفظة فيها ثلاثين مـلــيــــون ريال فوق ريال ينطح ريــــالــــي والجيب ليكزس والشبح أبوعيون وجمس ٍ من اليوكن فئات الدينالــي والقصر مبني آخر طراز وفنــون وازيـّنـه من كـل غــالــي وغــالـــي وأخذ بنيّــة تشبه البدر بالكـــــون بنـت ٍ هنوف ٍ من بنـات الحـلالـــــي وأخذ من الجوال خمسة تليفـــون برقم ٍ مميز كــلهــنـّـه قـبــــالــــــــي وأيضا من المحمول خمسة يلقون شاشاتها تلمـــع تــقــول اللآ لـــــــي وبشت ٍعلى الأكتاف بالعود مدهون وامشـــي مع العالم وأميـــل عقالـــي وفيزاوماستركارد بالجيب مضمون وأسج في أرض الله جنوب وشمالـي مرة على لندن ومـــرة عــلى بون وأعيش في الدنيا على ما طرالــــــي والناس حولي كلهم لي يهــنــون ربعي وجيراني وعــمي وخـــالــــــي هذي حلومي كنها أحلام مجنــون أحلام وأوهام ٍ تــهـــد الجبــــالـــــــي فزيت منها بعد ما صرت مغبـــون لا واحسافه من حلوم اللــيــــالـــــــــي كنت بقناعة في سعادة وممنــــون الســـتر يضفاني ومســـتور حـــالــــي أكدح في الدنيــــا مع اللي يكدُون وافرح ليا وفـــرت لــقـمة عـيــالــــي وطبيت في سوق الوهم سوق ملعون وخــسـرت مرباحـي مع رأس مــالـــي ما جبتها إلا (كمبيالات) وديـــون وضيعتها يومن عقلـــي هــبـــــالـــــــي جونا (خفافيش) الظلام يتخبون خلف الستار اللي قوي الحـــبــــالـــي وصاروا بعدنا بالملايين يهنــون وحنـا وصـلنـا الفـقــر واعــزتــالـــي وش عاد يا روس الهوامير تبغون ما خفتوامن الله عزيــز الجـلالــــــــي سوق ٍ تمشونه على ما تريـــدون مــرة صبا وأمــــرار تعصف عوالــــي (والمحرقة) زدتوا حطبها تشبون وأكلت لحمنا وأصبح العظم بـــالـــــــي تكفون بالله يا الاجاويد تكفــــــون أقولـهـا للـقـائــد ابــن الحـــلالــــــــي تكفى يابـو متعب عيالك ينـــادون وقفتك ياالطيب كريـــــم الســـــبالــــــي حنّـا بغــبــة بحــر ما فيه قانــــون كبيرنا يأكــل صــغــيــر العـــيالـــــــــــي سوق ٍ توشح من سنة بأحمر اللون ينزف ولا عن حالته من ســـؤالـــــــــي وبيتٍ بـليـا ساس مهما يقـولــون يطيح لو إنه وصـــل للــعــــلا لـــــــــي شعر:صالح الحارثي منقووووووووووووووول |
ههههههههههههههههههههههههههههههههههههه الله يادنيا ماكل مايتمناه المرء يدركه http://safi00./hhhhhlal.jpg |
| الوقت المعتمد في المنتدى بتوقيت جرينتش +3.
الوقت الان » 12:44 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd